აბანოთუბანი

ამინდის ზუსტი პროგნოზი თბილისში 24 თებერვალს

63
(განახლებულია 17:44 22.02.2021)
სინოპტიკოსები ოთხშაბათს თბილისში ღრუბლიან ამინდს პროგნოზირებენ – ჰაერის ტემპერატურა დღისით პლუს 4 გრადუსი იქნება.

თბილისი, 22 თებერვალი – Sputnik. თბილისელებსა და დედაქალაქის სტუმრებს ოთხშაბათს, 24 თებერვალს უმეტესად მოღრუბლული და ნალექიანი ამინდი ელოდება.

მზე 07:44 საათზე ამოვა და 18:44 საათზე ჩავა.

ღამით ჰაერის მინიმალური ტემპერატურა 3 გრადუსამდე დაიკლებს, დღისით კი პლუს 4 გრადუსამდე გათბება.

ქარი მოსალოდნელი არ არის.

 

63
თემები:
ამინდის ზუსტი პროგნოზი თბილისში (628)
თბილისი

როგორი ამინდი იქნება თბილისში კვირას, 28 თებერვალს

21
(განახლებულია 11:47 26.02.2021)
სინოპტიკოსების პროგნოზით საქართველოს დედაქალაქში კვირას მზიანი ამინდია მოსალოდნელი. დღისით 11 გრადუსამდე დათბება

თბილისი, 28 თებერვალი – Sputnik. თბილისში კვირას, 28 თებერვალს მზიანი და შედარებით თბილი ამინდი იქნება.

ღამით ტემპერატურა პლუს 1 გრადუსი იქნება, ხოლო დღისით 11 გრადუსამდე გათბება.

მზე 07:38 საათზე ამოვა და 18:49 საათზე ჩავა.

 

21
თემები:
ამინდის ზუსტი პროგნოზი თბილისში (628)
თბილისის მეტრო

კახა კალაძე: ვმუშაობთ, რომ მეტროთი მგზავრობა იყოს მაქსიმალურად კომფორტული

56
(განახლებულია 09:58 26.02.2021)
დედაქალაქის მერი თბილისის მეტროში განხორციელებულ სამუშაოებს მოადგილე ირაკლი ბენდელიანთან ერთად გაეცნო.

თბილისი, 26 თებერვალი - Sputnik. საზოგადოებას უახლოეს მომავალში ვარკეთილის მეტროსადგურის რეაბილიტაციის პროექტის ვიზუალური ნაწილი წარედგინება. თბილისის მერი კახა კალაძე თბილისის მეტროში განხორციელებულ სამუშაოებს პირადად გაეცნო.

მეტროს სადგურ „ვარკეთილში“ 2018 წლის იანვარში უბედური შემთხვევა მოხდა – შეკიდული ჭერი ჩამოინგრა, რის შედეგადაც 14 ადამიანი დაშავდა. მას შემდეგ დედაქალაქის მერია მეტროს ამ სადგურის მოდერნიზაციას გეგმავს.

„ალბათ გახსოვთ ვარკეთილის მეტროსადგურში ჭერის ჩამოშლის ფაქტი. ამის შემდეგ ჩვენ მთელი რიგი სამუშაოები გავატარეთ. პირველი, რაც მინდა აღვნიშნო, არის ის, რომ გვირაბი არის მყარი, შესაძლებელია რეაბილიტაციის ჩატარება და ყველაფრის მოწესრიგება“, - აღნიშნა თბილისის მერმა.

კალაძის ინფორმაციით, თბილისის მეტროში გასულ წელს ელექტროსისტემის მოდერნიზაციის მასშტაბური ინფრასტრუქტურული პროექტი დასრულდა.

„დავიწყეთ ვაგონების განახლება-რეაბილიტაცია, ასევე, შევცვალეთ ძალოვანი კაბელები, რადგან ძალიან მძიმე მდგომარეობაში იყო. დაახლოებით 500 კმ-მდე  კაბელები შევცვალეთ და ასევე გამოვცვალეთ გამნიავებელი სისტემა, მთელი აგრეგატები. ახალი ვაგონების შესყიდვაზე იცით, რომ ვთანამშრომლობთ EBRD-თან  და ტენდერი დასასრულს უახლოვდება“, - განაცხადა კალაძემ.

