ვაქცინა

AstraZeneca-ს წარმომადგენლობა: ვაქცინის გამოყენების სარგებელი ბევრად აჭარბებს რისკს

87
(განახლებულია 16:21 02.04.2021)
AstraZeneca-ს საქართველოს წარმომადგენლობა ამტკიცებს, რომ პაციენტის უსაფრთხოება კომპანიის მთავარი პრიორიტეტია.

თბილისი, 2 აპრილი - Sputnik. AstraZeneca-ს ვაქცინის გამოყენების სარგებელი ვირუსისგან ადამიანების დასაცავად მნიშვნელოვნად აჭარბებს რისკს ყველა მოზრდილ ასაკობრივ ჯგუფში, იუწყება „პირველი არხი“  AstraZeneca-ს საქართველოს წარმომადგენლობის განცხადებაზე დაყრდნობით.

საქართველოში ვაქცინაცია 15 მარტს შვედურ–ბრიტანული წარმოების AstraZeneca-ს (43,2 ათასი დოზა) ვაქცინით დაიწყო, რომელიც ქვეყანაში 13 მარტს შემოვიდა. პრეპარატ Pfizer-ით (29,5 ათასი დოზა) ვაქცინაციის პროცესი კი 30 მარტს დაიწყო. ბოლო მონაცემებით, ქვეყანაში სულ 8 909 ადამიანი აიცრა, მათგან კორონავირუსის საწინააღმდეგო AstraZeneca-ს  ვაქცინით 6 893 ადამიანია აცრილი, ხოლო 2 016 პირი -  Pfizer-ით.

AstraZeneca-ს საქართველოს წარმომადგენლობის მტკიცებით, პაციენტის უსაფრთხოება AstraZeneca-ს  მთავარ პრიორიტეტად რჩება და კომპანიას აქვს ეფექტური და მოქნილი პროცესები გვერდითი მოვლენების შეგროვების, ანალიზისა და ანგარიშგების მიზნით, რომელსაც მუდმივ რეჟიმში უზიარებენ მარეგულირებელ ორგანოებს მთელ მსოფლიოში.

როგორც განცხადებაშია აღნიშნული, ვაქცინის გაკეთების შემდეგ ისეთი გვერდითი რეაქციები, როგორიცაა: თავის ტკივილი, მომატებული ტემპერატურა, კუნთების ტკივილი, ნანემსარის შეშუპება, სიწითლე, ტკივილი, მიეკუთვნება ვაქცინაციისათვის დამახასიათებელ მოვლენებს, საშუალო სიმძიმისაა და რამდენიმე დღეში გაივლის.

„მნიშვნელოვანია, რომ ეს რეაქციები ნაკლები სიხშირით გამოვლინდა ასაკობრივ ჯგუფში (≥65 წელს ზემოთ). ორი დიდი კლინიკური კვლევის და რეალურ მტკიცებულებათა (RWE) მონაცემები აჩვენებს მის უსაფრთხოებას და ეფექტურობას, ამან კიდევ ერთხელ დაადასტურა ვაქცინის როლი საზოგადოებრივი ჯანდაცვის კრიზისის დროს“, - ნათქვამია განცხადებაში.

კომპანიამ AstraZeneca-ს ვაქცინით აცრის შემდეგ გარდაცვლილი ექთნის, მეგი ბაქრაძის საქმის შესახებაც გააკეთა კომენტარი  და განაცხადა, რომ ბაქრაძის საკითხის მოკვლევა რეგულირების სააგენტოს უფლებამოსილებაა და მოკვლევის შედეგების შესახებ განცხადებას ჯანდაცვის სამინისტრო გააკეთებს.

27 წლის მედდა მეგი ბაქრაძე 18 მარტს ახალციხეში AstraZeneca-ს ვაქცინით აცრის შემდეგ მეორე დღეს თბილისში გარდაიცვალა. წინასწარი ინფორმაციით, მას ანაფილაქსიური შოკი განუვითარდა. ამჟამად მისი გარდაცვალების მიზეზებს იკვლევენ და უახლოეს მომავალში მზად იქნება სამხარაულის სახელობის სასამართლო ექსპერტიზის ბიუროს დასკვნა.

