კახა კალაძე

კალაძე: კოოპერატიული ბინათმშენებლობებით დაზარალებულთა ფართებით დაკმაყოფილება გრძელდება

57
(განახლებულია 18:57 13.05.2021)
დედაქალაქის მერის განცხადებით, თბილისში ჯამში დარეგისტრირებულია 3 ათასამდე პირი, რომლის წინაშე სახელმწიფოს აღიარებული აქვს ვალდებულება.

თბილისი, 13 მაისი – Sputnik. კოოპერატიული ბინათმშენებლობებით დაზარალებულთა ფართებით დაკმაყოფილების პროცესში 16 კომპანიაა ჩართული, განაცხადა დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე.

კალაძე: კოოპერატიული ბინათმშენებლობებით დაზარალებულ ოჯახებს მიწის ნაკვეთები გადაეცა>>

მისი თქმით, აღნიშნული კომპანიებიდან ექვსს სამშენებლო ნებართვები უკვე მოპოვებული აქვს და მშენებლობაც მიმდინარეობს, ხოლო ათ პროექტთან დაკავშირებით სამშენებლო ნებართვების მოპოვების პროცედურები გრძელდება.

„ჩვენი გუნდის ერთ-ერთი დაპირება კოოპერატიული ბინათმშენებლობებით დაზარალებულთა საცხოვრებელი ფართებით ეტაპობრივად დაკმაყოფილება იყო. თბილისში ჯამში დარეგისტრირებულია 3 ათასამდე პირი, რომლის წინაშე სახელმწიფოს აღიარებული აქვს ვალდებულება. ეს პრობლემა დედაქალაქში ათეული წლებია არსებობს. ჩვენ ამ მიმართულებით კონკრეტული ნაბიჯები უკვე გადავდგით“, – განაცხადა კახა კალაძემ.

თბილისის მერის თქმით, მუნიციპალური ნაკვეთების მოძიებაზე მუშაობა გრძელდება იმისთვის, რათა დანარჩენ დაზარალებულებს მსგავსი მოდელით გადაეცეთ მიწის ნაკვეთები და საცხოვრებელი ფართებით დაკმაყოფილდნენ.

„ეს არის ძალიან მნიშვნელოვანი სოციალური პროექტი, რომლის მეშვეობითაც 3 ათასამდე ოჯახს საკუთარი ბინის მიღების შესაძლებლობა ექნება“, – აღნიშნა კახა კალაძემ.

მიმდინარე წლის იანვრისთვის თბილისის მერიამ კოოპერატიული ბინათმშენებლობით დაზარალებული 3 ათასამდე ოჯახიდან ნახევარი დააკმაყოფილა.

ჯერ კიდევ 2018 წელს კახა კალაძემ განაცხადა, რომ ბინათმშენებლობების კოოპერატივებით დაზარალებული მოსახლეობის კომპენსირება მომდევნო სამი–ოთხი წლის განმავლობაში გაგრძელდებოდა და ყველა დაზარალებული ბინით დაკმაყოფილდებოდა.

ასევე, თბილისის მერიის ინიციატივით, მოქალაქეებს, რომლებიც თბილისში წლების განმავლობაში დაუკანონებელ ფართებში ცხოვრობენ, დედაქალაქის მთავრობა საცხოვრებლებს და საკარმიდამო მიწის ნაკვეთებს სიმბოლურ ფასად – 1 ლარად უკანონებს.

57
თემები:
თბილისის მერია (381)
ავბტობუსი თბილისის ქუჩაში

თბილისის ავტობუსების განრიგში ცვლილება მოხდა

18
50 ავტობუსი „თბილისის ზღვის პლაზას“ და ბარათაშვილის ქუჩას შორის ყოველდღიურად დილის 7 საათიდან საღამოს 8 საათამდე მოძრაობს.

თბილისი, 13 ივნისი – Sputnik. გაზრდილი მგზავრთნაკადის გამო, 14 ივნისიდან  N50 ავტობუსი შეცვლილი მარშრუტით ივლის, იუწყება დედაქალაქის მერია.

50 ავტობუსი „თბილისის ზღვის პლაზას“ და ბარათაშვილის ქუჩას შორის ყოველდღიურად დილის 7 საათიდან საღამოს 8 საათამდე მოძრაობს.

ორშაბათიდან ავტობუსი ვაზისუბნიდან ჯერ შანდორ პეტეფის ქუჩაზე გადაადგილდება, შემდეგ მეტროს სადგურ „ვარკეთილს“  გაივლის და ჯავახეთის ქუჩის გავლით გააგრძელებს სვლას  ბარათაშვილის ქუჩის მიმართულებით.

