თბილისის საერთაშორისო აეროპორტი

რას ნიშნავს COVID–პასპორტი და როგორი იქნება მისი გაცემის წესი

7741
(განახლებულია 14:42 05.06.2020)
ტურისტული სფეროს აღსადგენად, რომელსაც კორონავირუსის პანდემიამ დიდი დარტყმა მიაყენა, თითქმის მთელი მსოფლიო გეგმავს შეიმუშაოს ერთიანი დოკუმენტი პირობითი სახელწოდებით „COVID–პასპორტი“, რომელიც უსაფრთხოების სერტიფიკატის როლს შეასრულებს.

მსოფლიოს წამყვან ქვეყნებს არც საქართველო ჩამორჩა. როგორც ეს არაერთხელ აღინიშნა, ჩვენ ვიქნებით პირველი ქვეყანა რეგიონში, რომელიც კარს გახსნის მოგზაურებისთვის. დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ტურისტებს, სავარაუდოდ, საქართველოში შემოსვლისას მოუწევთ დოკუმენტის წარმოდგენა – რომ კორონავირუსზე ბოლო 72 საათში გამოკვლეული არიან და მათი პასუხი უარყოფითია.

ეს იმას ნიშნავს, რომ ადამიანი მიიღებს დოკუმენტს, რომლითაც მოგზაურობის საშუალება ექნება. დიდი ალბათობით, ეს იქნება ცნობა, ხოლო ანალიზი ჩატარდება იმ ქვეყანაში, საიდანაც დაიწყება მოგზაურობა. დოკუმენტი ამბობს, რომ ადამიანი კორონავირუსით ამჟამად ინფიცირებული არ არის.

თუმცა... დაცული არავინაა და ადამიანი შესაძლოა ტესტირებიდან 1 საათში დაინფიცირდეს. რა ხდება ამ დროს? რა აზრი აქვს COVID–პასპორტს, როცა მოგზაურს რამდენიმე დღეში შესაძლოა სიმპტომების გამოვლენა დაეწყოს, დავიცავთ კი საკუთარ და სხვის ჯანმრთელობას COVID–პასპორტით?

ექსპერტები მთავრობისგან დეტალების დაზუსტებას ელოდებიან.

მედიცინის მეცნიერებათა დოქტორმა, ჯანდაცვისა და სოციალური პოლიტიკის კვლევის ცენტრის დირექტორმა სერგო ჩიხლაძემ „Sputnik–საქართველოსთან“ საუბრისას განაცხადა, რომ როგორი გამართული მექანიზმითაც არ უნდა მოხდეს ტურისტების ჩამოსვლა საქართველოში, ინფექციის გავრცელებისგან 100%-ით დაზღვეულები მაინც არ ვიქნებით, თუმცა ეს საგანგაშო არ არის.

„რისკი არსებობს, თუმცა ეს არის მინიმალური საფრთხე. ვირუსი კიდევ იქნება როგორც ქვეყნის შიგნით, ასევე გარეთ. თუ საქართველოს აეროპორტებში მოხდება მგზავრების შემოწმება, მაშინ მთავრობამ უნდა გვითხრას, როგორ აპირებს ინფიცირებულების დაბრუნებას, ან კარანტინში გადაყვანას, ან როგორი იქნება ფინანსური მექანიზმი. დასაზუსტებელია ფინანსური საკითხიც. თუ 72 საათით ადრე მოხდება ადამიანის შემოწმება საზღვარგარეთ, კერძო ლაბორატორიაში, ამ შემთხვევაში რა ეღირება შემოწმება. თუ ტესტირება მოხდება გამოფრენის წინ, ნაკლები შანსია მგზავრის დაინფიცირების. გამოფრენის წინაც კი არ ვართ 100%-ით დაზღვეული. შესაძლოა სიმპტომები შემდეგ დღეს გამოუვლინდეს, მაგრამ, საბოლოოდ, მთავარია – გამართული მექანიზმი იყოს“, – აღნიშნა სერგო ჩიხლაძემ.

