რიგი ბანკის სალაროსთან

საქართველოში  „საკრედიტო არდადეგები“ მთავრდება

93
დაეხმარა თუ არა მოსახლეობას კრედიტების გადავადება პანდემიის რთულ პერიოდთან გამკლავებაში - ამ კითხვაზე ერთმნიშვნელოვანი პასუხი არ არსებობს

დრო, რომლითაც ბანკებმა მოსახლეობას კრედიტების გასტუმრება გადაუვადეს, იწურება. პანდემიის პირობებში, როდესაც კორონავირუსის გავრცელების საფრთხის გამო ქვეყანაში პრაქტიკულად ყველაფერი გაჩერდა, ეს ნაბიჯი მოქალაქეებს თავის გასატანად უნდა დახმარებოდა.

საქართველოში ძნელად მოიძებნება ადამიანი, რომელსაც ბანკის ან მიკროსაფინანსო ორგანიზაციის ვალი არა აქვს. ამასთან, მათი დიდი ნაწილი ან საერთოდ უმუშევარი დარჩა ან შემოსავლის დიდი ნაწილი დაკარგა.

მეტი კრედიტი, მეტი დახმარება: საქართველოში ბიზნესის კეთება მარტივდება >>

ბანკების წინადადებით ისარგებლა 600 ათასამდე მოვალემ. კრედიტის გადავადება შეიძლებოდა ორჯერ - მარტიდან დაწყებული სამ-სამი თვით.

მაგრამ ყველაფერი კარგი, როგორც ცნობილია, ოდესღაც მთავრდება და სულ მალე ვალების გასტუმრების დრო მოვა. ზოგიერთისთვის არასასიამოვნო სიურპრიზად იქცა ის, რომ ყოველთვიური გადასახადი გაიზარდა - პროცენტები ხომ მხოლოდ დროებით გადაიდო და არსად გამქრალა.

უბრალოდ რთულია

მარინა მ. - მკერავია. საქართველოში საგანგებო მდგომარეობის გამოცხადების შემდეგ ახალი სამოსი აღარავის სჭირდებოდა და საქმის გარეშე დარჩა. სამსახური დაკარგა ქმარმაც, რომელიც ტურისტულ სფეროში იყო დასაქმებული. შემოთავაზებულ საკრედიტო გადავადებას მეუღლეები შეგნებულად დასთანხმდნენ. ისიც იცოდნენ, რომ პროცენტებს არავინ გააუქმებდა და ადრე თუ გვიან ვალის გადახდა მოუწევდათ.

„კრედიტს ახლა სამი თვის დაგვიანებით გადავიხდით, მეორე გადავადებით აღარ გვისარგებლია. სამი თვის პროცენტმა დაახლოებით 300 ლარი შეადგინა. ჩვენთვის ეს დღეს არცთუ ისე პატარა თანხაა, მაგრამ გადავადება სასიცოცხლოდ აუცილებელი იყო. ახლა შეკვეთები მაქვს, სახლში ვმუშაობ, ჩვენი სიტუაცია უარესიდან მძიმეში გადავიდა“, - ამბობს მარინა.

როგორღაც გამოვძვერით

ინა კ. - სტილისტია. მარტო ზრდის ვაჟს. სალონმა, სადაც ქალი მსახურობდა, მუშაობა სამთვიანი იძულებითი შესვენების შემდეგ ცოტა ხნის წინ განაახლა. მთელი ამ დროის განმავლობაში ოჯახი მცირედი დანაზოგით ცხოვრობდა, მაგრამ გადავადებით არ უსარგებლია.

„ერთი კრედიტი მაქვს, რომელიც შვილისთვის კომპიუტერის საყიდლად ავიღე. ყოველთვიურად ვიხდი 208 ლარს. ბანკის შემოთავაზებით არ ვისარგებლე, რადგან ოპერატორს ვკითხე და გავარკვიე, რომ გადავადების შემდეგ ყოველთვიური თანხა დაგროვილი პროცენტების გამო გაიზრდებოდა. ამიტომ კრედიტს მცირე დანაზოგიდან ვიხდიდი, ვიდრე სამსახურში არ გავედი. ახლა სექტემბერში უკვე დავფარავ კრედიტს და, რაც ყველაზე მთავარია, იმავე თანხას ვიხდი, რასაც აქამდე ვიხდიდი“, - ამბობს ინა.

