მეწყრული ზონა თბილისში

„კარგი ინფორმაცია გვაქვს“: რა ხდება მაჭავარიანის ქუჩაზე

113
(განახლებულია 19:40 02.04.2021)
მეწყერსაშიშ ზონაში ჯერ სიმშვიდეა, მარამ არასასურველი ძვრები უხვმა ნალექმა და მიწისძვრამ შეიძლება გამოიწვიოს – მეწყერსაშიში ფერდის დაკვირვება და გამაგრებითი სამუშაოები გრძელდება.

თბილისი, 2 აპრილი - Sputnik. ვიდეომონიტორინგის მეშვეობით დავაკვირდით მაჭავარიანის ქუჩის ნაწილს და  კარგი ინფორმაცია გვაქვს - მეწყრული გადაადგილებები არ შეინიშნება, განაცხადა თბილისის მერის მოადგილემ ირაკლი ბენდელიანმა მაჭავარიანის ქუჩის მიმდებარედ, ფერდობზე არსებული მეწყრული პროცესების შესახებ საუბრისას.

თბილისის მერია გასული წლის გაზაფხულიდან მოყოლებული მუხრან მაჭავარიანის ქუჩისა და მარშალ გელოვანის გამზირის დამაკავშირებელი გზის მშენებლობას ახორციელებს. მეწყრული პროცესების გააქტიურების შესახებ 17 მარტს გახდა ცნობილი. დედაქალაქის მერია იძულებული გახდა, აღნიშნულ ტერიტორიაზე საავტომობილო მოძრაობა ორმხრივად შეეზღუდა.

ნუცუბიძე-ვაშლიჯვრის გზაზე კი მეწყრული პროცესების შეჩერება ამ დროისთვის ვერ ხერხდება. ბენდელიანის განცხადებით, მიღებულია პირველადი გადაწყვეტილება, რომ შემცირდეს მეწყერის მასის ე.წ. ტანი.

„პარალელურ რეჟიმში მიმდინარეობს დროებითი მისასვლელი გზების მოწყობა. დღეისთვის სპეციალური მონიტორინგის სისტემა უკვე დამონტაჟებულია. ასევე, მეწყრის გადაადგილების შემცირების მიზნით, მიმდინარეობს ტერიტორიის ზედა ნაწილის ცემენტიზაცია“, - განაცხადა მერის მოადგილემ.

ბენდელიანის მტკიცებით, ამ ეტაპზე ვაშლიჯვრის ფერდობზე საშიშროება არ არსებობს, თუმცა მომავალში, თეორიულად, შეიძლება რაღაც განვითარდეს და მერია ყველა სცენარისთვის მზადაა.

გუშინ ცნობილი გახდა დედამიწის შემსწავლელ მეცნიერებათა ინსტიტუტის შუალედური ანგარიში, რომლის მიხედვით, ვაშლიჯვრის ფერდობზე მეწყრული პროცესების გააქტიურების ხელოვნური მიზეზი საავტომობილო გზის მშენებლობა და წყალსადენის მილების სარეაბილიტაციო სამუშაოები გახდა. კვლევის თანახმად, ფერდობის ბუნებრივი საყრდენის ძირის ხელოვნურად მოშიშვლებულმა საერთო სიღრმემ 15-20 მეტრს მიაღწია. ამას დაემატა სამშენებლო სამუშაოები და ბუნებრივი პროცესები ტექტონიკური რღვევების სახით.

კვლევის მიხედვით, მეწყერი, სავარაუდოდ, მოიცავს მაჭავარიანის ქუჩას, გელოვანი-მაჭავარიანის ქუჩის დამაკავშირებელ მშენებარე გზატკეცილს, ბროწეულის და გელოვანის ქუჩებს.

თბილისის მერიამ ვაშლიჯვრის ფერდობზე მეწყრული პროცესების შესაჩერებლად პროფილაქტიკური სამუშაოები დაიწყო. ფერდობზე მეწყრულ პროცესებთან დაკავშირებით პრევენციული ღონისძიებები უცხოელ სპეციალისტებთან თანამშრომლობით მიმდინარეობს. 