ბოლო მონაცემებით, საქართველოში კორონავირუსის საწინააღმდეგო ვაქცინებით აცრილი ადამიანებიდან 27 შემთხვევაში სერიოზული გვერდითი გართულება დაფიქსირდა, მათგან ოთხ შემთხვევაში საჭირო გახდა ინტენსიური თერაპია, სამ შემთხვევაში - ჰოსპიტალიზაცია, ორ შემთხვევაში კი - რეანიმაციული ღონისძიებები.

87
დატკბით ცხოვრებით, დაიჭირეთ მომენტი

20 მარტი ბედნიერების საერთაშორისო დღეა

697
(განახლებულია 08:55 20.03.2021)
მე დავიბადე და ეს ყველაფერია იმისათვის, რომ ვიყო ბედნიერი - ალბერტ აინშტაინი. ლეგენდარული ფიზიკოსის ეს ფრაზა შეიძლება მშვენიერ ეპიგრაფად იქცეს ყოველი ადამიანის ცხოვრებისათვის.

ბედნიერების საერთაშორისო დღე (International Day of Happiness) 20 მარტს აღინიშნება. ეს დღესასწაული რამდენიმე წლის წინ დააწესა გაეროს გენერალურმა ასამბლეამ. 

შესაბამისად, უნდა გადავდოთ ყველა პრობლემა, რომელიც ნაღველს გვგვრის და ვიყოთ ბედნიერები თუნდაც ამ დღეს. 

და რა არის ბედნიერება?

ზუსტად არავის აქვს ამ კითხვაზე პასუხი და ყოველი ადამიანი მას სხვადასხვაგვარად აღნიშნავს. 

ვიღაცისათვის ჯანმრთელობა და სულიერი სრულყოფილებაა მთავარი, ვიღაცისთვის – ქონება და დამოუკიდებლობა. ზოგიერთი წარმატებული კარიერისათვის იბრძვის, პირველ რიგში, პოლიტიკურის, რადგან ადამიანები თვლიან, რომ ძალაუფლების მოპოვება, სხვა ადამიანებით მანიპულირება, მუდმივად ყურადღების ცენტრში ყოფნა სწორედ ისაა, რაც ბედნიერებას მოუტანს მათ…

ვიღაცისთვის კი ბედნიერება პატარა სიხარულებისგან შედგება — დილით რომ იღვიძებს, მზის სხივებს რომ ეფიცხება, უბრალოდ გამოიძინებს, ან კარგ მუსიკას მოუსმენს, ან, მით უმეტეს, სიყვარული ეწვევა. 

როგორც ბრძენი ხალხი ამბობს, ძალაუფლება, ყველა სურვილის დაკმაყოფილება მხოლოდ ბედნიერი ცხოვრების იმიტაციას იძლევა, ხოლო ბედნიერების ერთადერთი სწორი აღქმა — ეს საკუთარ თავთან ჰარმონიაში ცხოვრებაა, რადგან ბედნიერება შინაგან სიმშვიდეშია — იმ პროცესში, როცა წუხილისა და შიშის ნაცვლად ადამიანის ცხოვრება გამსჭვალულია ყოველი წუთის განუმეორებელი ხიბლის შეგრძნებით, გარემომცველი სამყაროს მშვენიერებით, რომელიც მის სულში აისახება. 

დღესასწაულის იტორია

2013 წლიდან გაერთიანებული ერების ორგანიზაცია ბედნიერების საერთაშორისო დღის აღნიშვნით ხაზს უსვამს ბედნიერების მნიშვნელობას ადამიანების ცხოვრებაში მთელ მსოფლიოში. 

დღესასწაული გაეროს გენერალურმა ასამბლეამ 2012 წელს დააწესა პატარა მთიანი ქვეყნის — ბუტანის ინიციატივით, რომლის მოქალაქეთა ეროვნული კეთილდღეობა მთლიანი ეროვნული ბედნიერების კოეფიციენტით იზომება. 

