კუს ტბის საბაგირო

კუს ტბის საბაგირო მგზავრებს დროებით ვერ მოემსახურება

52
(განახლებულია 11:32 12.07.2021)
სამუშაოების დასრულების შემდეგ, რომელიც ორი დღის განმავლობაში გაგრძელდება, საბაგირო მგზავრების გადაყვანას ჩვეულ რეჟიმში განაახლებს.

თბილისი, 10 ივლისი – Sputnik. კუს ტბის საბაგირო გზა ტექნიკური სამუშაოების გამო მგზავრებს დროებით ვერ მოემსახურება, იუწყება თბილისის სატრანსპორტო კომპანია.

საბაგიროთი გადაადგილება შეუძლებელი იქნება 10-დან 12 ივლისის ჩათვლით.

უწყების ინფორმაციით, საბაგირო მგზავრთა მომსახურებას 13 ივლისს, ჩვეულ რეჟიმში განაახლებს.

თბილისის სატრანსპორტო კომპანია ბოდიშს იხდის დისკომფორტისთვის.

კუს ტბა თბილისელთათვის და დედაქალაქის სტუმრებისთვის დასვენებისა და გართობის ერთ-ერთი ყველაზე პოპულარული ადგილია. ტბის მიმდებარე ტერიტორია კეთილმოწყობილია სასეირნო ბილიკებით, სპორტული მოედნებით, აქვე ფუნქციონირებს რამდენიმე კაფე და რესტორანი. კუს ტბის ფერდობის ჩრდილოეთ ნაწილში განთავსებულია ეთნოგრაფიული მუზეუმი, რომელიც საქართველოს მინიატიურული მოდელია. კუს ტბაზე მოხვედრა შეიძლება როგორც ავტომობილით, ისე საბაგირო გზით.

52

ვუვუზელები და დოლები: საპროტესტო აქცია „ქართული ოცნების“ ოფისთან ვიდეო

123
(განახლებულია 00:14 29.07.2021)
მმართველი პარტიის მთავარ ოფისთან რამდენიმე ათეული ადამიანი მივიდა. ისინი პრემიერ-მინისტრ ირაკლი ღარიბაშვილის გადადგომას მოითხოვდნენ. დაწვრილებით – იხილეთ ჩვენს ვიდეოში.

საქართველოში პოლიტიკური კრიზისი არ ნელდება. ოპოზიცია და მასმედიის წარმომადგენლები პრემიერ-მინისტრ ირაკლი ღარიბაშვილის გადადგომას მოითხოვენ.

ოთხშაბათს პოლიტიკური სიტუაცია კიდევ უფრო დაიძაბა.

მმართველმა პარტიამ ადგილობრივ არჩევნებამდე ორი თვით ადრე პოლიტიკური კრიზისის დასაძლევად დადებული შეთანხმება გააუქმა, რომელიც ევროკავშირის საბჭოს ხელმძღვანელის შარლ მიშელის შუამდგომლობით იყო მიღწეული.

„ქართული ოცნების“ გადაწყვეტილებამ ოპოზიციის გაღიზიანება გამოიწვია. ოპოზიციური პარტიების ნაწილი ჯერჯერობით მხოლოდ კრიტიკას დასჯერდა. მეორე ნაწილი კი სამოქმედო გეგმას განიხილავს. ზოგიერთმა ოპოზიციონერმა დეპუტატმა უკვე განაცხადა, რომ პარლამენტს ტოვებს.

123
მშენებლობა

სამშენებლო ამნისტია ამოქმედდა თბილისის მერმა დეტალები განმარტა

47
(განახლებულია 22:02 28.07.2021)
დედაქალაქში მშენებლობის ხარისხზე კონტროლი ძლიერდება – გამოვლენილ დარღვევებზე სერიოზული სანქციები წესდება სისხლის სამართლებრივი პასუხისმგებლობის ჩათვლით.

თბილისი, 28 ივლისი – Sputnik. თბილისის მერია „სამშენებლო ამნისტიის შესახებ“ კანონის შესრულებისთვის აუცილებელ წესებსა და პროცედურებს დაამტკიცებს, განაცხადა დედაქალაქის მერმა კახა კალაძემ.

