მეწყრული ზონა თბილისში

გეოლოგები დარწმუნებული არიან, რომ თბილისის მერია მეწყრულ ზონაში არასწორად მოქმედებს

60
(განახლებულია 22:56 08.04.2021)
დედამიწის შემსწავლელი ინსიტუტის სპეციალისტები მიიჩნევენ, რომ ზუსტი გათვლებისა და ნახაზების, ადგილის განსაზღვრის გარეშე მეწყრული პროცესების შეჩერება შეუძლებელია.

თბილისი, 8 აპრილი – Sputnik. ქართველი სპეციალისტები თბილისის მერიის მიერ ვაშლიჯვრის ფერდობზე მეწყრულ ზონაში ჩაცემენტების სამუშაოებს აკრიტიკებენ.

გეოლოგები ბროწეულის ქუჩის მოსახლოეობის დროებით გაყვანის საჭიროებაზე საუბრობენ>>

როგორც ТV Pirveli-ს ეთერში დედამიწის შემსწავლელ მეცნიერებათა ინსტიტუტისა და სეისმოლოგიის ეროვნული ცენტრის დირექტორმა თეა გოდოლაძემ განაცხადა, მერია გამაგრებით სამუშაოებს კვლევების შედეგების გაუთვალისწინებლად შეუდგა, ამიტომ გეოლოგებს ეჭვი ეპარებათ, რომ ამ სამუშაოებს მეწყრის შეჩერება შეუძლია.

„როდესაც არ იცით, რა მასაა დაძრული, ნახაზი არა გაქვთ, სქემა არა გაქვთ, საბოლოო მონაცემები არა გაქვთ, ისიც კი არ იცით, რა გადაადგილებებზეა საუბარი... თუ ეს კვლევები არ არის, როგორ დათვალეს, სად უნდა ჩაასხან, სად უნდა დაარტყან ჭაბურღილი, სად უნდა დადგან სისტემა?!“ – სვამს კითხვებს გოდოლაძე, რომელზე პასუხები მას თავადაც არ აქვს.

თბილისის მერმა კახა კალაძემ მანამდე მასმედიის ზოგიერთი საშუალების მოქმედება მოსახლეობაში პანიკის დათესვის გამო დაგმო და განაცხადა, რომ სიტუაცია კონტროლს ექვემდებარება. მან ასევე აღნიშნა, რომ ამ მომენტში ამ რაიონიდან მოსახლეობის ევაკუაციის აუცილებლობა არ არის, თუმცა, უკიდურეს შემთხვევაში, ევაკუაციისთვის მერია მზადაა.

კვლევის შედეგებით, ვაშლიჯვარი–ნუცუბიძის ფერდობზე 18 მეტრამდე სიღრმის ნაპრალები გაჩნდა, რომელთა სიგანე დღე-ღამეში დაახლოებით ხუთი სანტიმეტრით იზრდება. გეოლოგების პროგნოზით, ჭარბი ნალექისა და მიწისძვრის შემთხვევაში ფერდობიდან შეიძლება 800 ათასი კუბომეტრი მიწის მასა დაიძრას. ამასთან, მიუხედავად იმისა, რომ ფერდი ძალიან დახრილი არაა, დიდი მასის გამო ის საკმაოდ მაღალი სიჩქარის იქნება იმისთვის, რომ ჯერ გზისკენ, შემდეგ კი მდინარისკენ დაეშვას.

კვლევის თანახმად, მეწყერი, სავარაუდოდ, მოიცავს მაჭავარიანის ქუჩას, გელოვანი-მაჭავარიანის ქუჩის დამაკავშირებელ მშენებარე გზატკეცილს, ბროწეულის და გელოვანის ქუჩებს.

მეწყრული პროცესები თბილისში – რა დაადგინეს სპეციალისტებმა>>

გარდა ამისა, ექსპერტების ვარაუდით, თუ მეწყერი მთის ზედა ნაწილში კიდევ ერთ მეწყერს წარმოშობს, მისი ჩამოწოლა უფრო მძიმე შედეგებს გამოიწვევს.

60
თემები:
თბილისი დღეს (1975)
თბილისი

როგორი ამინდი იქნება თბილისში ოთხშაბათს, 21 აპრილს

29
დედაქალაქში ოთხშაბათს სინოპტიკოსები ცვალებად მოღრუბლულობას ვარაუდობენ. ტემპერატურა 22 გრადუსს მიაღწევს

თბილისი, 19 აპრილი – Sputnik. თბილისში ოთხშაბათს, 21 აპრილს ცვალებადი მოღრუბლობაა მოსალოდნელი.

ღამით ჰაერის ტემპერატურა 16–17 გრადუსი, ხოლო დღისით 21–22 გრადუსი სითბო იქნება.

მზე 06:12 საათზე ამოვა და 19:47 საათზე ჩავა.

29
თემები:
ამინდის ზუსტი პროგნოზი თბილისში
საბაგირო

უნივერსიტეტი-ბაგების დამაკავშირებელი საბაგირო ხაზი დღეიდან ამოქმედდა

37
(განახლებულია 10:29 19.04.2021)
საბაგიროს მეშვეობით უნივერსიტეტის მაღლივი კორპუსიდან ბაგებამდე გადაადგილებას დაახლოებით 4 წუთი დასჭირდება.

