ქართველი სამხედროები

არჩევნები 2020: როგორ მიიღებენ მონაწილეობას კენჭისყრაში სამხედრო მოსამსახურეები

61
(განახლებულია 20:45 28.10.2020)
ქართველი სამხედროები არჩევნებში მონაწილეობას შეძლებენ საარჩევნო უბანზე ან საცხოვრებელი, ან დისლოკაციის ადგილის მიხედვით.

თბილისი, 28 ოქტომბერი – Sputnik. ავღანეთში სამშვიდობო მისია „მტკიცე მხარდაჭერაში“ მონაწილე სამხედრო მოსამსახურეები შეძლებენ საპარლამენტო არჩევნებში მონაწილეობას, აცნობეს „Sputnik–საქართველოს“ ცენტრალური საარჩევნო კომისიის (ცესკო) პრეს-ცენტრში.

არჩევნები 31 ოქტომბერს ჩატარდება. ამომრჩეველი პარლამენტის 150 დეპუტატს აირჩევს, 120-ს პროპორციული, ხოლო 30-ს – მაჟორიტარული წესით.

კენჭისყრა ავღანეთში ასევე 31 ოქტომბერს ჩატარდება. სამხედროები თავიანთი პოზიციის დაფიქსირებას ორ საარჩევნო უბანზე – ბაგრამის ავიაბაზაზე №1 საარჩევნო უბანზე და მაზარ-ი-შარიფის მარმალის ბაზაზე №2 საარჩევნო უბანზე. არჩევნები კორონავირუსის პანდემიის გამო დაწესებული უსაფრთხოების ყველა წესის სრული დაცვით ჩატარდება, აღნიშნავენ ცესკოში.

სამხედროები ავღანეთში ხმის მიცემას მხოლოდ პარტიებისა და ბლოკებისთვის შეძლებენ, კანონმდებლობით მათ მაჟორიტარულ არჩევნებში მონაწილეობა ეკრძალებათ. ორ სამხედრო ბაზაზე 861 ამომრჩეველია რეგისტრირებული.

„რაც შეეხება საქართველოს ტერიტორიაზე მყოფ სამხედრო მოსამსახურეებს, ისინი კენჭისყრაში მონაწილეობას შეძლებენ რეგისტრაციის ადგილის მიხედვით, როგორც ჩვეულებრივი მოქალაქეები, ან დისლოკაციის ადგილის მიხედვით – სამხედრო ნაწილთან განთავსებულ საარჩევნო უბანზე“, – აღნიშნეს ცესკოს პრეს-სამსახურში.

სულ 2020 წლის არჩევნების ერთიან საარჩევნო სიაში რეგისტრირებულია 3 526 032 ამომრჩეველი. აქ შედიან ქვეყნის საზღვრებს გარეთ მცხოვრები საქართველოს მოქალაქეებიც (14 170).

ნატოს მისია „მტკიცე მხარდაჭერა" (Resolute Support), რომელიც არასაბრძოლო სტატუსის მატარებელია, ავღანეთში 2015 წლის 1 იანვრიდან იმყოფება. ნატოსა და ავღანეთს შორის ორმხრივი შეთანხმების თანახმად, ქვეყანაში 13 ათასამდე სამხედრო მოსამსახურეა, რომელთა ფუნქციებსაც ავღანეთის ძალოვანი სტრუქტურების სწავლება და მათთვის კონსულტაციების გაწევა წარმოადგენს.

საქართველოში დაჯილდოვდა სამხედრო, რომელიც თვითმკვლელი ტერორისტის აფეთქებას გადაურჩა>>

საქართველოს მხრიდან მისიაში მონაწილეობს 900-მდე ჯარისკაცი. ისინი ბაგრამის საავიაციო ბაზაზე, ქაბულსა და მაზარ-ი-შარიფში არიან დისლოცირებული.