ტერმინი „მთლიანი ეროვნული ბედნიერების კოეფიციენტი“ ბუტანის მეოთხე მეფემ შემოიღო და იგი ამ ქვეყნის არაოფიციალური სახელმწიფო ფილოსოფია გახდა. 

20 მარტი შემთხვევით არ აურჩევიათ — ეს არის გაზაფხულის ბუნიობის დღე, როცა მთელ დედამიწაზე დღე ღამეს უტოლდება და ამით დღესასწაულის ინიციატორებს იმის ხაზგასმა სურდათ, რომ პლანეტის ყველ ადამიანს თანაბრად აქვს უფლება – იყოს ბედნიერი. 

 

 

697
გიორგი მურვანიძე

ჩვენ გიორგისთვის! - ბიჭი, რომლის გადასარჩენად მთელი სოფელი ერთ მუშტად შეიკრა

1353
(განახლებულია 18:31 05.03.2021)
ამბავი, რომელსაც ახლა მოგითხრობთ, ერთ ლანჩხუთელ 12 წლის ბიჭზეა - გიორგი მურვანიძეზე, რომელიც იშვიათი სახეობის სარკომას ებრძვის. გარდა ამის ეს ამბავი არის სიკეთეზე, მეგობრობასა და ძმობაზე.

გიორგის ძმა, ერთადერთია ოჯახში, ვისაც მუშაობა შეუძლია, ამიტომ ძმის გადასარჩენად თავს არ ზოგავს, დაუღალავად შრომობს და ასე, კაპიკ-კაპიკ აგროვებს ძმისთვის სამკურნალო ფულს.

გიორგის სასწრაფოდ ესაჭიროება ქიმიოთერაპიის კურსი და ღეროვანი უჯრედის გადანერგვა, რომელიც  61.000 დოლარი ჯდება. ამის სახსრები ოჯახს  არ გააჩნია, მეტასტაზები კი ფილტვეშია გასული. გიორგის დედა, ქალბატონი ციცო შვილის ჯანმრთელობის შესახებ გვესაუბრა.

დათო მურვანიძე
გიორგი მურვანიძე

- ერთ დღეს სრუალიად შეიცვალა ჩვენი ცხოვრება. დეკემბრის თვეში, სრულიად ჯანმრთელ, საღ-სალამათ ბავშვს დაეწყო ხშირი შარდვა, გაუსაძლისი ტკივილები თირკმელის, კუჭის და შარდის ბუშტის არეში. დაეწყო სიცხეები და დაუყონებლივ წავიყვანეთ ბათუმში ექიმთან. გვითხრეს, რომ შარდის ბუშტზე ჰქონდა წანაზარდი და გაგვაგზავნეს თბილისში. თბილისში გვითხრეს, რომ ბავშვს აქვს ავთვისებიანი სიმსივნე, სარკომა და თითქმის ყველა ორაგნოზეა გადასული მეტასტაზები.  მანამდე თურქეთშიც გვყავდა. იქ მითხრეს, რომ შეიძლება ბავშვი დაკარგოთ, ამიტომ სჯობს თქვენს ქვეყანაში წახვიდეთო.

ახლა  იაშვილის კლინიკაში ვწევართ. ექიმები ყველაფერს აკეთებენ ჩემი შვილის გადასარჩენად. ქიმიო თერაპიას უტარებენ, მეორე კურსი დავამთავრეთ უკვე. სოციალური დახმარება შეჩერებული გვქონდა, ამიტომ დაფინანსება ვერ მივიღეთ და საკმაოდ დიდი თანხის გადახდა მოგვიწია.

ახლა მივხვდი, რამხელა ძალა აქვთ ადამიანებს, რამდენი რამე შეუძლია მათ თანადგომას. კეთილი ადამანების მხარში დრომით შევძელით ამ თანხების გადახდა. ახალ ისევ სახელმწიფო პორგარამაში მოვხვდით და დაზღვევით გარკვეული შეღავათები გვაქვს, თუმცა რა თქმა უნდა ეს საკმარისი არ არის.

