სამუშაოები წყალსადენზე

თბილისში ათასობით ოჯახს 24 საათით წყალმომარაგება შეუწყდება

51
(განახლებულია 09:58 02.06.2021)
ტექნიკური სამუშაოების პერიოდში საჭიროა მაგისტრალური ქსელის წყლისგან დაცლა. სირთულიდან გამომდინარე, გადაუდებელი ტექნიკური სამუშაოები წყალმომარაგების სისტემის რამდენიმე მონაკვეთზე ერთდროულად, 24–საათიან რეჟიმში განხორციელდება.

თბილისი, 2 ივნისი — Sputnik. თბილისში, ვაკე-საბურთალოს რაიონში მცხოვრებ მოსახლეობას 2 ივნისის 23:00 საათიდან 3 ივნისის 23:00 საათამდე წყალმომარაგება შეუწყდება, იუწყება წყალგამანაწილებელი კომპანია „ჯორჯიან უოთერ ენდ ფაუერი“ (GWP).

გარდა ამისა, წყალმომარაგება შეუწყდება წყნეთს, ბეთანიას, შინდისს, კიკეთსა და კოჯორს.

კომპანიის ინფორმაციით, ნუცუბიძის ქუჩა N179-ის მიმდებარედ წყალსადენის მაგისტრალურ ქსელზე ჩატარდება გადაერთებითი სამუშაოები, ასევე წყლის ნაკადების ეფექტურად მართვის მიზნით დამონტაჟდება ჩამკეტ-მარეგულირებელი ურდულები.

ამასთან, გადაუდებელი ტექნიკური სამუშაოები პარალელურად ჩატარდება ბაგების სატუმბო სადგურზე და წყნეთის გზატკეცილზე, სადაც ასევე მაგისტრალური მილი გადაერთდება წყალმომარაგების ალტერნატიულ ქსელზე და დამონტაჟდება ჩამკეტ-მარეგულირებელი ურდულები.

წყალმომარაგება შეეზღუდება:

ვაკე-საბურთალოს რაიონში: ჭავჭავაძის გამზირის და თამარაშვილის ქუჩის ნაწილს, უნივერსიტეტის პირველ შესახვევს, გაზაფხულის, ლორთქიფანიძის, ჩოლოყაშვილის, უჩანეიშვილის და მიმდებარე ქუჩებს, წყნეთის გზატკეცილს, ბაგების კორპუსებს.

ვაჟა-ფშაველას I-VII კვარტლებს, ვაჟა-ფშაველას გამზირის და ყაზბეგის გამზირის ნაწილს, ნუცუბიძის ქუჩას და ნუცუბიძის III მიკრორაიონს, დელისის, მინდელის, პიკასოს, თოფურიას, სანდრო ეულის, ქავთარაძის, მარიჯანის, ამაღლების, ძმები ზალდასტანიშვილების, გელოვანის, გამრეკელის, ჩიქოვანის, მეგრელაძის ქუჩებს. ბუდაპეშტის, ლვოვის და ასათიანის ქუჩების ნაწილს, თავხელიძის და მიმდებარე ქუჩებს.

კაკლების დასახლებას, მიხეილ ქორქიას, გაზდელიანის, მაჩაბელის იმედაძის, თბილისის, მშვიდობის და მიმდებარე ქუჩებს.

დაბა წყნეთს, ბეთანიას, ახალდაბას და კვესეთს; ტაბახმელას, შინდისს, წავკისს, კიკეთს და კოჯორს.

  • წყალმომარაგების შეზღუდვისა და აღდგენის შესახებ ინფორმაციას GWP აბონენტებს წინასწარ, SMS-შეტყობინების სახით უგზავნის.
51
თემები:
თბილისი დღეს (2043)
მეწყერსაწინააღმდეგო სამუშაოები მაჭავარიანის ქუჩაზე

როდის აღდგება მოძრაობა მაჭავარიანის ქუჩაზე - თბილისის მერის მოადგილის განმარტება

47
თბილისის მერია ელოდება ექსპერტულ პროექტს, რომლის მიხედვით დაიწყება მეორე ეტაპის სამუშაოები. ორმხრივი მოძრაობა მეწყრული პროცესების სრული სტაბილიზაციის შემდეგ აღდგება.