61
თემები:
საქართველოს საპარლამენტო არჩევნები 2020 (608)
ზურაბ ჯაფარიძე

ზურაბ ჯაფარიძემ სადეპუტატო მანდატზე უარი ოფიციალურად განაცხადა

119
(განახლებულია 22:06 17.12.2020)
ახალ პარლამენტში „გირჩს“ 4 მანდატი აქვს, თუმცა ჯერჯერობით სადეპუტატო უფლებამოსილების შეწყვეტის მიზნით პარლამენტს მხოლოდ პარტიის დამფუძნებელმა მიმართა.

თბილისი, 17 დეკემბერი – Sputnik. ოპოზიციური პარტია „გირჩის“ ერთ-ერთმა ლიდერმა ზურაბ ჯაფარიძემ მეათე მოწვევის პარლამენტს სადეპუტატო უფლებამოსილების შეწყვეტის მიზნით განცხადებით მიმართა.

საპარლამენტო არჩევნები 31 ოქტომბერს გაიმართა, 22 ნოემბერს 17 მაჟორიტარულ ოლქში მეორე ტური ჩატარდა. არჩევნების შედეგად 150-დან 60 ადგილი ოპოზიციის წარმომადგენლებმა მიიღეს. ახალ პარლამენტში „გირჩს“ 4 მანდატი აქვს, თუმცა ჯერჯერობით სადეპუტატო უფლებამოსილების შეწყვეტის შესახებ განცხადება მხოლოდ ჯაფარიძემ დაწერა.

პარტია „გირჩი“ ახლახან ორ ნაწილად გაიყო. დეკემბრის დასაწყისში პარტიის ლიდერმა ზურაბ ჯაფარიძემ Facebook-ის დახურულ ჯგუფში დაწერა, რომ მისი და პარტიის სამი მთავარი წევრის – იაგო ხვიჩიას, ვახტანგ მეგრელიშვილისა და სანდრო რახვიაშვილის გზები გაიყო და ის არ აპირებს მათთან ერთად „გირჩის“ კეთებას. თუმცაღა თავად პარტიაში დარჩენას აპირებს.

„გირჩი“ გაიყო, ის ადამიანები ცალკე არიან, პარტიის ფორმალური თავმჯდომარე იაგო ხვიჩიაა. მათი საჯარო განცხადებები მოვისმინე და მათი დამოკიდებულებაა, რომ თუ პატარა შანსი მაინც არსებობს, რომ პარლამენტში შევიდეს 113 დეპუტატი, მათ ამ შანსზე უარის თქმა არ უნდათ და პარლამენტში შევლენ. შეიძლება ასეთი შანსი ბევრი თვის განმავლობაში არსებობდეს, კი არადა, უსასრულოდ. ამიტომ ინდივიდუალური გადაწყვეტილება მივიღე, დამეწერა განცხადება”, – განუცხადა ჟურნალისტებს ჯაფარიძემ.

ახალი პარლამენტი მუშაობას 11 დეკემბერს შეუდგა. ოპოზიცია არჩევნების შედეგებს არ აღიარებს და საკანონმდებლო ორგანოში შესვლასა და მუშაობაზე უარს აცხადებს. ოპოზიციის წარმომადგენელთა სავარძლები დღემდე ცარიელია.

ამ დროისათვის პარლამენტში მოხვედრილი რვა ოპოზიციური პარტიიდან სადეპუტატო მანდატებზე უარი ოფიციალურად განაცხადა ხუთმა პარტიამ. ესენი არიან ბლოკის „ერთიანი ნაციონალური მოძრაობა - ძალა ერთობაშია“ წარმომადგენლები (36 მანდატი), „ევროპული საქართველო“ (5 მანდატი), „ლელო“ (4 მანდატი) „სტრატეგია აღმაშენებელი“ (4 მანდატი) და ლეიბორისტული პარტია (1 მანდატი).

