მიშენებები კორპუსზე

თბილისში სამშენებლო ამნისტია გამოცხადდება: პარლამენტში საკომიტეტო მოსმენები დაიწყო

117
(განახლებულია 16:12 07.04.2021)
„ქართულმა ოცნებამ“ რამდენიმე თვის წინ მიიღო გადაწყვეტილება, რომ თბილისში უკანონოდ აშენებულ ნაგებობებს ამნისტია შეეხოს.

თბილისი, 7 აპრილი - Sputnik. საქართველოს პარლამენტმა სამშენებლო ამნისტიის საკანონმდებლო პაკეტთან დაკავშირებით საკომიტეტო მოსმენები დაიწყო, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.

საქართველოში უკანონო მშენებლობისთვის დაკისრებულ ჯარიმებს ამნისტია შეეხება>>

მმართველი პარტია „ქართული ოცნება - დემოკრატიულმა საქართველო“ მერიასთან ერთად მუშაობს კანონპროექტზე, რომელიც შეეხება იმ უნებართვო მშენებლობებს, რომლებიც უსაფრთხოების მოთხოვნებს აკმაყოფილებს და გვერდით მცხოვრებთ პრობლემებს არ უქმნის. ასევე საუბარია ჯარიმების მოხსნაზე. შედეგად – ათიათასობით მოქალაქე დაირეგისტრირებს ბინებს და მიშენებებს, ექსპლუატაციაში ჩაბარდება სახლები და ბინები, მოქალაქეები აბონენტად დარეგისტრირდებიან.

როგორც კალაძემ აღნიშნა, საკანონმდებლო პაკეტი 2020 წლის 18 აგვისტომდე დასრულებულ მშენებლობებზე დაფიქსირებული დარღვევების პატიებასა და მათ საფუძველზე გამოწერილი ადმინისტრაციული ჯარიმების გაუქმებას ითვალისწინებს.

„ამ გადაწყვეტილებას დედაქალაქის მოსახლეობა ელის. არსებობენ ადამიანები, რომელთა საცხოვრებელი სახლები არ არის შესული ექსპლუატაციაში, რადგან წლების წინ მშენებლობისას გადაცდომებს ჰქონდა ადგილი“, - განაცხადა კალაძემ.

თბილისის მერმა იმედი გამოთქვა, რომ პარლამენტი მხარს დაუჭერს აღნიშნულ საკანონმდებლო წინადადებას. მისი განცხადებით, მნიშვნელოვანი გარემოებაა როგორც სამშენებლო დარღვევების პატიება, სამართლებრივი ტვირთის მოხსნა სამშენებლო კომპანიებსა და უძრავი ქონების მესაკუთრეებზე, ასევე პასუხისმგებლობის დამძიმებაც მსგავსი ტიპის დარღვევების ასარიდებლად.

როგორც კალაძემ განმარტა, საკანონმდებლო პაკეტი მუნიციპალური ინსპექციის მხრიდან მშენებლობის მოთხოვნის დაუმორჩილებლობაზე სისხლის სამართლის პასუხისმგებლობას ითვალისწინებს.

„ჩვენ სამშენებლო დარღვევებზე ჯარიმების ოდენობა გავზარდეთ, მაგრამ ამან შედეგი არ გამოიღო. ზოგი სამშენებლო კომპანია პროექტის მიღმა სამუშაოებს ახორციელებს, აკეთებს დაშენებებს. ჩვენ, ამნისტიის საშუალებით, ასეთ ნაგებობებს ექსპლუატაციაში ვიღებთ, რადგან ამის მიღმა ოჯახები დგანან“, - განაცხადა მერმა.

რაც შეეხება რეგულაციას, რომელიც  ექსპლუატაციაში მიუღებელი შენობა-ნაგებობების ელექტროენერგიითა და ბუნებრივი აირით მომარაგების აკრძალვას ითვალისწინებს, 2022 წლის პირველი იანვრიდან ამოქმედდება და მხოლოდ ამ თარიღის შემდგომ გაცემულ სამშენებლო ნებართვებზე გავრცელდება.

თბილისში 90-იან წლებში ქაოსურმა მშენებლობამ, როდესაც მოქალაქეები საკუთარ ბინებს სხვადასხვა მიშენებების ხარჯზე აფართოებდნენ, დღეს პრობლემები გამოიწვია. როგორც აღმოჩნდა, უმრავლესობა საცხოვრებელ სახლებს სპეციალური ნებართვის და უსაფრთხოების წესების დაცვის გარეშე აფართოებდა, რამაც მეზობელი სახლების და ბინების მცხოვრებლებს საფრთხე შეუქმნა. მსგავსი ქაოსური მიშენებების შედეგად ყველაზე მეტად ქალაქის ისტორიული ნაწილი დაზარალდა.