თბილისი, 14 ივნისი – Sputnik. ვაშლიჯვარი-ნუცუბიძის დამაკავშირებელ მუხრან მაჭავარიანის ქუჩაზე ავტოტრანსპორტის მოძრაობა შესაძლოა ორ თვე-ნახევარში აღდგეს, ამის შესახებ თბილისის მერის მოადგილემ, ირაკლი ბენდელიანმა დედაქალაქის ინფრასტრუქტურის განვითარების პოლიტიკის ანგარიშის პრეზენტაციაზე განაცხადა.

15 მარტს თბილისის მერიამ გაავრცელა განცხადება, რომ ვაშლიჯვარი-ნუცუბიძის დამაკავშირებელ მუხრან მაჭავარიანის ქუჩასა და მიმდებარე ფერდებზე განხორციელებული გარკვეული მოქმედებების გამო მეწყრული პროცესები გააქტიურდა. ფერდობზე 18 მეტრზე მეტი სიღრმის ნაპრალები გაჩნდა, რომელთა სიგანე ყოველდღე დაახლოებით 5 სანტიმეტრით იზრდებოდა. გეოლოგების პროგნოზით, გაჩნდა ფერდობის ჩამოშლის სერიოზული საფრთხე. მოსახლეობის უსაფრთხოების მიზნით 16 მარტიდან აღნიშნულ ტერიტორიაზე საავტომობილო მოძრაობა ორმხრივად შეიზღუდა. მოგვიანებით დაიწყო ფერდობის გამაგრების სამუშაოები.

აპრილის ბოლოს თბილისის მერმა, კახა კალაძემ აღნიშნა, რომ პირველ ეტაპზე შესრულებულმა სამუშაოებმა შედეგი გამოიღო.

ბენდელიანის თქმით, მაჭავარიანის ქუჩის მიმდებარედ მეწყრული პროცესის შეჩერების მიზნით, სამუშაოების მეორე ეტაპი ექსპერტული პროექტის შესაბამისად განხორციელდება.

„რამდენიმე დღეში ველოდებით ექსპერტულ პროექტს, რომლის მიხედვით დავიწყებთ მეორე ეტაპის სამუშაოებს და დაახლოებით ორ თვე-ნახევარში ამ ქუჩაზე მოძრაობა ორმხრივად აღდგება“, – განაცხადა მერის მოადგილემ.

თბილისის მერია ამტკიცებს, რომ მეწყრულ ზონაში ეფექტიან სამუშაოებს ახორციელებს>>

ამჟამად მეწყრის რისკები მერიის მიერ ჩატარებული სამუშაოების შედეგად შემცირებულია.

მეწყრული პროცესების გააქტიურების შემდეგ თბილისის მერიამ მეწყერსაშიშ ტერიტორიაზე დაამონტაჟა მონიტორინგის თანამედროვე სისტემა, რომელიც 24-საათიან რეჟიმში უზრუნველყოფს მეწყრულ პროცესებზე ზუსტი ინფორმაციის მიღებას.

მეწყრულ ზონაში შექმნილი ვითარების შესწავლის პროცესში ქართველ სპეციალისტებთან ერთად გერმანელი ინჟინერ–გეოლოგების ჯგუფი ჩაერთო.

47

პროტესტი კომუნალურ მომსახურებებზე ფასების ზრდის წინააღმდეგ ვიდეო

72
(განახლებულია 22:42 14.06.2021)
თბილისში გაზის, წყლისა და ელექტროენერგიის ტარიფების ზრდა გააპროტესტეს. იხილეთ „Sputnik-საქართველოს“ კადრები, როგორ მიმდინარეობდა საპროტესტო აქცია.

აქციის მონაწილეები, რომლის ორგანიზატორიც პარტია „ქართული დასი“ იყო, რესპუბლიკის მოედანზე შეიკრიბნენ, შემდეგ კი ავტოკოლონით გაემართნენ მთავრობის კანცელარიისკენ.

თავდაპირველად ისინი ენერგეტიკისა და წყალმომარაგების ევროვნული მარეგულიერებელი კომისიის ოფისთან გეგმავდნენ მისვლას, თუმცა მოგვიანებით მარშრუტი შეიცვალა. „ქართული დასის“ ლიდერის ჯონდი ბაღათურიას თქმით, მთავრობამ მოსახლეობა კიდევ უფრო მეტი სიღარიბისთვის გაწირა.

