Georgian Water and Power (GWP)

GWP: თბილისის ცალკეულ რაიონებს წყალმომარაგება 24 საათით შეუწყდება

108
(განახლებულია 12:40 31.03.2021)
მოსახლეობისთვის წყალმომარაგების შეზღუდვა მარშალ გელოვანის გამზირზე მიმდინარე საგზაო სამუშაოებს უკავშირდება.

თბილისი, 31 მარტი - Sputnik. თბილისის რამდენიმე უბნის მაცხოვრებლებს წყალმომარაგება 1 აპრილიდან 2 აპრილამდე პერიოდში შეეზღუდებათ, ნათქვამია კომპანია Georgian Water and Power-ის (GWP) მიერ გავრცელებულ განცხადებაში.

25 მარტიდან, მარშალ გელოვანის გამზირზე ახალი გზის პროექტის ფარგლებში, თბილისის მერიის დაკვეთით კომპანია Black Sea Group წყალმომარაგების ახალ ქსელზე გადაერთების სამუშაოებს ატარებს. დაგეგმილი ტექნიკური სამუშაოების მიმდინარეობისას აუცილებელია ჩამკეტ-მარეგულირებელი ურდულების დროებით დაკეტვა და წყალმომარაგების მაგისტრალური ქსელის წყლისგან დაცლა.

დაგეგმილ სამუშაოებთან დაკავშირებით, 1 აპრილის 23:00 საათიდან 2 აპრილის 23:00 საათამდე წყალმომარაგება შეეზღუდებათ საბურთალოს, დიდუბისა და დიდი დიღმის რაიონების მცხოვრებლებს. შეზღუდვა ასევე შეეხებათ ქოშიგორას დასახლების, სოფელ ზურგავანასა და ზაჰესის მცხოვრებლებს. კომპანიაში აღნიშნავენ, რომ ეს სამუშაოების ბოლო ეტაპია.

კერძოდ, წყალმომარაგება შეეზღუდება:

  • საბურთალოს რაიონში: ვაშლიჯვრის დასახლებას, მარშალ გელევანის გამზირს, თოფურიას, სარაჯიშვილის, კვანტალიანის ქუჩებს, გოძიაშვილის ქუჩას და შესახვევებს, გოთუას, მუხრან მაჭავარიანის, ჭელიძის, ბიძინა ბარათაშვილი, სარგის კაკაბაძის, ტაშკენტის ქუჩის ნაწილს, ზემო ვეძისის, ალასანიას, ვაზისუბნის და მიმდებარე ქუჩებს.
  • დიდუბის რაიონში: აღამაშენბლის ხეივნის მე-12 კმ-ს, დიღმის მასივის I კვ.-ის N10, 11, 12 კორპუსებს.
  • დიდ დიღომში: ფარნავზ მეფის, გიორგი ბრწყინვალეს, პეტრიწის, არჩილ მეფის, მირიან მეფის, ჯავახიშვილის, სონღულაშვილის, უგრეხელიძის, ნიკო ბურის, ჰუგო ჰუბერტის, ხატაეთის, შერმადინის, ნესტან-დარეჯანის, ფატმანის, დავარის, ვეფხისტყაოსნის, ცამეტი ასურელი მამის, როსტევანის, ანდრონიკაშვილის, მიხეილ მესხის, ფატმანის, კვირაცხოვლის მუხათგვერდის და მიმდებარე ქუჩებს; ბენდუქიძის დასახლებას.
  • ქოშიგორას დასახლებაში: ჭავჭავაძის, უდაბნოს, მოწამეთას, კელასაურის, ასიათასი მოწამის ქუჩებს.
  • სოფელ ზურგოვანაში:  კოსტავას, ჩოხელის, სამაჩაბლოსა და აფხაზეთის ქუჩებს.
  • ზაჰესში:  გრიგოლ ხანძთელის, სხვიტორის, კასკადისა და ენერგეტიკის ქუჩებს.