117
თემები:
თბილისი დღეს (1971)
მეტეხის ხიდი

ამინდის ზუსტი პროგნოზი თბილისში 17 აპრილს

11
(განახლებულია 12:05 15.04.2021)
თბილისელებსა და დედაქალაქის სტუმრებს შაბათს გაზაფხულის თბილი ამინდი ელოდებათ, ჰაერი 22 გრადუსამდე გათბება.

თბილისი, 15 აპრილი – Sputnik. სინოპტიკოსები საქართველოს დედაქალაქში შაბათს, 17 აპრილს თბილ და ნაწილობრივ ღრუბლიან ამინდს ვარაუდობენ. 

მზე 06:18 საათზე ამოვა და 19:43 საათზე ჩავა.

ჰაერის მინიმალური ტემპერატურა ღამით პლუს 10–11 გრადუსი, დღისით კი პლუს 21–22 გრადუსია ნავარაუდები.

 

11
თემები:
ამინდის ზუსტი პროგნოზი თბილისში
სამუშაო ჯგუფის შეხვედრა . მეწყრული ზონა ვაშლიჯვარში

„გულზე მომეშვა“: გერმანელი გეოლოგი მეწყრულ ზონაზე თბილისში

69
სპეციალისტები მიიჩნევენ, რომ ვაშლიჯვრის ფერდობზე მიღებულმა ზომებმა მეწყრის ჩამოსვლის რისკები მინიმუმამდე მიიყვანა

თბილისი, 14 აპრილი – Sputnik. ვაშლიჯვრის ფერდობზე მეწყრული პროცესების დროებითი სტაბილიზაცია უნდა გადავიტანოთ მუდმივ რეჟიმში. ამის შესახებ ჟურნალისტებს განუცხადა გერმანელმა ინჟინერ-გეოლოგმა პეტერ ნიუმანმა, რომელიც თბილისში როგორც ექსპერტი მეორედ ჩამოვიდა.

ოთხშაბათს დედაქალაქის მერიის სპეციალისტებმა კიდევ ერთხელ განიხილეს ვაშლიჯვრის ფერდობის მეწყერსაშიში ზონის გამაგრებითი სამუშაოების სამომავლო გეგმა. ითქვა, რომ მეწყრის ჩამოწოლის რისკი ამჟამად შემცირებულია. ეს კი ნიშნავს, რომ ექსპერტებს მეტი დრო აქვთ კვლევების ჩასატარებლად და სამუშაოების ფრონტის დასადგენად.

„ჩვენ გადავწყვიტეთ სხვადასხვა ღონისძიების კომბინირება - მეწყრული მიწის ნაწილის მოხსნა, გამაგრებითი სამუშაოების ჩატარება, ბურღვითი სამუშაოები, რაც ასევე გამაგრებას უკავშირდება. ასევე, მნიშვნელოვანი იყო ამ ნაპრალების ამოვსება და დისკუსია ამის შესახებ ამ ეტაპზე უადგილოა“, - განუცხადა ნიუმანმა ჟურნალისტებს.

გერმანელმა ექსპერტმა აღიარა, რომ „გულზე მოეშვა“, როდესაც დარწმუნდა, რომ სამუშაოებმა შედეგი გამოიღო.

„პრაქტიკულად ყველა მიღებულმა ღონისძიებამ შედეგი გამოიტანა. უნდა გავითვალისწინოთ ის, რომ ვერ განვსაზღვრავთ, რა შეიძლება მოხდეს. ორი სახის ღონისძიება უნდა ჩატარდეს - პირველი ის, რომ უნდა მიმდინარეობდეს მუდმივი მონიტორინგი, რომ მოსახლეობა არის უსაფრთხოდ და ასევე უსაფრთხოდ არის წყლის მილები“, - განაცხადა ექსპერტმა.

როგორც ნიუმანმა აღნიშნა, ამჟამად სპეციალისტების ჯგუფი ჩატარებული სამუშაოების შედეგებს აჯამებს და იხილავს, რა უნდა გაკეთდეს მომავალში.

როგორც ჟურნალისტებთან საუბრისას ვიცემერმა ბენდელიანმა აღნიშნა, ამ ეტაპზე რისკები მინიმუმამდე შემცირდა. ამიტომ დღეს ექსპერტებს გაცილებით მეტი დრო ჰქონდათ მომავალი საქმიანობის დასაგეგმად და კონკრეტული პროექტის მიხედვით სამუშაოების ჩასატარებლად.

