მამაკაცი წყლის ბოთლებით

თბილისის ცენტრალური რაიონების მოსახლეობა კვლავ 24 საათით უწყლოდ დარჩება

128
(განახლებულია 15:07 06.04.2021)
წყალმომარაგების ახალ ხაზზე გადართვა ვაშლიჯვრის ფერდობზე მაგისტრალური წყალსადენების მეწყრული პროცესებისგან დაცვის მიზნით ხორციელდება.

თბილისი, 6 აპრილი – Sputnik. თბილისელების ნაწილი ახალ ხაზზე გადართვასთან დაკავშირებით კიდევ ერთხელ დარჩება უწყლოდ 24 საათით, ნათქვამია წყალგამანაწილებელი კომპანიის Georgian Water and Power (GWP) განცხადებაში.

მუხრან მაჭავარიანის ქუჩაზე ახალი გზის პროექტის ფარგლებში მაგისტრალური წყალსადენების მეწყრული პროცესებისგან დაცვისა და უსაფრთხოების მიზნით წყალგამანაწილებელი კომპანია 6-7 აპრილს ისევ ჩაატარებს ახალ ქსელზე გადართვის სამუშაოებს. ამ სამუშაოების ჩასატარებლად აუცილებელია წყლის გადაკეტვა და მაგისტრალური ქსელის დაცლა.

„იმისთვის, რომ მაგისტრალური ქსელი მაქსიმალურად იყოს დაზღვეული დაზიანებისგან და საფრთხე არ შეექმნას დედაქალაქის სტაბილურ წყალმომარაგებას, კომპანია თანამედროვე სტანდარტის ჩამკეტ-მარეგულირებელ ურდულებს დაამონტაჟებს“, – ნათქვამია კომპანიის განცხადებაში.

6 აპრილის ღამის 23:00 სთ-დან 7 აპრილის საღამოს 19:00 სთ-მდე წყალმომარაგება დროებით შეუწყდება ვაკე-საბურთალოს რაიონში:

გელოვანის გამზირს, ჩიქოვანის, ბუდაპეშტის, ლვოვის ქუჩების ნაწილს, ზაქარიაძის ქუჩებს. ვაჟა-ფშაველას I-VII კვარტლებს, ვაჟა-ფშაველას და ყაზბეგის გამზირების ნაწილს, ნუცუბიძის ქუჩის ნაწილს, ნუცუბიძის I-V მ/რ-ებს, რამაზ ჩხიკვაძის, მინდელის, შავგულიძის, სანდრო ეულის, ზურაბ ანჯაფარიძის, ქავთარაძის, ძოწის, პოლიტკოვსკაიას,  თავხელიძის, დელისის, თვალჭრელიძის და მიმდებარე ქუჩებს, თხინვალას I და II აგარაკებს, წყნეთის გზატკეცილს, უჩანეიშვილის და მიმდებარე ქუჩებს.

დიდ დიღომში: მუხათგვერდის, ფერაძის, ციციშვილის, ძნელაძის, სოლოღაშვილის და მიმდებარე ქუჩებს; დიღომი 7-ს.

როდის მოეწყობა წყალარინების ქსელი მუხიანსა და დიღომში: კალაძის პასუხი >>

წყალმომარაგება შეუწყდება აგრეთვე ზაჰესის დასახლებას, ქალაქ მცხეთას, ნატახტარს, წიწამურს და წეროვანის დასახლებას.

დეტალური ინფორმაციის მოძიება შესაძლებელია კომპანიის ცხელი ხაზის მეშვეობით – 2 93 11 11. ქუჩების სრული ჩამონათვალი იხილეთ აქ.

 

128
თბილისი

ამინდის ზუსტი პროგნოზი თბილისში 16 აპრილს

11
(განახლებულია 11:47 14.04.2021)
თბილისელებსა და დედაქალაქის სტუმრებს პარასკევს გაზაფხულის თბილი ამინდი ელოდებათ, ჰაერი 20 გრადუსამდე გათბება.

თბილისი, 14 აპრილი – Sputnik. სინოპტიკოსები საქართველოს დედაქალაქში პარასკევს, 16 აპრილს თბილ და ნაწილობრივ ღრუბლიან ამინდს ვარაუდობენ. 

მზე 06:20 საათზე ამოვა და 19:42 საათზე ჩავა.

ჰაერის მინიმალური ტემპერატურა ღამით პლუს 8–9 გრადუსი, დღისით კი პლუს 19–20 გრადუსია ნავარაუდები.

 



11
თემები:
ამინდის ზუსტი პროგნოზი თბილისში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 14 აპრილს

73
(განახლებულია 23:14 13.04.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 14 აპრილი – Sputnik. სააქციო საზოგადოება „თელასი" იუწყება, რომ 14 აპრილს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

10:30 საათიდან 17:00 საათამდე შეზღუდვა შეეხება: გურამიშვილის გამზირის, გუდამაყრის და სანზონის ქუჩების მოსახლეობას.

11:00 საათიდან 13:00 საათამდე შეზღუდვა შეეხება: ზღვისუბნის დასახლების IX, X კვარტლების, ზღვისუბნის დასახლების III მიკრორაიონის III კვარტლის, ანაპის 414-ე დივიზიის და ურეკის ქუჩების მოსახლეობას.

დიდუბის რაიონი

10:00 საათიდან 18:00 საათამდე შეზღუდვა შეეხება: დიღმის მასივის III, IV კვარტლების, აკაკი ბელიაშვილის და მიქელაძის ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: ვაშლიჯვრის დასახლების IIა ზონის, ვაშლიჯვრის დასახლების, გოძიაშვილის, პეტრიწის, მუხრან მაჭავარიანის, ემხვარის, მიცკევიჩის, საბურთალოს, საირმის, ცაგარელის, შმიდტის და სულხან ცინცაძის ქუჩების მოსახლეობას.

