საარჩევნო უბანი მარნეულში

ახალგაზრდა იურისტთა ასოციაციის დამკვირვებლებმა უკვე ათზე მეტი საჩივარი დაწერეს

57
საიას დამკვირვებელთა საჩივრები ძირითადად პროცედურულ დარღვევებს ეხება, რომლებიც საარჩევნო უბენბის გახსნის მომენტში დაფიქსირდა

თბილისი, 31 ოქტომბერი – Sputnik. საქართველოს ახალგაზრდა იურისტთა ასოციაციის (საია) დამკვირვებლებმა ამ დროისთვის ათზე მეტი საჩივარი დაწერეს, რომლებიც საპარლამენტო არჩევნების დროს საარჩევნო უბნებზე გამოავლინეს.

როგორც საიას ინფორმაციაშია აღნიშნული, დღის 10:00 საათისთვის საიას დამკვირვებლების მიერ მოწოდებულ ინფორმაციაზე დაყრდნობით კენჭისყრის პროცედურები უმრავლეს უბანზე დროულად და არსებითი დარღვევების გარეშე დაიწყო. თუმცა, გამოიკვეთა ერთი ნეგატიური ტენდენცია, რომელიც პროცედურულ დარღვევებს უკავშირდება.  

დარღვევები ძირითადად ეხება უბანზე დამკვირვებლის არდაშვებას, წილისყრის პროცედურების არასათანადოდ ჩატარებასა და წილისყრით გამოვლენილი ფუნქციების შეუსრულებლობას.

კერძოდ, საიას მონაცემებით, დარღვევები დაფიქსირდა:

  • გარდაბნის №19 უბანზე 7 საათის შემდეგ საიას დამკვირვებელი არ შეუშვეს;
  • ზუგდიდის №65 უბანზე დაიწერა საჩივარი წილისყრის პროცედურების დარღვევასთან დაკავშირებით; საბურთალოს №23, თელავის №54 და მთაწმინდის №3 უბნებზე წილისყრის პროცედურების შემდეგ გამოვლენილი ფუნქციები თვითნებურად გაცვალეს - უმეტესი მათგანი გასაჩივრებულია;
  • შუახევში №41 უბანზე წილისყრები ჩატარდა ერთდროულად (გადასატანი ყუთის წამღები კომისიის წევრების გამოსავლენად, აგრეთვე სხვა ფუნქციების გასანაწილებლად). ამავე უბანზე გადასატანი საარჩევნო ყუთის წამღებმა კომისიის წევრებმა უარი თქვეს საკუთარი ფუნქციის შესრულებაზე;
  • მარნეულის №85 უბანზე წილისყრის დროს ფუნქციები სხვადასხვა ფერის ფურცლებზე დაწერეს და პროცედურა ასე ჩაატარეს.

გარდა ამისა, საიას დამკვირვებლებმა დააფიქსირეს ფოტო-ვიდეო გადაღების წესების დარღვევისა და ამომრჩეველთა მონაცემების არაკანონიერად დამუშავების ფაქტები ჩხოროწყუს №17,ზუგდიდის №24 და ბათუმის №35 უბნებზე.

კერძოდ, მედიასაშუალება newpost-ის წარმომადგენლები ამომრჩევლებს სურათებს უღებდნენ არსებული წესების დარღვევით, ახლო დისტანციიდან. ამასთან, არსებული ინფორმაციით, ფოტოგადაღება მიმდინარეობს სპეციალური პროგრამის მეშვეობით, რომლითაც ხდება ამომრჩეველთა სახის დასკანერება, რაც პერსონალურ მონაცემთა დაცვის შესახებ კანონის მოთხოვნათა დარღვევაა, აღნიშნავენ არასამთავრობო ორგანიზაციაში.

