ივანე მაჭავარიანი

COVID-19-მა რეფორმების ჩატარებას ხელი ვერ შეუშალა - ივანე მაჭავარიანის 2020 წლის ანგარიში

83
(განახლებულია 16:02 16.12.2020)
გამოსვლის დროს მაჭავარიანმა 2020 წელს უჩვეულო უწოდა და აღნიშნა, რომ პანდემიამ მთელი მსოფლიო რადიკალურად შეცვალა

თბილისი, 15 დეკემბერი – Sputnik. კორონავირუსის პანდემიაზე საპასუხოდ, საქართველომ შეძლო საკმაოდ დიდი მოცულობის რესურსების მოძიება, რაც ჯანსაღი მაკროეკონომიკური და ფისკალური პარამეტრების შედეგია, რომლებიც ქვეყანას COVID-19-მდე ჰქონდა, განაცხადა ფინანსთა მინისტრის მოვალეობის შემსრულებელმა ივანე მაჭავარიანმა უწყების ანგარიშის პრეზენტაციაზე.

გამოსვლის დროს მაჭავარიანმა 2020 წელს უჩვეულო უწოდა და აღნიშნა, რომ პანდემიამ მთელი მსოფლიო რადიკალურად შეცვალა. ამიტომ, პრეზენტაციისას მან ყურადღება გაამახვილა უწყების მიერ პანდემიაზე საპასუხოდ განხორციელებულ ღონისძიებებზე და სამომავლო გეგმებზე ისაუბრა.

საბიუჯეტო პარამეტრებზე საუბრისას, მაჭავარიანმა აღნიშნა, რომ მიმდინარე ხარჯები მნიშვნელოვნად შემცირდა, ხოლო კაპიტალური ხარჯები მშპ-ს 8.5%-მდე გაიზარდა, რაც ერთ-ერთი ყველაზე მაღალი მაჩვენებელია მსოფლიოში.

დონორების დახმარება

საქართველო იყო ერთ-ერთი პირველი ქვეყანა, რომელმაც მიმდინარე წლის მაისში, კორონავირუსთან საბრძოლველად საერთაშორისო სავალუტო ფონდის მიმდინარე პროგრამის ფარგლებში გაზრდილი თანხები მიიღო. მოლაპარაკებები სავალუტო ფონდთან მარტში დაიწყო და ერთობლივად შემუშავდა ფისკალური ჩარჩო, რომელსაც საქართველოს ეკონომიკა პანდემიის პერიოდში ემყარება.

„აპრილში წარმატებით დავასრულეთ მოლაპარაკებები და ვიყავით პირველი ქვეყანა, რომლის ანტიკრიზისული პროგრამა დაამტკიცა სავალუტო ფონდმა. ამის წინაპირობა იყო გასული წლების გამართული ფისკალური პოლიტიკა და სავალუტო ფონდის მხრიდან ხელისუფლებისადმი მაღალი ნდობა“, - აღნიშნა მაჭავარიანმა.

მან აღნიშნა, რომ სწორედ სავალუტო ფონდთან მოლაპარაკებების შედეგად საქართველომ მიიღო პარტნიორი დონორი ორგანიზაციების სწრაფი და მოცულობითი მხარდაჭერა. ამ ეტაპზე ხელმოწერილი შეთანხმებების ჯამური მოცულობა 1.9 მილიარდ დოლარს აჭარბებს. საქართველო პირველ ადგილზეა პანდემიის პერიოდში დონორი ორგანიზაციების დახმარებების მოცულობით ერთ სულ მოსახლეზე გადაანგარიშებით.

ჯანდაცვა, მოსახლეობა, ბიზნესი - რაში იხარჯება ფული

ბიუჯეტიდან დამატებითი სახსრები მოხმარდა ჯანდაცვის სექტორის მხარდასაჭერად, ასევე პანდემიით დაზარალებული მოსახლეობისა და ბიზნესის დასახმარებლად.

ჯანდაცვის დაფინანსება 420 მილიონ ლარზე მეტად გაიზარდა.

„აქ მნიშვნელოვანია მსოფლიო ბანკის კოვიდ-პროექტიც, რომლის ფარგლებში წარმატებით ხორციელდება პანდემიის მართვა, და საჭირო შესყიდვების უმეტესობა პირდაპირ მწარმოებლებთან ხორციელდება. დაგეგმილია აღნიშნული პროექტის გაფართოება. უკვე მიმდინარეობს სამუშაოები ვირუსის საწინააღმდეგო ვაქცინის შესაძენად და ლოგისტიკის უზრუნველსაყოფად“, - აღნიშნა მაჭავარიანმა.