მთავრობის მეთაურის, გიორგი გახარიას თქმით, ისეთ იშვიათ შემთხვევებში, როდესაც საქართველოში ჩამოსულ ადამიანს ტესტი ჩატარებული არ ექნება, ქვეყანაში შეიქმნება სწრაფი PCR–ტესტების აღების შესაძლებლობა. თუმცა, როგორც ექსპერტები გვეუბნებიან, ტესტი 100%-იან პასუხს არ გვაძლევს.

მედიცინის მეცნიერებათა დოქტორმა, ჯანმრთელობის კვლევის კავშირის დირექტორმა, ინფექციონისტმა მაია ბუწაშვილმა სააგენტოსთან საუბრისას გამოთქვა ვარაუდი, რომ მოგზაურობის მსურველს თავად მოუწევს ტესტის საფასურის გადახდა.

„როდესაც რეგულაციებზე ვსაუბრობთ, მიზანია რისკის შემცირება. PCR–ტესტიც შეიძლება შეცდეს მაშინ, როდესაც იმ დროს ადამიანი არ გამოყოფს ვირუსს. დიდი ალბათობით მოგზაურობის მსურველს თავად მოუწევს ტესტის საფასურის გადახდა. იმაზეც არის მსჯელობა, რომ საქართველოს აეროპორტებში მოხდეს ტესტირება, თუმცა ეს მეორეხარისხოვან იდეად მოიაზრება“, – განაცხადა მაია ბუწაშვილმა.

პრობლემის გადაჭრის გზებს მთელი მსოფლიო ეძებს. ტურისტული სფეროს აღდგენას თითოეული ქვეყანა ცდილობს.

წინასწარი ინფორმაციით, იქნება ეტაპები, რომლებიც ნებისმიერმა ტურისტმა უნდა გაიაროს და ეს ნორმები ყველა ქვეყანას მიეწოდება რეკომენდაციების სახით, რათა უსაფრთხო იყოს ტურისტების მიმოსვლა.

ამ დროისთვის დაზუსტებული არ არის, თუმცა მოგზაურობის მსურველი სახლიდან აეროპორტამდე რაღაც სახის ტრანსპორტით უნდა მივიდეს და ამ ტრანსპორტის სხვადასხვა ვარიანტი იქნება გათვალისწინებული.

შემდეგ არის აეროპორტში გასავლელი ეტაპები. ექსპერტები ამბობენ, რომ იქნება გარკვეული ტიპის ტესტი სანიტარიულ პასპორტთან ერთად. საუბარია COVID–პასპორტზე.

შემდეგ უკვე არის კონკრეტული წესები სასტუმროში, ჰიგიენის და სხვადასხვა ტიპის ნორმატივები მუზეუმებში, სკვერებსა და საზოგადოებრივი თავშეყრის ადგილებში.

პანდემიის პერიოდში საქართველო ერთ-ერთ უსაფრთხო ქვეყნად დასახელდა, სადაც სტუმრობას მოგზაურებს არაერთი უცხოური მედიასაშუალება ურჩევს. მთავრობა თებერვლიდან აქტიურად ებრძვის კორონავირუსს და, შეგვიძლია ვთქვათ, რომ წარმატებით ართმევს თავს დროული რეგულაციებით. ვნახოთ, რა იქნება მომავალში... რადგან რეალობა მეორე მხარესაც გვაჩვენებს – მაგალითად, იმ ადამიანებს, რომლებსაც საქართველოში ჩამოსვლის საჭიროება აქვთ, მაგრამ პანდემიის გამო უმუშევრად დარჩენილებს ექნებათ კი ფინანსები COVID–პასპორტის აღების? რა ეღირება ტესტი? ან 72 საათის შემდეგ რა ელოდებათ? ან... ან... ან...