მისი თქმით, კანონი უკვე მიიღო საქართველოს პარლამენტმა, გამოქვეყნდა და 28 ივლისიდან ამოქმედდა. როგორც მერმა დედაქალაქის მთავრობის სხდომაზე აღნიშნა, დაინტერესებულ პირებს შესაძლებლობა ექნებათ გამოიყენონ კანონით დადგენილი შეღავათები და სპეციალური რეჟიმები.

„კანონი შედგება სამი ძირითადი ნაწილისგან. პირველი მოიცავს 2020 წლის 18 აგვისტომდე ნებართვის საფუძველზე დასრულებულ მშენებლობებზე ზოგიერთი სამშენებლო დარღვევის პატიებას. ეს დარღვევებია ფართობის გადამეტება, განაშენიანების კონტურის დარღვევა, „წითელი ხაზების“ დარღვევა, ფუნქციური ზონის დარღვევა და ა.შ.“ – აღნიშნა კალაძემ.

კანონის მეორე ნაწილი ითვალისწინებს პასუხისმგებლობის გამკაცრებას, რაც მომავალში მსგავსი დარღვევების თავიდან აცილებას ისახავს მიზანს

„კანონი ითვალისწინებს... კერძოდ, სამშენებლო დარღვევების შემთხვევაში, მუნიციპალიტეტის მოთხოვნის შეუსრულებლობის შემთხვევაში, სისხლის სამართლის პასუხისმგისმგებლობის დაკისრებას დამრღვევი პირების მიმართ“, – განაცხადა კალაძემ.

რაც შეეხება კანონის მესამე ნაწილს, მერის განცხადებით, ეს ეხება ობიექტის, კერძოდ, საცხოვრებელი სახლების ექსპლუატაციაში ჩაბარებას.

„ექსპლუატაციაში მიღებამდე დაუშვებელი გახდება შენობის ელექტროენერგიითა და გაზით მომარაგება. ეს არის ცვლილება, რომელიც უზრუნველყოფს იმას, რომ არ დაიწყოს ამ შენობების საყოფაცხოვრებო ფუნქციით გამოყენება, სანამ შენობას უფლებამოსილი ორგანო არ მიიღებს ექსპლუატაციაში“, – აღნიშნა კალაძემ.

აღნიშნული წესი 2022 წლის 1 იანვრიდან ამოქმედდება და გავრცელდება იმ ობიექტებზე, რომელთა აშენების ნებართვა 2022 წლის 1 იანვრიდან გაიცემა.

ამასთან, კალაძემ აღნიშნა, რომ ამნისტია უპირობო აქტი არ არის და უსაფრთხოების ნორმების დარღვევის შემთხვევაში მუნიციპალიტეტს შესაბამისი რეაგირება ექნება.

47
თემები:
თბილისი დღეს
ნაკადული

დღის ასტროპროგნოზი ზოდიაქოს ნიშნებისთვის: 2 აგვისტო

0
(განახლებულია 11:44 01.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 2 აგვისტოა, ორშაბათი. კლებადი მთვარე ტყუპის ნიშანშია. ამ დღეს პლანეტა მთვარე მფარველობს.

მტკიცე მოქმედებებისთვის არცთუ ხელსაყრელი დღეა. დღის პირველ ნახევარში უარი უნდა თქვათ ავანტიურებზე, გაუთვალისწინებელ ხარჯებზე და წამიერ სურვილებზე აყოლაზე. ნაშუადღევს მთვარე ტყუპის ნიშანში გადავა, რაც გაააქტიურებს საინფორმაციო ფონს, მოვლენებს დინამიკას შემატებს, მოაგვარებს კონსტრუქციულ და საინტერესო ურთიერთობებს, მაგრამ, ამავე დროს, შექმნის წინაპირობებს ქაოსის, არათანამიმდევრულობისა და კონფლიქტურობისა.