მოსახლეობის დახმარებისთვის ბიუჯეტიდან 1,2 მილიარდი ლარი გამოიყო. ქვეყნის 1,7 მილიონი მოქალაქე იღებს სხვადასხვა სახის ფინანსურ დახმარებას ამ სახსრებიდან, ხოლო 2,5 მილიონამდე მოქალაქე სარგებლობს კომუნალური გადასახადების სუბსიდირებით.

1,2 მილიარდი ლარი გამოიყო დაქირავებული თანამშრომლების, თვითდასაქმებული, სოციალურად დაუცველი ჯგუფების, 18 წლამდე ბავშვებისა და სტუდენტების დასახმარებლად. მიზანი იყო პანდემიით დაზარალებული მოსახლეობის ყველა კატეგორიის მაქსიმალურად დაფარვა.

ბიზნესის დასახმარებლად 1.6 მილიარდ ლარზე მეტი გამოიყო. განხორციელდა მოგებისა და ქონების გადასახადის შეღავათები, რომლითაც 425 ათასზე მეი სამუშაო ადგილზე 33 ათასზე მეტი კომპანია სარგებლობს.

რეგისტრაცია 300-ლარიანი კომპენსაციის მისაღებად დღეიდან იწყება >>

დახმარება გაეწია ტურიზმის, მშენებლობისა და სოფლის მეურნეობის სექტორებს. კერძო სექტორის ფინანსებზე ხელმისაწვდომობის გაზრდის მიზნით ამოქმედდა საკრედიტო-საგარანტიო სქემა და ამავდროულად, კომერციულ ბანკებში უზრუნველყოფილი იქნა ლარის გრძელვადიანი ლიკვიდურობა.

საგადასახადო ადმინისტრირება

მაჭავარიანის თქმით, 2020 წლის განმავლობაში 50 ათასზე მეტ გადამხდელს სხვადასხვა ფორმით ჯამურად გადაუვადდა 400 მილიონ ლარზე მეტი საგადასახადო ვალდებულება.

შემოსავლების სამსახურის ვებგვერდზე შეიქმნა ახალი ელექტრონული სისტემები, რამაც შეუფერხებლად უზრუნველყო კომპენსაციების გაცემა და საგადასახადო შეღავათების გამოყენება.

მაჭავარიანმა განსაკუთრებით აღნიშნა შემოსავლების სამსახურის მიერ შესრულებული სამუშაო. უწყებამ განახორციელა ყველა საჭირო ღონისძიება, რომელიც მიმართული იყო საქართველოს ტერიტორიაზე ტვირთებისა და მგზავრთა შეუფერხებელი და უსაფრთხო გადაადგილების უზრუნველყოფისკენ.

სასაზღვრო-გამშვებ პუნქტებზე მოეწყო 11 საიზოლაციო სივრცე, სადაც მაღალი რისკ-ჯგუფის მქონე პირების გადაყვანა ხდება (მათ ვისაც უფიქსირდებათ ვირუსით ინფიცირების სიმპტომები); ასევე დამონტაჟდა დისტანციური თერმოსკანერები და თერმოსკრინინგი უტარდება საქართველოში შემომსვლელ ყველა პირს.

სახმელეთო სასაზღვრო-გამშვებ პუნქტებსა და სამივე აეროპორტში დამონტაჟდა 14 საველე კარავი, სადაც ხორციელდება საქართველოში შემომსვლელი პირების ტესტირება. სასაზღვრო-გამშვებ პუნქტებზე მუშაობა დაიწყო სპეციალურად შექმნილმა ეპიდემიოლოგების ჯგუფმა, რომელიც 28 ეპიდემიოლოგით და 50 ოპერატორით დაკომპლექტდა, დაიწყო საერთაშორისო გადაზიდვებში მონაწილე მძღოლთა ტესტირება. ტესტირებულ მძღოლთა რაოდენობა შეადგენს 146 700 ადამიანს, საიდანაც ინფიცირების 3 260 შემთხვევა გამოვლინდა.

ამასთან, გაფართოვდა ელექტრონული სერვისების არეალი, რომელთა ფარგლებში საბაჟო გაფორმების პროცედურები დისტანციურად ხორციელდება.

ეკონომიკური ზრდის რეფორმები

17 ნოემბრიდან გადასახადის გადამხდელებს შესაძლებლობა აქვთ ახალი პროგრამული უზრუნველყოფის დახმარებით გადასახადის გადამხდელის დღგ-ის დაბრუნების მოდულში ასახული ზედმეტად გადახდილი დღგ-ის თანხა დაიბრუნონ ავტომატურად, მოთხოვნის წარმოდგენის გარეშე, მითითებულ საბანკო ანგარიშზე.