 

7741
თერმოსკრინინგი

რამდენად სანდოა თერმოსკრინინგის აპარატები და რა უნდა გავაკეთოთ „ჩვენ“

111
(განახლებულია 17:29 18.09.2020)
ნაცნობია არც ისე იშვიათი შემთხვევები, როდესაც თერმოსკრინინგის აპარატმა გადაწყვიტა, რომ ტემპერატურა არარეალურად დაბალი გაქვთ, ხოლო ადამიანი, რომელიც იმ პატარა ეკრანზე ამას კითხულობს, ჩუმად არის...

საქართველოში კორონავირუსის შემთხვევები დღითი დღე რეკორდს ამყარებს, ყოველდღიური გამოვლინება უკვე სამნიშნა რიცხვებით იზომება.

რადგან ახალი რეგულაციების თანახმად საერთო მოხმარების სივრცეში – სკოლებში, გასართობ ადგილებში, ბანკებში, აეროპორტებში, მოლებში, მაღაზიებში, სარკინიგზო სადგურებში, ავტოსადგურებში, საგამოფენო დარბაზებსა თუ მუზეუმებში უნდა მოხდეს იქ მყოფი ადამიანების ტემპერატურის კონტროლი, ტრადიციული თერმომეტრის გამოყენება მისი დეზინფექციის გარეშე შეუძლებელია. ამიტომ შემოწმების წარმატებით და დროულად განხორციელება მხოლოდ თერმოსკრინინგის აპარატების (სიცხის საზომი უკონტაქტო თერმომეტრი) მეშვეობით არის შესაძლებელი. როგორც უკვე ვიცით, თუ სადმე შესვლას ვაპირებთ, ტემპერატურა არ უნდა აღემატებოდეს 37.0 გრადუსს. თუმცა...

ასეა თუ ისე, მით უფრო ამ ბოლო დროს, ალბათ ბევრი თქვენგანისთვის ნაცნობია არც ისე იშვიათი შემთხვევები, როდესაც აპარატმა გადაწყვიტა, რომ ტემპერატურა 33 გრადუსი, ან რაღაც მსგავსი, არარეალურად დაბალი გაქვთ, ხოლო ადამიანი, რომელიც იმ პატარა ეკრანზე ამას კითხულობს, ჩუმად არის. აქ მოქალაქეობრივი პასუხისმგებლობის დანაშაული გვახსენდება...

ყველა აპარატს შეძენისას მოჰყვება ვარგისიანობის ვადა, რესურსი, რამდენჯერ შეუძლია გაზომოს ტემპერატურა. ნორმალური ხარისხის აპარატს საშუალოდ 10 ათასჯერ შეუძლია გაზომვა.

სიცხის საზომს უნდა ჰქონდეს ხარისხის სერტიფიკატიც.

საქართველოში თერმოსკრინინგის აპარატის ღირებულება 65 ლარიდან 300 ლარამდე მერყეობს. ხოლო თუ უცხოურ საიტებს გადავხედავთ, აპარატის შეძენას ბევრად იაფად, 7–10 დოლარადაც შევძლებთ.

ჩნდება კითხვა: რამდენად გამართულად მუშაობს ათასობით ობიექტზე აღნიშნული აპარატები და აქვთ კი უწყებებს ძალა და რესურსი ობიექტების კონტროლისთვის? ან იქნებ მართლაც სამოქალაქო პასუხისმგებლობის იმედად ვართ?

როგორც ჯანდაცვის სამინისტროს შრომის პირობების ინსპექტირების დეპარტამენტის ინსპექტირების სამმართველოს უფროსმა მაია მიქაიამ „Sputnik–საქართველოს“ განუცხადა, მთავრობის მიერ დადგენილი რეკომენდაციების გათვალისწინებით ერთ-ერთი ვალდებულებაა თერმოსკრინინგი, ხოლო აპარატის გამართულად მუშაობაზე ობიექტის მენეჯერია პასუხისმგებელი.

