საოფისე სამსახური

როგორ მოვემზადოთ გასაუბრებისთვის, ანუ პირველი შთაბეჭდილების ორჯერ მოხდენა შეუძლებელია

613
(განახლებულია 17:58 29.03.2019)
რუბრიკის „მარტივია, როცა იცი როგორ“ დღევანდელ პუბლიკაციაში გთავაზობთ რჩევებს, როგორ მოვემზადოთ გასაუბრებისთვის.

ინტერვიუ ორმხრივი კომუნიკაციის პროცესია, რომლის დროსაც ჩვენ და ჩვენი მომავალი მენეჯერი როგორც თანასწორები, თანაბარ პირობებში ვსაუბრობთ – მენეჯერს უნდა მოვაწონოთ თავი და მენეჯერმაც უნდა მოგვაწონოს საქმე, კომპანია და საკუთარი თავიც. ინტერვიუერმა გასაუბრების დამთავრებამდე იცის, შესაფერისი კანდიდატი ხართ თუ არა კონკრეტული პოზიციისთვის.

როგორც ცნობილია, Facebook ცდილობს დაიქირავოს ის ადამიანი, ვისაც კომპანიაში მუშაობა ძალიან უნდა. გასაუბრებაზე კანდიდატებს ხშირად ეკითხებიან შემდეგ საინტერესო კითხვას: „მოგვიყევი იმ დღეზე, როცა სახლში მიხვედი და თქვი, რომ საუკეთესო სამუშაო დღე გქონდა. რა ხდებოდა იმ დღეს სამსახურში?“

PayPal-ის დამაარსებელი პიტერ თიელი კანდიდატებს ეკითხება: „მომიყევი რამე, რაც იცი რომ მართალია, მაგრამ არავის სჯერა ამისი“. როგორც ლიდერი ამბობს, ასეთი მიდგომით ის კანდიდატების გამბედაობას ამოწმებს.

თუმცა არსებობს სტანდარტული კითხვებიც. ხშირია შემთხვევები, როდესაც კანდიდატები გასაუბრებაზე დასმულ კითხვებს დაუფიქრებლად პასუხობენ.

თუ თქვენ გასაუბრებაზე არ დაიგვიანებთ, იცოდეთ, რომ თქვენი წარმატებისკენ ერთი ნაბიჯი უკვე გადადგით.

შესაფერისი ჩაცმულობა

პირველი შთაბეჭდილების მოსახდენად მხოლოდ 30 წამია საკმარისი, რომლის განმავლობაშიც თავდაპირველად ყურადღებას სწორედ გარეგნობა იქცევს. დღეს სირთულეს აღარ წარმოადგენს კომპანიების Dress Code-ის შესახებ ინფორმაციის მოძიება. არც გადაჭარბებულად გაიპრანჭოთ და არც ზედმეტად თავისუფალი სტილი შეარჩიოთ. საერთო ჯამში თქვენი გარეგნული მხარე უნდა იყოს მოწესრიგებული, სუფთა და გემოვნებიანი.

გაეცანით კომპანიას

მოიძიეთ რაც შეიძლება მეტი ინფორმაცია კომპანიისა და მისი კონკურენტების შესახებ, რადგან ამ ინფორმაციამ შესაძლოა იდეალური პასუხისკენ გიბიძგოთ.

მოგვიყევით თქვენ შესახებ

გულს ნუ გადაუშლით ინტერვიუერს. ამ შეკითხვის დასმით მას ყველაზე მეტად აინტერესებს ისეთი ისტორია, რომელიც წარმოაჩენს თქვენს იმ უნარებს, რის გამოც ყველაზე მეტად ერგებით გამოცხადებულ ვაკანსიას. აუცილებელია, რომ რამდენიმე წინადადებით შეაფასოთ თქვენი განვლილი კარიერა. რეკრუტერისთვის ასევე საინტერესო მოსასმენია, როგორ მსჯელობს კანდიდატი საკუთარ თავზე.

რატომ წამოხვედით წინა სამსახურიდან

ყოფილი დამსაქმებლის უარყოფითად მოხსენიება არაეთიკურია და აპლიკანტის არაპროფესიონალიზმზე მეტყველებს. ამ კითხვით ინტერვიუერი გამოავლენს იმ ფაქტორებს, თუ რა შეიძლება გახდეს მომავალში დემოტივაციისა და სამსახურის დატოვების მიზეზი.