„ერთიანი ნაციონალური მოძრაობის“ სამი წარმომადგენლის მიერ შექმნილმა „გირჩმა“, რომელიც პოლიტიკურ ასპარეზზე 2015 წელს გამოჩნდა, ელექტორატს თავი დაამახსოვრა მარიხუანის დეკრიმინალიზაციისთვის ბრძოლით, ტაქსის ალტერნატიული „შმაქსის“ ამოქმედებით და ახალი „ეკლესიის“ დაფუძნებით, რათა ახალგაზრდებს ჯარში გაწვევისგან თავის არიდებაში დაეხმაროს.

 

119
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
ოპოზიცია ხელს აწერს მემორანდუმს სადეპუტატო მანდატებზე უარის თქმის შესახებ

დეპუტატის მანდატებზე უარი უკვე ხუთმა ოპოზიციურმა პარტიამ თქვა

145
„ლეიბორისტული პარტიის“ და „ერთიანი ნაციონალური მოძრაობა - ძალა ერთობაშია“ ბლოკის კვალდაკვალ დეპუტატის უფლებამოსილების შეწყვეტის შესახებ განცხადებები დღეს დაწერეს „სტრატეგია აღმაშენებლის“, „ლელო საქართველოსთვის“ და „ევროპული საქართველოს“ წარმომადგენლებმა

თბილისი, 16 დეკემბერი - Sputnik. კიდევ ორი ოპოზიციური პარტიის - „ლელო საქართველოსთვის“ და „ევროპული საქართველოს“ - წარმომადგენლებმა ოფიციალურად განაცხადეს უარი დეპუტატის მანდატებზე.

„ნაციონალური მოძრაობის“ 36-ვე დეპუტატი უარს აცხადებს სადეპუტატო მანდატზე >>

ცოტა ხნის წინ ცნობილი გახდა, რომ „სტრატეგია აღმაშენებლის“ წევრებმაც მიმართეს პარლამენტს მათი სადეპუტატო უფლებამოსილების შეწყვეტის თხოვნით.

მათ უკვე წარადგინეს საკანონმდებლო ორგანოში შესაბამისი განცხადებები პარლამენტის თავმჯდომარე არჩილ თალაკვაძის სახელზე.

„მანდატების განაწილება ვერ ასახავს ქართველი ხალხის სურვილს და შესაბამისად, ამ არჩევნებმა თავისი ფუნქცია ვერ შეასრულა. ამიტომ, ჩვენ ვაგრძელებთ ახალი, სუფთა და სამართლიანი არჩევნების მოთხოვნას და ვართ ბოიკოტის რეჟიმში. ჩვენ უარს ვამბობთ მანდატებზე, მაგრამ ვაგრძელებთ ბრძოლას, რადგან ეს არის სამართლიანი და სწორი ბრძოლა“, – განაცხადა „ლელოს“ წევრმა ანა ნაცვლიშვილმა.

პირველმა ოპოზიციიდან სადეპუტატო უფლებამოსილების შეწყვეტის შესახებ განცხადებით საკანონმდებლო ორგანოს ოფიციალურად ორშაბათს მიმართა „ლეიბორისტული პარტიის“ ლიდერმა შალვა ნათელაშვილმა. სამშაბათს განცხადებები შეიტანეს არჩევნების შედეგებით მეორე ადგილზე გასული საარჩევნო ბლოკ „ერთიანი ნაციონალური მოძრაობა - ძალა ერთობაშიას“ წარმომადგენლებმა. ამგვარად, პარლამენტში არჩევნების შედეგებით გასული რვა პარტიიდან ხუთმა მანდატებზე უარი ოფიციალურად განაცხადა.

სამშაბათს ცესკომ აღნიშნული ხუთი საარჩევნო სუბიექტის პროპორციული სიები გააუქმა.

„კეთილგონივრული არჩევანი და მიდგომა იქნება ის, თუ „ქართული ოცნება“ გააკეთებს არჩევანს არა პარტიული ინტერესის სასარგებლოდ, არამედ საქართველოს სასარგებლოდ. საქართველოს სასარგებლო არჩევანი არის – ერთადერთი დაინიშნოს ვადამდელი არჩევნები გონივრულ ვადებში“, – განაცხადა „ევროპული საქართველოს“ წევრმა არმაზ ახვლედიანმა.