პირველივე თვეში სიახლით ისარგებლა 10 000-ზე მეტმა გადამხდელმა და დაბრუნდა 165 მლნ ლარზე მეტი.

პენსიების ზრდა

მაჭავარიანმა მნიშვნელოვანი ნაბიჯი უწოდა პენსიების 20 ლარით გაზრდას. გარდა ამისა, პენსიონერები, რომლებიც 70 წელს ზემოთ ასაკის არიან, 50 ლარით მეტს იღებენ. დღეს საქართველოში პენსია 220 ლარს შეადგენს, ხოლო 70 წელს ზემოთ ასაკის პენსიონერებისთვის - 250 ლარს.

2021 წლის 1 იანვრიდან გათვალისწინებულია 70 წლამდე ასაკის პენსიონერებისთვის პენსიის ზრდა 20 ლარით და მათი პენსია განისაზღვრება 240 ლარით, ხოლო 70 წლის ან მეტი ასაკის პენსიონერებისთვის პენსია იზრდება 25 ლარით და ის განისაზღვრება 275 ლარის ოდენობით. 70 წლამდე ასაკის პენსიონერებისთვის პენსია ინფლაციის გათვალისწინებით გაიზრდება, ხოლო 70 წელს ზემოდ ასაკის - ინფლაციისა და ეკონომიკური ზრდის 80%-ის გათვალისწინებით.

მნიშვნელოვანი გამოწვევები

საშუალოვადიან გამოწვევებს შორის მაჭავარიანმა დაასახელა სახელმწიფო ვალის შემცირება, დეფიციტის შემცირება, კაპიტალური ხარჯების შენარჩუნება მშპ-ს 8%-ზე, საგადასახადო ადმინისტრირების ეფექტურობა, ფისკალური რისკების შემცირება და ასევე სახელმწიფო საწარმოების კომპლექსური რეფორმა.

როდის მიიღებს საქართველო საერთაშორისო სავალუტო ფონდის ტრანშს და რას მოხმარდება თანხა >>

მთავრობის ვალის მაჩვენებელმა მთლიანი შიდა პროდუქტის 60%-იან ნიშნულს მიაღწია, რაც, მაჭავარიანის თქმით, საგანგაშო არაა, თუმცა აღნიშნა, რომ საჭიროა სიფრთხილე, რათა მომდევნო წლებში ეს ვალი არ გაიზარდოს. უახლოეს 4-5 წელიწადში ქვეყანამ უნდა ეცადოს მისი თანდათანობით შემცირება, რათა მორიგი მსოფლიო კრიზისის დროს კვლავ სახსრების მობილიზება შეძლოს.

83
თემები:
საქართველოს ეკონომიკა (907)
გიორგი მანდარია გამარჯვებულ მოსწავლეებთან ერთად

ლოგიკური აზროვნება გამარჯვებისთვის ქართველი მოზარდები მსოფლიოში უძლიერესთა შორის

160
(განახლებულია 22:44 26.01.2021)
დიდი ხანია მივეჩვიეთ იმ ფაქტს, რომ ქართველი მოზარდები ყველა სფეროში აღწევენ წარმატებას. ამჯერად ვისაუბრებთ ინფორმატიკის ოლიმპიადებზე, საიდანაც, არ ყოფილა შემთხვევა, რომ საქართველოდან წარგზავნილს მედალი არ ჩამოეტანოს.

საქართველოში ინფორმატიკის ეროვნული ოლიმპიადა, ისევე, როგორც მსოფლიო ოლიმპიადა, 1989 წლიდან იმართება. ოლიმპიადის ჩატარება განათლების სამინისტროს ინფორმატიკის მთავარმა ცენტრმა დაიწყო და ბატონი გიორგი მანდარია მასში პირველივე დღიდანაა ჩართული. ჩვენი ქვეყნის ეროვნულ ნაკრებს, რომელშიც ოთხი ძლიერი მოსწავლეა, ის 1990 წლიდან ხელმძღვანელობს. იმ წელს მეშვიდე გიმნაზიის მოსწავლემ გიორგი დათუაშვილმა, რომელიც საბჭოთა ნაკრებში მოხვდა, ინფორმატიკის მეორე მსოფლიო ოლიმპიადაზე ოქროს მედალი აიღო.