თქვენი ძლიერი და სუსტი მხარეები

ინტერვიუერები ამ კითხვას კანდიდატის თვითშეფასების შესამოწმებლად სვამენ. თითოეულ ძლიერ მხარეზე გაიხსენეთ სიტუაციები, რომელშიც ეს თვისებები გამოავლინეთ. დაფიქრდით თქვენ სუსტ მხარეებზე, რომლებიც მაინცდამაინც არ ეწინააღმდეგება შემოთავაზებულ ვაკანსიას, და აჩვენეთ ინტერვიუერს, რომ გაქვთ მათი გადალახვის სტრატეგია. იმედია, იმას არ ფიქრობთ, რომ სუსტი მხარეები არ გაგაჩნიათ.

სად ხედავთ საკუთარ თავს ხუთი წლის შემდეგ – რეკრუტერების საყვარელი კითხვა

ეს ძალიან ეშმაკური შეკითხვაა. მაინცდამაინც ამ კითხვისას ნუ მოინდომებთ თავმდაბლობას, მაგრამ ნურც ზედმეტ ქედმაღლობას გამოიჩენთ. თუ ფანტაზიის უნარს ცოტათი მოუხმობთ, ხუთი წლის შემდეგ იმავე თანამდებობაზე თქვენს თავს ვერ დაინახავთ.

ყველაზე მეტად რა მოგწონთ კონკრეტულ სამუშაოში

არასოდეს უპასუხოთ რომ თქვენთვის მნიშვნელოვანია ხელფასი, ბონუსები, ბიზნეს-ლანჩი, ანაზღაურებადი შვებულება ან სხვა მატერიალური ფასეულობები. გახსოვდეთ, რომ თქვენთვის პირველ ადგილზე სამუშაო და პროფესიული ზრდის შესაძლებლობა უნდა იყოს.

რა არის თქვენი მოტივაცია?

ამ კითხვაზე არ არსებობს ცუდი ან კარგი პასუხი. აქ გამოსავალი მხოლოდ ერთია – გულწრფელობა, ენთუზიაზმი და თავდაჯერებულობა. აი, რისი გაგება სურს დამსაქმებელს თქვენ შესახებ ამ კითხვაზე პასუხით.

რა რჩევას მისცემდით 10 წლის წინ საკუთარ თავს?

კითხვა ინდივიდუალურია. ეს კითხვა სულაც არ ნიშნავს იმას, რომ თვითგვემა უნდა დაიწყოთ. ეცადეთ იყოთ პოზიტიური, რადგან  ინტერვიუერს „ღიმილიანი“ ხალხი უყვარს.

გახსოვდეთ, რომ გამსაუბრებელიც ადამიანია და შეიძლება ისიც ნერვიულობდეს ან რუტინისგან იყოს გადაღლილი. ამიტომ ეცადეთ მასთან საერთო ენის გამონახვა. ხედავთ, რომ იმ სერიალის ჭიქა აქვთ, რომელსაც თქვენც უყურებთ? გაესაუბრეთ ბოლო სერიის შესახებ. ეს დაძაბულობას შეამცირებს და ინტერვიუ ბევრად მარტივად ჩაივლის.

თუ ინტერვიუერს არ უნდა თქვენი მაგალითის მოსმენა, მაშინ მზად უნდა გქონდეთ თემიდან გადახვევის გეგმა, რათა ინტერესი შეუნარჩუნოთ გასაუბრებას.

...შემდეგ კი ეცადეთ იყოთ შეუცვლელი, როგორც ეს ერთ დროს ჩემმა რედაქტორმა მითხრა.

 

613
ბარბარე 21

პროსტიტუციიდან ქველმოქმედებამდე რა ბედი ეწია „მამიდას" საროსკოპოს

234
(განახლებულია 22:01 09.07.2020)
მსოფლიოს ბევრ ქვეყანას შეშურდება, საქართველოში იმდენი ხუთვარსკვლავიანი სასტუმროა მაღალი კლასის მომსახურებითა და სერვისით. ყველას სახელი შესაძლოა ვერ გავიხსენოთ, მაგრამ არც ისე გამორჩეული, პატარა სასტუმრო „ჭალის ჩიტების“ სახელს დღეს ბევრი ვერ ივიწყებს.

