წინასაარჩევნო ბანერები

ქართული პარტიების რეიტინგები არჩევნების წინ

486
(განახლებულია 15:08 29.10.2020)
საქართველოში 31 ოქტომბერს დანიშნული საპარლამენტო არჩევნების წინ რეგულარულად ქვეყნდება საზოგადოებრივი აზრის გამოკითხვები, რომელთა მთავარი პუნქტი პოლიტიკური პარტიების რეიტინგია.

ამ არჩევნების მთავარი ინტრიგაა – შეძლებს თუ არა მმართველი პარტია „ქართული ოცნება – დემოკრატიული საქართველო“ ხელისუფლების შენარჩუნებას არჩევნების ახალი სისტემის პირობებში.

ვის აძლევენ ხმას საქართველოს მოქალაქეები - ახალი გამოკითხვის შედეგები>>

ამჯერად პარლამენტი დაკომპლექტდება იმ პარტიებისა და ბლოკების წარმომადგენელი 120 დეპუტატით, რომლებიც ბარიერს გადალახავენ, და მაჟორიტარული წესით არჩეული 30 დეპუტატით, რომლებიც საკუთარ ოლქებში ხმათა უმრავლესობას მოიპოვებენ.

წინასაარჩევნო რეიტინგებს საქართველოში ცნობილი საერთაშორისო კვლევითი ორგანიზაციები ადგენენ. ასეთი სულ ხუთი სხვადასხვა რეიტინგი ქვეყნდება.

აშშ-ის ეროვნული დემოკრატიული ინსტიტუტი (NDI) და საერთაშორისო რესპუბლიკური ინსტიტუტი (IRI) თავიანთ რეიტინგებს დამოუკიდებლად ადგენენ.

პარალელურად რეიტინგები შეუკვეთეს ქვეყნის წამყვანმა ტელეარხებმა: ტელეკომპანია „იმედმა – კომპანია Gorbi-ს, ოპოზიციურმა „მთავარმა არხმა“ – კომპანია Ipsos-ს, „ფორმულამ“ კომპანია Edison Research-ს, ხოლო „რუსთავი 2“-მა – კომპანია Survation-ს.

„Sputnik–საქართველო“ გთავაზობთ კვლევების შედეგებს იმ პარტიების რეიტინგების შესახებ, რომლებსაც ქვეყნის პარლამენტში მოხვედრის შანსები აქვთ.

„ქართული ოცნება – დემოკრატიული საქართველო“ – მმართველი პარტია. საპარლამენტო არჩევნებში მონაწილეობს მესამედ.

„ქართული ოცნება – დემოკრატიული საქართველო“ – პარტიის შესახებ>>

გამოკითხვა რეიტინგი
NDI  17%
IRI  33%
Gorbi   56,3%
Ipsos  24,5%
 Edison Research   36%
Survation   55,6%

ბლოკი „ძალა ერთობაშია“, რომელშიც შედის „ერთიანი ნაციონალური მოძრაობა“, საპარლამენტო არჩევნებში ძალებს ამ შემადგენლობით პირველად მოსინჯავს. პარტია „ნაციონალური მოძრაობისთვის“ ეს მეექვსე საპარლამენტო არჩევნებია. მისი პირველი მონაწილეობა არჩევნებში „ვარდების რევოლუციით“ დამთავრდა.

„ერთიანი ნაციონალური მოძრაობა“ – ყველაფერი პარტიის შესახებ>>

გამოკითხვა რეიტინგი
NDI  5%
IRI  16%
Gorbi    11,9%
Ipsos  17,4%
 Edison Research  17%
 Survation  19,8%

„ევროპული საქართველო – მოძრაობა თავისუფლებისთვის“ – „ნაცმოძრაობის“ ყოფილი ლიდერების პარტია ქვეყნის საპარლამენტო არჩევნებში პირველად მონაწილეობს.

„ევროპული საქართველო - მოძრაობა თავისუფლებისთვის“ – პარტიის შესახებ>>

გამოკითხვა  რეიტინგი
IRI  4%
Gorbi  4,8%
Ipsos  6,9%
 Edison Research    5%
Survation  5,2%

„ლელო საქართველოსთვის“ – ბანკირ მამუკა ხაზარაძის პარტია. ის ქვეყნის ყველაზე ახალგაზრდა პოლიტიკური ძალაა. შეიქმნა გასული წლის ნოემბერში. საპარლამენტო არჩევნებში მონაწილეობს პირველად.