მაჭავარიანის ქუჩასა და მეწყრულ არეალს შორის გადის მაღალი წნევის მაგისტრალური წყალსადენის სამი მილი, რითაც მარაგდება დედაქალაქის გარკვეულ ნაწილი. პირველ რიგში, ამ არეალში ე.წ. ჩამკეტი ურდულები გაკეთდება, რათა საფრთხის არსებობის შემთხვევაში, ოპერატიულად მოხდეს ამ მილების წყლისგან დაცლა და ჩაკეტვა. ასევე დაწყებულია დროებითი წინაღობის მოწყობა, კეთდება კედლის ვერტიკალური საბჯენი.

113
თემები:
თბილისის მერია (353)
თბილისი

როგორი ამინდი იქნება თბილისში ოთხშაბათს, 21 აპრილს

29
დედაქალაქში ოთხშაბათს სინოპტიკოსები ცვალებად მოღრუბლულობას ვარაუდობენ. ტემპერატურა 22 გრადუსს მიაღწევს

თბილისი, 19 აპრილი – Sputnik. თბილისში ოთხშაბათს, 21 აპრილს ცვალებადი მოღრუბლობაა მოსალოდნელი.

ღამით ჰაერის ტემპერატურა 16–17 გრადუსი, ხოლო დღისით 21–22 გრადუსი სითბო იქნება.

მზე 06:12 საათზე ამოვა და 19:47 საათზე ჩავა.

29
თემები:
ამინდის ზუსტი პროგნოზი თბილისში
საბაგირო

უნივერსიტეტი–ბაგების საბაგირო ხაზი დღეიდან ამოქმედდა

37
(განახლებულია 16:17 19.04.2021)
საბაგიროს მეშვეობით უნივერსიტეტის მაღლივი კორპუსიდან ბაგებამდე გადაადგილებას დაახლოებით 4 წუთი დასჭირდება.

თბილისი, 19 აპრილი – Sputnik. თბილისის ივანე ჯავახიშვილის სახელობის სახელმწიფო უნივერსიტეტის მაღლივი კორპუსისა და ბაგების დამაკავშირებელი საბაგირო, რომელსაც რეაბილიტაცია ჩაუტარდა, მოქალაქეებს დღეიდან მოემსახურება, ნათქვამია თბილისის მერიის ადმინისტრაციის მიერ გავრცელებულ განცხადებაში. 

საბაგირო ხაზის სიგრძე, რომელიც მაღლივ კორპუსსა და ბაგების ტერიტორიას ერთმანეთთან აკავშირებს, 320 მეტრს შეადგენს და მასზე მოძრავ თითო გონდოლას 40 ადამიანის გადაყვანა შეუძლია. ერთი საათის განმავლობაში საბაგირო ცალმხრივი მოძრაობისას 600 მგზავრის გადაყვანას უზრუნველყოფს, მგზავრობის ხანგრძლივობა კი ოთხ წუთს არ აღემატება.

ახალი საბაგირო ხაზი ყოველდღე 08:00-დან 20:00 საათამდე იმუშავებს. მგზავრობის ღირებულება ერთ ლარს შეადგენს. გადახდა სამგზავრო და საბანკო ბარათებით არის შესაძლებელი, საბაგირო ხაზით მგზავრობა კი სტუდენტებისთვის უფასო იქნება.

მაღლივი კორპუსის ბაგებთან დამაკავშირებელი საბაგირო გზის აღდგენითი სამუშაოები სამშენებლო კომპანია „საქსპეცტრანსმა" 2016 წლის სექტემბერში დაიწყო და 2017 წელს დაასრულა, თუმცა საბაგირო დღემდე არ ამოქმედებულა.

