თბილისი, 22 თებერვალი - Sputnik. თბილისში მუნიციპალური ავტობუსის რამდენიმე მარშრუტი შეიცვალა, ხოლო მოძველებული ავტობუსები ახალი მოდელებით ჩანაცვლდა, ინფორმაციას ქალაქ თბილისის მერია ავრცელებს.

დედაქალაქის მაცხოვრებლები 22 თებერვლიდან გადაადგილებას ავტობუსების ახალი მარშრუტებით შეძლებენ. ასევე ქალაქში დამატებით 180 ახალი მიკროავტობუსი იმოძრავებს.

photo: Tbilisi City Hall / FB

თბილისის ქუჩებში ახალი მიკროავტობუსები გამოჩნდა

უწყების ცნობით, რეფორმის შედეგად გაუქმდა N61 ავტობუსი და მის მარშრუტს N345 ავტობუსი შეითავსებს. ის მოძრაობას ქვემო ფონიჭალის დასახლებიდან დაიწყებს და ბაგების დასახლებაში წყნეთის გზატკეცილის მიმდებარედ დასრულებს. ამასთან N345 ავტობუსი კოტე აფხაზის ქუჩის ნაცვლად, ევროპის მოედნის გავლით, მტკვრის მარცხენა სანაპიროზე გადაადგილდება და მოძრაობას ბარათაშვილის ქუჩის მიმართულებით განაგრძობს.

ასევე ახალი მოდელებით ჩანაცვლდა N32 და N94 ავტობუსები. ახალი N32 ავტობუსი გლდანსა და დიდი დიღმის მიმართულებებს ერთმანეთთან დააკავშირებს, რომელიც გლდანში ახალი საგზაო მოძრაობის გამო ხიზანიშვილის ქუჩიდან სარაჯიშვილის ქუჩის მიმართულებით, შეშელიძის ნაცვლად ვასაძისა და ქერჩის ქუჩებით იმოძრავებს.

რაც შეეხება N94 ავტობუსს, ის ზღვის უბნიდან დიდუბემდე მიმავალ მგზავრებს მოემსახურება, რომლის მეშვეობითაც მოქალაქეები ზღვის უბნის მე-3 მიკრორაიონის მე-4 კვარტლიდან თორნიკე ერისთავის ქუჩის N1-მდე (მეტროსადგურ „დიდუბის“ ზედა გასასვლელი) გადაადგილდებიან.

• 22 თებერვლიდან დედაქალაქის მოსახლეობას ჯამში 572 ახალი ავტობუსი მოემსახურება. მიმდინარე წელს ახალი ავტობუსები უკვე გადანაწილდა N3, N23, N43, N46, N52, N70, N72, N79 და N121 საავტობუსე ხაზებზე.
  

  © Sputnik / STRINGER

  თბილისში ავტობუსების ზოგიერთ მარშრუტში ცვლილებებია

სულ თბილისის სატრანსპორტო კომპანიის ავტოპარკი 580 ავტობუსით განახლდა. დამატებით, 100 ერთეული 12-მეტრიანი BMC-ის მარკის ავტობუსი კი დედაქალაქში უახლოეს მომავალში შემოვა. 

საკოორდინაციო საბჭოს გადაწყვეტილებით, 8 თებერვლიდან საზოგადოებრივმა ტრანსპორტმა მთელი ქვეყნის მასშტაბით, მათ შორის, თბილისში, რუსთავსა და ქუთაისში მუშაობა განაახლა. თუმცა შაბათ-კვირის დღეებში საზოგადოებრივი ტრანსპორტი არ მუშაობს.

თბილისში 8 თებერვლიდან ავტობუსები, მიკროავტობუსები და მეტრო მგზავრებს 21:00 საათამდე ემსახურება.

თბილისი, 25 თებერვალი – Sputnik. საქართველოს პრეზიდენტმა სალომე ზურაბიშვილმა ჟურნალისტ ვახო სანაიაზე თავდასხმის ფაქტი დაგმო და სამართალდამცავ სტრუქტურებს მიმართა, რაც შეიძლება სწრაფად გამოიძიონ აღნიშნული ინციდენტი.

© Sputnik / Alexander Imedashvili

„ეს მიუღებელია“ - მმართველმა პარტიამ და ოპოზიციამ ჟურნალისტზე თავდასხმა დაგმო

ტელეკომპანია „ფორმულას” ტელეწამყვან ვახო სანაიას, მის მეუღლესა და მისი მეუღლის ნათესავს წუხელ თბილისში, წყნეთის ქუჩაზე დაესხნენ თავს. თავდამსხმელების მოგერიებაში ჟურნალისტს დაეხმარნენ ტექნიკური სამსახურის თანამშრომლები, რომლებიც მან მანქანის მოყინული გზიდან გამოსაყვანად გამოიძახა. ადგილზე მისულმა სამართალდამცველებმა თავდასხმის ფაქტზე სამი პირი ცხელ კვალზე დააკავეს. სანაია დარწმუნებულია, რომ თავდასხმა მის ჟურნალისტურ საქმიანობას უკავშირდება.

„კატეგორიულად მიუღებელია ნებისმიერი ფორმისა და სახის ძალადობა! ძალადობა, არსებული დაპირისპირებისა და პოლარიზაციის ფონზე კიდევ უფრო დაუშვებელია და მას არანაირი გამართლება არ აქვს! მივმართავ სამართალდამცავ ორგანოებს, სწრაფად გამოიძიონ ფაქტი და დაისაჯონ დამნაშავეები, რათა არ იქნეს წახალისებული ძალადობა!“ - დაწერა პრეზიდენტმა სოციალურ ქსელში.

შსს-მ სანაიაზე თავდასხმის ფაქტზე სამი ადამიანი დააკავა. გამოძიება საქართველოს სსკ-ის 126-ე მუხლით მიმდინარეობს, რაც „ორი და მეტი პირის მიმართ ჯგუფურ ძალადობას“ გულისხმობს. აღნიშნული დანაშაულისთვის მაქსიმალური სასჯელია - 2 წლის ვადით თავისუფლების აღკვეთა.