იქიდან მოყოლებული ჩვენი ყველა გამარჯვება ბატონი გიორგისა და მისი გუნდის სახელს უკავშირდება. ყოფილი ოლიმპიელები მიღებულ ცოდნასა და გამოცდილებას დიდ ცხოვრებაშიც იყენებენ. ამის დასტურია ის, რომ ბევრი მათგანი როგორც საქართველოში, ასევე უცხოეთში ცნობილ წამყვან კომპანიებში მუშაობს, ან თავად არიან კომპანიის მფლობელები.

გიორგი მანდარია
გიორგი მანდარია

- ბატონო გიორგი, როგორია ჩვენი ქვეყნის წარმატების სტატისტიკა?

- საქართველო, როგორც დამოუკიდებელი ქვეყანა, ინფორმატიკის მსოფლიო ოლიმპიადებში 1996 წლიდან მონაწილეობს. 2000 წელს პირველი მედალი მოვიპოვეთ და ამის შემდეგ მედლების გარეშე აღარ დავბრუნებულვართ. პირველი ოქროს მედალი საქართველოს ნაკრებს 2010 წელს ქუთაისის ფიზიკა-მათემატიკური 41-ე საჯარო სკოლის მოსწავლემ ცოტნე ტაბიძემ მოუტანა. მეორე ოქროს მედალი 2014 წელს თბილისელი მოსწავლის ნიკოლოზ სვანიძის სახელთანაა დაკავშირებული (კომაროვის ფიზიკა-მათემატიკური 199-ე საჯარო სკოლა, საინფორმაციო ტექნოლოგიების ცენტრი „მზიური“). ევროპის ოლიმპიადებში 2015 წლიდან ჩავერთეთ. ამ წლების მანძილზე არაერთი გამარჯვება გვაქვს მოპოვებული. საბოლოო ჯამში მსოფლიოს და ევროპის ოლიმპიადებზე აღებული გვაქვს 14 ოქროს, 12 ვერცხლისა და 50 ბრინჯაოს მედალი.

გიორგი მანდარია
გიორგი მანდარია

- ასე რომ, მედლის გარეშე ფაქტობრივად არც ერთი ოლიმპიადიდან არ დავბრუნებულვართ?

- დიახ, სწორედ ასეა. ქართველი მოსწავლეები 2017 წელს ცენტრალური ევროპის ქვეყნების ოლიმპიადისა და სრულიად ევროპის პირველი ახალგაზრდული ოლიმპიადის ჩემპიონები გახდნენ. 2018 წელს იაპონიის მსოფლიო ოლიმპიადაზე ორი ოქროს მედალი მოვიპოვეთ და საქართველო 87 მონაწილე ქვეყნიდან მსოფლიოს რვა უძლიერეს ქვეყანას შორის მოხვდა. 2019 წელს მსოფლიო ოლიმპიადაზე ერთი ოქროს და ორი ბრინჯაოს, სრულიად ევროპის მესამე ახალგაზრდულ ოლიმპიადზე კი ერთი ვერცხლის და სამი ბრინჯაოს მედალი დავიმსახურეთ. გასულ წელს რაც შეეხება, მსოფლიო ოლიმპიადაზე ორი ოქროსა და ორი ბრინჯაოს მედალი მოვიპოვეთ. ჩვენი ქვეყანა კი 87-დან ისევ მსოფლიოს რვა უძლიერეს ქვეყანას შორის მოხვდა.

გიორგი მანდარია
გიორგი მანდარია

- შარშან საქართველომ ონლაინ უმასპინძლა ევროპის ოლიმპიადას...

- დიახ, 2020 წელს საქართველომ ევროპის მეოთხე ახალგაზრდულ ოლიმპიადას ონლაინ რეჟიმში უმასპინძლა, რაც საკმაოდ რთული იყო. თუმცა იმას, რომ ოლიმპიადა მაღალ დონეზე ჩავატარეთ, საერთაშორისო კომიტეტის წევრების, მონაწილე ქვეყნების ხელმძღვანელების, თვით ოლიმპიადის პრეზიდენტის მიერ გამოგზავნილი სამადლობელი წერილები ადასტურებს. ფინანსური და ორგანიზაციული მხარდაჭერა საქართველოს განათლების, მეცნიერების, კულტურისა და სპორტის სამინისტრომ და შოთა რუსთაველის ეროვნულმა სამეცნიერო ფონდმა უზრუნველყვეს. ხოლო სამეცნიერო-თემატური უზრუნველყოფა, ჩვენთან ერთად, ყოფილი ოლიმპიელებით დაკომპლექტებულმა სამეცნიერო-ტექნიკურმა კომიტეტმა მოახდინა. ქართველი მოსწავლეები ამჯერადაც წარმატებით გამოვიდნენ. ოლიმპიადაზე ერთი ოქროს, ერთი ვერცხლისა და ორი ბრინჯაოს მედალი მოვიპოვეთ. მომავალ წელს, პანდემიის პრობლემის მოხსნის შემთხვევაში, ევროპის მეხუთე ახალგაზრდულ ოლიმპიადას ისევ საქართველო უმასპინძლებს.