დედაქალაქის მერი თბილისის მოსახლეობას კიდევ ერთხელ დაჰპირდა, რომ მეტროთი მგზავრობა სამომავლოდ კიდევ უფრო კომფორტული გახდება.

კალაძე: მოხდება მეტროს სადგურ „ვარკეთილის“ მოდერნიზაცია>>

ამჟამად თბილისის მეტროპოლიტენი ორ ხაზზე - ახმეტელი-ვარკეთილის და საბურთალოს ხაზებზე 23 სადგურს ითვლის. მეტროს ხაზების საერთო სიგრძეა 57 კილომეტრი. აქედან პირველი ხაზი 40 კილომეტრია, ხოლო მეორე – 17 კმ.

56
თემები:
თბილისი დღეს
აქცია მთავრობის ადმინისტრაციასთან

ოპოზიცია საპროტესტო აქციისთვის ემზადება

0
(განახლებულია 12:38 26.02.2021)
ხელისუფლებამ უსაფრთხოების ზომები უკვე მიიღო. კანცელარიისა და პარლამენტის ეზოებში პოლიციის თანამშრომლები არიან მობილიზებული

თბილისი, 26 თებერვალი – Sputnik. ოპოზიციური პარტიების წარმომადგენლებმა დაიწყეს მზადება მასშტაბური საპროტესტო აქციისთვის ლოზუნგით „თავისუფლებისთვის“ – დაიძრნენ კოლონები რეგიონებიდან, პარლამენტის შენობასთან სცენა მონტაჟდება.

აქციის მონაწილეები ფილარმონიიდან პარლამენტის შენობისკენ მსვლელობით გაემართებიან, შემდეგ პარლამენტთან ძირითადი მიტინგი გაიმართება, ხოლო შემდეგ აქციის მონაწილეები სახელმწიფო კანცელარიასთან გადაინაცვლებენ და პროტესტს იქ დაასრულებენ.

აქციაზე რეგიონების წარმომადგენლებს ელოდებიან. ავტომობილების კოლონების ნაწილი უკვე გამოემართა თბილისისკენ, ხოლო ნაწილი წამოსასვლელად ემზადება. აქციისთვის ემზადებიან ასევე თბილისის ცენტრის სხვადასხვა ნაწილში და შემდეგ ძირითად მსვლელობას შეუიერთდებიან.

ამავდროულად, სახელმწიფომ უკვე მიიღო უსაფრთხოების ზომები. კანცელარიისა და პარლამენტის ეზოებში მობილიზებული არიან სამართალდამცველები. პოლიციელები ასევე დაიცავენ წესრიგს აქციის ჩატარების ადგილზე.

პროტესტის მიზეზი 23 თებერვალს „ერთიანი ნაციონალური მოძრაობის“ ლიდერის ნიკა მელიას დაკავებაა. აქციაზე ისინი მოითხოვენ მელიასა და სხვა პოლიტპატიმრების გათავისუფლებას და ასევე ვადამდელი საპარლამენტო არჩევნების ჩატარებას.

მელიამ უარი განაცხადა გირაოს გადახდაზე, რომელიც მას თბილისში არეულობების საქმეზე შეუფარდეს, რადგან ეს უკანონობად მიაჩნია. თბილისის საქალაქო სასამართლომ მას აპტიმრობა შეუფარდა.

ოპოზიციონერი ლიდერი სასამართლოს გადაწყვეტილებიდან მეექვს დღეს დააკავეს, რამაც დიდი საერთაშორისო რეზონანსი გამოიწვია. აქციის წინ გენერალურმა პროკურატურამ განაცხადა, რომ მელიას გაათავისუფლებს, თუ ის გირაოს თანხას გადაიხდის. მელია კი გირაოს გადახდას არა პირებს.

0
თემები:
საქართველოს პოლიტიკური ცხოვრება