წყალმომარაგების შეზღუდვისა და აღდგენის შესახებ ინფორმაციას GWP აბონენტებს წინასწარ, SMS-შეტყობინების სახით უგზავნის. 

108
თემები:
თბილისი დღეს (1970)
სამუშაო ჯგუფის შეხვედრა . მეწყრული ზონა ვაშლიჯვარში

„გულზე მომეშვა“: გერმანელი გეოლოგი მეწყრულ ზონაზე თბილისში

63
სპეციალისტები მიიჩნევენ, რომ ვაშლიჯვრის ფერდობზე მიღებულმა ზომებმა მეწყრის ჩამოსვლის რისკები მინიმუმამდე მიიყვანა

თბილისი, 14 აპრილი – Sputnik. ვაშლიჯვრის ფერდობზე მეწყრული პროცესების დროებითი სტაბილიზაცია უნდა გადავიტანოთ მუდმივ რეჟიმში. ამის შესახებ ჟურნალისტებს განუცხადა გერმანელმა ინჟინერ-გეოლოგმა პეტერ ნიუმანმა, რომელიც თბილისში როგორც ექსპერტი მეორედ ჩამოვიდა.

ოთხშაბათს დედაქალაქის მერიის სპეციალისტებმა კიდევ ერთხელ განიხილეს ვაშლიჯვრის ფერდობის მეწყერსაშიში ზონის გამაგრებითი სამუშაოების სამომავლო გეგმა. ითქვა, რომ მეწყრის ჩამოწოლის რისკი ამჟამად შემცირებულია. ეს კი ნიშნავს, რომ ექსპერტებს მეტი დრო აქვთ კვლევების ჩასატარებლად და სამუშაოების ფრონტის დასადგენად.

„ჩვენ გადავწყვიტეთ სხვადასხვა ღონისძიების კომბინირება - მეწყრული მიწის ნაწილის მოხსნა, გამაგრებითი სამუშაოების ჩატარება, ბურღვითი სამუშაოები, რაც ასევე გამაგრებას უკავშირდება. ასევე, მნიშვნელოვანი იყო ამ ნაპრალების ამოვსება და დისკუსია ამის შესახებ ამ ეტაპზე უადგილოა“, - განუცხადა ნიუმანმა ჟურნალისტებს.

გერმანელმა ექსპერტმა აღიარა, რომ „გულზე მოეშვა“, როდესაც დარწმუნდა, რომ სამუშაოებმა შედეგი გამოიღო.

„პრაქტიკულად ყველა მიღებულმა ღონისძიებამ შედეგი გამოიტანა. უნდა გავითვალისწინოთ ის, რომ ვერ განვსაზღვრავთ, რა შეიძლება მოხდეს. ორი სახის ღონისძიება უნდა ჩატარდეს - პირველი ის, რომ უნდა მიმდინარეობდეს მუდმივი მონიტორინგი, რომ მოსახლეობა არის უსაფრთხოდ და ასევე უსაფრთხოდ არის წყლის მილები“, - განაცხადა ექსპერტმა.

როგორც ნიუმანმა აღნიშნა, ამჟამად სპეციალისტების ჯგუფი ჩატარებული სამუშაოების შედეგებს აჯამებს და იხილავს, რა უნდა გაკეთდეს მომავალში.

როგორც ჟურნალისტებთან საუბრისას ვიცემერმა ბენდელიანმა აღნიშნა, ამ ეტაპზე რისკები მინიმუმამდე შემცირდა. ამიტომ დღეს ექსპერტებს გაცილებით მეტი დრო ჰქონდათ მომავალი საქმიანობის დასაგეგმად და კონკრეტული პროექტის მიხედვით სამუშაოების ჩასატარებლად.

კვლევის შედეგებით, ვაშლიჯვარი–ნუცუბიძის ფერდობზე 18 მეტრამდე სიღრმის ნაპრალები გაჩნდა, რომელთა სიგანე დღე-ღამეში დაახლოებით ხუთი სანტიმეტრით იზრდება. გეოლოგების პროგნოზით, ჭარბი ნალექისა და მიწისძვრის შემთხვევაში ფერდობიდან შეიძლება 800 ათასი კუბომეტრი მიწის მასა დაიძრას. ამასთან, მიუხედავად იმისა, რომ ფერდი ძალიან დახრილი არაა, დიდი მასის გამო ის საკმაოდ მაღალი სიჩქარის იქნება იმისთვის, რომ ჯერ გზისკენ, შემდეგ კი მდინარისკენ დაეშვას.

