თამარ ჟვანია

თამარ ჟვანია: არჩევნების მეორე ტური ნებისმიერ შემთხვევაში გაიმართება

103
(განახლებულია 14:22 03.11.2020)
კანდიდატის გაუქმების ოფიციალური პროცედურა არ არსებობს, ნებისმიერ შემთხვევაში პირველ და მეორე ადგილზე გასული კანდიდატები ბიულეტენებში აუცილებლად იქნებიან, განაცხადა ცესკოს თავმჯდომარემ.

თბილისი, 3 ნოემბერი – Sputnik. ოპოზიციის შესაძლო ბოიკოტის მიუხედავად მეორე ტური ნებისმიერ შემთხვევაში გაიმართება, განაცხადა საქართველოს ცენტრალური საარჩევნო კომისიის თავმჯდომარემ თამარ ჟვანიამ.

„ლელო“, „გირჩი“ და „ლეიბორისტები“ დეპუტატის მანდატებზე უარს აცხადებენ>>

ოპოზიცია 31 ოქტომბრის საპარლამენტო არჩევნების შედეგებს არ აღიარებს და ხელისუფლებას მასობრივ გაყალბებაში ადანაშაულებს. ოპოზიციონერებმა განაცხადეს, რომ არ აპირებენ ერთმანდატიან ოლქებში არჩევნების მეორე ტურში მონაწილეობის მიღებას.

„არ არსებობს კანდიდატის გაუქმების ოფიციალური პროცედურა, ნებისმიერ შემთხვევაში პირველ და მეორე ადგილზე გასული კანდიდატები აუცილებლად იქნებიან ბიულეტენში“, – განაცხადა ჟვანიამ „რუსთავი 2“-ის ეთერში.

მისი აზრით, თითოეულმა ადამიანმა პატივი უნდა სცეს ამომრჩეველს, საერთაშორისო ორგანიზაციების შეფასებებს, მათ დამოკიდებულებას.

„მიმაჩნია, რომ ყველამ უნდა სცეს ამომრჩეველს პატივი. იმ ორ მილიონ ამომრჩეველს, რომელიც მივიდა და დააფიქსირა საკუთარი ნება, მიუხედავად იმისა, ვისი ამომრჩეველიც არ უნდა ყოფილიყო. ეს ეხება ყველა პოლიტიკურ სუბიექტს, ეს ეხება საარჩევნო ადმინისტრაციას. მოსახლეობა ელოდება პარლამენტში თავის წარმომადგენელს“, – აღნიშნა ჟვანიამ.

„ერთიანი ნაციონალური მოძრაობა“ უარს აცხადებს საპარლამენტო მანდატებზე>>

არჩევნების მეორე ტური 21 ნოემბერს 16 საარჩევნო ოლქში გაიმართება. აქედან რვა – თბილისში.

საქართველოში მეათე მოწვევის პარლამენტის დეპუტატები 31 ოქტომბერს აირჩიეს. არჩევნებში 48 პარტია და ორი ბლოკი მონაწილეობდა. ხმების უმრავლესობა – 48,15% მმართველმა პარტია „ქართულმა ოცნებამ“ მიიღო.

პროტესტის ნიშნად პარტიების „ერთიანი ნაციონალური მოძრაობა – ძალა ერთობაშია“, „ევროპული საქართველო“, „ლელო“, „პატრიოტთა ალიანსი“, „სტრატეგია აღმაშენებელი“, „გირჩი“, „მოქალაქეები“, „ლეიბორისტული პარტია“ ლიდერებმა განაცხადეს, რომ არ აღიარებენ საპარლამენტო არჩევნების ლეგიტიმურობას და თავიანთ მანდატებზე უარს ამბობენ. ისინი შედეგების გაუქმებას და ვადამდელი საპარლამენტო არჩევნების ჩატარებას მოითხოვენ.

ოპოზიციის ბოიკოტი: უარი პარლამენტში შესვლაზე და მეორე ტურში მონაწილეობაზე>>

არჩევნები შერეული სისტემით ჩატარდა. ამომრჩევლები 120 დეპუტატს პარტიული სიებით, ხოლო 30 მაჟორიტარული სისტემით ირჩევდნენ.

