დავით–გარეჯის სამონასტრო კომპლექსი

საქართველო და აზერბაიჯანი საზღვრის დელიმიტაციის საკითხს შემოდგომაზე განიხილავენ

99
(განახლებულია 14:05 26.07.2017)
საზღვრის დაზუსტების სამუშაოების თითქმის 70 პროცენტი შესრულდა, მაგრამ 2007 წლიდან დელიმიტაციის პროცესს პრობლემები შეექმნა.

თბილისი, 26 ივლისი — Sputnik. საქართველო და აზერბაიჯანი შემოდგომაზე თბილისში კონსულტაციებს გამართავენ საზღვრის დელიმიტაციის თაობაზე, იუწყება საინფორმაციო სააგენტო РИА Новости აზერბაიჯანულ სააგენტო Trend-ზე დაყრდნობით.

„კონსულტაციებისას იგეგმება სახელმწიფო საზღვრის ხაზის გავლების საკითხის განხილვა და შეუთანხმებელი უბნების შესახებ მსჯელობა“, — მოჰყავს Trend-ს წყაროს სიტყვები.

სააგენტოს ინფორმაციით, საქართველო და აზერბაიჯანი მიმდინარე წელს აპირებენ სახელმწიფო საზღვრის დელიმიტაციის შესახებ მოლაპარაკებების დასრულებას. ამ თემის დასრულების აუცილებლობაში ორივე მხარე დარწმუნებულია და ამაზე ორივე ქვეყნის საგარეო საქმეთა სამინისტროებმა უკვე გააკეთეს განცხადებები.

საქართველოსა და აზერბაიჯანის საერთო საზღვარი 446 კმ-ს შეადგენს, რომლის მესამედი ჯერ კიდევ არ არის დელიმიტირებული. ორმხრივი მთავრობათშორისი კომისია სახელმწიფო საზღვრის დელიმიტაციისა და დემარკაციის საკითხებში 1996 წელს შეიქმნა. განვლილი 15 წლის განმავლობაში საზღვრის დაზუსტების სამუშაოების თითქმის 70 პროცენტი შესრულდა, მაგრამ 2007 წლიდან დელიმიტაციის პროცესს პრობლემები შეექმნა.

ოფიციალური თბილისი სადავოდ მიიჩნევს დავით–გარეჯას სამონასტრო კომპლექსისა და სოფელ ერისიმედის ტერიტორიებს. აღნიშნული საკითხი საკმაოდ მტკივნეულია საქართველოსთვის გამომდინარე სამონასტრო კომპლექსის კულტურულ-ისტორიული და სულიერი ფასეულობებიდან.

99
სასწრაფო დახმარება ერევანში

სახიფათო მდგომარეობა: COVID-19 სომხეთში სწრაფი ტემპებით ვრცელდება

132
(განახლებულია 18:21 04.07.2020)
სომხეთის ხელისუფლება მოუწოდებს მოსახლეობას ინფექციის გავრცელების აღსაკვეთად დაიცვან ეპიდემიის საწინააღმდეგო ნორმები

თბილისი, 4 ივლისი – Sputnik. სომხეთში კორონავირუსით ინფიცირების დადასტურებული შემთხვევების რაოდენობა 27 900-მდე გაიზარდა, იუწყება Sputnik-სომხეთი დაავადებათა კონტროლისა და პროფილაქტიკის ცენტრზე დაყრდნობით.

სომხეთში კორონავირუსით გარდაცვლილი პაციენტის ცხედარი დაკარგეს >>

გასულ დღე-ღამეში კორონავირუსით ინფიცირების 580 შემთხვევა გამოვლინდა. ყოველდღიურად სომხეთში (რომლის მოსახლეობა 3 მილიონ ადამიანზე ნაკლებია) COVID-19-ით ინფიცირების 500-მდე შემთხვევა დასტურდება, რაც ეპიდემიოლოგებისა და ხელისუფლების შეშფოთებას იწვევს.