გადაუხდელი პროცენტი

მაია კ. იმ პირთა რიცხვს ეკუთვნის, ვისაც კრედიტების გადავადების წინადადებამ ისე დაახვია თავბრუ, რომ პირობების გაგება დაავიწყდა. პანდემიის გამო ოჯახურმა ბიზნესმა კოლოსალური ზარალი განიცადა, ამასთან დარჩა გადაუხდელი საკრედიტო დავალიანება, აღებული კომპანიის გასავითარებლად. სამმა თვემ სწრაფად გაირბინა და გადაუხდელი პროცენტების თანხა ქალისთვის ნამდვილ სიურპრიზად იქცა.

„ბევრს ოპერატორები ურეკავდნენ და უხსნიდნენ პირობებს. მე ტექსტური შეტყობინება მომივიდა, მაგრამ დეტალებით არ დავინტერესდი. მაგრამ რომც მცოდნოდა, მაინც დავთანხმდებოდი, იმდენად ცუდი სიტუაცია იყო“, - განმარტავს მაია.

---

სამივე ისტორია მეტ-ნაკლებად კარგი დასასრულითაა. ამ ოჯახებს შეზღუდვების მოხსნის შემდეგ შემოსავალი ნაწილობრივ მაინც აღუდგათ.

მაგრამ რა უნდა ქნან მათ, ვისაც უახლოეს მომავალში სამსახურში დაბრუნების იმედი არ აქვს?

ქვეყანაში უამრავი საწარმო და ორგანიზაცია დაიხურა. მათ კოლოსალური ზარალი განიცადეს, როდესაც ქვეყანაში ცხოვრება შეწყდა. პანდემიამ ყველაზე ძლიერი დარტყმა ტურისტულ სფეროს და მასთან დაკავშირებულ ყველა საქმიანობას მიაყენა. შემოსავლის გარეშე დარჩა ათობით ათასი მოქალაქე.

ჯერ იდეები არ არის

გიორგი მ. ყოფილი ფოტოგრაფია. ჯანმრთელობა მუშაობის გაგრძელების საშუალებას აღარ აძლევდა, ამიტომ გადაწყვიტა თბილისის ცენტრში თავისი ბინა ე.წ. „გესთჰაუზად“ გადაეკეთებინა. ოჯახმა კრედიტი აიღო - ნაწილი რემონტზე დახარჯა, ნაწილით კი გარეუბანში ბინა დაიგირავა, სადაც პატარა ბავშვით საცხოვრებლად გადავიდა. პატარა ოჯახური სასტუმრო ერთი წლის განმავლობაში სრული დატვირთვით მუშაობდა. შემოსავალი საკმარისი იყო ყოველთვიურად საბანკო კრედიტის გასასტუმრებლად და ყოველდღიური ხარჯისთვის. მაგრამ ყველაფერი ერთ დღეში დასრულდა, როდესაც ტურისტები გაქრნენ.

„კრედიტის გადავადების შემოთავაზებით ვისარგებლე ორივეჯერ. საერთოდ შემოსავლის გარეშე დავრჩით. მეუღლე კერძო სკოლაში მუშაობდა, მაგრამ ისიც დაიხურა. მივიღეთ სახელმწიფოს დახმარება: მე ჩამირიცხეს 300 ლარი, მეუღლე ნახევარი წლის განმავლობაში თვეში 200 ლარს იღებს. ამ ფულით არათუ კრედიტის გასტუმრება, თავის გატანაც შეუძლებელია, მით უმეტეს, როდესაც ოჯახში პატარა ბავშვია. მაგრამ სექტემბრამდე როგორღაც მივაღწევთ. შემდეგ რა იქნება, როდესაც საჭირო გახდება ბანკებისთვის ვალის დაბრუნება, არ ვიცი. რაც არ უნდა თქვან, ტურისტული სეზონი წელს ჩავარდა. არ ველოდები, რომ ჩემი სასტუმრო ამუშავდება. მე და ჩემი მეუღლე ყოველდღე ვმსჯელობთ, რა ვაკეთოთ, მაგრამ ჯერ არანაირი იდეა არ გვაქვს“, - ამბობს გიორგი.