ამის მიზეზს მიხვდებით, თუ გეტყვით, რომ სასტუმროს მეპატრონე საზოგადოებისთვის „მამიდას“ ნიკით ცნობილი როენა ხუცურაული გახლდათ. მიუხედავად მავანთა მიერ ამ სასტუმროში გატარებული დღეებისა, რომელიც ზოგისთვის ტკბილი მოგონება იყო, ზოგისთვის კი იმედგაცრუება, ის სასტუმრო აღარ არის, თქვენ რომ გახსოვთ...

გასული წლის მაისში აქ საგამოძიებო მოქმედებები ჩატარდა. გამოძიებამ დალუქა სასტუმრო „ჭალის ჩიტები“, როგორც პროსტიტუციის ობიექტი. ყველა მთავრობისგან დევნილ ქალს, ერისა და ბერის „მამიდას“, როენა ხუცურაულს კი „ამაგი“ არ დაუფასეს, ხელბორკილები დაადეს და სისხლის სამართლის პასუხისგებაში მისცეს.

„მამიდა“ პატიმრობიდან გირაოს სანაცვლოდ გაათავისუფლეს. მან სასამართლოშივე განაცხადა, რომ აღიშნულ ობიექტზე ქველმოქმედების მიზნით სათნოების სახლის დაარსებას აპირებდა…

„Sputnik–საქართველოს“ როენა ხუცურაულმა მოუთხრო, თუ როგორ აქირავებს დღეს სიმბოლურ ფასად სასტუმროს შშმ პირების დასახმარებლად და არც სამომავლო გეგმები დამალა. მისი ნათქვამიდან ყველაზე ნიშანდობლივი კი მაინც ერთი რამ იყო – „ჩემ სიბერეს ჩემს სასტუმროში ვხედავ“.

ბარბარე 21
© Sputnik / Shota Nozadze
ბარბარე 21

„ქველმოქმედების მიზნით სასტუმროში სათნოების სახლის გახსნას ვაპირებდი. ჯანმრთელობის მდგომარეობის გამო ვეღარ შევძელი, შშმ პირებისთვის ადაპტირებული გავხადე და პანსიონატისთვის სიმბოლურ ფასად, 1 ათას ლარად გავაქირავე. ესეც დახმარებაა. თუ ჯანმრთელობა ხელს შემიწყობს, ამ კეთილ საქმეში თავადაც ჩავერთვები. ყველაფერი ღვთის ნებაა. როცა წლებში შედიხარ ადამიანი, უკვე სხვანაირად ფიქრობ. ჩემ სიბერეს კი ჩემს სასტუმროში ვხედავ“, - გვითხრა როენა ხუცურაულმა.

ქველმოქმედება – ლამაზი სიტყვაა, ქმედება – კიდევ უფრო ლამაზი. ხოლო ნებისმიერი ქმედება, თუ სიკეთეს არ ემსახურება, მხოლოდ შიშველი ინსტინქტია. ძნელია ისაუბრო ქველმოქმედი ადამიანის მოტივაციაზე. ალბათ, ეს უფრო ბუნებრივი მოთხოვნილებაა, სიამოვნებაა, რაც ნებისმიერ ხორციელ სიამოვნებაზე გაცილებით ძლიერია.

„მამიდის“ ნათქვამის პატივისცემის მიუხედავად, ჩვენმა ჟურნალისტმა მისი მონათხრობი გადაამოწმა, ესტუმრა ახლა უკვე თავშესაფარს და, როგორც აღმოჩნდა, მას პირობა შეუსრულებია…

Ბარბარე 21
© Sputnik / Shota Nozadze
Ბარბარე 21

დაწყებული საქმიანობა მოხუცთა თავშესაფრის „ბარბარე 21“-ის მფლობელმა, „ქართული ოცნების“ ყოფილმა წევრმა მერაბ შათირიშვილმა განაგრძო. დაწესებულების კედლებში კი ახალი სიცოცხლე დაიწყო. მთლიანი შენობა და ცალკეული ოთახები მოძღვარმა აკურთხა, აურა გაიწმინდა და ახლა შენობის ფანჯრებიდან ბენეფიციარების ბედნიერი ხმა გამოდის.

შენობა 16 ბენეფიციარზეა გათვლილი. თითოეულ ოთახს აქვს თავისი სველი წერტილები, ცხელი და ცივი წყალი, გათბობა. სართულებს შორის გადასაადგილებლად კი არის ადაპტირებული ლიფტიც.