„მთავრობის მიერ დადგენილი რეკომენდაციების მიღების შემდეგ გაფრთხილებულია ყველა ობიექტი, თუ როგორ უნდა იხელმძღვანელონ წესების დაცვით. ერთ-ერთი ვალდებულებაა თერმოსკრინინგი. აპარატებს მოჰყვება პასპორტი, თუ რამდენჯერ არის შესაძლებელი ტემპერატურის გაზომვა. ამ შემთხვევაში მენეჯერი უზრუნველყოფს თერმომეტრის გამართულობას. ჩვენც ვცდილობთ, რომ პირველად არა სანქციებით, არამედ გაფრთხილებით და დახმარებით მოვახდინოთ პრობლემის აღმოფხვრა, მაგრამ იურიდიული პირი, რომელიც დადგენილ რეკომენდაციებს არ ემორჩილება, დაჯარიმდება 10 ათასი ლარით, ხოლო ფიზიკური პირი – 2 ათასი ლარით“, – განუცხადა მაია მიქაიამ სააგენტოს.

მაგალითად, აჭარაში რამდენიმე დღის წინ ობიექტების მიერ კორონავირუსის პრევენციის კუთხით რეკომენდაციების შესრულების შემოწმების დროს დეპარტამენტის თანამშრომლებმა 600 ბიზნეს-სუბიექტი სიტყვიერად გააფრთხილეს, ხოლო 15 – დააჯარიმეს.

საქმე რთულადაა. ქვეყანაში უფრო მეტი ობიექტია, ვიდრე შესაბამისი მაკონტროლებელი უწყების თანამშრომელი.

რა ხდება მაშინ, როდესაც პანდემიას მხოლოდ უწყებები ვერ ერევიან? როდესაც მე აღარ ვარ უბრალოდ „მე“, ვხდები „ჩვენ“ და პასუხისმგებელი ვხდები სხვა, ბევრი ადამიანის ბედ-იღბალსა და ჯანმრთელობაზე? მარტივია – ჩნდება ვალდებულება, რომ აღარ გაქვს იმის უფლება, რომ ჩაატარო ექსპერიმენტი მაშინ, როდესაც წინ უამრავი მაგალითი გაქვს.

როგორც „Sputnik–საქართველოს“ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ განუცხადა, ინფექციის ზრდა ჩვენ ყველამ ერთად, სახელმწიფოსთან, ექიმებთან და მოსახლეობასთან ერთად უნდა შევაკავოთ.

„კორონავირუსულ პანდემიას მოერევა ერთად სახელმწიფო, ექიმები და საზოგადოება. საჭიროა მათი მჭიდრო თანამშრომლობა და კოორდინირებული მუშაობა პანდემიასთან ბრძოლის პროცესში. ჩვენ, ყველამ უნდა გავითავისოთ ჩვენი წილი პასუხისმგებლობა. ამას ვერ გააკეთებენ ცალკეული სახელმწიფოები, ეს უნდა მოხდეს გლობალურად. ამიტომ საერთაშორისო თანამშრომლობა უაღრესად მნიშვნელოვანია“, – განუცხადა სააგენტოს ამირან გამყრელიძემ.

რეალობამ დაგვანახა, რომ დაავადებათა კონტროლის ცენტრის ხელმძღვანელის თუ უწყებების მოწოდებებს იმისთვის არ უნდა დაველოდოთ, რომ მტვრიანი დეზობარიერები, არასწორად გაკეთებული პირბადეები და ვადაგასული თერმოსკრინინგის აპარატები აღარ იყოს.

არ ვიცით კიდევ რამდენ ხანს, მაგრამ ახლა ასეა: „მე“ – არა, „შენ“ – არა, არამედ „ჩვენ“ და ისევ ორი მეტრის დაშორებით...