ყველაფერი გააკეთეს, რაც შესაძლებელი იყო

ზაფხულთან ერთად დასრულდება მეორე გადავადების პერიოდი და უამრავი უმუშევრად დარჩენილი ადამიანი კვლავ დაიწყებს საბანკო შეტყობინებების მიღებას ყოველთვიური გადასახადის დაფარვის მოთხოვნით.

„დახმარება იყო და არავინ თქვას, რომ მას შედეგი არ გამოუღია. ასეთი მასობრივი აქცია, როდესაც შეაჩერეს თანხების შეტანის პროცესი, უპრეცედენტო და პირველი იყო“, - ამბობს Sputnik-საქართველოსთან საუბრისას ახალგაზრდა ფინანსისტთა და ბიზნესმენთა ასოციაციის ვიცეპრეზიდენტი პაატა ბაირახტარი.

ბევრისთვის დახმარება სასიცოცხლოდ მნიშვნელოვანი იყო, მაგრამ არასაკმარისი, აღიარებს ის და დასძენს, რომ არ ეთანხმება კრედიტების სრული გაყინვისა ან პროცენტების გაუქმების მხარდამჭერთა თეორიას.

ბანკები კრედიტებს ვერ გაყინავენ - ეს მთელი სისტემის ნგრევას გამოიწვევს. ამავეს გამოიწვევს პროცენტების დარიცხვის შეჩერება, აღნიშნავს ეკონომისტი.

„გადავადება მოვახერხეთ იმ დახმარების წყალობით, რომელიც ქვეყანამ მიიღო და რომელიც საბანკო სისტემას გამოუყვეს. საბანკო სისტემას სიტუაციის გადატანაში დაეხმარა ცენტრალური ბანკის ინსტრუმენტებიც, რომელთა წყალობითაც შესაძლებელი გახდა ლიკვიდურობის მართვა. მაგრამ კრედიტებს არავინ არ გაყინავს“, - ამბობს ბაირახტარი.

ახლა, როდესაც აღარ არსებობს პირდაპირი დახმარების რესურსები, დანაკარგის კომპენსირება ნაწილობრივ სხვა რამით შეიძლება. პაატა ბაირახტარი დარწმუნებულია, რომ ეს „სხვა რამე“ შეიძლება გახდეს „მეტი ეკონომიკური თავისუფლება“.

„ადამიანებისთვის მეტი ეკონომიკური თავისუფლების შეთავაზებით ხელისუფლება მიიღებს დიდ ეკონომიკურ აქტივობას. სხვა გზა არ არსებობს“.

ხალხს კი სულ ცოტა დრო რჩება - ორიოდე თვე საბანკო გადავადების და მთავრობის ანტიკრიზისული გეგმის დასრულებამდე, რომლითაც ე.წ. „ახალი უმუშევრები“ ფულად შემწეობას იღებენ. ესეც ექვს თვეზე იყო გათვლილი - ზაფხულის დასრულებამდე.

93
თემები:
საქართველოს ეკონომიკა (695)
ალექსანდრე სუდაძე

მომავლის პროფესიები რაზე იქნება მოთხოვნა საქართველოს შრომის ბაზარზე 5 წლის შემდეგ

205
(განახლებულია 17:25 14.08.2020)
როგორ უნდა ავირჩიოთ პროფესია და რა მოთხოვნები ექნებათ დამსაქმებლებს სულ რაღაც 5 წლის შემდეგ, ამაზე „Sputnik–საქართველოსთან“ ციფრული ტექნოლოგიების სპეციალისტი და კრიპტოვალუტის ექსპერტი ალექს სუდაძე საუბრობს, რომელმაც თავად შეისწავლა რამდენიმე პროფესია.

როგორ უნდა ავირჩიოთ პროფესია?

პირველ რიგში ჩამოვწეროთ სახელმძღვანელო სია: რისი კეთება გვიყვარს ყველაზე მეტად, რა გვეხერხება და, შესაბამისად, სად შეგვიძლია ვიყოთ „ჩემპიონები“ (თუ საკუთარ თავთან გულახდილი ვიქნებით, 2-3 საქმიანობაზე მეტს ვერ დავწერთ).