არჩევნებზე მთელი ქვეყნის მასშტაბით საიას 700–ზე მეტი დამკვირვებელი მუშაობს

ასოციაცია დღის განმავლობაში არასამთავრობო ორგანიზაციების მედიაცენტრში ოთხ პრესკონფერენციას გამართავს. პირველი 10:00 საათზე ჩატარდა. შემდეგი გაიმართება 14:00, 18:00 და 21:00 საათზე.

საია პრესკონფერენციას ასევე გამართავს 1 ნოემბერს 12:30 საათზე.

57
თემები:
საქართველოს საპარლამენტო არჩევნები 2020 (594)
ქუთაისი

ქუთაისის მერის არჩევნებზე „ქართველი ოცნების“ კანდიდატმა გაიმარჯვა

56
მმართველი პარტია „ქართული ოცნება - დემოკრატიული საქართველოს“ კანდიდატმა იოსებ ხახალეიშვილმა ამომრჩეველთა 29 911 ხმა მიიღო - 92,02%

თბილისი, 22 ნოემბერი - Sputnik. ცესკოს მიერ გამოქვეყნებული 22 ნოემბრის დილის წინასწარი მონაცემებით, მმართველი პარტია „ქართული ოცნება - დემოკრატიული საქართველოს“ კანდიდატმა იოსებ ხახალეიშვილმა ქუთაისის მერის არჩევნების მეორე ტურში გაიმარჯვა.

მან ამომრჩეველთა 29 911 ხმა მიიღო - 92,02%, ხოლო „ერთიანი ნაციონალური მოძრაობის“ კანდიდატმა გრიგოლ შუშანიამ - 2 595 ხმა - ეს 7,98%. ქუთაისში 130-ვე საარჩევნო უბნის მონაცემებია დათვლილი.

ქუთაისის მერის არჩევნები საპარლამენტო არჩევნების მეორე ტურის პარალელურად გაიმართა. ქუთაისში „ქართული ოცნების“ კანდიდატმა ზაზა ლომინაძემ ხმების 91,9%-ით მოიგო და გაუსწრო „ერთიანი ნაციონალური მოძრაობის“ კანდიდატს გრიგოლ ვაშაძეს, რომელმაც 8,1% დააგროვა.

ქუთაისში ამომრჩეველთა აქტივობამ 21,83% შეადგინა.

ოპოზიციურმა პარტიებმა განაცხადეს, რომ არჩევნების მეორე ტურს ბოიკოტს უცხადებენ.

56
თემები:
საქართველოს საპარლამენტო არჩევნების მეორე ტური – 2020
ცესკო

ცესკომ ყველა უბნის დათვლის შედეგად წინასწარი მონაცემები გამოაქვეყნა

103
(განახლებულია 13:08 22.11.2020)
მმართველი პარტია „ქართული ოცნება - დემოკრატიული საქართველოს“ კანდიდატებმა 17 ოლქში მოიგეს და თითოეულმა მათგანმა ამომრჩეველთა ხმების 88%-ზე მეტი მიიღეს

თბილისი, 22 ნოემბერი — Sputnik. საპარლამენტო არჩევნების მეორე ტურში ცესკოში ყველა ოქმის დამუშავების შედეგად მმართველი პარტია „ქართული ოცნება - დემოკრატიული საქართველოს“ კანდიდატებმა 17 ოლქში გაიმარჯვეს და თითოეულმა მათგანმა ამომრჩეველთა ხმების 88%-ზე მეტი მიიღეს, ამის შესახებ ცესკოს ვებგვერდზე გამოქვეყნებულ მასალებშია ნათქვამი.

ყველაზე მეტი ხმა მიიღო „ქართული ოცნების“ კანდიდატმა ზუგდიდის ოლქში ირაკლი ჩიქოვანმა, რომელმაც ამომრჩეველთა ხმების 93,88% მიიღო, ხოლო ყველაზე  ნაკლები - ანზორ ბოლქვაძემ ხელვაჩაური, ქედა, შუახევი, ხულოს ოლქში - მას მხარი დაუჭირეს ამომრჩეველთა 88,18%-მა.

