Пустая станция метро. В Грузии борются с коронавирусом. В стране введен режим ЧП

მეტროს სადგურ „გოცირიძიდან" დროებითი ავტობუსი იმოძრავებს

69
(განახლებულია 20:56 31.05.2021)
მერიის ინფორმაციით, ავტობუსი მგზავრებს მეტროს სადგურ „გოცირიძიდან" მეტრო „დიდუბემდე" (ზედა სადგური) მოემსახურება.

თბილისი, 31 მაისი – Sputnik. გლდანი-ნაძალადევის რაიონში დროებითი მარშრუტი ამოქმედდება, რომელზეც N169 ავტობუსი იმოძრავებს, იუწყება დედაქალაქის მერია.

„№169 ავტობუსის მარშრუტი დროებითია და მეტრო „გოცირიძის" გახსნამდე იფუნქციონირებს. ავტობუსი მოსახლეობას 07:00 საათიდან 22:30 საათამდე პერიოდში მოემსახურება და 30-წუთიანი ინტერვალით იმოძრავებს", – ნათქვამია განცხადებაში.

აღნიშნული გადაწყვეტილება დედაქალაქის მერიამ მეტროს სადგურ „გოცირიძეზე" მიმდინარე სარეაბილიტაციო სამუშაოებიდან გამომდინარე მიიღო.

სადგურ „გოცირიძის" რეაბილიტაციის პროექტი 2020 წლის აგვისტოში დაიწყო. პროექტის ღირებულება დაახლოებით 3,5 მილიონ ლარს შეადგენს. რეაბილიტაციის ფარგლებში იგეგმება სადგურის ბაქნის სრულად გადახურვა, მოხდება სადგურის ადაპტაცია შშმ პირთათვის, დამონტაჟდება ორი ლიფტი და მოეწყობა სპეციალური ბილიკები. სრულმასშტაბიანი სარემონტო-სარეკონსტრუქციო სამუშაოების დასრულება მიმდინარე წლის ზაფხულში იგეგმება.

69
თემები:
თბილისის მერია (386)

საქართველოში შრომითი პირობების გაუმჯობესებას მოითხოვენ ვიდეო

61
(განახლებულია 18:46 18.06.2021)
გუშინ პარლამენტთან ახალი შრომის კოდექსის მიღების მოთხოვნით საპროტესტო აქცია გაიმართა. დაწვრილებით – იხილეთ „Sputnik-საქართველოს“ ვიდეოში.

აქციის ორგანიზატორი იყო ოპოზიციური პარტია „ქართული დასი“. ამ პარტიას ეკუთვნის საკანონმდებლო ინიციატივა მშრომელი ადამიანის მდგომარეობის გაუმჯობესებასთან დაკავშირებით, რომელიც პარლამენტში წარადგინეს.

აქციაში დაახლოებით ოცი ადამიანი მონაწილეობდა. მათ ხელში ეჭირათ პლაკატები, რომლებზეც ეწერა ლოზუნგები: „დამლაგებელი მონა არ არის “, „მუშა მონა არ არის“, „არც ექიმია მონა“, „არც ოფიციანტია მონა“, „მონის კოდექსი შევცვალოთ შრომის კოდექსით“.

პარტიის ლიდერმა ჯონდი ბაღათურიამ აქციის მონაწილეებთან ერთად პარლამენტში შეიტანა კანონპროექტი შრომის პირობების გაუმჯობესების შესახებ, რომელიც ითვალისწინებს დამსაქმებლის მიერ დასაქმებულისადმი სამართლიან დამოკიდებულებას, მინიმალური ანაზღაურების ზრდას, ზეგანაკვეთური სამუშაოს შესაბამის ანაზღაურებას.

წლის დასაწყისიდან ქვეყანაში არაერთი აქცია გაიმართა ხელფასების ზრდისა და სამუშაო პირობების გაუმჯობესების მოთხოვნით. უმეტეს შემთხვევაში პროტესტის მონაწილეებმა მიზანს მიაღწიეს.

61
ვაკის პარკი

თბილისის მერიამ ვაკის პარკში შადრევნების სარეაბილიტაციო სამუშაოებისთვის ტენდერი გამოაცხადა

46
ვაკის პარკში შადრევნების და კასკადის აღსადგენი სამუშაოები თბილისის 2021-2022 წლის ბიუჯეტიდან იქნება დაფინანსებული.