ამ 2-3 პროფესიიდან უნდა ავირჩიოთ ისეთი, სადაც დღევანდელ გარემოში მოთხოვნა უფრო მეტია, ვიდრე მიწოდება და სასურველია, მოთხოვნის მაჩვენებელი იყოს ზრდადი უახლოესი წლების მანძილზე (მაგალითად, ინფლუენსერები, პროგრამისტები, დიზაინერები და ა.შ.).

ასევე გასათვალისწინებელია საკმაოდ მნიშვნელოვანი ფაქტორიც: ამ სფეროში შედეგის მიღწევა უნდა იყოს არც ისე ადვილი, ანუ ე.წ. „შესვლის მაღალი ქვედა ზღვარი“ (დაბალი ქვედა ზღვრის შემთხვევაში კონკურენცია ძალიან მაღალია და ამონაგები ძალიან მცირე, მაგალითად, მძღოლი ან სანტექნიკოსი).

აუცილებლად უნდა არსებობდნენ თქვენ გარშემო ამავე თემით დაინტერესებული პროფესიონალები, ვისგანაც შეძლებთ პრაქტიკული ცოდნის მიღებას მოცემულ დარგში (ინტერნეტში მოძიებულიც ხშირად საკმაოდ სასარგებლო ინფორმაციაა).

და, რაც მთავარია, 10 000 საათი სრული მონდომებით და მაღალი მოტივაციით მიჰყვეთ ამ პროფესიის შესწავლას.

შედეგიც არ დააყოვნებს, 2-3 წლის შემდეგ თქვენ უკვე ყურადღებას მიიქცევთ როგორც ამ დარგის ახალბედა სპეციალისტი და თქვენს რჩევებსაც ყურადღებით მოუსმენენ (არ აქვს მნიშვნელობა, მეღვინე გახდებით თუ ელექტროშემდუღებელი).

შემდეგ დაიწყება უკვე სხვა სპეციალისტებთან შეჯიბრება, თვითდამკვიდრება, აღიარება, და უეცრად აღმოაჩენთ, რომ თქვენი ანაზღაურება იმაზე მეტია, ვიდრე ეს 4-5 წლის წინ წარმოგედგინათ.

რომელ პროფესიებზეა დღეს ყველაზე მაღალი მოთხოვნა და რამდენად შეესაბამება ისინი თანამედროვე შრომის ბაზარზე არსებულ მოთხოვნებს?

თუ ვისაუბრებთ ამ საუკუნის განვლილი პირველი 20 წლის გადმოსახედიდან, აშკარად იკვეთება პროფესიები, რომლებიც დაკავშირებულია ინტერნეტის აქტიურ მოხმარებასთან და მაღალ ტექნოლოგიებთან, როგორიცაა IT სპეციალისტები, სხვადასხვა რანგის პროგრამისტები, web-დეველოპერები, ციფრული მარკეტინგის სპეციალისტები, IT-უსაფრთხოების და დანერგვის თანამშრომლები – როგორც დამწყები, ასევე ექსპერტებიც.

აქტიურად იკვეთება ყველა მიმართულებით ექსპერტიზის გაზიარების – დარგობრივი ექსპერტების და საკონსულტაციო ბიზნესის ზრდა, იქნება ეს მედიცინა, იურისპრუდენცია თუ ტექნოლოგიური დარგები. ეს ძირითადად განპირობებულია იმით, რომ მეცნიერება საკმაოდ სიღრმისეულად შეისწავლის სხვადასხვა მიმართულებებს და პერიოდულად საჭიროა ვიწრო სპეციალობის ექსპერტები. მაგალითად, თუ ადრე ექიმ-პედიატრი შეიძლება ყოფილიყო ზოგადად პედიატრი, ბოლო 20-25 წლის მანძილზე ის რამდენიმე ვიწრო სპეციალობად დაიყო და უკვე ცალკეულ მიმართულებებზეა ორიენტირებული.

