თბილისი, 4 აგვისტო — Sputnik. ერევნის დავიდაშენის კვარტალში, სადაც აფეთქება მოხდა და მას ერთი ადამიანი ემსხვერპლა, გუშინ, 3 აგვისტოს კიდევ ოთხი ნაღმი აღმოაჩინეს, იუწყება "Sputnik-სომხეთი".
ქვეყნის საგანგებო სიტუაციების სამინისტროს მონაცემებით, ადგილზე გავიდნენ სამოქალაქო თავდაცვის საინჟინრო-გამნაღმველთა ჯგუფი და სამინისტროს კრიზისული მართვის ეროვნული ცენტრის ჯგუფი. საბრძოლო მასალა მათ სომხეთის თავდაცვის სამინისტროს განაღმვის ცენტრში გადაიტანეს.
მომხდართან დაკავშირებით აღძრულია სისხლის სამართლის საქმე.