103
თემები:
საქართველოს საპარლამენტო არჩევნების მეორე ტური – 2020 (72)
ოპოზიციის აქცია პარლამენტთან

ცხარე დისკუსია და კამათი: ქართულმა ოპოზიციამ მოთხოვნები განაახლა

51
ქართული ოპოზიციური პარტიების ლიდერებმა განაცხადეს, რომ მზად არიან ხელისუფლებასთან მოლაპარაკებების მესამე რაუნდისთვის

თბილისი, 3 დეკემბერი – Sputnik. ქართულმა ოპოზიციამ, რომელიც ბოიკოტის რეჟიმში იმყოფება, მწვავე დისკუსიების შემდეგ გადაწყვიტა შეცვალოს ხელისუფლებისადმი წაყენებული მოთხოვნების ჩამონათვალი. გადაწყვეტილება ოპოზიციური პარტიების ლიდერების შეხვედრაზე "ლელო საქართველოსთვის" ოფისშია მიღებული.

საგარეო საქმეთა მინისტრი ოპოზიციას პარლამენტში შესვლისკენ მოუწოდებს >>

31 ოქტომბრის საპარლამენტო არჩევნების შედეგებით საქართველოს პარლამენტში რვა ოპოზიციური პარტია და ბლოკი შევიდა. ისინი არ აღიარებენ არჩევნების შედეგებს და სადეპუტატო მანდატებზე უარს აცხადებენ. უახლოეს დღეებში საქართველოში ევროკავშირისა და აშშ–ის ელჩების ორგანოზატორობით ხელისუფლებასა და ოპოზიციას შორის მოლაპარაკებების მესამე რაუნდი უნდა გაიმართოს.

„ჩვენი მოლოდინია, რომ შევხვდებით დიპლომატიურ კორპუსს ალბათ ხვალ და ამ განახლებულ პოზიციებს აუცილებლად ვამცნობთ, რადგან ძალიან მნიშვნელოვანია, რომ ჩვენ ოპოზიციამ ვაჩვენოთ, რომ მზად ვართ ადეკვატურად შევაფასოთ ქვეყანაში არსებული უმძიმესი ვითარება... ამაზე დაყრდნობით ჩვენ ახალ კონსტრუქციას წარვადგენთ. არაფერი გამოგვიკლია მოთხოვნებისთვის“, - განაცხადა პარტია „სტრატეგია აღმაშენებლის“ ლიდერმა გიორგი ვაშაძემ და აღნიშნა, რომ რიგგარეშე არჩევნების მოთხოვნა ძალაში რჩება.

მისი თქმით, ამჯერად „ლელოს“ ოფისში სხდომა საკმაოდ ხმაურიანი იყო.

„ვიკამათეთ სტრატეგიაზეც, საკითხებზეც, რა უფრო მნიშვნელოვანია, ყველამ თავისი კომპრომისული ნაბიჯი გადადგა და საერთო პოზიციები შევაჯერეთ, როგორც კი დიპლომატებთან გვექნება კომუნიკაცია საერთო შეჯერებული პოზიციით - ჩვენ მათთანაც გვაქვს გარკვეული ვალდებულებები აღებული, ამის შემდეგ საჯარო გახდება ჩვენი პოზიცია“, - განაცხადა ვაშაძემ.

იმას, რაც „ლელოს“ ოფისში ხდებოდა, პარტია „მოქალაქეების“ ლიდერმა ალეკო ელისაშვილმა მწვავე დისკუსია უწოდა და მას არ დაუმალია, რომ საუბარი ხმამაღალ ტონებზე მიდიოდა.

„ცხარე დისკუსია გვქონდა. რამდენიმე საათი გაგრძელდა. აზრთა სხვადასხვაობაა, მაგრამ საერთო პოზიცია შევაჯერეთ და მზად ვართ, მესამე რაუნდისთვის და ელჩებთან შეხვედრისთვის”, - განაცხადა ელისაშვილმა.

ხოლო „ევროპული საქართველოს“ ლიდერმა გიგა ბოკერიამ განმარტა, რა კუთხით შეიცვალა ოპოზიციის მოთხოვნები.