დღეს ბაზარზე ყველაზე მოთხოვნად სპეციალობებად მაინც IT სფეროს დარგები ჩაითვლება, როგორიცაა რობოტოტექნიკის პროგრამისტები და ინჟინრები, IT–უსაფრთხოების და დაგეგმარების ადმინისტრატორები და ა.შ.  თუმცა სხვა მიმართულებებიც არ ჩამორჩება და იქაც მოხდება პროფესიების ტრანსფორმაცია. ქვემოთ მოცემულ სიაში ვეცადე ჩამომეწერა სია მოთხოვნის კლებადობის მიხედვით:

მობილური აპლიკაციების და საიტების დიზაინერი

რობოტების პროგრამისტი

ინფლუენსერები და ციფრული მარკეტოლოგები

სოციალური ქსელების მენეჯერები, დიდ მონაცემთა დამუშავების სპეციალისტები

ბიზნეს-ანალიტიკოსები, პირადი ფინანსური მრჩევლები

ესთეტიკური მედიცინის მაღალი პროფესიის სპეციალისტები და სტომატოლოგები

მაღალი რანგის მენეჯერები ტრანსნაციონალურ კორპორაციებში

დისპეტჩერიზაციის და ლოგისტიკის სპეციალისტები

სახელმწიფო სამსახურების ადმინისტრაციული თანამშრომლები

მძღოლები და ავტომობილის ხელოსნები

გამომდინარე იქიდან, რომ ტექნოლოგიები და, განსაკუთრებით, რობოტები აქტიურად ანაცვლებენ ადამიანის შრომას (განსაკუთრებით, მძიმე და დაბინძურებულ გარემოში), მათი ხვედრითი წილი შრომის ბაზარზე სულ უფრო და უფრო იზრდება. ერთი უმთავრესი მიზეზის გამო დამქირავებელს, ანუ ბიზნესის მეპატრონეს რობოტების მიერ შექმნილი მატერიალური დოვლათი თუ მომსახურება გაცილებით იაფიც უჯდება და უფრო საიმედოცაა წლების მანძილზე (რობოტებს არც შვებულება ესაჭიროებათ და არც ბიულეტენი).

მაგალითად, ბანკების უმეტესობამ უარი თქვა ოპერატორების აყვანაზე თავიანთ ფილიალებში და მომხმარებლებს დისტანციურად ემსახურებიან აპლიკაციების მეშვეობით. რეალურად დღეს მობილური საბანკო აპლიკაციით თითქმის ყველა საბანკო ოპერაციის შესრულებაა შესაძლებელი, რაც 5 ან 10 წლის წინ წარმოუდგენელიც იყო და ამისთვის ფიზიკურად ბანკში მისვლა და ოპერატორებთან უშუალო შეხვედრა იყო საჭირო. იმავე პრინციპით მუშაობენ სხვადასხვა სახელმწიფო სერვისები და მსხვილი კომპანიები. აქტიურად ინერგება დისტანციურად ბოტების მომსახურება, როდესაც ადამიანის ნაცვლად რობოტი გპასუხობს როგორც მესიჯინგის საშუალებით, ასევე ხმით (ტელეფონით).

ადრე ყავა ან ჩაი რომ დაგველია, ან რაიმე წვრილმანი გვეყიდა (ბოთლით წყალი ან შეფუთული საკვები), აუცილებლად უნდა მივსულიყავით მაღაზიაში, დახლთან, გამყიდველს დავლაპარაკებოდით და ის გაატარებდა სალაროში. დღეს ამისთვის ქუჩის ავტომატები არსებობს (მარტივი რობოტები), რომლებიც თითქმის ნებისმიერ პროდუქტს მოგაწვდიან გადახდის პროცედურის დასრულებისთანავე. ბევრ სავაჭრო ცენტრშიც ზუსტად მსგავსი სერვისები ინერგება, განსაკუთრებით, პანდემიის შემდგომ.

დაბალკვალიფიციური ადამიანური შრომა აქტიურად ჩანაცვლდება რობოტებით და ავტომატური სერვისებით.

რომელია ისეთი პროფესია, რომლის წარმომადგენლებსაც საქართველოში უმუშევრობა არ ემუქრებათ?

დღეს უკვე კომუნიკაციის დონემ ისე აიწია, ხშირ შემთხვევაში აღარაა საჭირო ფიზიკურად გადაადგილება, სამსახურის მოძებნაში ან დამსაქმებელთან უშუალოდ ხშირი შეხვედრა. პანდემიის მერე თანამშრომლების დისტანციურად აყვანის და დასაქმების უფრო მეტი საშუალებაც მიეცათ კომპანიებს და ახალი თანამშრომლების სახლიდან მუშაობაც საკმაოდ ეფექტური აღმოჩნდა (არ იხარჯება დრო ტრანსპორტზე, ოფისის ხარჯები შემცირებულია მინიმუმამდე, თანამშრომელი სახლში უფრო კომფორტულად და ადვილად მუშაობს).