სააგენტოსთან საუბრისას მერაბ შათირიშვილმა აღნიშნა, რომ შენობა ხუთი წლით იქირავა, სხვა სასტუმროებს კი მოუწოდა, როენა ხუცურაულისგან მაგალითი აიღონ.

Ბარბარე 21
© Sputnik / Shota Nozadze
Ბარბარე 21

„მეპატრონეს თავად სურდა თავშესაფრის დაარსება. ნებართვაც ჰქონდა, თუმცა შემდეგ ცოტა გაუჭირდა თავის გართმევა, დამიკავშირდა და ბოლოს იმავე მიზნით ხუთი წლით ვიქირავე. ქირას სიმბოლური თანხაც შეიძლება ვუწოდოთ. მანამდე მეპატრონეს არ ვიცნობდი. მიკვირს, რატომ არის როენას სასტუმრო ასეთი ყურადღების ცენტრი, ან დღეს რა აზრი აქვს ადრე აქ რა იყო. თვითონ ცხოვრებამ გარკვეულწილად იმ გზით წაიყვანა, რომ გართობის ადგილი ყოფილიყო, მაგრამ თბილისის სხვა ნებისმიერ სასტუმროშიც შეუძლია წყვილს ღამის გათენება. ასეთ სასტუმროებს ვურჩევ ასეთ სიკეთის სახლებად გადაკეთებას, ვიდრე შეფარულად ყოფნას“, – გვითხრა შათირიშვილმა.

Ბარბარე 21
© Sputnik / Shota Nozadze
Ბარბარე 21

კითხვაზე, თუ როგორ ახდენს თავშესაფარი შეზღუდული შესაძლებლობების მქონე პირთა ინტეგრაციას საზოგადოებაში და მათთვის თანაბარი შესაძლებლობების უზრუნველყოფას, მერაბ შათირიშვილმა აღნიშნა, რომ, მაგალითად, შაბათს ვაკის პარკში გაიმართება საქველმოქმედო კონცერტი, სადაც მათი თავშესაფრიდან ბენეფიციარი იღებს მონაწილეობას.

ასე მოხდა... ქართულ საზოგადოებას კიდევ ერთი ქველმოქმედი და პატიოსანი ადამიანი შეემატა, „სასტუმროების ბიზნესს“ კი ერთი მზრუნველი ადამიანი გამოაკლდა.

რამდენად ქველმოქმედია „მამიდა“, ეს საზოგადოებამ განსაჯოს, თუმცა აქვე ცნობილი ფრაზა აგეკვიატება – ყველამ თავის მამიდას მიხედოს...

ჩვენ კი დავძენთ, სასიამოვნო სიახლეები კარგია, თუნდაც მოულოდნელი იყოს!..

234
ჯანმრთელი საკვები

როგორ გამოვიყენოთ ზაფხული წონაში დასაკლებად

2381
(განახლებულია 16:56 06.07.2020)
ზედმეტ კილოგრამებთან საბრძოლველად ზაფხული საუკეთესო დროა, რადგან ამ სეზონზე განებივრებული ვართ ახალი ხილითა და ბოსტნეულით, ეს საკვები კი დიდი რაოდენობით შეიცავს ბოჭკოებს, ვიტამინებს, მინერალურ და სხვა სასარგებლო ნივთიერებებს.

როგორ გამოვიყენოთ ზაფხულის პერიოდი როგორც ჭარბ წონასთან საბრძოლველად, ასევე ორგანიზმის ზოგადი მდგომარეობის გასაუმჯობესებლად, „Sputnik-საქართველოსთან“ ექიმი ენდოკრინოლოგი თინათინ კაჭარავა საუბრობს.

ექიმი ენდოკრინოლოგი თინათინ კაჭარავა
photo: courtesy of Tinatin Katcharava
ექიმი ენდოკრინოლოგი თინათინ კაჭარავა

- რატომ არის ზაფხულში წონაში დაკლება უფრო ადვილი?

- ყველასთვის ცნობილია, რომ ზამთარში ორგანიზმს გასათბობად დიდი რაოდენობით ცხიმი სჭირდება, ხოლო ზაფხულში ამის საჭიროება არ არის, ამ პერიოდში ჩქარდება ნივთიერებათა ცვლაც, რაც კიდევ ერთ ხელშემწყობ  პირობას წარმოადგენს წონაში კლების პროცესისთვის. 

