მეწყრული ზონის გამაგრების სამუშაოები

მაჭავარიანის ქუჩაზე მეწყერსაშიში ფერდის გამაგრების სამუშაოები გრძელდება

79
(განახლებულია 17:44 30.03.2021)
ტერიტორიაზე მოეწყობა დროებითი წინაღობა, ასევე დამონტაჟდება უახლესი მონიტორინგის სისტემა, რომლის საშუალებითაც მიმდინარე პროცესებთან დაკავშირებით დეტალური ინფორმაციის მიღება იქნება შესაძლებელი.

თბილისი, 30 მარტი - Sputnik. ვაშლიჯვარში, მაჭავარიანის ქუჩის მიმდებარედ არსებულ მეწყერსაშიშ ზონაში ფერდის გამაგრების სამუშაოები გრძელდება. ინფორმაციას თბილისის მერია ავრცელებს.

15 მარტს თბილისის მერიამ გაავრცელა განცხადება, რომ ვაშლიჯვარი-ნუცუბიძის დამაკავშირებელ მუხრან მაჭავარიანის ქუჩასა და მიმდებარე ფერდებზე განხორციელებული გარკვეული მოქმედებების გამო მეწყრული პროცესები გააქტიურდა. ფერდობზე 18 მეტრზე მეტი სიღრმის ნაპრალები გაჩნდა, რომელთა სიგანე ყოველდღე დაახლოებით 5 სანტიმეტრით იზრდება. გეოლოგების პროგნოზით, მიწისძვრის ან უხვი ნალექის შემთხვევაში (ზოგიერთი მიიჩნევს, რომ მებისმიერი ვიბრაციის გამოც) ფერდობზე ჩამოიშლება დაახლოებით 500 ტონა მიწა, რაც ამ ტერიტორიის ქვემოთ მცხოვრებ ადამიანებს საფრთხეს შეუქმნის.

უწყების ცნობით, ამ ეტაპზე მაჭავარიანის ქუჩის საგზაო მონაკვეთში, საყრდენ კედელთან უკუშევსების სამუშაოები მიმდინარეობს, რის შემდეგაც აღნიშნულ ტერიტორიაზე დროებითი წინაღობა, კედლის ვერტიკალური საბჯენი მოეწყობა.

„უსაფრთხოების მიზნით, უახლოეს დღეებში დამონტაჟდება მონიტორინგის სისტემა, რომელიც უზრუნველყოფს დამატებითი ინფორმაციის ოპერატიულად მიწოდებას, რის შემდეგაც იქნება შესაძლებლობა მეწყრული ფერდის გამაგრების სამუშაოები დაიწყოს“, - ნათქვამია ინფორმაციაში.

მეწყრულ ზონაში შექმნილი ვითარების შესწავლის პროცესში ქართველ სპეციალისტებთან ერთად გერმანელი ინჟინერ–გეოლოგების ჯგუფია ჩართული.

აღნიშნულ ტერიტორიაზე მერია ახორციელებს მაჭავარიანი-გელოვანის დამაკავშირებელი გზის მშენებლობას. გარდა ამისა, მაჭავარიანის გზის გასწვრივ და ვაშლიჯვრის ტერიტორიაზე საცხოვრებელი კორპუსების აქტიური მშენებლობა მიმდინარეობს.

„თავზე ბომბი გვადგას“: ვაშლიჯვრის მოსახლეობა ალტერნატიულ საცხოვრებელს ითხოვს>>

მოსახლეობის უსაფრთხოების მიზნით 16 მარტიდან აღნიშნულ ტერიტორიაზე საავტომობილო მოძრაობა გაურკვეველი ვადით ორმხრივად შეიზღუდა.

79
თემები:
თბილისი დღეს (1971)
მეტეხის ხიდი

ამინდის ზუსტი პროგნოზი თბილისში 17 აპრილს

12
(განახლებულია 12:05 15.04.2021)
თბილისელებსა და დედაქალაქის სტუმრებს შაბათს გაზაფხულის თბილი ამინდი ელოდებათ, ჰაერი 22 გრადუსამდე გათბება.

თბილისი, 15 აპრილი – Sputnik. სინოპტიკოსები საქართველოს დედაქალაქში შაბათს, 17 აპრილს თბილ და ნაწილობრივ ღრუბლიან ამინდს ვარაუდობენ. 

მზე 06:18 საათზე ამოვა და 19:43 საათზე ჩავა.

ჰაერის მინიმალური ტემპერატურა ღამით პლუს 10–11 გრადუსი, დღისით კი პლუს 21–22 გრადუსია ნავარაუდები.

 

12
თემები:
ამინდის ზუსტი პროგნოზი თბილისში
სამუშაო ჯგუფის შეხვედრა . მეწყრული ზონა ვაშლიჯვარში

„გულზე მომეშვა“: გერმანელი გეოლოგი მეწყრულ ზონაზე თბილისში

69
სპეციალისტები მიიჩნევენ, რომ ვაშლიჯვრის ფერდობზე მიღებულმა ზომებმა მეწყრის ჩამოსვლის რისკები მინიმუმამდე მიიყვანა

თბილისი, 14 აპრილი – Sputnik. ვაშლიჯვრის ფერდობზე მეწყრული პროცესების დროებითი სტაბილიზაცია უნდა გადავიტანოთ მუდმივ რეჟიმში. ამის შესახებ ჟურნალისტებს განუცხადა გერმანელმა ინჟინერ-გეოლოგმა პეტერ ნიუმანმა, რომელიც თბილისში როგორც ექსპერტი მეორედ ჩამოვიდა.