გიორგი მანდარია ინფორმატიკის ოლიმპიადაზე მონაწილეებთან ერთად
გიორგი მანდარია ინფორმატიკის ოლიმპიადაზე მონაწილეებთან ერთად

- თუ შეიძლება, რომ მკითხველს გამორჩეული მოსწავლეები გავაცნოთ...

- მოგახსენებთ. 2018 წელს ჩვენი ორი ოქროსმედალოსნიდან (ორივე კომაროვი, სასწავლო ცენტრი „მზიური“) ნიკოლოზ ბირკაძე 340 მონაწილიდან მსოფლიოს უძლიერეს ოთხეულში შევიდა, ხოლო გიორგი კლდიაშვილი მსოფლიოს 16 უძლიერეს მოსწავლეს შორის მოხვდა. საქართველო 87 მონაწილე ქვეყნიდან რვა უძლიერეს ქვეყანას შორის დასახელდა. წლევანდელი ევროპის ახალგაზრდული ოლიმპიადის ოქროსმედალოსანი ლუკა მოსიაშვილი ევროპის უძლიერეს მოსწავლეთა ოთხეულში შევიდა. გარდა ამისა, გიორგი კლდიაშვილი (დემირელის სახელობის კერძო კოლეჯის ყოფილი მოსწავლე, სასწავლო ცენტრი „მზიური“) 2017 წელს ცენტრალური ევროპის ქვეყნების ოლიმპიადის ჩემპიონი გახდა. საქართველო კი მონაწილე ქვეყნების უძლიერეს სამეულში შევიდა. ნიკოლოზ ბირკაძემ საქართველოს ოლიმპიადების ისტორიაში თავისი ადგილი უკვე დაიმკვიდრა. ის პირველია, ვინც 15 წლის ასაკში მათემატიკისა და ინფორმატიკის მსოფლიო ოლიმპიადებზე ვერცხლის მედლები მოიპოვა. მანამდე გიორგი კლდიაშვილს ჰქონდა მეცხრე კლასში ორივე ოლიმპიადაზე ბრინჯაოს მედლები მოპოვებული. გარდა ამისა, ნიკოლოზი 2017 წელს ევროპის პირველი ახალგაზრდული ოლიმპიადის ჩემპიონი გახდა. საბოლოოდ კი ის ბოლო ოთხი წლის მანძილზე მოპოვებული სამი ოქროსა და ერთი ვერცხლის მედლით ინფორმატიკის მსოფლიო ოლიმპიადების ყველა დროის უძლიერეს ოცეულში შევიდა.

გიორგი მანდარია მოსწავლეებთან ერთად
გიორგი მანდარია მოსწავლეებთან ერთად

- ამ სფეროში ბევრი ინიციატივა თქვენ სახელთანაა დაკავშირებული, მათგან მნიშვნელოვანი გაგვაცანით...

- ჩემ თანამოაზრეებთან ერთად 2008 წელს დავაფუძნე „საინფორმაციო ტექნოლოგიების სწავლების და ინფორმატიკის ოლიმპიადების მხარდამჭერი ასოციაცია“, რომლის გამგეობის თავმჯომარეც გახლავართ. ეს ასოციაცია 2015 წლიდან  განათლების სამინისტროს მიერ გამოცხადებული კონკურსის საფუძველზე საქართველოს მოსწავლეთა ეროვნულ ოლიმპიადებს საკუთარი ხარჯებით ატარებს. 2017 წელს დავაფუძნე ინფორმატიკის ოლიმპიადა OLYINFO, რომელსაც წელიწადში ორჯერ, გაზაფხულსა და შემოდგომაზე ვატარებ. ის განკუთვნილია იმ მოსწავლეების გამოსავლენად, რომლებსაც არ აქვთ სპეციალური მომზადება, არ იციან დაპროგრამება და ალგორითმები, მაგრამ გამოირჩევიან ლოგიკური აზროვნებით, რაც ამ სფეროში უცილებელია. ასევე, 2015 წელს დავაფუძნე საქართველოს მოსწავლეთა ზამთრის ოლიმპიადა, რომელსაც ყოველი წლის თებერვლის ბოლოს შავი ზღვის საერთაშორისო უნივერსიტეტში ვატარებ უნივერსიტეტის ორგანიზაციული და ფინანსური მხარდაჭერით.