63
სამუშაოები მაჭავარიანის ქუჩაზე

ბენდელიანი: მეწყრულ ზონაში მოიხსნა დიდი მოცულობის მიწა, ვიწყებთ გამაგრებით სამუშაოებს

43
(განახლებულია 22:02 14.04.2021)
მოსახლეობის უსაფრთხოების მიზნით 16 მარტიდან აღნიშნულ ტერიტორიაზე საავტომობილო მოძრაობა გაურკვეველი ვადით ორმხრივად შეიზღუდა.

თბილისი, 14 აპრილი – Sputnik. მაჭავარიანის ქუჩის მეწყრულ ზონასთან დაკავშირებით კონკრეტული დეტალური პროექტი უახლოეს პერიოდში იქნება მზად და ამ პროექტის მიხედვით დაიწყება გამაგრებითი სამუშაოები, განაცხადა თბილისის მერის მოადგილემ ირაკლი ბენდელიანმა.

მაჭავარიანის ქუჩის მეწყრულ ზონასთან დაკავშირებით დღეს სამუშაო ჯგუფი კიდევ ერთხელ შეიკრიბა და ვითარებას ადგილზე გაეცნო. ადგილზე იმყოფებოდნენ გერმანელი ექსპერტებიც.

როგორც ბენდელიანმა განმარტა, პირველ ეტაპზე სამუშაოები გადაუდებელი აუცილებლობიდან გამომდინარე იყო ჩატარებული, რაც გერმანელი სპეციალისტების მხრიდანაც დადებითად შეფასდა. პარალელურად მიმდინარეობს სამუშაოები გრძელვადიანი უსაფრთხოების შენარჩუნების მიზნითაც.

„მოიხსნა დიდი მოცულობის მიწა, რაც გულისხმობს უშუალოდ მეწყრის ტანის შემცირებას. ამის მიზანი იყო – დატვირთვა მოგვეხსნა უშუალოდ მეწყრული არეალიდან, რათა მეწყრის მასის გადაადგილება უფრო შეგვემცირებინა“, – აღნიშნა ბენდელიანმა.

მერის მოადგილის განმარტებით, მოჭრილი მიწის მასით შეიქმნა ე.წ. წინაღობა, ასევე მეწყრულ არეალში გაკეთდა ჭაბურღილები, დამონტაჟდა დეტალური მონიტორინგის სისტემა.

„რაც შეეხება ნაპრალის თიხის მასით შევსებას, ამ გადაწყვეტილების მიზანი არ ყოფილა ის, რომ თიხა ამ მეწყერს შეაჩერებს. ეს არის დროებითი ღონისძიება, რომლის ერთადერთი დანიშნულებაა, ნაპრალებში წყლის მინიმალური რაოდენობა ჩავიდეს ნალექიანი ამინდის დროს“, – განაცხადა ბენდელიანმა.

კვლევის შედეგებით, ვაშლიჯვარი–ნუცუბიძის ფერდობზე 18 მეტრამდე სიღრმის ნაპრალები გაჩნდა, რომელთა სიგანე დღე-ღამეში დაახლოებით ხუთი სანტიმეტრით იზრდება. გეოლოგების პროგნოზით, ჭარბი ნალექის ან მიწისძვრის შემთხვევაში ფერდობიდან შეიძლება მიწის დიდი მასა დაიძრას. ამასთან, მიუხედავად იმისა, რომ ფერდი ძალიან დახრილი არაა, დიდი მასის გამო მან შეიძლება საკმაოდ მაღალი სიჩქარე მიიღოს იმისთვის, რომ ჯერ გზისკენ, შემდეგ კი მდინარისკენ დაეშვას.