მიუხედავად დეპუტატის მანდატებზე უარისა, ოპოზიციის წარმომადგენლები მზად არიან, გააგრძელონ მოლაპარაკება „ქართულ ოცნებასთან“. მოლაპარაკებები აშშ-ის და ევროკავშირის ელჩების შუამავლობით იმართება.

„ჩვენ ამ ნაბიჯით უარი ვთქვით საკუთარ კეთილდღეობაზე იმ იმედით, რომ „ქართული ოცნება“ იმავე ნაბიჯს გადადგამს, არა იმისთვის, რომ ჩვენ გვჭირდება ეს, არამედ იმისთვის, რომ საქართველოს სჭირდება შეთანხმება“, – განაცხადა „სტრატეგია აღმაშენებლის“ წევრმა პაატა მანჯგალაძე.

ახალი პარლამენტი მუშაობას 11 დეკემბერს შეუდგა. ოპოზიცია არჩევნების შედეგებს არ აღიარებს და საკანონმდებლო ორგანოში შესვლასა და მუშაობაზე უარს აცხადებს. ოპოზიციის წარმომადგენელთა სავარძლები დღემდე ცარიელია.

საპარლამენტო არჩევნები 31 ოქტომბერს გაიმართა, 22 ნოემბერს 17 მაჟორიტარულ ოლქში მეორე ტური გაიმართა. არჩევნების შედეგად, 150-დან 60 ადგილი ოპოზიციის წარმომადგენლებმა მიიღეს.

რვა ოპოზიციური პარტიიდან, რომლებიც პარლამენტში მოხვდნენ, ცესკოსთვის ჯერ არ მიუმართავთ „საქართველოს პატრიოტთა ალიანსს“, „გირჩს“ და „მოქალაქეებს“. ამავე პარტიებს არ მოუწერიათ ხელი საჯარო უარზე სადეპუტატო მანდატების დათმობის შესახებ.

 

 

145
თემები:
პროტესტი საქართველოში: ოპოზიცია საპარლამენტო არჩევნების შედეგებს არ აღიარებს
მთები

დღის ასტროპროგნოზი ზოდიაქოს ნიშნებისთვის: 9 მაისი

0
(განახლებულია 09:21 08.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 9 მაისია, კვირა. კლებადი მთვარე ვერძის ნიშანშია. ამ დღეს პლანეტა მზე მფარველობს.

ეს დღე სიყვარულს უნდა მიუძღვნათ და არა ომსა და მტრობას. გრძნობები გამძაფრებული იქნება, რაც სიყვარულისთვის ძალიან კარგია, მაგრამ კამათისა და ჩხუბისთვის, რა თქმა უნდა – არა. ნებისმიერმა გაუფრთხილებელმა სიტყვამ თუ საქციელმა დიდი წყენა შეიძლება მოიტანოს. გადაწყვეტილებებს დღეს გული მიიღებს, რომელსაც რეალური გრძნობები სჭირდება, და არა – გონება.

როგორ იკლებენ წონაში ზოდიაქოს ნიშნები>>

ვერძი: საზღვარი „საჭიროასა“ და „მინდას“ შორის შეიძლება დაირღვეს. მოგინდებათ გრძნობებზე აყოლა, მაგრამ ვარსკვლავები ამას არ გირჩევენ. ყველაფერი იოლად არ გამოგივათ, ხანდახან სერიოზული წინაღობების გადალახვა მოგიწევთ. მიუხედავად ამისა, პოზიტიური ტენდენციები ბევრ სფეროშია შესამჩნევი. იყავით შეუპოვარი და ეცადეთ, არ დაკარგოთ საკუთარი ძალების რწმენა. თუ ხელებს არ ჩამოუშვებთ პირველივე ბარიერის დანახვისას, ყველაფერი გამოგივათ.