მოსწავლეებთან და კოლეგებთან ერთად
მოსწავლეებთან და კოლეგებთან ერთად

- რითია გამოწვეული ის, რომ ოლიმპიადებზე ძირითადად საქართველოს ორი ქალაქის მოსწავლეები გამოდიან?

- დიახ, გეოგრაფიული არეალი, რომელსაც ვწვდებით, საკმაოდ ვიწროა, პრაქტიკულად, მარტო თბილისითა და ქუთაისით შემოიფარგლება. ეს ძირითადად ამ საგნის კვალიფიციური პედაგოგების სიმწირითაა გამოწვეული და იმითაც აიხსენება, რომ დღეს ჩვენს სკოლებში ინფორმატიკა არ ისწავლება. არადა, ეს საჭირო საგანი ალგორითმული აზროვნების ჩამოყალიბებასა და დაპროგრამების ელემენტების სწავლებას ითვალისწინებს. მეორე მხრივ, საქართველოს რეგიონებში ნიჭიერი ბავშვების დიდი პოტენციალია, რომელთა საინფორმაციო ტექნოლოგიებთან ზიარება და ამ სფეროთი დაინტერესება ქვეყნისთვის მნიშვნელოვანი საქმეა. აქვე მინდა აღვნიშნო, რომ ამ პროცესში ძალიან დიდია კომაროვის სკოლის, ვეკუას სახელობის ფიზიკა-მათემატიკური, ქუთაისის ფიზიკა-მათემატიკური სკოლების, ასევე საინფორმაციო ტექნოლოგიების სასწავლო ცენტრ „მზიურის“ როლი, სადაც ბავშვები პატარა ასაკიდან იწყებენ მეცადინეობას და სკოლის დამთავრებამდე აგრძელებენ.

დაჯილდოების ცერემონია
დაჯილდოების ცერემონია

- ამ სკოლების გარდა ქართველი მოსწავლეების მომზადებაში ვინ იღებს მონაწილეობას და ვინ აფინანსებს ოლიმპიადებზე მათ გამგზავრებას?

- საქართველოს ეროვნული ნაკრების მომზადებას და მსოფლიო თუ სხვა საერთაშორისო ოლიმპიადებზე მოსწავლეების გამგზავრებას განათლების სამინისტრო აფინანსებს. რაც შეეხება მათ მომზადებას, არ შემიძლია არ ვახსენო რამდენიმე პედაგოგი, რომელთა უანგარო და მრავალწლიანი თავდადებული შრომის შედეგია სწორედ ის წარმატებები, რომლითაც ასე ვამაყობთ. ჩვენ ერთად შევძელით არცთუ ისე დიდი, მაგრამ საკმაოდ ეფექტური ინფრასტრუქტურის შექმნა.  შეიძლება ითქვას, რომ ჩვენი გუნდი ქვეყანას მაღალი დონის ცოდნით აღჭურვილ მომავალ თაობას უზრდის. მინდა ეს პედაგოგები ჩამოგითვალოთ: თბილისიდან – ზაზა გამეზარდაშვილი, გურამ ქოთოლაშვილი და პაატა ჯავახიშვილი, ქუთაისიდან – ვახტანგ შეკიშვილი და მალხაზ ჯინჯიხაძე. ასევე ის ყოფილი ოლიმპიელები, რომლებიც თავის ცოდნას უზიარებენ მომავალ თაობას. საბედნიეროდ, ისინი უკვე არცთუ ისე ცოტა არიან და მათი ჩამოთვლა შორს წაგვიყვანს. ბევრი წარმატებული ყოფილი ოლიმპიელი ფინანსურადაც გვეხმარება.

დაჯილდოების ცერემონია
დაჯილდოების ცერემონია

- სწორედ მათ შესახებ მინდა გკითხოთ, დღეს სად სწავლობენ ან რას საქმიანობენ წარმატებული ოლიმპიელები?