მიუხედავად იმისა, რომ ოპოზიციამ განაცხადა, რომ არჩევნებში მონაწილეობას არ იღებს და მხარდამჭერებს არჩევნების ბოიკოტირებისკენ მოუწოდა, მისმა კანდიდატებმა მაინც ხმების 6%-დან 12%-მდე მიიღეს.

მეორე ტური მიმდინარეობდა ძალიან დაბალი აქტივობის ფონზე - უბნებზე ხმის მისაცემად მხოლოდ ამომრჩეველთა 26,29% მივიდა.

არჩევნების შედეგები თბილისში:

ოლქი        აქტივობა, % მმართველი პარტიის კანდიდატი ოპოზიციის კანდიდატი
მთაწმინდა-კრწანისი 22,44% ბექა ოდიშარია, 91,57% შალვა შავგულიძე("ევროპული საქართველო"), 8,43%
ვაკე  21,68% ნოდარ ტურძელაძე, 93,72% ელენე ხოშტარია ("ევროპული საქართველო"), 6,28%
საბურთალო    21,07% დავით სერგეენკო, 89,92% ალეკო ელისაშვილი ("მოქალაქეები"), 10,08%
ისანი         21,55% კახა კახიშვილი, 92,15% ხატია დეკანოიძე ("ერთიანი ნაციონალური მოძრაობა"),7,85%
სამგორი   22,77% სოზარ სუბარი, 88,68% ლევან ხაბეიშვილი ("ერთიანი ნაციონალური მოძრაობა"), 11,32%
დიდუბე-ჩუღურეთი 25,02% გია ვოლსკი, 89,95% ზურაბ ჯაფარიძე ("გირჩი"), 10,05%
ნაძალადევი     20,04% მიხეილ ყაველაშვილი, 91,4% შალვა ნათელაშვილი ("ლეიბორისტული პარტია"), 8,6%
გლდანი   20,5% ლევან კობიაშვილი, 89,36% ნიკა მელია  ("ერთიანი ნაციონალური მოძრაობა"), 10,64%

არჩევნების შედეგები რეგიონებში:

ოლქი აქტივობა, % მმართველი პარტიის კანდიდატი ოპოზიციის კანდიდატი
თელავი, ახმეტა, ყვარელი და ლაგოდეხი 33,72% ირაკლი ქადაგიშვილი, 88,83% გიორგი ბოტკოველი, 11,17%
მცხეთა, დუშეთი, თიანეთი და ყაზბეგი 32,49% შალვა კერესელიძე, 92,53% ცეზარ ჩოჩელი, 7,47%
რუსთავი, გარდაბანი 29,23% ნინო ლაცაბიძე, 89,79% დავით კირკიტაძე, 10,21%
ხაშური-ქარელი 33,21% ზაალ დუგლაძე, 91,72% ნატო ჩხეიძე, 8,28%
ზესტაფონი, ტყიბული, თერჯოლა, ბაღდათი 34,51% ბეჟან წაკაძე, 91,94% კახა გეწაძე, 8,06%
ქუთაისი  21,83% ზაზა ლომინაძე, 91,92% გრიგოლ ვაშაძე, 8,08%
ზუგდიდი        28,58% ირაკლი ჩიქოვანი, 93,88% მალხაზ ჯალაღონია, 6,12%
ბათუმი    24,35% რესან კონცელიძე, 87,81% ლევან ვარშალომიძე, 12,19%
ხელვაჩაური, ქედა, შუახევი, ხულო 39,29% ანზორ ბოლქვაძე, 88,19%  მიშა ბოლქვაძე, 11,81%


რაც შეეხება ქუთაისს, იქ მერის არჩევნები გაიმართა და გაიმარჯვა მმართველი პარტიის კანდიდატმა იოსებ ხახალეიშვილმა - 92,02%, ხოლო ოპოზიციის კანდიდატმა გრიფოლ შუშანიამ 7,98% დააგროვა.