„ლელო საქართველოსთვის“ – ცნობები პარტიის შესახებ>>

გამოკითხვა  რეიტინგი
Gorbi  2,9%
Ipsos  3,6%
 Edison Research     2%
Survation  3,1%

 

„საქართველოს პატრიოტთა ალიანსი“ – არჩევნების გამოცდილი მონაწილეა. პარტიისთვის ეს უკვე მეორე არჩევნებია. 2016 წელს პირველი არჩევნების შემდეგ ისინი პარლამენტში მოხვდნენ.

„საქართველოს პატრიოტთა ალიანსი“ - ყველაფერი პარტიის შესახებ>>

გამოკითხვა   რეიტინგი
IRI  4%
Gorbi  7,1%
Ipsos  1,7%
 Edison Research     3%
Survation  3,8%

ბლოკი „სტრატეგია აღმაშენებელი“ – შედგება ორი პარტიისგან, რომლებისთვისაც ეს არჩევნები პირველია.

„სტრატეგია აღმაშენებელი“ - ყველაფერი პარტიის შესახებ>>

გამოკითხვა   რეიტინგი
IRI  4%
Gorbi  3,5%
Ipsos  3,4%
 Edison Research  4%
Survation  5,1%

„ლეიბორისტული პარტია“ – საპარლამენტო არჩევნების ყველაზე გამოცდილი მონაწილე. ამ ოპოზიციური პარტიისთვის ეს უკვე მეექვსე საპარლამენტო არჩევნები იქნება.

„საქართველოს ლეიბორისტული პარტია“ - ყველაფერი პოლიტიკური ძალის შესახებ>>

გამოკითხვა   რეიტინგი
IRI  3%
Gorbi  3,3%
Ipsos  1,9%
 Edison Research   3%
Survation  2,7%

„ერთიანი საქართველო – დემოკრატიული მოძრაობა“ – პარლამენტის ყოფილი თავმჯდომარის ნინო ბურჯანაძის პარტია. ამ პოლიტიკური ძალისთვის ეს მეორე საპარლამენტო არჩევნებია.

ახალი ხედვა პოლიტიკაზე: რას გვთავაზობს ბურჯანაძის პარტია>>

გამოკითხვა   რეიტინგი
Gorbi    1,7%
Ipsos   1%
 Edison Research    1%
Survation   1,1%
„გირჩი“ – ყველაზე ორიგინალური პარტია საქართველოში. არჩევნებში მონაწილეობს ისე, რომ ერთ თეთრსაც არ ხარჯავს წინასაარჩევნო კამპანიაზე.
„ახალი პოლიტიკური ცენტრი - გირჩი“ - ყველაფერი პარტიის შესახებ>>
გამოკითხვა   რეიტინგი
 Gorbi  2,7%
Ipsos  1,8%
 Edison Research     2%
Survation

 2,1%

486
თემები:
საქართველოს საპარლამენტო არჩევნები 2020 (608)
ზურაბ ჯაფარიძე

ზურაბ ჯაფარიძემ სადეპუტატო მანდატზე უარი ოფიციალურად განაცხადა

120
(განახლებულია 22:06 17.12.2020)
ახალ პარლამენტში „გირჩს“ 4 მანდატი აქვს, თუმცა ჯერჯერობით სადეპუტატო უფლებამოსილების შეწყვეტის მიზნით პარლამენტს მხოლოდ პარტიის დამფუძნებელმა მიმართა.

თბილისი, 17 დეკემბერი – Sputnik. ოპოზიციური პარტია „გირჩის“ ერთ-ერთმა ლიდერმა ზურაბ ჯაფარიძემ მეათე მოწვევის პარლამენტს სადეპუტატო უფლებამოსილების შეწყვეტის მიზნით განცხადებით მიმართა.

საპარლამენტო არჩევნები 31 ოქტომბერს გაიმართა, 22 ნოემბერს 17 მაჟორიტარულ ოლქში მეორე ტური ჩატარდა. არჩევნების შედეგად 150-დან 60 ადგილი ოპოზიციის წარმომადგენლებმა მიიღეს. ახალ პარლამენტში „გირჩს“ 4 მანდატი აქვს, თუმცა ჯერჯერობით სადეპუტატო უფლებამოსილების შეწყვეტის შესახებ განცხადება მხოლოდ ჯაფარიძემ დაწერა.

პარტია „გირჩი“ ახლახან ორ ნაწილად გაიყო. დეკემბრის დასაწყისში პარტიის ლიდერმა ზურაბ ჯაფარიძემ Facebook-ის დახურულ ჯგუფში დაწერა, რომ მისი და პარტიის სამი მთავარი წევრის – იაგო ხვიჩიას, ვახტანგ მეგრელიშვილისა და სანდრო რახვიაშვილის გზები გაიყო და ის არ აპირებს მათთან ერთად „გირჩის“ კეთებას. თუმცაღა თავად პარტიაში დარჩენას აპირებს.