დღის ასტროპროგნოზი ზოდიაქოს ნიშნებისთვის: 1 აგვისტო>>

ვერძი: დღის დასაწყისში მოსალოდნელია დამატებითი ხარჯები. ნაშუადღევს სიახლეებისა და ერთგვარი ქაოსის დრო დადგება, როდესაც შესაძლოა სასწრაფო მივლინება გახდეს საჭირო. პრობლემები შეიძლება შეიქმნას თეორიიდან პრაქტიკაზე ან სიტყვიდან საქმეზე გადასვლის დროს. ყურადღებით უნდა მოემზადოთ მგზავრობისთვის: დააზუსტოთ მარშრუტი, შეამოწმოთ ტექნიკური ნაწილი, არ დაგავიწყდეთ საჭირო დოკუმენტები და სხვ.

კურო: დღე თქვენთვის, შესაძლოა, ემოციური ეიფორიით ან თავისუფლების ილუზიით დაიწყოს. მნიშვნელოვანია თავი აარიდოთ თვითნებობას, რომლებსაც თქვენი კარიერის გაფუჭება ან დაზარალება შეუძლია. არ ღირს დიეტის დარღვევა. მიმდინარე საქმეებს ნაშუადღევს შეუდექით და ამასთან, გააორმაგეთ ყურადღება, დააზუსტეთ მცირე დეტალებიც კი. თუ ამ ყველაფერს არასერიოზულა შეხედავთ, მოსალოდნელია დასანანი პრობლემები.

ტყუპი: გააქტიურება ნაშუადღევს სჯობს. გახსოვდეთ, რომ ეს პროდუქტიული, მაგრამ არეული დროა და ყველა გზა უპრობლემო არ იქნება. განსაკუთრებით რთული იქნება ხელით შესასრულებელი სამუშაო, ყოფითი საკითხების მოგვარება, სარემონტო, სამკურნალო პროცედურები. უნდა მოერიდოთ გაღიზიანებას. ურთიერთობებში, სწავლასა და ინტელექტუალურ სამუშაოზე სასურველია უჩინარი ზონების შემჩნევა და ასევე მნიშვნელოვანია, არ აჰყვეთ ილუზიებს.

კირჩხიბი: მოგაკლდებათ თავდაჯერებულობა და სათანადოდ ვეღარ გააკონტროლებთ გარემოებებს, ამიტომ ვარსკვლავები გირჩევენ, დროებით გადადოთ მნიშვნელოვანი წამოწყებები და არ მიიღოთ დამოუკიდებლად გადაწყვეტილებები. დილით მოსალოდნელია ფინანსური სიურპრიზები ან იმის გაცნობიერება, რომ მატერიალური მომავალი გაურკვეველია. დღის მეორე ნახევარში, შესაძლოა, გარემოცვის, ვითარების ან საინფორმაციო ფონის ტყვე შეიქმნათ.

ლომი: დილის საათებში, სჯობს, არაფერი გააკეთოთ. ვარსკვლავების ამბობენ, რომ ეს არახელსაყრელი დროა პირად ინტერესებში შემავალი წამოწყებებისთვის, განსაკუთრებით ურთიერთობებისა და მნიშვნელოვანი თემების განხილვისთვის. დღის მეორე ნახევარი კარგი დროა თატბირებისა და არაფორმალური საუბრებისთვის, მაგრა, გართულკდება პრაქტიკული ამოცანების, პირველ რიგში, საქმიანი და ფინანსური საკითხების გადაწყვეტა. აახელსაყრელია საყიდლებზე წასვლა.

ქალწული: იმისთვის, რომ რაც გაქვთ, ის შეინარჩუნოთ, ზედმეტობასა და ჭარბ მოთხოვნებს უნდა მოერიდოთ. საპასუხისმგებლო მომენტი შუადღის შემდეგ დადგება. გაიზრდება შეცდომების, კონფლიქტებისა და გაუგებრობების რისკი, მათ შორის პროფესიული და ბიუროკრატიული კუთხით. ზოგჯერ სიტუაციას თავად დაძაბავთ და გაამწვავებთ (განსაკუთრებით აგვისტოში დაბადებული ქალწულები). დაგაზიანებთ არათანამიმდევრულობა, არაორგანიზებულობა.