დიდი მადლობა მინდა ვუთხრა გიორგის კლასელებს, ჩვენს ახლობლებს, თანასოფლელებს. კარდაკარ დადიოდნენ ისე შეგვიგროვეს თანხა. ამხნევებენ ჩემს ბიჭს და ბრძოლის სტიმულს აძლევენ.

სოციალურად დაუცველ ოჯახს მივეკუთვნებით. ოთხი შვილის დედა ვარ. მყავს 19 წლის გოგონა, რომელიც არის შშმ პირი. ორივე ხელი პარალიზებული აქვს, ვერ მეტყველებს. წლის და ორი თვის იყო გეგმიური აცრა გავუკეთეთ და იმის მერე ასეა. მყავს ავადმყოფი მეუღლე, რომელსაც ჯანმრთელობასთან დაკავშირებით ძალიან ბევრი პრობლემა აქვს.

ოჯახში მხოლოდ ჩემი უფროსი ბიჭი, დათო მუშაობს. ძმის გადასარჩენად თავს და ენერგიას არ ზოგავს, არაფერს თაკილობს. კაპიკ-კაპიკ აგროვებს პატარა ძმისთვის სამკურნალო თანხას.  ჩემი ერთადერთი დიდი იმედია.

-  ეს პერიოდი, რაც საავადმყოფოში ხართ ვინ უვლის თქვენს გოგონას?

- დედაჩემი უვლის, მაგრამ მასაც ინფარქტი აქვს გადატანილი და ძალიან უჭირს.

- გიორგი როგორ უმკლავდება მკურნალობის პერიოდს?

- მარტივი არ არის ის გზა, რასაც ჩვენ ახლა გავდივართ. ყველა ონკოლოგიური პაციენტი მიმიხვდება ამას. ძნელია ყველაფრის ახსნა და ენით გადმოცემა. მხნედ არის, გამოჯანმრთელების იმედი აქვს. როგორც ექიმები ამბობენ, წინ დიდი ბრძოლა გველის. დიდი დრო სჭირდება საბოლოო გამოჯანმრთელებამდე. მე, როგორც დედას გატეხვის და უკან დახევის უფლება არ მაქვს.

ჩვენ ვესაუბრეთ გიორგის მასწავლებელს, ქალბატონ ლელა სარიშვილის, რომელიც კლასთან ერთად გულშემატკივრობს გიორგის და პერიოდულად ლამაზ სიურპრიზებსაც უკეთებს.

ლელა სარიშვილი გაკვეთილზე
ლელა სარიშვილი გაკვეთილზე

- გიორგი  ზრდილობიანი, პასუხისმგებლიანი, მშვიდი, კარგი მოსწავლე  და საუკეთესო მეგობარია. ყოველთვის ჰქონდა სურვილი, მონაწილეობა მიეღო კლასგარეშე მუშაობაში, ღონისძიებებში. მორიდებით გვეტყოდა, მეც მინდა სიმღერა, ამ როლს მე შევასრულებ. შეიძლება ითქვას, რომ ეკლესიაში გაიზარდა. ყველა წირვა - ლოცვაზე  მიდიოდა დედასთან, ან თანატოლებთან ერთად. თითქმის ყველა კვირას და დღესასწაულზე ეზიარებოდა ქრისტეს სისხლსა და ხორცს.

ამ ამბავმა ყველა გააოცა, აღაშფოთა, შეაძრწუნა. პირველადი დახმარება შეიძლება ითქვას თანაკლასელებმა გაუწიეს. მეორე დღესვე გადაუგზავნეს შეგროვებული თანხა. სოფლის ყველა ოჯახი ცდილობს ფინანსურ დახმარებას და ხელაპყრობილი თხოვენ უფალს გიორგის ჯანმრთელობას.

იმედი მაქვს, თუ კეთილი ხალხის ნებაც იქნება და არ დავიშურებთ თითო ლარსაც კი გიორგის დასახმარებლად, მკურნალობა აუცილებლად გამოიღებს შედეგს და მალე დაგვიბრუნდება

თანაკლასელები თითქმის ყოველ დღე ურეკავენ, ამხნევებენ, თანადგომას  უცხადებენ. დაბადების დღეც კი აღუნიშნეს  „ონლაინ“, რამაც ძალიან გააბედნიერა გიორგი.