წონაში დაკლება
© CC0 / Pixabay
წონაში დაკლება

- როგორი უნდა იყოს ზაფხულში კვების რაციონი?

- კვების რაციონი უნდა იყოს მდიდარი ახალი სეზონური ხილით და ბოსტნეულით. უნდა ვერიდოთ მძიმედ მოსანელებელ ცხიმიან საკვებს. სიცხის მიუხედავად უარი არ უნდა ვთქვათ წვნიანებზე, რადგან ისინი დადებით გავლენას ახდენს კუჭ-ნაწლავის გამართულ ფუნქციონირებაზე, რაც აუცილებელი წინაპირობაა წონის კლებისთვის.

სასურველია კერძები მოვამზადოთ უშუალოდ კვების წინ, რადგან მაღალი სიცხის დროს ინტოქსიკაციების (მოწამვლების) რისკი იზრდება. გარდა ამისა, უარი უნდა ვთქვათ მალფუჭებად პროდუქტებზე. სასურველია მინიმუმამდე შემცირდეს ყავის და ჩაის რაოდენობა რაციონში, რადგან ისინი ხელს უწყობენ ორგანიზმიდან სითხის გამოდევნას. ზაფხულში უპირატესობა უნდა მივანიჭოთ სუფთა წყალს და ახალ გამოწურულ წვენებს.

საზამთროს წვენი
© CC0 / Pixabay
საზამთროს წვენი

- რა სიხშირით უნდა ვიკვებოთ და რა რაოდენობით?

- დღის მანძილზე აუცილებელია ჯერადი და მრავალფეროვანი რაციონი. სასურველია ვიკვებოთ დღეში ოთხჯერ. საუზმეზე შეგვიძლია მივირთვათ უფრო ნოყიერად, ვიდრე დღის სხვა მონაკვეთებში. საუზმიდან დაახლოებით სამ საათში სასურველია ცალკე სრულფასოვან კვებად მივიღოთ სეზონური ხილი, დაახლოებით 300-400 გრამის ოდენობით. შუადღეს სადილზე სასურველია იყოს წვნიანი, ცილოვანი საკვები, სალათები. ხოლო ვახშამი უნდა იყოს ძალიან მსუბუქი, მაგალითად, ბოსტნეულის სალათა ან რძის ნაწარმი. ზოგადად, ყველა ადამიანზე ერთნაირი რაციონის მორგება ძალიან რთულია, რადგან ყველა ადამიანს მისთვის დამახასიათებელი ინდივიდუალური მეტაბოლიზმი აქვს. რაც შეეხება ბოლო კვების დროს, სასურველია საღამოს 6-7 საათის შემდეგ არაფერი მივირთვათ.

ხმელთაშუა ზღვისპირული დიეტა
© CC0 / Pixabay
ხმელთაშუა ზღვისპირული დიეტა

- მარილი და შაქარი როგორ მოქმედებს წონაში კლების პროცესზე?

- მნიშვნელოვანია ასევე რაციონიდან პრაქტიკულად ამოვიღოთ შაქარი და მარილი. მარილი ხელს უწყობს ორგანიზშმი წყლის შეკავებას და აძლიერებს მადას. რაც შეეხება შაქარს, იგი ხელს უწყობს ინსულინის გამოყოფას, რაც, თავის მხრივ, ანაბოლური (მაშენებელი) ჰორმონია და ამ შემთხვევაშიც ხდება მადის გაძლიერება. 

მარილი
© CC0 / Pixabay
მარილი

- რანდენი კალორია უნდა მიიღოს ადამიანმა წონაში დასაკლებად?

- კონკრეტული კალორაჟის დასახელება, თუ როდის იწყება წონაში კლება, ძალიან რთულია, რადგან ეს არის ინდივიდუალური და დამოკიდებულია ორგანიზმის ნივთიერებათა ცვლაზე და იმაზე, თუ რამდენი კილოგრამი აქვს ადამიანს დასაკლები. მაგალითად, ზოგი ადამიანი 2500 კილოკალორიაზე იწყებს კლებას, ზოგი კი 1000-ზე, ამიტომ კონკრეტული კალორაჟის ყველა ადამიანზე მორგება შეუძლებელია.

- წონაში კლების პროცესში რამდენად მნიშვნელოვანი ადგილი უჭირავს წყლის მიღებას?