ამ დროისათვის ცესკოში შესულია 15 საჩივარი, თითოეულს საოლქო კომისიები განიხილავენ. საჩივრების ნახვა შესაძლებელია ცესკოს ვებგვერდზე ცალკე გრაფაში.

არჩევნების საბოლოო შედეგები ცნობილი გახდება არაუგვიანეს 10 დეკემბრისა.

 

 

103
თემები:
საქართველოს საპარლამენტო არჩევნების მეორე ტური – 2020
ეკატერინე ტიკარაძე

ტიკარაძე: საველე ჰოსპიტლების გახსნის საკითხი საქართველოში არ განიხილება

0
ამ ეტაპზე საქართველოს გააჩნია საკმარისი რესურსი იმისათვის, რომ პაციენტებმა მკურნალობის პერიოდი ექიმის მეთვალყურეობის ქვეშ უფრო კომფორტულ პირობებში გაიარონ, კიიჩნევს მინისტრი

თბილისი, 23 ნოემბერი - Sputnik. საქართველოში საველე ჰოსპიტალების გახსნის საკითხი არ იხილება, განაცხადა ჯანდაცვის მინისტრმა ეკატერინე ტიკარაძემ.

საქართველო კორონავირუსის მეორე ტალღას ებრძვის. ყოველდღიურად ოთხი ათასამდე ახალი შემთხვევა ფიქსირდება. პანდემიის დაწყებიდან დღემდე ინფიცირების 100 ათასზე მეტი შემთხვევა გამოვლინდა, გარდაცვლილია 1000-ზე მეტი ადამიანი.

„ე.წ. საველე ჰოსპიტლების საკითხი საქართველოში არ განიხილება, რადგან გვაქვს არაერთი ქვეყნის მაგალითი, სადაც მობილიზებულია ასეთი ჰოსპიტლები/კარვები და დღემდე, მიუხედავად იმისა, რომ ამ ქვეყნებმა მეორე ტალღის პიკი, ითვლება, რომ გადაიარეს, იქ არც ერთი პაციენტისთვის არ გაუწევიათ მომსახურება”, - აღნიშნა მინისტრმა ტელეარხ „იმედის“ ეთერში.

ტიკარაძის სიტყვებით, კარვების სანაცვლოდ არაერთი დამატებითი სივრცეა გამოყოფილი, რომელიც ამ ეტაპისთვის მზადდება, ძირითადად, საავადმყოფოების ბაზაზე, ასევე, სასტუმროებში, სადაც მოქმედებს სრული სამედიცინო სამეთვალყურეო მომსახურება როგორც კვლევების კომპონენტში, ასევე ჟანგბადის კონცეტრატორების კუთხით.

„თუ ჩვენ, ყველა კომპონენტის დაცვით, სწორად, დროულად ვმართავთ პაციენტების ნაკადს, ამ ეტაპისთვის საქართველოს გააჩნია საკმარისი რესურსი, რომ ჩვენმა პაციენტებმა უფრო მეტად კომფორტულ პირობებში გაიარონ მკურნალობის პერიოდი ექიმის მეთვალყურეობის ქვეშ“, - აღნიშნა ეკატერინე ტიკარაძემ.

ქვეყანაში ამჟამად არაერთი შეზღუდვა მოქმედებს: ნიღბების ტარება აუცილებელია შენობებში, ტრანსპორტსა და ქუჩაში, დიდ ქალაქებში სკოლები დისტანციურ სწავლებაზეა გადასული, დახურულია საბავშვო ბაღები, აკრძალულია ღამის 22:00 საათის შემდეგ სახლიდან გასვლა.

საქართველოში კორონავირუსის პირველი შემთხვევა 26 თებერვალს გამოვლინდა.

0
თემები:
COVID-19 საქართველოში