შესაბამისად, ხშირად აღარაა აუცილებელი საქართველოს გარეთ ფიზიკურად წასვლა ან სხვა რაიონში მოგზაურობა, რაც freelancer-ის ტიპის თანამშრომლებს უფრო მოქნილს ხდის.

იგივე პროგრამისტები და ვებ-დიზაინერები მუდამ დასაქმებული იქნებიან თავისი კვალიფიკაციის შესაბამისად, თუ სწორად მოახდენენ საკუთარი თავის პოზიციონირებას. ასევე აქტიური მოთხოვნაა დისტანციური მხარდაჭერის სერვისებშიც, როგორიცაა კონსულტანტები, ლექტორები ან სხვადასხვა online შეხვედრების ორგანიზატორები.

რომელ პროფესიებზე იქნება მოთხოვნა შრომის ბაზარზე, მაგალითად, 5 წლის შემდეგ და რა შეიცვლება?

უმეტესწილად იმ ახალ პროფესიებზე, რომლებიც ზემოთ ჩამოვთვალე, უფრო მაღალი მოთხოვნა იქნება და მეტ სფეროებს მოიცავს. როგორც Google-ის ტექნიკურმა დირექტორმა რეი კურცვეილმა (Ray Kurzweil) განაცხადა, უახლოესი 5-10 წლის მანძილზე ბევრი ახალი სპეციალობა გაჩნდება და არსებული სპეციალობებიც ტრანსფორმირდება სხვა ნაირსახეობებში:

ვირტუალური გარემოს დიზაინერი

რობოეთიკის იურისტი

ციფრული ტექნოლოგიების დამნერგავი

ბიოჰაკერი (დაეხმარება ადამიანებს საკუთარი ორგანოების განახლებაში)

IoT manager – ინტერნეტ-ნივთების დამპროგრამებელი და დიზაინერი

კოსმოსური ექსკურსიების მენეჯერი

ბუნებრივი გარემოს და რესურსების აღდგენის მენეჯერი (ენერგიის ალტერნატიული წყაროების სპეციალისტი)

ადამიანის სხეულის დიზაინერი (იმპლანტების და ხელოვნური ორგანოების დიზაინერი).

ნატა პატარაია

205
ამერიკელი ჯარისკაცები ბაღდადში

მოსაზრება: რა მოუტანა ერაყის ომმა აშშ-სა და მსოფლიოს?

100
(განახლებულია 18:45 13.08.2020)
აშშ-ის ამჟამინდელი ნაციონალური კატასტროფა გამოწვეულია (ან პროვოცირებულია) უპირველესად ერაყის წარუმატებელი ავანტიურით.

დმიტრი კოსირევი

და წიგნი, რომელიც ეს-ესაა გამოიცა ამერიკაში, კარგია არა მარტო იმით, რომ დაწვრილებით ააანალიზებს, ვინ და როგორ იღებდა გადაწყვეტილებას ერაყის ინტერვენციის თაობაზე 2003 წელს. ის ასევე პროვოცირებს დისკუსიას თემაზე, რომ საქმე მარტო მაშინდელი მმართველის ჯორჯ ბუშისა და მისი გუნდის არაადეკვატურობაშია.  

საუბარია რობერტ დრეიპერის ნაშრომზე „ომის დაწყება. როგორ ჩაითრია ბუშის ადმინისტრაციამ ამერიკა ერაყში“ (To Start a War, by Robert Draper). ავტორს ბუშის ოჯახთან მეგობრული კავშირი ჰქონდა წიგნის წერის დაწყებამდე, მერე კი ექს-პრეზიდენტმა მასთან საუბარზე უარი თქვა. თუმცა არა სხვებმა. დრეიპერმა იმ დროის ასობით ჩინოვნიკის ინტერვიუებს მოუყარა თავი. მოდით, ახლა ჩვენი დროის ადამიანის თვალით შევხედოთ საკითხს: რა მოუტანა ამერიკასა და მსოფლიოს ერაყში ომმა?