- პირველ რიგში, აღვნიშნოთ, რომ ჩვენი ორგანიზმის 70% შედგება წყლისგან. წყლის შენარჩუნებულ ბალანსზეა დამოკიდებული ორგანიზმის სწორი ნივთიერებათა ცვლა.

გარდა ამისა, წყლის ნაკლებობა ორგანიზმში იწვევს მუდმივი გადაღლილობის შეგრძნებას და მრავალ სხვა სიმპტომს: გულის ფრიალი, თავის ტკივილი, არტერიული წნევის დაქვეითება, კანის სიმშრალე, კუჭ-ნაწლავის ტრაქტის არასწორი ფუნქციონირება და ა.შ. განსაკუთრებით კი საყურადღებოა ზაფხულის პერიოდი, რადგან ცხელ დღეებში ორგანიზმი კარგავს დიდი რაოდენობით სითხეს, ოფლთან ერთად ასევე იკარგება მიკრო- და მაკროელემენტები და ვიტამინები, სწორედ ამიტომ შენარჩუნებული წყლის ბალანსი და კვების ჯანსაღი რაციონი აუცილებელია, რათა თავიდან ავირიდოთ დეჰიდრატაცია (გაუწყლოვნება) და ავიტამინოზი (ვიტამინების დეფიციტი).

ნატა პატარაია

2381
სავსე მთვარე

მთვარის კალენდარი: 4 აგვისტო რისი გაკეთება შეიძლება და რისი არა

0
(განახლებულია 16:54 03.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 აგვისტო, სამშაბათი. ამ დღეს მარსი მართავს. სავსე მთვარე კლებას იწყებს. ის მერწყულის ნიშანშია.

ენერგეტიკული დღეა. მომატებულია ცდუნებების, სიზარმაცის ალბათობა. კარგი იქნება ემოციებისა და ვნებების გაკონტროლება, სიმშვიდის შენარჩუნება, თვითდისციპლინა.

არაერთმნიშვნელოვანი დღეა. უფრო რთულია დღის პირველი ნახევარი. მიუხედავად გარკვეული სირთულეებისა, შესაძლებელი იქნება შრომის პირველი ნაყოფის დანახვა.

კარგი დღეა ფლირტისა და მეგობრობისთვის. თუ გსურთ, საწინააღმდეგო სქესის წარმომადგენლის ყურადღება მიიპყროთ, არ შეუშინდეთ ორიგინალუ აზრებსა და საქციელს. ამ დღეს დაწყებული სასიყვარულო ურთიერთობები უფრო მეგობრულ კავშირზე იქნება დამყარებული, ვიდრე ვნებაზე.

რეკომენდებულია მარტივი საქმეების დაწყება, რომლებიც არ მოითხოვს განსაკუთრებულ ძალისხმევას, ვაჭრობა, დასვენება, კომფორტის შექმნა სამუშაო ადგილზე, იდეებზე ყურადღების გამახვილება – შესაძლოა, მათ შორის ისეთი იდეა გაჩნდეს, რომელიც მომავალში დიდ წარმატებას მოიტანს.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია მნიშვნელოვანი საქმეების დაწყება, ბევრი მუშაობა, ამბიციების გამოვლენა, პასუხისმგებლობის სხვებზე გადაბარება, ფინანსური ოპერაციების ჩატარება, მნიშვნელოვანი მოლაპარაკებების წარმოება, აზარტს აყოლა.

მგზავრობა არახელსაყრელია, მზად უნდა იყოთ უსიამოვნო მომენტებისთვის.

თმის შეჭრა, შეღებვა: ნიშანი შესამჩნევ გავლენას თმის ხარისხზე არ ახდენს. კარგი დღეა ექსპერიმენტული და ექსტრავაგანტული შეჭრისა და ვარცხნილობისთვის.

რაც შეეხება შეღებვას, ასევე წარმატებული იქნება ექსპერიმენტები თქვენთვის უჩვეულო ფერთან დაკავშირებით.

მებაღეობა: არახელსაყრელი დღეა მცენარეების დათესვისა და დარგვისთვის. შეიძლება მარცვლოვანი კულტურებისა და ბოლქვიანების მოსავლის აღება, გაკრეჭა, შეწამვლა.

კარგი დღეა, თუ გსურთ რამე ექსპერიმენტის ჩატარება და ანომალიური ჯიშის გამოყვანა.

0