კვლევის თანახმად, მეწყერი, სავარაუდოდ, მოიცავს მაჭავარიანის ქუჩას, გელოვანი-მაჭავარიანის ქუჩის დამაკავშირებელ მშენებარე გზატკეცილს, ბროწეულის და გელოვანის ქუჩებს.

გარდა ამისა, ექსპერტების ვარაუდით, თუ მეწყერი მთის ზედა ნაწილში კიდევ ერთ მეწყერს წარმოშობს, მისი ჩამოწოლა უფრო მძიმე შედეგებს გამოიწვევს.

მეწყრულ ზონაში შექმნილი ვითარების შესწავლის პროცესში ქართველ სპეციალისტებთან ერთად გერმანელი ინჟინერ–გეოლოგების ჯგუფია ჩართული.

აღნიშნულ ტერიტორიაზე მერია ახორციელებს მაჭავარიანი-გელოვანის დამაკავშირებელი გზის მშენებლობას. გარდა ამისა, მაჭავარიანის გზის გასწვრივ და ვაშლიჯვრის ტერიტორიაზე საცხოვრებელი კორპუსების აქტიური მშენებლობა მიმდინარეობს.

43
ჯო ბაიდენი

რჩევების მიუხედავად: ბაიდენმა ავღანეთიდამ აშშ-ის ჯარების გაყვანა გადაწყვიტა

0
მიუხედავად იმისა, რომ აშშ-ის პრეზიდენტს ავღანეთში „თალიბანის“ შესაძლოა მოძლიერების თაობაზე აფრთხილებდნენ, მან მაინც მიიღო იქიდან ამერიკული ჯარების გაყვანის გადაწყვეტილება

თბილისი, 15 აპრილი — Sputnik. აშშ–ის პრეზიდენტმა ჯო ბაიდენმა მიიღო გადაწყვეტილება, გამოიყვანოს ამერიკული ჯარები ავღანეთიდან 11 სექტემბრისთვის, იუწყება СNN–ი.

გავრცელებული ინფორმაციით, პრეზიდენტმა აღნიშნული გადაწყვეტილება ადმინისტრაციის ბევრი წევრის რჩევის მიუხედავად მიიღო, რომლებიც მას ამ ნაბიჯთან დაკავშირებულ საფრთხეეებზე ამახვილებინებდნენ ყურადღებას.

როგორც არხს ყოფილმა და მოქმედმა ოფიციალურმა პირებმა აცნობეს, ადმინისტრაციის თანამშრომლებს განსაკუთრებით აშფოთებდათ ამერიკელი დიპლომატების უსაფრთხოების საკითხი ქვეყანაში ავღანეთიდან აშშ–ის ძალების სრული გამოყვანის შემთხვევაში და ასევე შტატების კონტრეტერორისტული მისიის ბედი.

გავრცელებული ინფორმაციით, პეზიდენტის გადაწყვეტილების მოწინააღმდეგეთა შორის იყვნენ აშშ–ის შეიარაღებული ძალების შტაბების მეთაურთა კომიტეტის ხელმძღვანელი გენერალი მარკ მილი, ცენტრალური სარდლობის ხელმძღვანელი გენერალი კენეტ მაკენზი და სახელმწიფო დეპარტამენტის სხვა თანამშრომლები.

არხის ცნობით, ავღანეთიდან ამერიკული ჯარების გაყვანის თაობაზე კონსულტაციები რამდენიმე თვის განმავლობაში გრძელდებოდა და ამ პერიოდში ბაიდენი არაერთხელ გააფრთხილეს, რომ „თალიბანს შეუძლია ძალების აღდგენა“. ამასთან ირკვევა, რომ ამერიკის ლიდერს აღიზიანებდა ავღანეთში ჯარების ხანგრძლივად დატოვების წინადადება და ამბობდა, რომ წინასაარჩევნო კამპანიისას მან იქიდან ამერიკული ძალების გაყვანის პირობა დადო.

0
თემები:
საერთაშორისო პანორამა