კასპიის ზღვაზე შტორმმა საქართველოსა და აზერბაიჯანში ვაგონების დაგროვება გამოიწვია

© photo: Sputnik / Ruslan Krivabokსატვირთო შემადგენლობა
სატვირთო შემადგენლობა - Sputnik საქართველო
გამოწერა
საქართველოს რკინიგზაზე დიდი რაოდენობით ვაგონების დაგროვების მიუხედავად საქართველოს პორტებში შუა აზიისთვის განკუთვნილი ტვირთების დამუშავება გრძელდება.

თბილისი, 12 დეკემბერი— Sputnik. კასპიის ზღვაზე შტორმისა და ძლიერი ქარის გამო საქართველოდან აზერბაიჯანის გავლით შუა აზიის ქვეყნების მიმართულებით სატრანზიტო ტვირთების გადაზიდვები დიდი შეფერხებებით ხორციელდება, იუწყება სააქციო საზოგადოება „საქართველოს რკინიგზა“.

მიმდინარე წლის 20 ოქტომბრის შემდეგ დღემდე უამინდობის გამო საბორნე გადასასვლელს არ უმუშავია 16 დღე-ღამის განმავლობაში, რამაც თავისთავად გამოიწვია როგორც აზერბაიჯანის, ასევე საქართველოს რკინიგზაზე დიდი რაოდენობით საბორნე ვაგონების დაგროვება. 7 დეკემბრის მდგომარეობით, ორივე რკინიგზაზე შეჩერებულია ათასზე მეტი ვაგონი.

სარკინიგზო პარკის გადატვირთვის მიზეზით აზერბაიჯანის რკინიგზა შეფერხებით იღებს საქართველოს რკინიგზიდან შუა აზიისკენ მიმავალ ვაგონებს, რამაც თავისთავად საქართველოს რკინიგზაზე დიდი რაოდენობით ვაგონების დაგროვება გამოიწვია. მიუხედავად ამისა საქართველოს რკინიგზაზე შუა აზიის მომართულებით ვაგონების დატვირთვა გრძელდება.

რკინიგზა - Sputnik საქართველო
საქართველომ, აზერბაიჯანმა, თურქეთმა და ყაზახეთმა ახალ მემორანდუმს მოაწერეს ხელი

„საქართველოს რკინიგზის“ სატვირთო გადაზიდვების დეპარტამენტი ყოველდღიურად ოპერატიულ რეჟიმში მუშაობს აზერბაიჯანის რკინიგზის შესაბამის სამსახურებთან შუა აზიის მიმართულებით ტვირთბრუნვების ნორმალური რიტმის სწრაფი აღდგენის მიზნით, აღნიშნულია „საქართველოს რკინიგზის“ განცხადებაში.

ტვირთების გაგზავნა და ტრანზიტულად გატარება ხორციელდება აზერბაიჯანის რკინიგზისა და კასპიის ზღვაზე სარკინიგზო საბორნე გადასასვლელების მეშვეობით. აზერბაიჯანიდან საბორნე გადასასვლელების საშუალებით ტვირთის გაგზავნა ხორციელდება აქტაუს (ყაზახეთი) და თურქმენბაშის (თურქმენეთი) პორტების მიმართულებით, რასაც 12 სარკინიგზო ბორანი ემსახურება, რომელთა მაქსიმალური სიმძლავრე 484 ვაგონია.

ყველა ახალი ამბავი
0