 

111
ბარბარე 21

პროსტიტუციიდან ქველმოქმედებამდე რა ბედი ეწია „მამიდას" საროსკოპოს

327
(განახლებულია 22:01 09.07.2020)
მსოფლიოს ბევრ ქვეყანას შეშურდება, საქართველოში იმდენი ხუთვარსკვლავიანი სასტუმროა მაღალი კლასის მომსახურებითა და სერვისით. ყველას სახელი შესაძლოა ვერ გავიხსენოთ, მაგრამ არც ისე გამორჩეული, პატარა სასტუმრო „ჭალის ჩიტების“ სახელს დღეს ბევრი ვერ ივიწყებს.

ამის მიზეზს მიხვდებით, თუ გეტყვით, რომ სასტუმროს მეპატრონე საზოგადოებისთვის „მამიდას“ ნიკით ცნობილი როენა ხუცურაული გახლდათ. მიუხედავად მავანთა მიერ ამ სასტუმროში გატარებული დღეებისა, რომელიც ზოგისთვის ტკბილი მოგონება იყო, ზოგისთვის კი იმედგაცრუება, ის სასტუმრო აღარ არის, თქვენ რომ გახსოვთ...

გასული წლის მაისში აქ საგამოძიებო მოქმედებები ჩატარდა. გამოძიებამ დალუქა სასტუმრო „ჭალის ჩიტები“, როგორც პროსტიტუციის ობიექტი. ყველა მთავრობისგან დევნილ ქალს, ერისა და ბერის „მამიდას“, როენა ხუცურაულს კი „ამაგი“ არ დაუფასეს, ხელბორკილები დაადეს და სისხლის სამართლის პასუხისგებაში მისცეს.

„მამიდა“ პატიმრობიდან გირაოს სანაცვლოდ გაათავისუფლეს. მან სასამართლოშივე განაცხადა, რომ აღიშნულ ობიექტზე ქველმოქმედების მიზნით სათნოების სახლის დაარსებას აპირებდა…

„Sputnik–საქართველოს“ როენა ხუცურაულმა მოუთხრო, თუ როგორ აქირავებს დღეს სიმბოლურ ფასად სასტუმროს შშმ პირების დასახმარებლად და არც სამომავლო გეგმები დამალა. მისი ნათქვამიდან ყველაზე ნიშანდობლივი კი მაინც ერთი რამ იყო – „ჩემ სიბერეს ჩემს სასტუმროში ვხედავ“.

ბარბარე 21
© Sputnik / Shota Nozadze
ბარბარე 21

„ქველმოქმედების მიზნით სასტუმროში სათნოების სახლის გახსნას ვაპირებდი. ჯანმრთელობის მდგომარეობის გამო ვეღარ შევძელი, შშმ პირებისთვის ადაპტირებული გავხადე და პანსიონატისთვის სიმბოლურ ფასად, 1 ათას ლარად გავაქირავე. ესეც დახმარებაა. თუ ჯანმრთელობა ხელს შემიწყობს, ამ კეთილ საქმეში თავადაც ჩავერთვები. ყველაფერი ღვთის ნებაა. როცა წლებში შედიხარ ადამიანი, უკვე სხვანაირად ფიქრობ. ჩემ სიბერეს კი ჩემს სასტუმროში ვხედავ“, - გვითხრა როენა ხუცურაულმა.

ქველმოქმედება – ლამაზი სიტყვაა, ქმედება – კიდევ უფრო ლამაზი. ხოლო ნებისმიერი ქმედება, თუ სიკეთეს არ ემსახურება, მხოლოდ შიშველი ინსტინქტია. ძნელია ისაუბრო ქველმოქმედი ადამიანის მოტივაციაზე. ალბათ, ეს უფრო ბუნებრივი მოთხოვნილებაა, სიამოვნებაა, რაც ნებისმიერ ხორციელ სიამოვნებაზე გაცილებით ძლიერია.

