მეწყრული ზონა ვაშლიჯვარში

როდის აღდგება მოძრაობა მაჭავარიანის ქუჩაზე - თბილისის მერის განმარტება

42
(განახლებულია 16:18 28.04.2021)
მაჭავარიანის ქუჩის მიმდებარედ მეწყრულ ზონაში გატარებულმა ღონისძიებებმა შედეგი გამოიღო, რაც აღნიშნულ პროცესში ჩართულმა მოწვეულმა სპეციალისტებმაც დაადასტურეს, აღნიშნა კახა კალაძემ

თბილისი, 28 აპრილი - Sputnik. ვაშლიჯვარში, მაჭავარიანის ქუჩაზე ორმხრივი მოძრაობა მეწყრული პროცესების სრული სტაბილიზაციის შემდეგ აღდგება, განაცხადა თბილისის მერმა კახა კალაძემ მუნიციპალიტეტის მთავრობის სხდომაზე.

თბილისის მერია ამტკიცებს, რომ მეწყრულ ზონაში ეფექტიან სამუშაოებს ახორციელებს>>

დედაქალაქის მერმა ვაშლიჯვრის ფერდზე არსებული მდგომარეობა კიდევ ერთხელ შეაფასა და აღნიშნა, რომ მიმდინარე სამუშაოებმა შედეგი გამოიღო. ამ ეტაპზე მოიხსნა მიწის მასის ნაწილი, რომელიც მაგისტრალური წყალსადენის მილებს უქმნიდა საფრთხეს.

„მაჭავარიანის ქუჩის მიმდებარე მეწყრულ ზონაში ჩატარდა გადაუდებელი საპრევენციო სამუშაოები ფერდის სტაბილიზაციისთვის, რამაც შედეგი გამოიღო და ეს დაადასტურეს გერმანიიდან მოწვეულმა სპეციალისტებმა“, - განაცხადა კახა კალაძემ.

თბილისის მერმა ასევე აღნიშნა, რომ ფერდზე დამონტაჟებულია მონიტორინგის თანამედროვე სისტემა, რომელიც 24-საათიან რეჟიმში უზრუნველყოფს მეწყრულ პროცესებზე ზუსტი ინფორმაციის მიღებას. მისი თქმით, ამ ეტაპზე ფერდის გამაგრების პროექტისთვის კვლევითი სამუშაოები მიმდინარეობს, რათა საბოლოოდ შეჩერდეს მეწყრული პროცესი.

მეწყრულ ზონაში შექმნილი ვითარების შესწავლის პროცესში ქართველ სპეციალისტებთან ერთად გერმანელი ინჟინერ–გეოლოგების ჯგუფია ჩართული.

კვლევის შედეგებით, ვაშლიჯვარი–ნუცუბიძის ფერდობზე 18 მეტრამდე სიღრმის ნაპრალები გაჩნდა, რომელთა სიგანე დღე-ღამეში დაახლოებით ხუთი სანტიმეტრით იზრდებოდა. გეოლოგების პროგნოზით, ჭარბი ნალექისა და მიწისძვრის შემთხვევაში ფერდობიდან შეიძლება 800 ათასი კუბომეტრი მიწის მასა დაიძრას. ამასთან, მიუხედავად იმისა, რომ ფერდი ძალიან დახრილი არაა, დიდი მასის გამო ის საკმაოდ მაღალი სიჩქარის იქნება იმისთვის, რომ ჯერ გზისკენ, შემდეგ კი მდინარისკენ დაეშვას. ამჟამად მეწყრის რისკები ჩატარებული სამუშაოების შედეგად შემცირებულია.

42
თემები:
თბილისი დღეს (2076)
ვაკის პარკი

მერიამ ვაკის პარკში შადრევნების რემონტზე გამოყოფილი თანხა შეამცირა

40
(განახლებულია 09:12 25.07.2021)
ტენდერში გამარჯვებულმა კომპანიამ სამუშაოები ხელშეკრულების გაფორმებიდან 510 დღეში უნდა დაასრულოს და, საჭიროების შემთხვევაში, ობიექტზე სამუშაოები 24 საათიან რეჟიმში აწარმოოს.

თბილისი, 25 ივლისი - Sputnik. თბილისის მერიამ ვაკის პარკში შადრევნების კასკადის შეკეთებაზე გამოაცხადა განმეორებითი ელექტრონული ტენდერი შემცირებული თანხით, ნათქვამია სახელმწიფო შესყიდვების სააგენტოს ვებგვერდზე.

პირველი ტენდერი 11,6 მილიონი ლარის თანხაზე 17 ივნისს გამოცხადდა, მაგრამ მასში მონაწილეობის მსურველები არ გამოჩნდნენ.