საერთო ჯამში კორონავირუსით გამოწვეული გართულებებით სომხეთში 477 ადამიანი გარდაიცვალა (გასულ დღე-ღამეში - 8). კორონავირუსის დიაგნოზის მქონე, თუმცა სხვა მიზეზებით გარდაცვლილი პაციენტების რაოდენობა 157-მდე გაიზარდა (გასულ დღე-ღამეში - 1).

კორონავირუსი 15 935-მა პაციენტმა დაამარცხა. მკურნალობის კურსს გადის 11 331 პაციენტი. ქვეყანაში კორონავირუსის გამოსავლენად სულ ჩატარდა 120 245 ტესტი.

სომხეთში 16 მარტიდან 13 ივლისამდე საგანგებო მდგომარეობის რეჟიმი მოქმედებს. აკრძალულია მიტინგები და თავყრილობები. პირბადის ტარება სავალდებულო გახდა.

132
თემები:
COVID-19-ის პანდემია მსოფლიოში
კარანტინი სომხეთში

სომხეთში კორონავირუსით გარდაცვლილი პაციენტის ცხედარი დაკარგეს

126
გარდაცვლილი ქალის ნათესავების თქმით, მორგში სანიტარს ცხედრები აერია და ქალის ცხედარი გადასცა სხვა ოჯახს, რომელმაც ის უკვე დაკრძალა

თბილისი, 1 ივლისი - Sputnik. სომხეთში კორონავირუსით გარდაცვლილი ქალის ნათესავები ორი დღე მის ცხედარს ვერ პოულობენ, იუწყება Sputnik-სომხეთი.

ქალის შვილიშვილმა დახმარებისთვის მიმართა პარლამენტის დეპუტატს „აყვავებული სომხეთიდან“ ნაირა ზოგრაბიანს.

გარდაცვლილის ნათესავების თქმით, სანიტარმა, რომელიც გარდაცვლილის ცხედარს მორგში მიასვენებდა, ქალის სახელი და გვარი არასწორად ამოიკითხა და ცხედარი სხვა ოჯახს გადასცა. სავარაუდოდ, ქალი სხვა ადამიანის ნაცვლად უკვე დაკრძალეს, აღნიშნა მან. მსგავსი რამ შესაძლებელი გახდა იმის გამო, რომ ინფიცირებულების ცხედრებს დალუქულ სასახლეებში კრძალავენ.

შემთხვევის გახმაურების შემდეგ, ჯანდაცვის სამინისტროს პრესმდივანმა ალინა ნიკოგისიანმა აღნიშნა, რომ უწყება და პოლიცია ინფორმირებულია ინციდენტის შესახებ და ამ საკითხზე მუშაობენ.

„ამ მომენტისთვის დეტალებს არ ვასაჯაროებთ, თუმცა საჭიროების შემთხვევაში დნმ-ის ტესტი ჩატარდება“, - დაწერა მან.

ჯანდაცვის სამინისტროს პრესმდივანმა ყველას თავშეკავებისკენ მოუწოდა და განაცხადა, რომ მომავალში აღნიშნულ შემთხვევასთან დაკავშირებით დამატებით დეტალებს გაასაჯაროებს.

1 ივლისის მდგომარეობით, სომხეთში კორონავირუსით ინფიცირების დადასტურებული შემთხვევების რაოდენობა 26 065-ს აღწევს. გამოჯანმრთელდა 14 563 ადამიანი. კორონავირუსით გამოწვეული გართულებებისგან გარდაიცვალა 453 ადამიანი, კიდევ 149 - სხვა მიზეზების გამო.

126
თემები:
COVID-19-ის პანდემია მსოფლიოში
თხევადი გაზის გადამზიდი ტანკერი

მიმოხილვა: ევროპა და აზია ამერიკულ გაზზე უარს ამბობენ

0
(განახლებულია 14:09 09.07.2020)
ევროპასა და აზიაში ცისფერი აირის ფასები მრავალწლიან მინიმუმადეა დაცემული. აშშ–ის ენერგეტიკის სამინისტროშიც კი აღიარეს, რომ ამერიკული გათხევადებული ბუნებრივი აირის შეძენას არანაირი რეზონი არ აქვს.

