თბილისის ტელეანძა

თბილისის ანძაზე პანორამული სივრცის მოწყობაზე ინტერესთა გამოხატვა გამოცხადდა

39
(განახლებულია 21:29 07.04.2021)
აღნიშნული პროექტის კონცეფციაზე ესტონურმა კომპანია „კოკომ“ იზრუნა, რომელიც ქვეყანაში არსებული პანდემიის გამო ამ დრომდე ვერ განხორციელდა, აღნიშნა კალაძემ.

თბილისი, 7 აპრილი - Sputnik. დედაქალაქის მერია ეკონომიკის სამინისტროსთან ერთად თბილისის ანძაზე პანორამული რესტორნის, გადმოსახედისა და ვიზიტორთა ცენტრის მოწყობაზე ინტერესთა გამოხატვას აცხადებს, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.

დედაქალაქის მერმა განაცხადა, რომ პროექტის კონცეფციის შექმნაზე ესტონურმა კომპანია „კოკომ“ (KOKO architects) იმუშავა, რომელიც მერიის მიერ გამოცხადებული ტენდერის გამარჯვებულია. კალაძემ ასევე აღნიშნა, რომ ის აღნიშნული პროექტის განხორციელებას მოსახლეობას წინასაარჩევნოდ დაჰპირდა.

„ყველა დიდ ქალაქში, სადაც არსებობს ასეთი პროექტები, ძალიან მაღალ დონეზეა ყველაფერი გაკეთებული. რა თქმა უნდა, დარწმუნებული ვარ, თბილისშიც გამოიძებნებიან საინვესტიციო ჯგუფები, ვინც ამ პროექტს განახორციელებენ“, – განაცხადა კახა კალაძემ.

მერის განმარტებით, პროექტი ამ დრომდე ქვეყანაში არსებული პანდემიის გამო ვერ განხორციელდა, ახლა კი ეტაპობრივად დაიწყება სამუშაოები.

„ძალიან ბევრ პროექტებზე მოგვიწია უარის თქმა და ეკონომიკური აქტივობების შემცირება. ძალიან დიდი იმედი მაქვს, რომ ბიზნესი დაინტერესდება ამ კონკრეტული ინტერესთა გამოხატვით“, - აღნიშნა კალაძემ.

თბილისის ტელეანძაზე პანორამული სივრცე და რესტორანი მოეწყობა>>

გეგმის მიხედვით, პირველ ეტაპზე ჩატარდება ტექნიკურ-ეკონომიკური კვლევა. კვლევის შედეგად წარმოდგენილი წინადადებების საფუძველზე კი პროექტის განხორციელების შესახებ მიიღება გადაწყვეტილება.

თბილისის პირველი სატელევიზიო ანძის მშენებლობა 1952 წელს დაიწყო და 1956 წელს დასრულდა. დღევანდელი ანძა 1972 წელს დაიდგა, როდესაც ძველი ანძა გორში გადაიტანეს და მის ადგილზე თანამედროვე ანძა ააშენეს. ანძის სიმაღლე 274,5 მეტრია.

39
თემები:
თბილისის მერია (352)
კოჯორის ციხე „აზეულა“

მთაწმინდის რაიონში ახალი რეკრეაციული სივრცე მოეწყობა

46
პროექტი, რომელიც მთაწმინდის რაიონში ახალი სკვერის მოწყობას გულისხმობს მიმდინარე თვეში დაიწყება. მისი ღირებულება 500.000 ლარს შეადგენს.

თბილისი, 17 აპრილი - Sputnik. კოჯორში, აზეულას ქუჩაზე 7 ათას კვადრატულ მეტრ ფართობზე ახალი სკვერი მოეწყობა, ინფორმაციას თბილისის მერია ავრცელებს.

მერიის ინფორმაციით, პროექტის ფარგლებში დამონტაჟდება საბავშვო ატრაქციონები და დასასვენებელი პავილიონები. ასევე მოეწყობა ველობილიკი, სარწყავი სისტემა, გარე განათების ქსელი. არსებულ სპორტულ მოედანს კი რეაბილიტაცია ჩაუტარდება.