კურო: საჭიროა თანამიმდევრულად მოქმედება და ქაოსისთვის თავის არიდება. აჩქარება შეცდომების მიზეზი შეიძლება გახდეს. დრო უნდა გამონახოთ სიტუაციაში გასარკვევად და სხვადასხვა ვარიანტის განსახილველად. მოუსმინეთ გამოცდილი ადამიანების რჩევებს. ასე შეძლებთ მოსალოდნელი ხარვეზებისთვის გვერდის ავლას. საღამოს დაისვენეთ და ისეთი რამ გააკეთეთ, რაც განწყობას აგიმაღლებთ.

ტყუპი: დღეს მაქსიმალურად გაძლიერდება შემოქმედებითი მისწრაფებები და თუნდაც არ იყოთ ხელოვნების სფეროში დაკავებული ადამიანი, ეს პოტენციალი თქვენში აუცილებლად გაიღვიძებს. ამას გარდა, მოსალოდნელია ურთიერთობები ძალზე საინტერესო ადამიანებთან და საინტერესო თემებზე. ასევე ხელსაყრელი დროა რომანტიკული შეხვედრისთვის, განსაკუთრებით დღის მეორე ნახევარი. ეს დიდ პოზიტიურ ემოციებს მოგიტანთ.

კირჩხიბი: საინტერესო იდეები გაგიჩნდებათ, რაც კარგად აისახება როგორც თქვენს კარიერაზე, ასევე ცხოვრებაზე ზოგადად. ასევე სასარგებლო იდეის მაგივრად შესაძლებელია ძალიან საინტერესო ნაცნობობა. ნაკლებად სავარაუდოა, რომ რომანტიკული შეხვედრა იყოს, მაგრამ მატერიალური თვალსაზრისით ეს ძალზე პერსპექტიული აღმოჩნდება. ნებისმიერ შემთხვევაში, ძალიან კარგი დღე გელოდებათ და ამიტომ ყურადღებით უნდა იყოთ, რომ შანსი ხელიდან არ გაუშვათ.

ლომი: დღეს ახალი საინტერესო შეხვედრებისა და ნაცნობობის შესაძლებლობა გექნებათ. არაა გამორიცხული, რომ ერთ–ერთი ასეთი შეხვედრა ან გაცნობა რომანტიკული ხასიათისა აღმოჩნდეს, თუმცა ნაკლებად სავარაუდოა, რომ მას სერიოზული გაგრძელება მოჰყვეს. მთლიანობაში დღე ძალზე მრავალფეროვანი და საინტერესო გელოდებათ. ხოლო იმისთვის, რომ საჭირო დროს საჭირო ადგილზე აღმოჩნდეთ, ენდეთ ინტუიციას, რომელიც დღეს საკმაოდ გამძაფრებული გექნებათ.

ქალწული: დღეს თქვენი მთავარი ძალა და იარაღი თქვენი სისუსტეები იქნება. ამ სისუსტეების გამოყენებით, შეიძლება ითქვას, რომ გარშემომყოფებს „დაატერორებთ“, უნარი, რომ მიზანს ყველანაირი გზით მიაღწიოთ, აპოგეას მიაღწევს. ამასთან, თავად თქვენ მოგეჩვენებათ, რომ არაფერი განსაკუთრებული და უჩვეულო არ ხდება და გარშემომყოფების გრძნობებზე თამაში სრულიად ბუნებრივი რამაა. თუ ასე გააგრძელებთ, მალე ტირანად შეიძლება იქცეთ ოჯახში.

სასწორი: მთელი დღის განმავლობაში განწყობა შეიძლება ათასჯერ შეგეცვალოთ – მხიარულება მოულოდნელად „მოქუფრულმა“ ფიქრებმა ჩაანაცვლოს, თუმცა ერთი–ორ წუთში ამ ღრუბლებიდან ისევ მზემ გამოანათოს. მოკლედ რომ ვთქვათ, დღეს ემოციებისთვის განსაკუთრებული ყურადღების მიქცევა არ ღირს. ასევე აჯობებს, თუ მნიშვნელოვანი საქმეების გაკეთებას გადადებთ, ან გადააბარებთ იმას, რომლის განწყობა დღეს ჭირვეულობით არ გამოირჩევა.