სასწორი: თქვენთვის განსაკუთრებით სარისკო იქნება დღის დასაწყისი – ესაა საბედისწერო შეცდომების დრო, რომლებსაც არაერთი ზედმეტი პრობლემის მოტანა შეუძლია. მნიშვნელოვანი კონტაქტები, სწავლა და მუშაობა, სჯობს, დღის მეორე ნახევრისთვის გადადოთ – ამ დროს სერიოზული დაბრკოლებები მოსალოდნელი არ არის. მაგრამ მაინც აჯობებს, მოერიდოთ კონკრეტულ, თუნდაც მცირე ქმედებებს. ეს განსაკუთრებით მგზავრობას ეხება.

მორიელი: დღეს ვარსკვლავები არ წყალობენ თქვენს მთავარ სურვილებს. მოგიწევთ მცირე წარმატებებით დაკმაყოფილება. ფრთხილად უნდა იყოთ, რომ ადრე დაშვებული შეცდომები არ გაიმეოროთ (სიყვარულში, საქმეებსა და ფინანსებში). ამაში დღის მეორე ნახევარი დაგეხმარებათ, რომელიც საკმაოდ ინფორმატიული იქნება, ოღონდ მნიშვნელოვანია, რომ დეტალებს დროულად მიაქციოთ ყურადღება.

მშვილდოსანი: დილით უნდა მოერიდოთ სამეურნეო, ფინანსურ და სამედიცინო ექსპრომტებს. პატარა ხარვეზსაც კი მთელი დღით თქვენი კალაპოტიდან ამოგდება შეუძლია. ნაშუადღევს გამორიცხეთ წამოწყებები საკუთარი ინიციატივით და ყურადღებით იყავით – არ აჰყვეთ სხვა ადამიანების წაქეზებას აქტიურობაზე. ეს კარგი დროა დიალოგებისა და ვიზიტებისთვის, მაგრამა არა მოქმედებების (თანამშრომლობა, მკურნალობა და ა.შ.) დაწყებისთვის.

თხის რქა: დილით გონივრულად ზომიერი უნდა იყოთ. თუ იმპულსს აჰყვებით, დაიმატებთ ზედმეტ საზრუნავს, შეიძლება დღესვე იგრძნოთ ხელოვნურად შექმნილი კრიზისის პირველი ნიშნები, მაგალითად, შეუძლოდ გახდეთ ან ტექნიკური პრობლემები წარმოიშვას. დღის მეორე ნახევარში ყურადღება მიაქციეთ ჯანმრთელობას, რასაც ყველაზე იღბლიან მიმართულებებშიც კი დაბრკოლებების შექმნა შეუძლია.

მერწყული: ზედმეტობას ყველაფერში მოერიდეთ – მისი შედეგი ახლავე ან ახლო მომავლში აისახება. ყოველგვარი წამოწყება დილით ავანტიურის ელფერს შეიძენს და პრობლემებს უფრო მოგიტანთ, ვიდრე კომფორტს. უფრო ჰარმონიული იქნება დღის მეორე ნახევარი. ამ დროს დაგიბრუნდებათ თვითკონტროლი და გამძაფრდება ანალიტიკური უნარები. ესაა ლოგიკური სისტემური აზროვნებისა და კონსტრუქციული საუბრების დრო.

თევზები: გადადეთ მნიშვნელოვანი წამოწყებები. დაუმთავრებელი საქმეები დილით დაასრულეთ და არ აჰყვეთ ცდუნებას იმისა, რომ ჩანაფიქრზე მეტი გააკეთოთ. დღის მეორე ნახევარში შემოიფარგლეთ მხოლოდ ლაპარაკით და მოქმედებებისგან თავი შეიკავეთ. არ იჩქაროთ რემონტის დაწყება, სახლში სამუშაოების შესრულება, პრაქტიკული დახმარების, სამედიცინო ან სხვა სასარგებლო მომსახურების მიღება.

0