„ქართული ოცნება“ ეუთოს დამკვირვებლების შეფასებით კმაყოფილია

© photo: Parliament of Georgia / FBარჩილ თალაკვაძე
არჩილ თალაკვაძე - Sputnik საქართველო
გამოწერა
მმართველი პარტია, ეყრდნობა რა საერთაშორისო სადამკვირვებლო მისიების შეფასებებს, 31 ოქტომბრის საპარლამენტო არჩევნების ლეგიტიმურობას ეჭვქვეშ არ აყენებს

თბილისი, 1 ნოემბერი – Sputnik. საერთაშორისო სადამკვირვებლო მისიებმა საქართველოში 31 ოქტომბრის არჩევნები კონკურენტულ, თავისუფალ და დემოკრატიულ არჩევნებად აღიარეს. ამის შესახებ ბრიფინგზე „ქართული ოცნების“ ერთ–ერთმა ლიდერმა, პარლამენტის თავმჯდომარე არჩილ თალაკვაძემ განაცხადა.

ეუთოს დემოკრატიული ინსტიტუტებისა და ადამიანის უფლებების ბიურომ (ოდირი) საპარლამენტო არჩევნები შეაფასა, როგორც თავისუფალი, თუმცა არა უნაკლო.

არჩევნები 2020 - Sputnik საქართველო
თავისუფალი, თუმცა არა სრულყოფილი: საერთაშორისო ორგანიზაციებმა არჩევნები შეაფასეს

„ეს არის საერთაშორისო საზოგადოების მიერ საქართველოს საპარლამენტო არჩევნების მთავარი შეფასება, რომელიც საერთაშორისო სტანდარტებთან ჩვენ მიერ ჩატარებული არჩევნების შესაბამისობას განსაზღვრავს. შეფასება გახლავთ გაცილებით პოზიტიური, ვიდრე წინა არჩევნებთან დაკავშირებულ დასკვნებშია მოცემული და საუბარია, რომ მოხდა საარჩევნო კანონმდებლობისა და საარჩევნო გარემოს გაუმჯობესება“, – განაცხადა არჩილ თალაკვაძემ.

მან მადლობა გადაუხადა საერთაშორისო პარტნიორებს, სადამკვირვებლო მისიებს, რომლებიც, მიუხედავად პანდემიისა, ჩამოვიდნენ საქართველოში, მხარი დაუჭირეს საქართველოს დემოკრატიულ განვითარებას და დააკვირდნენ არჩევნების მსვლელობას.

ცესკო: დათვლილია ბიულეტენების 97 პროცენტზე მეტი>>

რაც შეეხება საპროტესტო აქციებს, რომლებიც ოპოზიციის დესტრუქციულმა ნაწილმა გამოაცხადა, როგორც თალაკვაძემ აღნიშნა, ამის შესახებ მმართველმა პარტიამ ჯერ კიდევ არჩევნებამდე განაცხადა, რომ მათი მიზანია ამ არჩევნებში არა პოზიტიური, კონსტრუქციული სახით მონაწილეობა, არამედ საქართველოში დემოკრატიული არჩევნებისთვის ჩრდილის მიყენება და მისთვის უნდობლობის გამოცხადება.

საქართველოსა და ევროსაბჭოს დროშები - Sputnik საქართველო
კოქსი: მოვუწოდებთ ახალ პარლამენტს, რაც შეიძლება მალე შეიკრიბოს და დაიწყოს მოქმედება

სპიკერმა ასევე აღნიშნა, რომ უკვე გამოქვეყნებულია პარალელური დათვლის შედეგები, რომლებიც არასამთავრობო და საერთაშორისო ორგანიზაციებმა ჩაატარეს, სადაც ცდომილება პრაქტიკულად მინიმალურია და არსებით გავლენას არ მოახდენს საბოლოო შედეგებზე. ეს ნიშნავს, რომ ცესკოსა და საერთაშორისო ორგანიზაციებთან ერთად სამოქალაქო საზოგადოების ძირითადი ორგანიზაციები ამჟამად პრაქტიკულად იმავე შედეგებს აჩვენებენ, რასაც ცენტრალური საარჩევნო კომისიის ვებ–გვერდი.

როგორც თალაკვაძემ შეაჯამა, არჩევნების ლეგიტიმურობაში ეჭვის შეტანის არანაირი საფუძველი არ არსებობს.

ამასთან, სწორედ არჩევნების ლეგიტიმურობას აყენებს ეჭვქვეშ ოპოზიცია და იწყებს საპროტესტო აქციებს თბილისში.

ყველა ახალი ამბავი
0