თბილისი, 12 ივნისი — Sputnik. ბაქოდან 12 კილომეტრში ტალახის ვულკანი კეირიაკი ამოიფრქვა, იუწყება "Sputnik-აზერბაიჯანი" აზერბაიჯანის ეკოლოგიისა და ბუნებრივი რესურსების სამინისტროზე დაყრდნობით.
აღსანიშნავია, რომ ვულკანმა 2,5-წლიანი ძილის შემდეგ გაიღვიძა.
ამოფრქვევა 15 წუთის განმავლობაში გრძელდებოდა. ამოფრქვევის პროდუქტი 3,5 ჰექტარის ფართობზე გავრცელდა და მისი სისქე 20 სმ-დან 3 მეტრამდე მერყეობდა.
ამოფრქვევის შედეგად ახლომდებარე დასახლებული პუნქტის მოსახლეობა არ დაზარალებულა.