მივმართავთ საზოგადოებას, თუ კი გექნებათ დახმარების სურვილი, შეგიძლიათ თანხა ჩარიცხოთ ანგარიშის ნომერზე:

თი-ბი-სი ბანკი: GE04TB7045845064300006

მიმღები დავით მურვანიძე

საქართველოს ბანკი: GE05BG0000000477017911

მიმღები მალხაზი ჯინჭარაძე

1353
საავადმყოფო

გაბუნია: ეპიდსიტუაცია კვლავ საყურადღებოა, ვფიქრობთ საწოლების დამატებით მობილიზებას

0
(განახლებულია 15:51 19.04.2021)
ამ ეტაპზე საქართველოში კოვიდ-პაციენტებისთვის  დაახლოებით 2 ათასი თავისუფალი საწოლია. როგორც ჯანდაცვის სამინისტროში აღნიშნავენ, ჰოსპიტალური სექტორი მობილიზებულია და პაციენტების მისაღებად მზად არის.

თბილისი, 19 აპრილი – Sputnik. დღეს ქვეყენაში გამოვლენილი კორონავირუსის შემთხვევათა შედარებით ნაკლები რაოდენობა შაბათ-კვირას ტესტების სიმცირეს უკავშირდება, განაცხადა საქართველოს ჯანდაცვის მინისტრის მოადგილემ თამარ გაბუნიამ.

სამეგრელო-ზემო სვანეთში 27 საჯარო სკოლა სწავლების დისტანციურ რეჟიმზე გადავიდა>>

გაბუნიას განცხადებით, ქვეყანაში ეპიდვითარება კვლავაც საყურადღებოა, იზრდება დატვირთვა კლინიკებზე, რის გამოც შესაძლოა მოხდეს დამატებით საწოლების მობილიზება.

„გასული დღეების განმავლობაში შემთხვევათა რაოდენობამ 1 ათასს გადააჭარბა... ჩვენ ამ დღეებში ვფიქრობთ საწოლების დამატებით მობილიზებას. ასევე, პირველადი ჯანდაცვის ქსელი სრულად არის ჩართული პროცესში ონლაინკლინიკების სახით“, – განაცხადა გაბუნიამ.

გაბუნიამ „სინოფარმის“ ვაქცინაციის შესახებაც ისაუბრა და განმარტა, რომ ვაქცინის დასანერგად მოსამზადებელი სამუშაოები მიმდინარეობს და ის ამ კვირაში დასრულდება.

„მიმდინარეობს მუშაობა, რომ რეგისტრაცია დაიწყოს 27 აპრილიდან. „სინოფარმის“ ვაქცინა დღემდე რეგისტრირებულია 35 ქვეყანაში, ახალი შემთხვევების თავიდან აცილების თვალსაზრისით, მისი ეფექტურობა საკმარისად მაღალია, 80 პროცენტამდეა“, - აღნიშნა გაბუნიამ.

მისი განმარტებით, აღნიშნული მაჩვენებლები იძლევა საკმაოდ კარგ და იმედისმომცემ შედეგებს.

„აქედან გამომდინარე, მიმდინარე პერიოდში ჯანდაცვის მსოფლიო ორგანიზაცია განიხილავს Sinopharm-ის ავტორიზაციის საკითხს გადაუდებელი გამოყენებისთვის. ვფიქრობთ, აპრილის ბოლოსთვის ეს პროცესი დასრულდება და საქართველოც დაიწყებს „სინოფარმის“ გამოყენებას აქტიურად“, – განაცხადა თამარ გაბუნიამ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 578-ით გაიზარდა და ინფიცირებულთა საერთო რიცხვმა 295.936-ს მიაღწია.

ბოლო პერიოდში გაიზარდა ინფიცირების შემთხვევები და ხშირად დღიური მაჩვენებელი 1 ათასს სცდება. ეპიდემიოლოგები კორონავირუსის მესამე ტალღის შესახებ საუბრობენ.

0
თემები:
კორონავირუსი საქართველოში: ბოლო ცნობები