„მამიდის“ ნათქვამის პატივისცემის მიუხედავად, ჩვენმა ჟურნალისტმა მისი მონათხრობი გადაამოწმა, ესტუმრა ახლა უკვე თავშესაფარს და, როგორც აღმოჩნდა, მას პირობა შეუსრულებია…

Ბარბარე 21
© Sputnik / Shota Nozadze
Ბარბარე 21

დაწყებული საქმიანობა მოხუცთა თავშესაფრის „ბარბარე 21“-ის მფლობელმა, „ქართული ოცნების“ ყოფილმა წევრმა მერაბ შათირიშვილმა განაგრძო. დაწესებულების კედლებში კი ახალი სიცოცხლე დაიწყო. მთლიანი შენობა და ცალკეული ოთახები მოძღვარმა აკურთხა, აურა გაიწმინდა და ახლა შენობის ფანჯრებიდან ბენეფიციარების ბედნიერი ხმა გამოდის.

შენობა 16 ბენეფიციარზეა გათვლილი. თითოეულ ოთახს აქვს თავისი სველი წერტილები, ცხელი და ცივი წყალი, გათბობა. სართულებს შორის გადასაადგილებლად კი არის ადაპტირებული ლიფტიც.

სააგენტოსთან საუბრისას მერაბ შათირიშვილმა აღნიშნა, რომ შენობა ხუთი წლით იქირავა, სხვა სასტუმროებს კი მოუწოდა, როენა ხუცურაულისგან მაგალითი აიღონ.

Ბარბარე 21
© Sputnik / Shota Nozadze
Ბარბარე 21

„მეპატრონეს თავად სურდა თავშესაფრის დაარსება. ნებართვაც ჰქონდა, თუმცა შემდეგ ცოტა გაუჭირდა თავის გართმევა, დამიკავშირდა და ბოლოს იმავე მიზნით ხუთი წლით ვიქირავე. ქირას სიმბოლური თანხაც შეიძლება ვუწოდოთ. მანამდე მეპატრონეს არ ვიცნობდი. მიკვირს, რატომ არის როენას სასტუმრო ასეთი ყურადღების ცენტრი, ან დღეს რა აზრი აქვს ადრე აქ რა იყო. თვითონ ცხოვრებამ გარკვეულწილად იმ გზით წაიყვანა, რომ გართობის ადგილი ყოფილიყო, მაგრამ თბილისის სხვა ნებისმიერ სასტუმროშიც შეუძლია წყვილს ღამის გათენება. ასეთ სასტუმროებს ვურჩევ ასეთ სიკეთის სახლებად გადაკეთებას, ვიდრე შეფარულად ყოფნას“, – გვითხრა შათირიშვილმა.

Ბარბარე 21
© Sputnik / Shota Nozadze
Ბარბარე 21

კითხვაზე, თუ როგორ ახდენს თავშესაფარი შეზღუდული შესაძლებლობების მქონე პირთა ინტეგრაციას საზოგადოებაში და მათთვის თანაბარი შესაძლებლობების უზრუნველყოფას, მერაბ შათირიშვილმა აღნიშნა, რომ, მაგალითად, შაბათს ვაკის პარკში გაიმართება საქველმოქმედო კონცერტი, სადაც მათი თავშესაფრიდან ბენეფიციარი იღებს მონაწილეობას.

ასე მოხდა... ქართულ საზოგადოებას კიდევ ერთი ქველმოქმედი და პატიოსანი ადამიანი შეემატა, „სასტუმროების ბიზნესს“ კი ერთი მზრუნველი ადამიანი გამოაკლდა.

რამდენად ქველმოქმედია „მამიდა“, ეს საზოგადოებამ განსაჯოს, თუმცა აქვე ცნობილი ფრაზა აგეკვიატება – ყველამ თავის მამიდას მიხედოს...

ჩვენ კი დავძენთ, სასიამოვნო სიახლეები კარგია, თუნდაც მოულოდნელი იყოს!..

327
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0