ყველაზე აშკარა: 90-იანი წლების ილუზიას, რომ ახლა მსოფლიოში ერთადერთი ზესახელმწიფო არსებობს, რომელიც მართავს მას, ბოლო მოეღო. ეს იმიტომ, რომ ყველამ დაინახა, რომ ზესახელმწიფოს აშკარად სუსტი მოწინააღმდეგის დამარცხება შეუძლია, მაგრამ ასეთი გამარჯვება მოგებულსაც ანადგურებს.

აღმოჩნდა, რომ უახლოეს მოკავშირეებს (გერმანია და საფრანგეთი) და მაშინ ძალიანაც კეთილგანწყობილ პარტნიორებს (რუსეთი) ამგვარ ვითარებაში საკუთარი აზრი შეიძლება ჰქონდეთ და, საჭიროების შემთხვევაში, ამერიკის იგნორირებაც შეუძლიათ.

ისე გამოვიდა, რომ ერაყის ოკუპირების შემდეგ ამერიკამ, თავისი ფინანსური და სხვა სიმძლავრეებით, ეს ქვეყანა ბედნიერი და აყვავებული ვერ გახადა. ე.ი. აშშ-ის პოლიტიკური თუ ღირებულებათა სისტემები საექსპორტოდ არ გამოდგება, რაც სწორ აზრზე აყენებს მსოფლიოს ათობით სახელმწიფოს. ანუ აღმოჩნდა, რომ ამერიკის გარეშე არა თუ შეიძლება ცხოვრება, არამედ საჭიროცაა.

არსებობს ჯერ კიდევ არც ისე კარგად გამოკვლეული საკითხი ამერიკული საზოგადოების განხეთქილებისა და იდეური რღვევისა, მართვის მთელი სისტემისა, რომ აღარაფერი ვთქვათ ფინანსებზე. და განა დაემართებოდა ქვეყანას მსგავსი კატასტროფა, რომ არა ერაყის ავანტიურა? ნებისმიერ შემთხვევაში, ამაში ერაყმა თავისი წვლილი შეიტანა.  

დრეიპერის წიგნი უპირველესად თითქოს სრულიად შემთხვევით სიუჟეტს წარმოგვიჩენს: ამერიკის დაზვერვის დეგრადაციას. ირკვევა, რომ 90-იანების ბოლოს დაზვერვის ცენტრალურ ბიუროს პრობლემები ჰქონია ბილ კლინტონის ადმინისტრაციასთან. მაგრამ ამ დროს 2001 წლის 11 სექტემბერი მოხდა და უწყების მაშინდელ ხელმძღვანელს ჯორჯ ტენეტს გავლენის აღდგენის იმედი გაუჩნდა.

სხვათა შორის, დაზვერვის ცენტრალური ბიუროს ჩავარდნებს 90-იანებში თავისი მიზეზები ჰქონდა, მაგრამ მერე სასაცილო ვითარება შეიქმნა ― სწორედ ახლო აღმოსავლეთში შეიქმნა ჭკვიანი და უნარიანი სპეციალისტების დეფიციტი. და ტენეტს დაუმტკიცებლის დამტკიცება მოუხდა ― რომ ერაყის ლიდერი სადამ ჰუსეინი ფარულ ალიანსში იყო „ალ-ქაიდასთან“ და აშშ-ის წინააღმდეგ მასობრივი განადგურების იარაღს ამზადებდა.  

და როგორ იქცევა ასეთ დროს ცუდი დაზვერვა? ამზადებს სიყალბეებს და ითხოვს ირმუნონ ის. სხვათა შორის, სიტუაცია 2003 წელთან შედარებით ძალიან არ შეცვლილა ― „არჩევნებში რუსეთის ჩარევის“ ისტორიაც ღიად უვარგის მასალაზე იგებოდა. მოკლედ, ჭკვიანი დაზვერვა სახელმწიფოს დიდ ფულს უზოგავს, სულელი კი უზარმაზარ პრობლემებს ქმნის.