მორიელი: დღეს თქვენში ტალანტი გაიღვიძებს: ნებისმიერი ბუზი, რომელიც გვერდით ჩაგიფრენთ, სპილოდ აქციოთ. მთელი დღის განმავლობაში ხან რა გაგაღიზიანებთ და ხან – რა. თუ არ გინდათ, ბუზღუნასა და აბეზარას სახელი დაგერქვათ, ნაკლები ყურადღება უნდა მიაქციოთ ნეგატივს, გარშემომყოფების ნაკლოვანებებს. სამაგიეროდ შესანიშნავად გაართმევთ თავს იმ საქმეებს, რომლებშიც წვრილმანებისადმი ყურადღებაა საჭირო – სჯობს, სწორედ ასეთ საქმეებს დაუთმოთ დრო.

მშვილდოსანი: დღეს გული დიდი და ხმაურიანი კომპანიებისკენ გაგიწევთ, რომ თუნდაც სულ ცოტა ხნით აღმოჩნდეთ ყურადღების ცენტრში. ყოველ შემთხვვაში, თუ ასეთ ადგილას არ აღმოჩნდებით და ვერც ყურადღების ცენტრში მოექცევით, იოცნებოთ მაინც ამაზე. ამაში ცუდი არაფერია, მაგრამ ეცადეთ ზედმეტი არ მოგივიდეთ და გარშემომყოფები არ გააღიზიანოთ, თან იმის გათვალისწინებით, რომ თქვენი რეაქცია ირგვლივ მყოფების მხრიდან გამოსროლილ ირონიულ შენიშვნებზე ორმაგად მწვავე იქნება.

თხის რქა: მუდმივად მოგიწევთ სახლის საქმეებზე და საზრუნავზე ყურადღების გადატანა. ეს კარგიცაა – დროა, მიხედოთ საშინაო საქმეებს და სხვა საკითხები კი გადადოთ. მაინც არ გელოდებათ რამე გრანდიოზული გარღვევები და შედეგები საქმიანობაში. მაგრამ ვარსკვლავები გირჩევენ, ზედმეტი ყურადღება არ დაუთმოთ წვრილმანებს, მცირე უსიამოვნებებს, წინააღმდეგ შემთხვევაში შემდეგ რამდენიმე დღე ამაზე მოგიწევთ „ჩაციკლვა“.

მერწყული: გაუგებრობებით სავსე დღეა და ამის მიზეზი თვითონ თქვენი არათანმიმდევრულობა იქნება. დღეს გაცნობიერებულად მოგინდებათ წესების დარღვევა, შეიძლება სხვადასხვა წვრილმანმა მიიქციოს თქვენ ყურადღება, ისეთმა, რომელსაც სხვა დროს საერთოდ არ მიაქცევდით ყურადღებას. ამან შეიძლება ისე გაგიტაცოთ, რომ გასაკეთებელი საქმეები საერთოდ დაგავიწყდეთ, ამით კი თქვენი გეგმები დაირღვევა და კალაპოტიდან ამოვარდებით.

თევზები: თქვენში ყველაფერ მშვენიერსა და ლამაზზე განსაკუთრებული ალღო გაიღვიძებს და ეს მშვენირი, პირველ რიგში, ფულია. ძალიან დიდია დღეს იმის ალბათობა, რომ თუ საგაძური, არა, რამე ძველი ყუთი მაინც იპოვოთ და ამან დაგაინტერესოთ. შემოსავლებთან დაკავშირებით სასიამოვნო სიურპრიზი გელოდებათ. ერთადერთი, რაშიც უნდა იფრთხილოთ, ეს საკვებია – არის დიდი შანსი, რომ გაძლიერებული მადის გამო ფიგურას ზიანი მიაყენოთ.

0