„ოპოზიციური პარტიების პოზიცია აბსოლუტურად უცვლელია: ახალი არჩევნები და ამ ქოლგის ქვეშ ის ცვლილებები, რაც ჩვენ გვაქვს დაყენებული. ეს არის საარჩევნო რეგულაციები, ცესკო და პოლიტპატიმრების გათავისუფლების საკითხი. ანუ ამ საკითხში არანაირი ცვლილება არ ყოფილა. დავაზუსტეთ, როგორი უნდა იყოს იმ ტიპის რეგულაციები, რომლებიც არსებითად ამცირებს რისკს მანიპულაციების“, - განაცხადა ბოკერიამ.

პარტია „გირჩის“ ლიდერმა ზურა ჯაფარიძემ განაცხადა, რომ ოპოზიცია მზად არის ხელისუფლებასთან მოლაპარაკებების მესამე რაუნდისთვის.

„ცხადია, ოპოზიცია არის ერთიანი, მათ შორის, რჩება ბოიკოტის რეჟიმში, ვსაუბრობდით სხვადასხვა ტიპის საკითხზე, უბრალოდ, პოზიციები შევაჯერეთ და, ჩემი აზრით, მზად ვართ იმისთვის, რომ შევხვდეთ მოდერატორებს და დაველაპარაკოთ, ერთიანი პოზიციით“, - განაცხადა ჯაფარიძემ.

ამასთან, მმართველ პარტიაში ჯერ კიდევ აქვთ იმედი იმისა, რომ ოპოზიციის რიგებში განხეთქილება მოხდება და პარტიები ბოიკოტზე უარს იტყვიან.

ცესკომ დღეს არჩევნების მეორე ტურის შედეგები შეაჯამა. ახლა ათი დღის ვადაში პარლამენტის პირველი სხდომა დაინიშნება. ოპოზიციის ბოიკოტის მიუხედავად, პარლამენტი, რომელშიც „ქართული ოცნების“ 90 დეპუტატი იქნება, მუშაობის დაწყებას და კანონების მიღებას მაინც შეძლებს.

51
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
საპროტესტო აქცია ბათუმში

უვადო აქცია ბათუმში: რა ხდება აჭარის მთავრობის სახლთან

54
(განახლებულია 20:41 03.12.2020)
გუშინდელი აქციისგან განსხვავებით, ამჯერად პროტესტი ექსცესების და პოლიციასთან დაპირისპირების გარეშე მიმდინარეობს.

თბილისი, 3 დეკემბერი – Sputnik. ბათუმში აჭარის მთავრობის სახლთან მორიგი აქცია-პერფორმანსი გაიმართა საჰაერო ბუშტებით, იუწყება „Sputnik-საქართველოს“ კორესპონდენტი.

წითელი ბუშტები ცაში: შინაგან საქმეთა სამინისტროსთან აქცია გაიმართა >>

ოპოზიციური პარტია „ლელოს“ აქტივისტებმა აქციის სხვა მონაწილეებთან ერთად აჭარის მთავრობის თავმჯდომარის თორნიკე რიჟვაძის კაბინეტის ფანჯრების ქვეშ ფერადი საჰაერო ბუშტები დაამაგრეს.

გუშინდელი აქციისგან განსხვავებით, ამჯერად პროტესტი ექსცესებისა და პოლიციასთან დაპირისპირების გარეშე მიმდინარეობს.

„პერფორმანსები ბუშტებით ყოველდღე გრძელდება. გუშინ მთელმა საქართველომ ნახა „ქართული ოცნების“ სამარცხვინო საქციელი და, განსაკუთრებით, თორნიკე რიჟვაძის, რომელსაც ბუშტების ეშინია და ადამიანებს აკავებენ იმის გამო, რომ ისინი ბუშტებს უშვებენ. აქცია სიმბოლურად გაგრძელდება“, – განაცხადა „ლელოს“ წევრმა ბეგი ტაკიძემ.

მაგრამ ამით დღევანდელი პროტესტი არ დამთავრებულა, აქტივისტები სხვადასხვა პერფორმანსებს გეგმავენ, აჭარის მთავრობის წინ უკვე საჭიდაო მოედანი მოეწყო.

აქციაზე მშვიდი ვითარებაა. ადგილზე პოლიცია პატრულირებს.