ოთხშაბათს დედაქალაქის მერიის სპეციალისტებმა კიდევ ერთხელ განიხილეს ვაშლიჯვრის ფერდობის მეწყერსაშიში ზონის გამაგრებითი სამუშაოების სამომავლო გეგმა. ითქვა, რომ მეწყრის ჩამოწოლის რისკი ამჟამად შემცირებულია. ეს კი ნიშნავს, რომ ექსპერტებს მეტი დრო აქვთ კვლევების ჩასატარებლად და სამუშაოების ფრონტის დასადგენად.

„ჩვენ გადავწყვიტეთ სხვადასხვა ღონისძიების კომბინირება - მეწყრული მიწის ნაწილის მოხსნა, გამაგრებითი სამუშაოების ჩატარება, ბურღვითი სამუშაოები, რაც ასევე გამაგრებას უკავშირდება. ასევე, მნიშვნელოვანი იყო ამ ნაპრალების ამოვსება და დისკუსია ამის შესახებ ამ ეტაპზე უადგილოა“, - განუცხადა ნიუმანმა ჟურნალისტებს.

გერმანელმა ექსპერტმა აღიარა, რომ „გულზე მოეშვა“, როდესაც დარწმუნდა, რომ სამუშაოებმა შედეგი გამოიღო.

„პრაქტიკულად ყველა მიღებულმა ღონისძიებამ შედეგი გამოიტანა. უნდა გავითვალისწინოთ ის, რომ ვერ განვსაზღვრავთ, რა შეიძლება მოხდეს. ორი სახის ღონისძიება უნდა ჩატარდეს - პირველი ის, რომ უნდა მიმდინარეობდეს მუდმივი მონიტორინგი, რომ მოსახლეობა არის უსაფრთხოდ და ასევე უსაფრთხოდ არის წყლის მილები“, - განაცხადა ექსპერტმა.

როგორც ნიუმანმა აღნიშნა, ამჟამად სპეციალისტების ჯგუფი ჩატარებული სამუშაოების შედეგებს აჯამებს და იხილავს, რა უნდა გაკეთდეს მომავალში.

როგორც ჟურნალისტებთან საუბრისას ვიცემერმა ბენდელიანმა აღნიშნა, ამ ეტაპზე რისკები მინიმუმამდე შემცირდა. ამიტომ დღეს ექსპერტებს გაცილებით მეტი დრო ჰქონდათ მომავალი საქმიანობის დასაგეგმად და კონკრეტული პროექტის მიხედვით სამუშაოების ჩასატარებლად.

კვლევის შედეგებით, ვაშლიჯვარი–ნუცუბიძის ფერდობზე 18 მეტრამდე სიღრმის ნაპრალები გაჩნდა, რომელთა სიგანე დღე-ღამეში დაახლოებით ხუთი სანტიმეტრით იზრდება. გეოლოგების პროგნოზით, ჭარბი ნალექისა და მიწისძვრის შემთხვევაში ფერდობიდან შეიძლება 800 ათასი კუბომეტრი მიწის მასა დაიძრას. ამასთან, მიუხედავად იმისა, რომ ფერდი ძალიან დახრილი არაა, დიდი მასის გამო ის საკმაოდ მაღალი სიჩქარის იქნება იმისთვის, რომ ჯერ გზისკენ, შემდეგ კი მდინარისკენ დაეშვას.

69
კახა კალაძე

კალაძე: ორშაბათიდან სრულფასოვნად დავუბრუნდები ჩემს საქმიანობას

14
(განახლებულია 13:59 15.04.2021)
კახა კალაძეს თბილისის ერთ-ერთ კლინიკაში ვესტიბულოპათიის დიაგნოზი დაუსვეს – ექიმების განცხადებით, მერის ავადმყოფობა მის სპორტულ წარსულს უკავშირდება.

 

თბილისი, 15 აპრილი – Sputnik. თბილისის მერი კახა კალაძე საქართველოში კვირის ბოლოსთვის დაბრუნდება და მუშაობის ჩვეულ რეჟიმს დაუბრუნდება. 

43 წლის კალაძე უცხოეთში გამოკვლევების ჩასატარებლად 12 აპრილს გაემგზავრა – იგი მარტის ბოლოს თბილისის ერთ-ერთ კლინიკაში ე.წ. ვესტიბულოპათიის დიაგნოზით (ვესტიბულარული ანალიზატორის ფუნქციის დარღვევა) მოხვდა. 4 აპრილს მან კლინიკა დატოვა და რეაბილიტაციის კურსს სახლის პირობებში გადიოდა. 

„დამატებით კვლევები ჩავიტარე ყველა მიმართულებით და ბედნიერი ვარ, რომ კარგად ვარ. ორშაბათიდან სრულფასოვნად დავუბრუნდები ჩემს საქმიანობას და ერთად განვახორციელებთ ყველა იმ მნიშვნელოვან პროექტს, რომელიც დედაქალაქს სჭირდება“, - განაცხადა კალაძემ Facebook-ჩართვაში.

ადრე ქართულ მასმედიაში თბილისის მერისა და „ქართული ოცნების“ გენერალური მდივნის კახა კალაძის მმართველი გუნდიდან და, ზოგადად, პოლიტიკიდან წასვლის შესახებ ინფორმაცია გავრცელდა. ერთ-ერთი ტელეკომპანიის ვერსიით, კალაძე მილანში დაბრუნებას გეგმავს, სადაც ფეხბურთელის წარმატებული კარიერა ჰქონდა.

კონკრეტულად რომელ ქვეყანაში იმყოფება დედაქალაქის მერი, ამის თაობაზე ინფორმაციას თბილისის მერიის პრეს-სამსახური არ ავრცელებს.

14