ნატალია დემბინსკაია

კლიენტებმა ზაფხულში  დაგეგმილ ასზე მეტ მიწოდებაზე თქვეს უარი. შედეგად ექსპორტი თითქმის 63,6%-მდე დაეცა. რატომ არ სჭირდება არავის ოკეანისგაღმური გაზი?

ფასები დაეცა

გასულ წელს აშშ–ში ბუნებრივი გაზის ნეტო–ექსპორტმა 54,7 მლრდ კუბომეტრს მიაღწია — 20,7 მილიარდით მეტს, ვიდრე 2018 წელს. გათხევადებული ბუნებრივი აირის უმსხვილესი მწარმოებლის, Cheniere Energy–ს მონაცემებით, პირველ კვარტალში მსოფლიო გაყიდვების მოცულობამ 100 მლ ტონას მიაღწია — ათი მილიონით მეტს, ვიდრე 2019 წელს. ზრდა ძირითადად ამერიკელებმა უზრუნველყვეს.

გეგმები ამბიციური იყო: 2020 წელს 67,2 მლრდ კუბომეტრი, 2021 წელს კი — 79,5 მლრდ. ეს მაჩვენებლები იანვარში აშშ–ის ენერგეტიკის სამინისტროს ინფორმაციის სამმართველომ (EIA) გაახმოვანა. მაგრამ უკვე ნათელია, რომ ეს არ მოხდება.

თბილი ზამთრისა და კორონავირუსის პანდემიის გამო ევროპასა და აზიაში გაზის ბაზრები ცამოიშალა. ასე მაგალითად, ჰოლანდიურ ჰაბ TTF–ზე ფასები პირველად ოთხი თვის განმავლობაში ორჯერ დაეცა გასული წლის ანალოგიურ პერიოდთან შედარებით, ხოლო სპოტური მიწოდებები იაპონიაში 44%-ით შემცირდა.

უკვე აპრილში ამერიკული თხევადი გაზის ექსპორტი ევროპაში ეკონომიკურად მიზანშეუწონელი გახდა. მსხვილმა ევროპულმა და აზიურმა კომპანიებმა ივნის–ივლისის კონტრაქტები გააუქმეს.

Bloomberg–ის მონაცემებით, აშშ–ში თხევადი გაზის ქარხნების განტვირთვა აპრილში თითქმის 30%-ით შემცირდა, მაისში ექსპორტმა მესამედზე მეტით დაიკლო — მათ შორის, კორონავირუსული შეზღუდვების გამოც.

ეკონომიკურად არასიცოცხლისუნარიანი

აშშ–ის ენერგეტიკის სამინისტროს ენერგეტიკული ინფორმაციის სამმართველოს ივნისი პროგნოზი მეტად პესიმისტურია. ევროპელმა და აზიელმა კლიენტებმა უარი ტქვეს თხევადი გაზის 110 პარტიაზე. გაზის მიწოდება ამერიკულ საზღვაო ტერმინალებზე  მარტის შემდეგ ორჯერ შემცირდა.

„დაბალმა სპოტურმა ფასებმა ბუნებრივ აირსა და გათხევადებულ გაზზე ევროპასა და აზიაში შეასუსტა აშშ–დან ექსპორტის სიცოცხლისუნარიანობა, რომელიც მეტად მგრძნობიარეა ფასების მიმართ“, — აცხადებენ EIA–ს ანალიტიკოსები.

მათი შეფასებით, ივნისში აშშ–დან ევროპასა და აზიაში საშუალოდ 101 მლნ კუბომეტრია გაგზავნილი დღე–ღამეში, ხოლო ივლისსა და აგვისტოში 62 მლნ იქნება. ეს კი საექსპორტო პოტენციალის 25%-ზე მეტი არ არის.