სამუშაოების ფარგლებში ძველი გონდოლები აღადგინეს, ახალი ბაგირები დააყენეს, გონდოლები და სადგური ადაპტირებულია შშმ პირებისთვის.

„მაღლივი–ბაგების“ საბაგირო 20 წლის განმავლობაში, 1982 წლიდან 2002 წლამდე ფუნქციონირებდა.

 

37
თემები:
თბილისის მერია (353)
საავადმყოფო

გაბუნია: ეპიდსიტუაცია კვლავ საყურადღებოა, ვფიქრობთ საწოლების დამატებით მობილიზებას

0
(განახლებულია 15:51 19.04.2021)
ამ ეტაპზე საქართველოში კოვიდ-პაციენტებისთვის  დაახლოებით 2 ათასი თავისუფალი საწოლია. როგორც ჯანდაცვის სამინისტროში აღნიშნავენ, ჰოსპიტალური სექტორი მობილიზებულია და პაციენტების მისაღებად მზად არის.

თბილისი, 19 აპრილი – Sputnik. დღეს ქვეყენაში გამოვლენილი კორონავირუსის შემთხვევათა შედარებით ნაკლები რაოდენობა შაბათ-კვირას ტესტების სიმცირეს უკავშირდება, განაცხადა საქართველოს ჯანდაცვის მინისტრის მოადგილემ თამარ გაბუნიამ.

სამეგრელო-ზემო სვანეთში 27 საჯარო სკოლა სწავლების დისტანციურ რეჟიმზე გადავიდა>>

გაბუნიას განცხადებით, ქვეყანაში ეპიდვითარება კვლავაც საყურადღებოა, იზრდება დატვირთვა კლინიკებზე, რის გამოც შესაძლოა მოხდეს დამატებით საწოლების მობილიზება.

„გასული დღეების განმავლობაში შემთხვევათა რაოდენობამ 1 ათასს გადააჭარბა... ჩვენ ამ დღეებში ვფიქრობთ საწოლების დამატებით მობილიზებას. ასევე, პირველადი ჯანდაცვის ქსელი სრულად არის ჩართული პროცესში ონლაინკლინიკების სახით“, – განაცხადა გაბუნიამ.

გაბუნიამ „სინოფარმის“ ვაქცინაციის შესახებაც ისაუბრა და განმარტა, რომ ვაქცინის დასანერგად მოსამზადებელი სამუშაოები მიმდინარეობს და ის ამ კვირაში დასრულდება.

„მიმდინარეობს მუშაობა, რომ რეგისტრაცია დაიწყოს 27 აპრილიდან. „სინოფარმის“ ვაქცინა დღემდე რეგისტრირებულია 35 ქვეყანაში, ახალი შემთხვევების თავიდან აცილების თვალსაზრისით, მისი ეფექტურობა საკმარისად მაღალია, 80 პროცენტამდეა“, - აღნიშნა გაბუნიამ.

მისი განმარტებით, აღნიშნული მაჩვენებლები იძლევა საკმაოდ კარგ და იმედისმომცემ შედეგებს.

„აქედან გამომდინარე, მიმდინარე პერიოდში ჯანდაცვის მსოფლიო ორგანიზაცია განიხილავს Sinopharm-ის ავტორიზაციის საკითხს გადაუდებელი გამოყენებისთვის. ვფიქრობთ, აპრილის ბოლოსთვის ეს პროცესი დასრულდება და საქართველოც დაიწყებს „სინოფარმის“ გამოყენებას აქტიურად“, – განაცხადა თამარ გაბუნიამ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 578-ით გაიზარდა და ინფიცირებულთა საერთო რიცხვმა 295.936-ს მიაღწია.

ბოლო პერიოდში გაიზარდა ინფიცირების შემთხვევები და ხშირად დღიური მაჩვენებელი 1 ათასს სცდება. ეპიდემიოლოგები კორონავირუსის მესამე ტალღის შესახებ საუბრობენ.

0
თემები:
კორონავირუსი საქართველოში: ბოლო ცნობები