„გირჩი“ გაიყო, ის ადამიანები ცალკე არიან, პარტიის ფორმალური თავმჯდომარე იაგო ხვიჩიაა. მათი საჯარო განცხადებები მოვისმინე და მათი დამოკიდებულებაა, რომ თუ პატარა შანსი მაინც არსებობს, რომ პარლამენტში შევიდეს 113 დეპუტატი, მათ ამ შანსზე უარის თქმა არ უნდათ და პარლამენტში შევლენ. შეიძლება ასეთი შანსი ბევრი თვის განმავლობაში არსებობდეს, კი არადა, უსასრულოდ. ამიტომ ინდივიდუალური გადაწყვეტილება მივიღე, დამეწერა განცხადება”, – განუცხადა ჟურნალისტებს ჯაფარიძემ.

ახალი პარლამენტი მუშაობას 11 დეკემბერს შეუდგა. ოპოზიცია არჩევნების შედეგებს არ აღიარებს და საკანონმდებლო ორგანოში შესვლასა და მუშაობაზე უარს აცხადებს. ოპოზიციის წარმომადგენელთა სავარძლები დღემდე ცარიელია.

ამ დროისათვის პარლამენტში მოხვედრილი რვა ოპოზიციური პარტიიდან სადეპუტატო მანდატებზე უარი ოფიციალურად განაცხადა ხუთმა პარტიამ. ესენი არიან ბლოკის „ერთიანი ნაციონალური მოძრაობა - ძალა ერთობაშია“ წარმომადგენლები (36 მანდატი), „ევროპული საქართველო“ (5 მანდატი), „ლელო“ (4 მანდატი) „სტრატეგია აღმაშენებელი“ (4 მანდატი) და ლეიბორისტული პარტია (1 მანდატი).

„ერთიანი ნაციონალური მოძრაობის“ სამი წარმომადგენლის მიერ შექმნილმა „გირჩმა“, რომელიც პოლიტიკურ ასპარეზზე 2015 წელს გამოჩნდა, ელექტორატს თავი დაამახსოვრა მარიხუანის დეკრიმინალიზაციისთვის ბრძოლით, ტაქსის ალტერნატიული „შმაქსის“ ამოქმედებით და ახალი „ეკლესიის“ დაფუძნებით, რათა ახალგაზრდებს ჯარში გაწვევისგან თავის არიდებაში დაეხმაროს.

 

120
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
ოპოზიცია ხელს აწერს მემორანდუმს სადეპუტატო მანდატებზე უარის თქმის შესახებ

დეპუტატის მანდატებზე უარი უკვე ხუთმა ოპოზიციურმა პარტიამ თქვა

146
„ლეიბორისტული პარტიის“ და „ერთიანი ნაციონალური მოძრაობა - ძალა ერთობაშია“ ბლოკის კვალდაკვალ დეპუტატის უფლებამოსილების შეწყვეტის შესახებ განცხადებები დღეს დაწერეს „სტრატეგია აღმაშენებლის“, „ლელო საქართველოსთვის“ და „ევროპული საქართველოს“ წარმომადგენლებმა

თბილისი, 16 დეკემბერი - Sputnik. კიდევ ორი ოპოზიციური პარტიის - „ლელო საქართველოსთვის“ და „ევროპული საქართველოს“ - წარმომადგენლებმა ოფიციალურად განაცხადეს უარი დეპუტატის მანდატებზე.

„ნაციონალური მოძრაობის“ 36-ვე დეპუტატი უარს აცხადებს სადეპუტატო მანდატზე >>

ცოტა ხნის წინ ცნობილი გახდა, რომ „სტრატეგია აღმაშენებლის“ წევრებმაც მიმართეს პარლამენტს მათი სადეპუტატო უფლებამოსილების შეწყვეტის თხოვნით.

მათ უკვე წარადგინეს საკანონმდებლო ორგანოში შესაბამისი განცხადებები პარლამენტის თავმჯდომარე არჩილ თალაკვაძის სახელზე.

„მანდატების განაწილება ვერ ასახავს ქართველი ხალხის სურვილს და შესაბამისად, ამ არჩევნებმა თავისი ფუნქცია ვერ შეასრულა. ამიტომ, ჩვენ ვაგრძელებთ ახალი, სუფთა და სამართლიანი არჩევნების მოთხოვნას და ვართ ბოიკოტის რეჟიმში. ჩვენ უარს ვამბობთ მანდატებზე, მაგრამ ვაგრძელებთ ბრძოლას, რადგან ეს არის სამართლიანი და სწორი ბრძოლა“, – განაცხადა „ლელოს“ წევრმა ანა ნაცვლიშვილმა.