მაგრამ ერთი უწყების ჩავარდნა მაინც კერძო ამბავია. არანაირი ერაყული კატასტროფა არ იქნებოდა, პირადად ჯორჯ ბუშსა და იმ ადამიანებს, რომლებიც საკვანძო თანამდებობზე დანიშნა პრეზიდენტმა, დაზვერვის ცენტრალური ბიუროსგან ყალბი ინფორმაცია რომ არ მოეთხოვა. დიახ, ტენეტმა თავისი კანტორა იმგვარ სააგენტოდ გადააქცია, რომელიც პუბლიკაზე ჰყიდდა იდეას, რომ სადამი ამერიკის საფრთხე იყო. მაგრამ იმ ეპოქის ყველა საკვანძო პერსონაჟმა აიძულა ის, ასე მოქცეულიყო ― თავდაცვის მინისტრის მოადგილე პოლ ვულფოვიცმა და მისმა ხელმძღვანელმა ზდონალდ რამსფელდმა, ვიცე-პრეზიდენტმა დიკ ჩეინიმ და, უპირველესად, თავად პრეზიდენტმა ბუშმა.

რატომ აკეთებდნენ ისინი ამას? იმიტომ რომ გლობალიზმის იდეოლოგები იყვნენ. მათ ჯერ კიდევ თავიანთ წინა თანამდებობებზე ყოფნისას მიაღებინეს კონგრესს „ერაყის გათავისუფლების აქტი“, შექმნეს კომისიები, რომლებიც ადანაშაულებდნენ დაზვერვის ცენტრალურ ბიუროს, რომ ისინი ერაყიდან მომდინარე „საფრთხეებს“ ვერ ხედავდნენ (კიდევ ირანიდან და ჩრდილოეთ კორეიდან). ხოლო როცა ტერორისტებმა ნიუ-იორკს შეუტიეს, ქვეყანა უკონტროლო ისტერიკაში ჩავარდა, რითიც ამ ადამიანებმა ისარგებლეს.

რაც შეეხება ბუშს, მისთვის, წიგნის თანახმად, სადამი ისეთი ურჩხული იყო, რომლის ქვეყნის სათავეში დატოვება არ შეიძლებოდა. ასევე სხვა უცხოელი ლიდერებისაც. ბოლოს და ბოლოს, დადგა მომენტი, როდესაც ამერიკას უნდა ეჩვენებინა, რომ სწორედ ის იყო ის ერთადერთი ზესახელმწიფო.

შედეგი: დრეიპერის თქმით, ადმინისტრაციაში არ გამართულა არც ერთი დისკუსია იმაზე, დაეწყოთ თუ არა ომი ერაყში. საუბარი მხოლოდ დაწყების დროზე მიდიოდა.

და რა ვითარებაა ის, როდესაც ხელისუფლებაში არიან მზა იდეების მქონე ადამიანები, ხოლო მათ ხელქვეითებს მხოლოდ იმ ფაქტების შერჩევა ევალებათ, რომლებიც ამ იდეებს შეესაბამება?

როდესაც იდეები წინასწარაა მომზადებული, ხოლო ფაქტები მათ უნდა შეესაბამებოდეს, ამას „დერჟავის“ მმართველი კლასის უმეცრება და დეგრადაცია ჰქვია. და ზოგადად მისი განათლებული კლასის დეგრადაცია მთლიანობაში.

პრეზიდენტების, პრემიერებისა თუ მეფეების შეცვლა შესაძლებელია, მაგრამ მთელი ნაციისა ― რთულია. ეს აზრი გამოსჭვივის დრეიპერის წიგნზე გამოხმაურებებში: „ჩვენი საზოგადოება ანტიინტელექტუალურია“, „სკოლები, რომლებიც ვითომ ისტორიას, სოციოლოგიასა და კულტურას ასწავლიან“, ხშირად აგროვებენ ფულს და განათლების ილუზიას ქმნიან...  

აშშ-სა და მის მოკავშირე ქვეყნებში განათლების დეგრადაციაზე საუბარი 90-იან წლებში დაიწყეს სერიოზულად, საიდანაც, როგორც ვხედავთ, იზრდება კიდეც „ერაყული“ და სხვა პრობლემების ფესვები. და ეს საუბრები მალე არ დასრულდება.

რედაქცია შესაძლოა არ ეთანხმებოდეს ავტორის მოსაზრებებს

100
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0