უკან კი 50 ნომერი ავტობუსი ძველი მარშრუტით დაბრუნდება და ვარკეთილის მეტროს და შანდორ პეტეფის ქუჩას უკვე აღარ გაივლის.

18
2015 წლის 13 ივნისის მომხდარი ძლიერი წყალდიდობის შედეგები თბილისში

თბილისში 13 ივნისს მომხდარი ტრაგედიიდან ექვსი წელი გავიდა

36
(განახლებულია 12:56 13.06.2021)
იმ ტრაგედიის შედეგების აღმოსაფხვრელად უამრავი ახალგაზრდა გაერთიანდა და სოლიდარობის ძლიერი მაგალითი მისცა ყველას.

თბილისი, 13 ივნისი - Sputnik. თბილისში ვერეს ხეობაში დატრიალებული ტრაგედიიდან 6 წელი გავიდა.

ჭაბუა ამირეჯიბის გზატკეცილზე, 13 ივნისის მემორიალთან 2015 წლის 13 ივნისს დაღუპულთა სულების მოსახსენიებელი პანაშვიდი შესრულდა.

Множество автомобилей, находившихся на дороге в момент наводнения, были уничтожены. Из серии Тбилисское наводнение 13 июня
© Sputnik / Alexander Imedashvili
2015 წლის 13 ივნისის მომხდარი ძლიერი წყალდიდობის შედეგები თბილისში

პანაშვიდს საქართველოს პრემიერ-მინისტრი ირაკლი ღარიბაშვილი, თბილისის მერი კახა კალაძე, საკრებულოს თავჯდომარე გიორგი ტყემალაძე და საკრებულოს წევრები ესწრებოდნენ. მათ 13 ივნისის მემორიალი ყვავილებით შეამკეს და დაღუპულთა ხსოვნას პატივი მიაგეს.

2015 წლის 13 ივნისს ადიდებულმა მდინარე ვერემ დატბორა საცხოვრებელი სახლები, ზოოპარკი, „მზიურის" პარკი, თამაზ ელიზბარაშვილის ძაღლების კერძო თავშესაფარი და ასევე მოშალა ქალაქის ინფრასტრუქტურა. სტიქიამ 21 ადამიანის სიცოცხლე იმსხვერპლა, ორი ადამიანი კი ამ დრომდე დაკარგულად ითვლება. სტიქიამ 200-მდე ოჯახი დააზარალა.

Следы лап хищников на фоне затопленного тбилисского зоопарка. З Наводнение в столице Грузии с 13 на 14 июня 2015 года, архивное фото
© AP Photo / Pavel Golovkin
2015 წლის 13 ივნისის მომხდარი ძლიერი წყალდიდობის შედეგები თბილისში

 

სტიქიის შედეგად დაზიანდა საცხოვრებელი სახლები, გზები, ქალაქის ინფრასტრუქტურა. დედაქალაქის ზოოპარკის ტერიტორია თითქმის მთლიანად განადგურდა. მისი 600 ბინადრიდან ნახევარზე მეტი სტიქიამ იმსხვერპლა. ზოგიერთი ცხოველი, მათ შორის მტაცებლები, ქუჩაში აღმოჩნდნენ. მტაცებლების ნაწილის დაძინება და მუნიციპალურ თავშესაფარში დაბრუნება შეძლეს, ნაწილის კი ლიკვიდაცია გახდა საჭირო.

Разрушенные частные постройки в районе Ваке в ущелье, по которому текла река Вере. Из серии Тбилисское наводнение 13 июня
© Sputnik / Alexander Imedashvili
2015 წლის 13 ივნისის მომხდარი ძლიერი წყალდიდობის შედეგები თბილისში

 

ოფიციალური ვერსიით, ტრაგედიის მიზეზი წყნეთი-ბეთანიის დამაკავშირებელ გზაზე ჩამოწოლილი მეწყერი გახდა. დაახლოებით ერთი მილიონი კუბური მეტრი მიწის მასის ჩამოსვლამ ვერეს ხეობაში წყალდიდობა და გამანადგურებელი პროცესები გამოიწვია. მოვარდნილმა ღვარცოფმა გაანადგურა საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები. თითქმის მთლიანად დაიტბორა „მზიურისა" და ზოოპარკის ტერიტორია.

Множество автомобилей, находившихся на дороге в момент наводнения, были уничтожены. Из серии Тбилисское наводнение 13 июня
2015 წლის 13 ივნისის მომხდარი ძლიერი წყალდიდობის შედეგები თბილისში

 

ზარალმა დაახლოებით 90 მილიონი დოლარი შეადგინა.

 

36