ახლა მერიამ 10,9 მილიონი ლარის თანხაზე განმეორებითი ტენდერი გამოაცხადა.

ვაკის პარკში შადრევნებისა და კასკადის აღდგენის სამუშაოები თბილისის ბიუჯეტიდან 2021-2023 წლებში დაფინანსდება. 2021 წელს აღნიშნულ სამუშაოებზე დაიხარჯება 2,8 მილიონი ლარი, 2022 წელს - 7,8 მილიონი ლარი, ხოლო 2023 წელს - 248,8 ათასი ლარი.

ამავდროულად, ტენდერში გამარჯვებულმა კომპანიამ სამუშაოები ხელშეკრულების გაფორმებიდან 510 დღეში უნდა დაასრულოს და, საჭიროების შემთხვევაში, ობიექტზე სამუშაოები 24 საათიან რეჟიმში აწარმოოს.

განაცხადების მიღება 8 – დან 13 აგვისტომდე გაგრძელდება. როგორც ტენდერის მოთხოვნებიდან გამომდინარეობს, ობიექტის მიღების მომენტიდან სამუშაოების ჩაბარებამდე კომპანიას ორი წლის ვადა ეძლევა.

2021 წლის თებერვლის დასაწყისიდან ვაკის პარკი მთლიანად დაიხურა სრულმასშტაბიან რემონტზე.

40

კორონავირუსი არ არსებობს: ანტივაქსერების საპროტესტო აქცია თბილისში - ვიდეო

211
შაბათს პარლამენტთან რამდენიმე ათეული აქტივისტი შეიკრიბა, რომლებმაც საყოველთაო ვაქცინაცია და კორონავირუსული აკრძალვები გააპროტესტეს. როგორ მიმდინარეობდა აქცია - ჩვენს ვიდეოში იხილავთ

მომიტინგეების თქმით, კორონავირუსული საფრთხე გადაჭარბებულია და საზოგადოებისათვის მიწოდებული ინფორმაცია არ შეესაბამება სიმართლეს. ისინი ფიქრობენ, ეს ყველაფერი გარკვეული მიზნებით ადამიანების მართვის მეთოდია. დემონსტრანტებმა ასევე განაცხადეს, რომ ვაქცინაციის წინააღმდეგაც გამოდიან.

აქციის მონაწილეები ადგილზე მყოფ ჟურნალისტებს თხოვდნენ მოეხსნათ პირბადეები, რადგან ისინი, მათი თქმით, გამოუსადეგარია და არ არის საჭირო. ამავდროულად, საქართველოს ხელისუფლება მოსახლეობას შეზღუდვების დაცვისა და დახურულ სივრცეებში პირბადის ტარებისკენ მოუწოდებს. რაც შეეხება ქუჩებსა და ღია სივრცეებს, პირბადის ტარების აუცილებლობა უკვე მოხსნილია.

უნდა აღინიშნოს, რომ შაბათს საქართველოში ვაქცინა Pfizer-ის ნახევარი მილიონი დოზა ჩამოვიდა, მანამდე კი ქვეყანაში იყო ვაქცინები AstraZeneca, Sinopharm და Sinovac. ათობით ათასმა ადამიანმა უკვე გაიკეთა აცრა.

211
გიორგი ღოღობერიძე

ღოღობერიძე: როგორ უნდა მოვიქცეთ მაღალი სიცხის დროს

0
(განახლებულია 20:25 26.07.2021)
ექიმი-რეზიდენტი გიორგი ღოღობერიძე საუბრობს, როგორ დავიცვათ თავი ზაფხულის მაღალი სიცხისგან და  საზოგადოებას რჩევებს აძლევს.
ღოღობერიძე: როგორ უნდა მოვიქცეთ მაღალი სიცხის დროს
„მაღალი ტემპერატურის მიმართ განსაკუთრებით მგრძნობიარეები არიან ისინი, ვისაც ქრონიკული დაავადებები აწუხებთ, ან არიან ასაკიანები. ძალიან მნიშვნელოვანია, მაღალი სიცხი დროს ბევრი სითხე მიიღოთ, ასევე მიირთვით ისეთი საკვები, რომელიც დიდი რაოდენობით წყალს შეიცავს, მაგალითად, კიტრი, საზამთრო, ნესვი. სასურველია ეს სასმელი არ იყოს ალკოჰოლის, კოფეინისა და შაქრის შემცველი“, - ამბობს ღოღობერიძე.

მისი რჩევით, სიცხის დროს კარგია მოვერიდოთ ფიზიკურ აქტივობას, რადგან ამ დროს მეტი სითხე ორთქლდება, ასევე, ჩავიცვათ ღია ფერის, ბამბის ტანსაცმელი.

 

0