თბილისი, 18 მაისი – Sputnik. ავსტრიის პრეზიდენტი ჰაინც ფიშერი (Heinz Fischer), პირველი ლედის მარგიტ ფიშერის (Margit Fischer) თანხლებით, საქართველოს ორდღიანი სახელმწიფო ვიზიტით ორშაბათს 18 მაისს ეწვევა, იუწყება საქართველოს პრეზიდენტის პრეს–სამსახური.
პირისპირ და გაფართოებულ ფორმატში შეხვედრების შემდეგ გაიმართება ორი ქვეყნის პრეზიდენტების პრესკონფერენცია. მისალმების ოფიციალური ცერემონია გაიმართება საქართველოს პრეზიდენტის ავლაბრის რეზიდენციაში.
ფიშერის საქართველოში ვიზიტის ფარგლებში ასევე დაგეგმილია შეხვედრები აღმასრულებელი ხელისუფლების მაღალი რანგის წარმომადგენლებთან.
„ეს არის ერთ–ერთი უმნიშვნელოვანესი ღონისძიება ორი ქვეყნის ურთიერთობის ისტორიაში, რადგანაც ავსტრიის მხრიდან საქართველოში ასეთი დონის ვიზიტი არ ყოფილა…შგვიძლია ვთქვათ, რომ ამ ვიზიტს უდიდესი დატვირთვა ენიჭება, განსაკუთრებით, რიგის სამიტის წინა დღეებში", – განაცხადა საგარეო ურთიერთობებში პრეზიდენტის მრჩეველმა თენგიზ ფხალაძემ.
„აღმოსავლეთ პარტნიორობის“ სამიტი 21–22 მაისს გაიმართება რიგაში.