თბილისი, 19 აპრილი - Sputnik. თბილისის ივანე ჯავახიშვილის სახელობის სახელმწიფო უნივერსიტეტის მაღლივი კორპუსისა და ბაგების დამაკავშირებელი საბაგირო, რომელსაც რეაბილიტაცია ჩაუტარდა, მოქალაქეებს დღეიდან მოემსახურება, ნათქვამია თბილისის მერიის ადმინისტრაციის მიერ გავრცელებულ განცხადებაში. 

საბაგირო ხაზის სიგრძე, რომელიც მაღლივ კორპუსსა და ბაგების ტერიტორიას ერთმანეთთან დააკავშირებს, 320 მეტრს შეადგენს და მასზე მოძრავ თითო გონდოლას 40 ადამიანის გადაყვანა შეუძლია. ერთი საათის განმავლობაში, საბაგირო ცალმხრივი მოძრაობისას 600 მგზავრის გადაყვანას უზრუნველყოფს, მგზავრობის ხანგრძლივობა კი ოთხ წუთს არ აღემატება.

ახალი საბაგირო ხაზი ყოველდღე 08:00-დან 20:00 საათამდე იმუშავებს. მგზავრობის ღირებულება ერთ ლარს შეადგენს. გადახდა სამგზავრო და საბანკო ბარათებით არის შესაძლებელი, საბაგირო ხაზით მგზავრობა კი სტუდენტებისთვის უფასო იქნება.

მაღლივი კორპუსის ბაგებთან დამაკავშირებელი საბაგირო გზის აღდგენითი სამუშაოები სამშენებლო კომპანია „საქსპეცტრანსმა" 2016 წლის სექტემბერში დაიწყო და 2017 წელს დაასრულა, თუმცა საბაგირო დღემდე არ ამოქმედებულა.

სამუშაოების ფარგლებში ძველი გონდოლები აღადგინეს, ახალი ბაგირები დააყენეს, გონდოლები და სადგური ადაპტირებულია შშმ პირებისთვის.

„მაღლივი-ბაგების“ საბაგირო 20 წლის განმავლობაში, 1982 წლიდან 2002 წლამდე ფუნქციონირებდა.



37
თემები:
თბილისის მერია
რომი

იტალია ქვეყანაში ჩამსვლელებისთვის ახალ რეგულაციას აწესებს

0
(განახლებულია 15:38 19.04.2021)
საქართველოს საელჩო იტალიაში აფრთხილებს თანამოქალაქეებს, რომ იტალიაში ჩასვლისთვის ათდღიანი კარანტინის გავლაა საჭირო.

თბილისი, 19 აპრილი - Sputnik. იტალიამ COVID-19 -ის პერიოდში ქვეყანაში შესვლის წესები შეცვალა, იუწყება საქართველოს საელჩო იტალიაში.

უცხოელებმა, მათ შორის საქართველოს მოქალაქეებმა, იტალიის ტერიტორიაზე შესასვლელად 48 საათის განმავლობაში ჩატარებულ PCR ან ანტიგენურ სავალდებულო ტესტირების შედეგები უნდა იქონიონ თან.

ტესტირების პასუხები მათ თვითმფრინავში ჩასხდომის მომენტში უნდა წარუდგინონ გადამზიდავს ან შესაბამისი კონტროლის განხორციელებაზე უფლებამოსილ პირებს, აღნიშნულია საელჩოს მიერ გავრცელებულ ინფორმაციაში.

გარადა ამისა, პირები, რომლებიც იტალიის ტერიტორიაზე საქართველოდან შედიან, ექვემდებარებიან 10–დღიან სავალდებულო თვითიზოლაციას აქამდე არსებული 14–დღიანი თვითზიოლაციის ნაცვლად, ხოლო ამ პერიოდის დასრულების შემდეგ კი PCR ან ანტიგენური ტესტირება უნდა ჩაიტარონ.

საელჩოს ცნობით, საქართველოდან ჩასული ვიზიტორები ასევე  ვალდებულნი არიან შეავსონ ელექტრონული ანკეტა.

წესების სრული ტექსტის გაცნობა შესაძლებელია ამ ბმულზე.

ეს ცვლილებები ეხება იმ ქვეყნებს, რომლებსაც იტალიის ჯანდაცვის სამინისტრო მიაკუთვნებს C, D, E კატეგორიებს ქვეყანაში არსებული ეპიდსიტუაციის შესაბამისად.

თვითონ იტალიაში კოვიდ–საფრთხის მიხედვით რეგიონებს „ფერების" მიხედვით ყოფენ კატეგორიებად: თეთრი, ყვითელი, ნარინჯისფერი, წითელი. ქვეყანაში ასევე მოქმედებს ე.წ. კომენდანტის საათი.

იტალიაში დღე–ღამეში კორონავირუსის საშუალოდ 12 ათასი შემთხვევა ვლინდება.

შეზღუდვების ეტაპობრივი მოხსნა ქვეყანაში 26 აპრილიდან უნდა დაიწყოს.

0
თემები:
COVID-19-ის პანდემია მსოფლიოში