- ოლიმპიადებზე მიღებული ცოდნა-გამოცდილება დიდ ცხოვრებაშიც წარმატების საწინდარი ხდება ხოლმე, რაც განსაკუთრებით მახარებს. ჩვენი ოლიმპიელები დღეს მსოფლიოს წამყვან უნივერსიტეტებში სწავლობენ. ხოლო ვინც დაამთავრა სწავლა, როგორც საქართველოში, ასევე უცხოეთში ისეთ წამყვან კომპანიებში მუშაობენ, როგორიცაა Google, Facebook, Quora, Dropbox, Vmware და სხვ. ზოგიც საკუთარი კომპანიის მფლობელია. იმედია, თუ მომავალში ხელშეწყობა იქნება, საერთაშორისო ინტელექტუალურ ასპარეზზე საქართველო კიდევ არაერთხელ იტყვის თავის სიტყვას.

 

160
კორონავირუსის ეპიდემია

ახალი გამოწვევა მედიცინაში: პოსტკოვიდური სინდრომი, სიმპტომები და თანმდევი გართულებები

113
(განახლებულია 17:59 26.01.2021)
პოსტკოვიდური სინდრომი მსოფლიო მედიკოსთა ახალი გამოწვევაა. სუნთქვის, თირკმლის და გულის უკმარისობა – ეს ის ძირითადი სიმპტომებია, რითიც კოვიდგადატანილი პაციენტები კლინიკებში ბრუნდებიან.

როგორც სპეციალისტები აცხადებენ, დაკვირვების შედეგად დადგინდა, რომ პოსტკოვიდური სინდრომი უმეტესად იმ პაციენტებს ემართებათ და მათი ხელახალი ჰოსპიტალიზაცია უწევთ, ვინც კოვიდი მძიმე ფორმებში გადაიტანა.

გავრცელებული ინფორმაციით, ამ დროისათვის საქართველოში პოსტკოვიდური სინდრომის 60 შემთხვევაა დაფიქსირებული. აღმოჩნდა, რომ საქართველოში ამ დიაგნოზით პაციენტების მატება იანვარში დაიწყო. ადამიანები, რომელთა საავადმყოფოში მოთავსება ხელახლა გახდა საჭირო, ბოჭორიშვილის სახელობის კლინიკაში სპეციალურად შექმნილ განყოფილებაში მკურნალობენ.

„ვირუსიდან განკურნების და სახლში დაბრუნების შემდეგ სამ დღეში დავმძიმდი, დამეწყო კრუნჩხვა. დავრეკეთ საავადმყოფოში და კვლავ გადამიყვანეს კლინიკაში. აღმოჩნდა, რომ პოსტკოვიდური სინდრომი მქონდა. ორი თვე გავიდა მას შემდეგ, რაც მეორედ გამომწერეს საავადმყოფოდან. პროგრესი არის, მაგრამ ბოლომდე არ გამოვჯანმრთელებულვარ“, – ამბობს ჟურნალისტებთან საინფორმაციო სააგენტო „როიტერის“ ოპერატორი დავით ჩხიკვიშვილი, რომელმაც კორონავირუსი უმძიმესი ფორმით გადაიტანა.

მისი ინფორმაციით, მიუხედავად იმისა, რომ კორონავირუსი გადაიტანა და პოსტკოვიდური სინდრომიც ორი თვის წინ დაამარცხა, დღემდე აქვს სხვადასხვა ჩივილები, უჭირს სუნთქვა და კანზე აღენიშნება ლაქები.

ტელეკომპანია „იმედის“ ეთერში ინფექციური საავადმყოფოს გენერალურმა დირექტორმა თენგიზ ცერცვაძემ ბავშვებსა და ზრდასრულებში პოსტკოვიდური სინდრომის მიმდინარეობის თავისებურებებზე ისაუბრა. ინფექციონისტის განცხადებით, საქართველოში პოსტკოვიდური, ანუ მულტისისტემური ანთებითი სინდრომის რამდენიმე ათეული შემთხვევა გამოვლინდა, რაც ქვეყნისთვის მაღალი მაჩვენებელია. 

გთავაზობთ თენგიზ ცერცვაძის ინტერვიუს:

როგორ მიმდინარეობს სინდრომი ბავშვებში

ოფიციალურად მას ჰქვია მულტისისტემური ანთებითი სინდრომი. ​მსოფლიოში ითვლებოდა, რომ ეს იყო ძალიან იშვიათი გართულება. საქართველოში უცებ არის ცნობა, რომ რამდენიმე ათეული ასეთი პაციენტი იყო. მე პედიატრი არ ვარ და ჩემთან არ ხვდებიან ეს პაციენტები. ძირითადად ისინი არიან პედიატრებთან. სამინისტროში გვქონდა შეხვედრა ბატონ ივანე ჩხაიძესთან, რომელიც არის მთავარი სპეციალისტი. მან თქვა, რომ ყველა კრიტერიუმს აკმაყოფილებდა ეს შემთხვევები და მათ ნამდვილად ჰქონდათ პოსტკოვიდური მულტისისტემური ანთების სინდრომი. რაღაც შემთხვევები რომ იყო, ეს ფაქტია. რამდენად იყო ზუსტად 60 შემთხვევა, ამის თქმა მიჭირს. მსოფლიო სტატისტიკასთან შედარებით 60 შემთხვევა ბევრია.