კვლევის შედეგებით, ვაშლიჯვარი–ნუცუბიძის ფერდობზე 18 მეტრამდე სიღრმის ნაპრალები გაჩნდა, რომელთა სიგანე დღე-ღამეში დაახლოებით ხუთი სანტიმეტრით იზრდება. გეოლოგების პროგნოზით, ჭარბი ნალექისა და მიწისძვრის შემთხვევაში ფერდობიდან შეიძლება 800 ათასი კუბომეტრი მიწის მასა დაიძრას. ამასთან, მიუხედავად იმისა, რომ ფერდი ძალიან დახრილი არაა, დიდი მასის გამო ის საკმაოდ მაღალი სიჩქარის იქნება იმისთვის, რომ ჯერ გზისკენ, შემდეგ კი მდინარისკენ დაეშვას.

69
თენგიზ ცერცვაძე

ცერცვაძე: ჯერ კიდევ გვაქვს შანსი თავიდან ავირიდოთ მესამე ტალღა

0
(განახლებულია 13:29 15.04.2021)
სპეციალისტები შიშობენ, რომ საქართველო კორონავირუსის გავრცელების მესამე ტალღის ფაზაში შედის და არ გამორიცხავენ, რომ ქვეყანა გასული წლის ნოემბერ-დეკემბრის მაჩვენებელს მიუახლოვდეს, როდესაც ინფიცირების დღიური მაჩვენებელი რამდენიმე ათასი იყო.

 

თბილისი, 15 აპრილი - Sputnik. თუ მოსახლეობა მოსალოდნელ საფრთხეს გაიაზრებს, მესამე ტალღის შეჩერება შესაძლებელი გახდება,  განაცხადა თბილისის ინფექციური პათოლოგიისა და შიდსის ცენტრის გენდირექტორმა  თენგიზ ცერცვაძემ.

ქვეყანაში ეპიდსიტუაცია დღითიდღე უარესდება. ბოლო რამდენიმე დღეა, კორონავირუსის ახალი შემთხვევები ოთხნიშნა მაჩვენებელს მიუახლოვდა. სპეციალისტები მესამე ტალღის მოახლოებაზე საუბრობენ და არ გამორიცხავენ, რომ ხელისუფლებას კვლავ მოუწიოს შემზღუდავი ღონისძიებების შემოღება. 

„თუ ბოლოდე გავიაზრებთ იმ საფრთხეს, რომელსაც მესამე ტალღა უქმნის მთელ მსოფლიოს და საქართველოს, მის ეკონომიკასა და ჯანდაცვის სექტორს, ჯერ კიდევ გვაქვს შანსი, რომ შევაჩეროთ და თავიდან ავიცილოთ მესამე ტალღა“, - განაცხადა ცერცვაძემ.

ცერცვაძის განცხადებით, თუ ქვეყანა კორონავირუსის მესამე ტალღას ვერ აიცილებს თავიდან, ყველაზე დიდი გამოწვევის წინაშე ჰოსპიტალური  სექტორი დადგება.

ბოლო პერიოდში კორონავირუსის ახალი შემთხვევების ზრდა კლინიკურ სექტორზე უკვე აისახა. დღითიდღე იზრდება იმ პაციენტების რაოდენობა, რომლებსაც ჰოსპიტალიზაცია ესაჭიროებათ. ამ ეტაპზე საქართველოში კოვიდ-პაციენტებისთვის  დაახლოებით 2 ათასი თავისუფალი საწოლია. როგორც ჯანდაცვის სამინისტროში აღნიშნავენ, ჰოსპიტალური სექტორი მობილიზებულია და პაციენტების მისაღებად მზად არის.

თუმცა, სპეციალისტები მიიჩნევენ, რომ თუ მოსახლეობა რეგულაციებს არ დაიცავს და დღეს მოქმედი კოვიდ–შეზღუდვები კიდევ უფრო შემსუბუქდება, ჯანდაცვის სისტემასა და კლინიკურ სექტორს გაუჭირდება გაზრდილი შემთხვევების მართვა. მათი თქმით, ქვეყანაში  რეგულაციების სრულ გაუქმებაზე საუბარი მხოლოდ მას შემდეგ უნდა დაიწყოს, რაც მოსახლეობის 60-70% ვაქცინირებული იქნება.
ხელისუფლების წარმომადგნლები და  ეპიდემიოლოგები მოსახლეობას კვლავ  კოვიდ-რეგულაციების მაქსიმალური დაცვისკენ,  მათ შორის, პირბადის სწორად ტარების, ყველა ტიპის ხალხმრავალი შეკრებებისა და სოციალური ღონისძიებების ორგანიზებისგან თავის შეკავებისკენ მოუწოდებენ.

საქართველოში გასულ დღე-ღამეში კორონავირუსის 1.030 ახალი შემთხვევა გამოვლინდა და ინფიცირების საერთო რაოდენობამ 292 ათასს გადააჭარბა.

0
თემები:
კორონავირუსი საქართველოში: ბოლო ცნობები