თბილისი, 17 ივნისი - Sputnik. თბილისში, ვაკის პარკის ტერიტორიაზე არსებული შადრევნებისა და კასკადის სარეაბილიტაციო სამუშაოებისთვის დედაქალაქის მერიამ ელექტრონული ტენდერი გამოაცხადა. ნათქვამია სახელმწიფო შესყიდვების სააგენტოს ვებგვერდზე.

განაცხადების მიღება მიმდინარე წლის 2 ივლისს დაიწყება და 7 ივლისს დასრულდება.

როგორც სატენდერო მოთხოვნებიდან ირკვევა, შესრულებული სამუშაოების, მათ შორის დეკორატიული სანათის ნათურების საგარანტიო პერიოდად მიღება-ჩაბარების აქტის გაფორმებიდან 2 წელი არის განსაზღვრული.

ვაკის პარკში არსებული შადრევნებისა და კასკადის სარეაბილიტაციო სამუშაოები 2021-2022 წლებში თბილისის ბიუჯეტით დაფინანსდება. აღნიშნული სამუშაოებისთვის 2021 წელს 3 მლნ ლარი, ხოლო 2022 წელს – 8,5 მილიონ ლარზე მეტი დაიხარჯება.

ამასთან, ელექტრონულ ტენდერში გამარჯვებულმა კომპანიამ, ანუ მიმწოდებელმა ადგილზე სამუშაოები ხელშეკრულების გაფორმებიდან 510 დღის ვადაში უნდა დაასრულოს და საჭიროების შემთხვევაში, ობიექტზე სამუშაოები 24-საათიან რეჟიმში აწარმოოს. შესყიდვის სავარაუდო ღირებულება 11,5 მლნ ლარს აჭარბებს.

2021 წლის თებერვლიდან ვაკის პარკი სრულმასშტაბიან  რემონტზე მთლიანად დაიკეტა.

ვაკის პარკი 1946 წელს ტრიალ მინდორზე გაშენდა.  2017 წელს პარკის ტერიტორია გაფართოვდა, მან კულტურული მემკვიდრეობის ძეგლის სტატუსი მიიღო. აქ არის უცნობი ჯარისკაცის საფლავი და მარადიული ალი იწვის. ეს არის მეორე მსოფლიო ომის ვეტერანების შეხვედრის ტრადიციული ადგილი 9 მაისს.

46
პოლიცია სიღნაღში

მედია: წნორში ერთ-ერთ ოჯახს ნათესავმა სახლი დაუწვა

0
(განახლებულია 16:00 19.06.2021)
არსებული ინფორმაციით, ხუთსულიანი ოჯახი სახლის გარეშე დარჩა. ოჯახის წევრები ახლა ნათესავთან აფარებენ თავს.

თბილისი, 19 ივნისი — Sputnik. სიღნაღის მუნიციპალიტეტის ქალაქ წნორში მცხოვრებ სომხიშვილების ოჯახს ნათესავმა საცხოვრებელი სახლი დაუწვა, იუწყება ტელეკომპანია „რუსთავი 2“.

შემთხვევა სამი დღის წინ მოხდა.

ოჯახი ადგილობრივ პოლიციას უყურადღებობაში ადანაშაულებს და აცხადებს, რომ ფაქტთან დაკავშირებით სამართალდამცველებს რეაგირება ამ დრომდე არ მოუხდენიათ. მათივე ინფორმაციით, სავარაუდო დამნაშავე პოლიციელებმა მხოლოდ გამოკითხეს და სახლში გაუშვეს.

არსებული ინფორმაციით, მხარეებს შორის დავა წლებია გრძელდება. დაპირისპირება სახლის გამო დაიწყო, რომელიც გულნაზ სომხიშვილს პაპამ აჩუქა.

დაზარალებული გულნაზი სომხიშვილი, გარდა ზიანისა, ბიძის მხრიდან მუქარაზე საუბრობს და მის დაკავებას ითხოვს. მისი თქმით, მამაკაცმა სახლის დაწვის ფაქტი აღიარა.

დაზარალებულების ინფორმაციით, მამაკაცი, რომელმაც სახლი დაწვა, მკვლელობაზეა ნასამართლევი და ახლაც პირობითი სასჯელის ქვეშ იმყოფება.

შინაგან საქმეთა სამინისტროს ინფორმაციით, სისხლის სამართლის საქმე სსკ-ის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.

0