„მთავრობის კორუმპირებული ინტეერესების გამო გაზზე, ელექტროენერგიაზე და წყალზე ტარიფები გაიზარდა, უკანონოდ და უსამართლოდ. ჩვენი გამოთვლებით, ზამთარში პენსიონერებს 45-60 ლარით მეტის გადახდა მოუწევთ. წელს სუბსიდია 700 ათასზე მეტმა ოჯახმა მიიღო, ანუ ამდენი ოჯახი იმყოფება სიღარიბის ზღვარზე“, – განაცხადა ბაღათურიამ.

1 ივნისიდან კომპანია Tbilisi Energy-ს მოთხოვნით გაზზე ტარიფი გაზარდა. თბილისელები ერთ კუბურ მეტრ გაზში 46,138 თეთრის ნაცვლად 53,972 თეთრს გადაიხდიან.

ტარიფი გაიზარდა წყალზეც. 1 იანვრიდან თბილისისა და მცხეთის მოსახლეობას, რომლებსაც მრიცხველები აქვთ, 0,33 ლარის ნაცვლად, ერთ კუბური მეტრი წყალი 0,5 ლარი დაუჯდება. დანარჩენები საფასურს ოჯახის სულადობის მიხედვით გადაიხდიან. ასეთი აბონენტებისთვის ყოველთვიური ტარიფი ერთ სულზე 4,518 ლარი იქნება 3,9 ლარის ნაცვლად.

რაც შეეხება ელექტროენერგიის ტარიფს, 1 იანვრიდან 1 კვტ/სთ-ის ფასი 3,5 თეთრით გაიზარდა და საშუალოდ 26,537 თეთრი შეადგინა.

72
ვლადიმი8რ პუტინი

რატომ შეხვდნენ ერთმანეთს რუსეთის და აშშ-ის პრეზიდენტები: პუტინმა 9 წლის გოგონას უპასუხა

0
რუსეთის პრეზიდენტის თქმით, ორი ქვეყნის ლიდერები იმისათვის ხვდებიან, რომ სამყარო ჩვენი პლანეტის ყველა მცხოვრებისთვის აყვავებულ სახლად აქციონ.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა უპასუხა კანადელი ჟურნალისტის ცხრა წლის ქალიშვილის კითხვას იმაზე, თუ რისთვისაა საჭირო მისი და აშშ-ის პრეზიდენტის, ჯო ბაიდენის შეხვედრა და რატომაა ის ასეთი მნიშვნელოვანი.

„პასუხი მარტივია. საჭიროა ირგვლივ მიმოიხედო და თქვა: „ხედავ, როგორი მშვენიერია ეს სამყარო?! და ზრდასრული ადამიანები, ორი ქვეყნის, უმსხვილესი სახელმწიფოების ხელმძღვანელები ერთმანეთს ხვდებიან იმისათვის, რომ ეს სამყარო აქციონ უსაფრთხო, საიმედო, აყვავებულ სახლად ჩვენი პლანეტის ყველა მცხოვრებისთვის. ისინი ისაუბრებენ საშიშ იარაღთან დაკავშირებულ საკითხებზე, რომელიც უნდა შეიზღუდოს, და შეიმუშავებენ მისი არგამოყენების საერთო წესებს. ისინი ისაუბრებენ გარემოს დაცვაზე, იმაზე, რომ მდინარეები და ზღვები იყოს სუფთა, რათა არ მოხდეს წყალდიდობები, გვალვები, რათა საკმარისი სურსათი იყოს პლანეტის ყველა ბინადარისთვის, სადაც არ უნდა იმყოფებოდნენ ისინი. ისაუბრებენ ჯანდაცვის საკითხებზე, რათა როდესაც ბავშვები იზრდებიან, მათ ნაკლებად იავადმყოფონ, შეძლონ სწავლა და მომავლის არ შეეშინდეთ“. ვისურვებდი, ჩვენი დღევანდელი შეხვედრა, პატივცემულო ქალბატონებო და ბატონებო (მიმართა ჟურნალისტებს, - რედ.), გააშუქოთ სწორედ ამ მოსაზრებებიდან გამომდინარე“, - აღნიშნა პუტინმა პრესკონფერენციაზე.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება. წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

0