გუშინ ბათუმის აქციაზე მომიტინგეებსა და პოლიციას შორის შეტაკება მოხდა. სიტუაცია მას შემდეგ გამწვავდა, რაც აქციის მონაწილეებმა ბუშტების გაშვება გადაწყვიტეს, პოლიციამ კი მათ ხელი შეუშალა. შედეგად პოლიციისთვის წინააღმდეგობის გაწევისთვის ორი ადამიანი დააკავეს.

„ერთიანი ნაციონალური მოძრაობის“ აქტივისტის რეზო ხარაზის სასამართლო პროცესი გადაიდო. მეორე დაკავებულს, ირაკლი ჩხვირკიას პოლიციის კანონიერი მოთხოვნისადმი დაუმორჩილებლობის გამო 7-დღიანი ადმინისტრაციული პატიმრობა შეეფარდა.

აჭარის მთავრობის სახლთან უვადო საპროტესტო აქცია 8 ნოემბრიდან იმართება. მისი მონაწილეები მოითხოვენ რიგგარეშე არჩევნების ჩატარებას, საარჩევნო ადმინისტრაციის შეცვლას და პოლიტპატიმრების გათავისუფლებას. აჭარის მთავრობის სახლთან კარვები დგას.

54
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
სავსე მთვარე

მთვარის კალენდარი: 5 დეკემბერი რისი გაკეთება შეიძლება და რისი არა

0
(განახლებულია 15:18 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 5 დეკემბერი, შაბათი. ამ დღეს სატურნი მართავს. კლებადი მთვარე ლომის ნიშანშია.

მთვარე ლომის ნიშანში – ენერგიული. შემოქმედებითი განახლებისა და აღმავლობის დროა. იღვიძებს ოპტიმიზმი, თავდაჯერებულობა, მჭევრმეტყველება, საბრძოლო სული, უმჯობესდება განწყობა, ასევე ჩნდება რისკის სურვილი.

კარგი დღეა პრეზენტაციების, კულტურული, სპორტული და სხვა ღონისძიებების ჩატარებისთვის, ხელმძღვანელობასთან ურთიერთობების გაუმჯობესებისთვის.

მთვარე ლომის ნიშანში საუკეთესო დღეებია სიყვარულისთვის. „ერთი ნახვით შეყვარება" ყველაზე ხშირად სწორედ ლომის ნიშანში ხდება. ხელსაყრელი დღეა სექსუალური ურთიერთობების, ფლირტისთვის. ურთიერთობები ადვილად ყალიბდება და შემდეგ თანდათანობით შეიძლება მტკიცე კავშირში გადაიზარდოს. ამ დღეებში ყალიბდება ერთობლივი შემოქმედების ურთიერთობების მოდელი, ანუ ძალიან კარგია ერთად წასვლა კულტურულ ღონისძიებებზე.

რეკომენდებულია გუნდური მუშაობა, ფინანსური საკითხების გადაჭრა, აქტიური მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი საკითხების მიღება, კავშირების გამტკიცება, ახალი საქმეების დაწყება.

არარეკომენდებულია შურისა და არაკეთილმოსურნეობის გამოჩენა, გარემოებების იმედად ყოფნა, პასიურობა.

ხელსაყრელი დღეა მგზავრობისთვის.

თმის შეჭრა, შეღებვა: წარმატებული და იღბლიანი დროა იმისთვის, რომ სალონს ეწვიოთ. ამ დღეს კარგი იქნება თმის შეღებვაც და დახვევაც, მათ შორის, ქიმიური.

მანიკურის გაკეთებაც შეიძლება, მაგრამ ამ საქმის მიმართ შემოქმედებითი დამოკიდებულება უპრიანი იქნება.

მებაღეობა: ლომი არცთუ ნაყოფიერი ნიშანია. შეიძლება მწვანილეულისა და სამკურნალო მცენარეების გამოშრობა. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

შეიძლება ხმელი ტოტების მოშორება ხეებისა და ბუჩქებისთვის, ნესტიან ადგილებში დათესვა მარცვლოვნების, ბალახის დათესვა გაზონებზე, იმ ხილისა და ბოსტნეულის დათესვა–დარგვა, რომლებსაც სინოტივე არ უყვართ. ასევე კარგი დღეა მოწყვისთვის, მავნებლებთან ბრძოლისთვის.

0