11:00 საათიდან 17:00 საათამდე შეზღუდვა შეეხება: ნუცუბიძის პლატოს IV მიკრორაიონის (ნაწილობრივ), სოფელი ლისის, ფერმწერთა, ავთო ვარაზის, ლეო კვაჭაძის და ბიწაძის ქუჩების მოსახლეობას.

გლდანის რაიონი

10:00 საათიდან 18:00 საათამდე შეზღუდვა შეეხება: თიანეთის გზატკეცილის, გლდანის ხევის დასახლების, შეშელიძის, ფეიქართა, წყალსადენის, ტაბიძის, ქერჩის, გმირ კურსანტთა, მამკოდის, მორეტის და ვართაგავას ქუჩების მოსახლეობას.

11:00 საათიდან 17:00 საათამდე შეზღუდვა შეეხება: ულიანოვის, უწერის, ხეჩუაშვილის, ვარდევანის, ბარისახოს, ყუშიტაშვილის, ჭრებალოს, სხვიტორის, ხანძთელის და ანდრონიკაშვილის ქუჩების მოსახლეობას.

მთაწმინდის და კრწანისის რაიონები

11:00 საათიდან 17:00 საათამდე შეზღუდვა შეეხება: კოტე მესხის ქუჩის (ნაწილობრივ) მოსახლეობას.

11:00 საათიდან 13:00 საათამდე შეზღუდვა შეეხება: დაბა ოქროყანის, ბეთლემის აღმართის, გუდიაშვილის მოედნის, ლერმონტოვის, ასათიანის, გუდიაშვილის, აბო-თბილელის, ალავერდოვის, ახოსპირელის, ბესაძის, შოთა ნიშნიანიძის, ჩიხლაძის და ჯიბლაძის ქუჩების მოსახლეობას.

ჩუღურეთის რაიონი

10:00 საათიდან 18:00 საათამდე შეზღუდვა შეეხება: ანთელავას, ბუხაიძის, შალვა მჭედლიშვილის, კუმისის და თოიძის ქუჩების მოსახლეობას.

14:00 საათიდან 16:00 საათამდე შეზღუდვა შეეხება: ხუდადოვის, ცოტნე დადიანის, ზაქრაძის, ლალიონის, არჩილ ქურდიანის, ვახტანგ მახალდიანის, ეროსი მანჯგალაძის, რკინიგზის და თოფურიძის ქუჩების მოსახლეობას.

სამგორის რაიონი

11:00 საათიდან 14:00 საათამდე შეზღუდვა შეეხება: ვარკეთილი-3 ზედა პლატოს და ირინა შტენბერგის ქუჩის მოსახლეობას.

ისნის რაიონი

11:00 საათიდან 17:00 საათამდე შეზღუდვა შეეხება: წმინდა ქეთევან დედოფლის გამზირის, გარეკახეთის, კოშკოვანის, ცუცხვათის, ლეხ კაჩინსკის, შირაქის და შორაპნის ქუჩების მოსახლეობას.

ვაკის რაიონი

10:00 საათიდან 14:00 საათამდე შეზღუდვა შეეხება: წყნეთის გზატკეცილის, იმედაძის და ირაკლი უჩანეიშვილის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

73
თემები:
თბილისი დღეს
კვერცხი პომიდვრით

კვერცხიანი პომიდვრის უჩვეულო რეცეპტი: დეტალური ვიდეოაღწერა

0
(განახლებულია 14:32 14.04.2021)
კვერცხისა და პომიდვრისგან არაერთი კერძის მომზადება შეიძლება, მაგრამ რეცეპტი, რომელსაც ქვემოთ გაგაცნობთ, სრულიად განსხვავდება ყველა სხვა დანარჩენისგან.

თქვენ დაგჭირდებათ:

  • პომიდორი — სასურველი რაოდენობით,
  • კვერცხი — იმდენი, რამდენ პომიდორსაც შეარჩევთ;
  • ყველი — თითო პომიდორზე საშუალოდ 30 გრამის გათვლით.
  • მარილი, ორეგანო და სხვა სუნელები თქვენი გემოვნების მიხედვით;
  • ზეითუნის ზეთი.

მომზადების წესი

აიღეთ პომიდვრები და მოაჭერით თავები, შემდეგ კი კოვზით ფაქიზად ამოუღეთ გულები. მოჭრილი თავები არ გადაყაროთ;

ჩაასხით სათითაოდ ყველა პომიდორში ცოტა ზეითუნის ზეთი და ჩაუშვით კვერცხი;

მოაყარეთ მარილი, შერჩეული სუნელები და ფრთხილად მოურიეთ კვერცხს კოვზით;

შემდეგ მოაყარეთ გახეხილი ყველი და პომიდვრებს  დაახურეთ მოჭრილი თავები. უკეთ დასამაგრებლად შეგიძლიათ კბილის ჩხირები გამოიყენოთ;

მოაფინეთ ჰაერღუმლის ტაფას ფოლგა და დაალაგეთ ზედ პომიდვრები. შედგით 170 გრადუსამდე წინასწარ გახურებულ ღუმელში და დატოვეთ დაახლოებით 10 წუთის განმავლობაში.

როცა კერძი მზად იქნება, ამას თვალით შეატყობთ.

გამოიღეთ ღუმლიდან და გემრიელად  მიირთვით!

სხვა უჩვეულო და გემრიელ რეცეპტებს შეგიძლიათ გაეცნოთ აქ>> 

0
თემები:
გემრიელი სამზარეულო