განაგრძობს დაცემას

დადასტურდა ექსპერტების გაფრთხილება იმასთან დაკავშირებით, რომ კლიენტები ოკეანისგაღმურ გაზზე უარს მინიმუმ ზაფხულის ბოლომდე იტყვიან: აშშ–ში ფიუჩერსული ფასები ევროპულს სექტემბრამდე აჭარბებს.

„ვინაიდან ფასობრივი უპირატესობა პრაქტიკულად გაქრა, ამერიკულ მიწოდებებზე უარის თქმა მხოლოდ დროის ამბავი იყო“, — განაცხადა ამერიკის სტრატეგიული და საერთაშორისო კვლევების ცენტრის ექსპერტმა ნიკოს ცაფოსმა.

როგორც ეროვნული ენერგეტიკული უსაფრთხოების ფონდის წამყვანი ანალიტიკოსი იგორ იუშკოვი განმარტავს, ახლა მყიდველები მზად არიან გადაიხადონ ამერიკულ გათხევადებულ გაზში იმდენი, რამდენიც გათხევადებისა და ტრანსპორტირების საოპერაციო გარხებსაც კი ვერ დაფარავს. მთავარი დაზარალებული — ეს პირველი და უმსხვილესი ამერიკული ტერმინალი Sabine Pass–ია: ქარხანა 2016 წლიდან მხოლოდ წაგებაზე მუშაობს.

ენერგეტიკის სამინისტროს ინფორმაციით, აშშ–დან გათხევადებული აირის ექსპორტმა 2020 წლის პირველ ოთხ თვეში საშუალოდ 218 მლნ კუბომეტრი შეადგინა დღე–ღამეში, მაგრამ 17%-ით დაეცა აპრილიდან მაისამდე პერიოდში. EIA–ში ელოდებიან, რომ მიწოდებები სექტემბერში დაიწყებს ზრდას, ვინაიდან მსოფლიო მოთხოვნა ბუნებრივ აირზე თანდათანობით აღდგება.

ჭარბი გაზი

მაგრამ უმსხილესი საინვესტიციო ბანკები ასე ოპტიმისტურად არ არიან განწუობილნი. როგორც ანალიტიკოსები განმარტავენ, მსოფლიშო საწვავის უზარმაზარი მარაგი დაგროვდა. გათხევადებული ბუნებრივი აირის საერთაშორისო ვაჭრობა ჩამოიშალა, გადაიკეტა რა მნიშვნელოვანი არხები ამერიკელი მეფიქალეებისთვის. ხოლო რამდენადაც ნავთობი ისევ გაძვირდა ერთ ბარელზე 40 დოლარამდე, მენავთობეებმა მოპოვება განაახლეს და გვერდითი პროდუქტის სახით ბაზარზე ბევრ იაფ გაზს უშვებენ.

ევროპაში ფასების ვარდნის გამო ამერიკული თხევადი გაზი მოთხოვნადი აღარ არის. ახლა საზღვარგარეთ გაყიდვის ნაცვლად, მას რეზერვუარებსა და საცავებში ქაჩავენ.

Goldman Sachs–ის დათვლით, ექსპორტის გაუქმების გამო ამერიკული მარაგები 21,52 მლრ კუბომეტრით გაიზრდება. ერთი წლის წინ დაფიქსირებული დონე უკვე თითმის მესამედითაა გაზრდილი, ხოლო ბოლო ხიუთი წლის საშუალო მაჩვენებელს 18%-ით აღემატება. ოქტომბრისთვის ქვეყნის შესაძლებლობები გაზის შენახვასთან დაკავშირებით შესაძლოა ამოიწუროს, რაც გათხევადებული აირის მოპოვებასა და წარმოებას რეკორდულად შეამცირებს.

რედაქცია შესაძლოა არ ეთანხმებოდეს ავტორის მოსაზრებებს

0