რა სიმპტომები ახასიათებს პოსტკოვიდურ სინდრომს

რაც შეეხება მოზრდილებს, იქ გაცილებით ხშირია პოსტკოვიდური სინდრომი. მას ბევრი კლინიკური სიმპტომი ახასიათებს. ყველაზე ხშირად არის საერთო სისუსტე, ტკივილი კუნთების მიდამოში, სუნთქვის გაძნელება, გულის ფრიალი, უსიამოვნო შეგრძნება გულ-მკერდის არეში. ცენტრალური ნერვული სისტემის მხრივ ისეთი მოვლენები, როგორიცაა დეპრესია, უძილობა, შფოთვა, თავის ტკივილი. ასევე თირკმლის დაზიანების სიმპტომატიკა, ღვიძლის დაზიანების სიმპტომები.​ ვარაუდობდნენ, რომ ეს სინდრომი შედარებით იშვიათი იყო. იმასაც ვარაუდობდნენ, რომ ის იყო მსუბუქი და მხოლოდ დაკვირვება სჭირდებოდა. ახლახან გამოქვეყნდა ინგლისელების ძალიან საყურადღებო კვლევა. დადგინდა, რომ განკურნებულების 29,3% შებრუნდა კლინიკაში, მათ შორის თითქმის ყოველი მეცხრე ადამიანი გარდაიცვალა. ეს გარდაცვალების პროცენტი უფრო მაღალია, ვიდრე მწვავე კოვიდის დროს. მინდა მოსახლეობა იყოს მშვიდად, ჩვენ არც ერთი შემთხვევა პოსტკოვიდური სინდრომით გარდაცვალების არ გვქონია.

ჯანდაცვის სამინისტრომ მყისიერი რეაგირება მოახდინა. უკვე მუშაობს პროგრამის შექმნაზე, რათა ყველა პოსტკოვიდური სინდრომის მქონე ​პაციენტს საშუალება ჰქონდეს მიმართოს კლინიკას, უფასოდ ჩაიტაროს გამოკვლევა და მკურნალობა. როგორც კოვიდიანი ავადმყოფის გამოკვლევა და მკურნალობა არის დღეს უფასო, ასევე იქნება პოსტკოვიდიანი ავადმყოფებისთვისაც.

113
აქცია კომენდანტის საათის დროს

თბილისში კომენდანტის საათის მოხსნის მოთხოვნით მორიგი აქცია გაიმართა

20
შეზღუდვების მოხსნის მოთხოვნით დედაქალაქში საპროტესტო აქცია იმართება. მოქალაქეები საზოგადოებრივი ტრანსპორტის მუშაობის აღდგენას, ღამით გადაადგილებაზე შეზღუდვის მოხსნას, ზამთრის კურორტებისა და ბაზრობების გახსნას ითხოვენ

თბილისი, 26 იანვარი – Sputnik. თბილისში პარლამენტის შენობასთან კოვიდ-შეზღუდვების მოხსნის მოთხოვნით მორიგი აქცია გაიმართა.

აქციის ორგანიზატორია „მოძრაობა საქართველოსთვის“. მოძრაობის წევრებმა საღამოს საათებში გადაადგილებაზე დაწესებული შეზღუდვა გააპროტესტეს.

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ. შეზღუდვების შემსუბუქება ეტაპობრივად 1 თებერვლიდან დაიწყება.

აქციის მონაწილეები თავისუფლების მოედნიდან პარლამენტის შენობამდე მსვლელობით მივიდნენ.

„მოძრაობა საქართველოსთვის“ წარმომადგენლებმა კიდევ ერთი აქცია დაანონსეს. მათი განცხადებით, ოთხშაბათს შეზღუდვების მოხსნის მოთხოვნით აქცია ქუთაისში გაიმართება.

დღეს ცნობილი გახდა, რომ კოვიდ-შეზღუდვების წინააღმდეგ გამოსული აქციის მონაწილეები ხელისუფლების წინააღმდეგ სარჩელის შეტანას საკონსტიტუციო სასამართლოში აპირებენ.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

20