ადგილობრივ მოსახლეობას მთაწმინდის რაიონის გამგებელი დავით კირკიტაძე შეხვდა და პროექტის დეტალები გააცნო. მისი თქმით, დედაქალაქში მწვანე სივრცეების მოწყობა მერიის ერთ-ერთი მნიშვნელოვანი მიმართულებაა.

„მთაწმინდას კიდევ ერთი ახალი რეკრეაციული სივრცე შეემატება, რომლითაც მხოლოდ ადგილობრივი მოსახლეობა არ ისარგებლებს, არამედ ზაფხულში ამოსული დამსვენებლებიც. პარკი ყველა თაობისთვის იქნება განკუთვნილი“, - განაცხადა დავით კირკიტაძემ.

მან ასევე აღნიშნა, რომ პროექტი მიმდინარე თვეში დაიწყება და დაახლოებით ივნისის თვეში დასრულდება. აღნიშნული პროექტის ღირებულება 500 ათასი ლარია, სამუშაოები კი მთაწმინდის რაიონის გამგეობის დაფინანსებით შესრულდება.

46
თბილისი

ამინდის ზუსტი პროგნოზი თბილისში 18 აპრილს

55
(განახლებულია 17:19 16.04.2021)
თბილისელებსა და დედაქალაქის სტუმრებს კვირას ღრუბლიანი და წვიმიანი ამინდი ელოდებათ, ჰაერი 22 გრადუსამდე გათბება.

თბილისი, 16 აპრილი – Sputnik. სინოპტიკოსები საქართველოს დედაქალაქში კვირას, 18 აპრილს ღრუბლიან ამინდს პროგნოზირებენ, მოსალოდნელია მცირე ნალექი. 

მზე 06:17 საათზე ამოვა და 19:44 საათზე ჩავა.

ჰაერის მინიმალური ტემპერატურა ღამით პლუს 12–13 გრადუსი, დღისით კი პლუს 22–23 გრადუსია ნავარაუდები.

55
თემები:
ამინდის ზუსტი პროგნოზი თბილისში
მიხეილ ცაგარელი

„ძალიან ვცემდი, რეანიმაციაში წაიყვანეს, ძლივს გადაარჩინეს...“ - მიხეილ ცაგარელი პირადზე

0
(განახლებულია 15:37 17.04.2021)
მიხეილ ცაგარელმა საკუთარი ცხოვრების უცნობ დეტალებზე საჯაროდ პირველად ისაუბრა. ნახეთ რა შეემთხვა ცნობილ ასტროლოგს

ასტროლოგი მიხეილ ცაგარელი იხსენებს, რომ ბავშვობაში მოჩხუბარი ბავშვი იყო. როგორც ცაგარელმა გადაცემაში „მხოლოდ ლელასთან“ გაიხსენა, თუ ვინმე გააბრაზებდა, წყობიდან ძალიან გამოდიოდა.

„ზოგადად კურო ყველაზე მშვიდი ნიშანია, თუმცა თუ წონასწორობიდან გამოვიდა მტრისას. იქ კონტროლი უკვე აღარ აქვს, არც ვერძი, არც მორიელი, ვერავინ ვეღარ დაუდგება წინ. ეს მომენტი მეც მქონდა ადრე, თუმცა მაშინ არ ვიცოდი ასტროლოგია. ვვარჯიშობდი ყოველთვის, ვიყავი წყალბურთებული, მოცურავე. მქონდა სამი ასეთი შემთხვევა სკოლაში – ბავშვებს ჩხუბის შედეგად ვახრჩობდი ფაქტობრივად. ძალიან ვცემდი, იმ დონემდე მიმყავდა რომ რეანიმამაციაში წაიყვანეს სამივე და ძლივს გადაარჩინეს. ჩემი ბრალი არ იყო, იმათი პროვოცირებული იყო. ეს იყო მეექვსე კლასამდე. მეექვსე კლასის მერე მე არ მიჩხუბია“,- განაცხადა ცაგარელმა.

0
თემები:
ქართველი სელებრითები