პირველმა ოპოზიციიდან სადეპუტატო უფლებამოსილების შეწყვეტის შესახებ განცხადებით საკანონმდებლო ორგანოს ოფიციალურად ორშაბათს მიმართა „ლეიბორისტული პარტიის“ ლიდერმა შალვა ნათელაშვილმა. სამშაბათს განცხადებები შეიტანეს არჩევნების შედეგებით მეორე ადგილზე გასული საარჩევნო ბლოკ „ერთიანი ნაციონალური მოძრაობა - ძალა ერთობაშიას“ წარმომადგენლებმა. ამგვარად, პარლამენტში არჩევნების შედეგებით გასული რვა პარტიიდან ხუთმა მანდატებზე უარი ოფიციალურად განაცხადა.

სამშაბათს ცესკომ აღნიშნული ხუთი საარჩევნო სუბიექტის პროპორციული სიები გააუქმა.

„კეთილგონივრული არჩევანი და მიდგომა იქნება ის, თუ „ქართული ოცნება“ გააკეთებს არჩევანს არა პარტიული ინტერესის სასარგებლოდ, არამედ საქართველოს სასარგებლოდ. საქართველოს სასარგებლო არჩევანი არის – ერთადერთი დაინიშნოს ვადამდელი არჩევნები გონივრულ ვადებში“, – განაცხადა „ევროპული საქართველოს“ წევრმა არმაზ ახვლედიანმა.

მიუხედავად დეპუტატის მანდატებზე უარისა, ოპოზიციის წარმომადგენლები მზად არიან, გააგრძელონ მოლაპარაკება „ქართულ ოცნებასთან“. მოლაპარაკებები აშშ-ის და ევროკავშირის ელჩების შუამავლობით იმართება.

„ჩვენ ამ ნაბიჯით უარი ვთქვით საკუთარ კეთილდღეობაზე იმ იმედით, რომ „ქართული ოცნება“ იმავე ნაბიჯს გადადგამს, არა იმისთვის, რომ ჩვენ გვჭირდება ეს, არამედ იმისთვის, რომ საქართველოს სჭირდება შეთანხმება“, – განაცხადა „სტრატეგია აღმაშენებლის“ წევრმა პაატა მანჯგალაძე.

ახალი პარლამენტი მუშაობას 11 დეკემბერს შეუდგა. ოპოზიცია არჩევნების შედეგებს არ აღიარებს და საკანონმდებლო ორგანოში შესვლასა და მუშაობაზე უარს აცხადებს. ოპოზიციის წარმომადგენელთა სავარძლები დღემდე ცარიელია.

საპარლამენტო არჩევნები 31 ოქტომბერს გაიმართა, 22 ნოემბერს 17 მაჟორიტარულ ოლქში მეორე ტური გაიმართა. არჩევნების შედეგად, 150-დან 60 ადგილი ოპოზიციის წარმომადგენლებმა მიიღეს.

რვა ოპოზიციური პარტიიდან, რომლებიც პარლამენტში მოხვდნენ, ცესკოსთვის ჯერ არ მიუმართავთ „საქართველოს პატრიოტთა ალიანსს“, „გირჩს“ და „მოქალაქეებს“. ამავე პარტიებს არ მოუწერიათ ხელი საჯარო უარზე სადეპუტატო მანდატების დათმობის შესახებ.

 

 

146
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
სეისმოგრაფი

საქართველოში მიწისძვრა მოხდა კვლავ სოფელ სამებასთან

0
მიწისძვრის ეპიცენტრი დმანისის მუნიციპალიტეტში, სოფელ სამებასთან ახლოს, ცხრა კილომეტრ სიღრმეში მდებარეობდა

თბილისი, 1 აგვისტო – Sputnik. დმანისიდან 24 კილომეტრში, სოფელ სამებასთან 3,1 მაგნიტუდის მიწისძვრა დაფიქსირდა, იუწყება სეისმური მონიტორინგის ეროვნული ცენტრი.

სეისმოლოგი: გახშირებული მიწისძვრები საქართველოში საყურადღებოა>>

მიწისქვეშა ბიძგები თბილისის დროით 21:09 საათზე დაფიქსირდა. ეპიცენტრი 9 კმ სიღრმეში მდებარეობდა.

ივნისსა და ივლისში სეისმოლოგებმა ამ ტერიტორიაზე 3,0–4,0 მაგნიტუდის ორ ათეულამდე მიწისძვრა დააფიქსირეს.

0
თემები:
შემთხვევები საქართველოში