საპროტესტო აქცია ვაკის პარკში

აქცია თბილისში: ეკოაქტივისტები ვაკის პარკის დასაცავად გამოვიდნენ

49
(განახლებულია 19:48 20.02.2021)
ეკოაქტივისტებმა ერთხელ უკვე დაიცვეს ვაკის პარკის ტერიტორიაზე და არ დაუშვეს მრავალსართულიანი შენობის მშენებლობა

თბილისი, 20 თებერვალი – Sputnik. ვაკის პარკის განახლების პროექტის შესაძლო ცვლილება ეკოაქტივისტებმა გააპროტესტეს.

ბოლო დღეებში გავრცელდა ხმები, თითქოს პარკში ყოფილი რესტორნის ტერიტორიაზე შესაძლო ცვლილებები იგეგმება. 2013 წელს გარემოს დამცველებმა დაიცვეს ეს ტერიტორია და არ დაუშვეს მრავალსართულიანი შენობის მშენებლობა.

„ჩვენ მოვითხოვთ, რომ რესტორნის ტერიტორია შეუერთონ პარკის ტერიტორიას. მერიამ პარკის რეაბილიტაცია დაიწყო, მაგრამ ტერიტორია არ დაუბრუნებიათ“, - განაცხადა საზოგადოების „პარტიზანული მებაღეობა თბილისში“ წევრმა ნატა ფერაძემ.

მონაწილეებმა აქციაზე სიმბოლურად კენჭო უყარეს პროექტს და პირობა დადეს, რომ ტერიტორიას ბოლომდე დაიცავენ.  

2021 წელს თბილისის მერიამ პარკის განახლების პროექტი წამოიწყო. პროექტის თანახმად, პარკი აქტიური და პასიური დასვენების ზონებად გაიყოფა, აქ გაჩნდება საპიკნიკე ზონა, ადგილები შინაური ცხოველების გასეირნებისთვის, სამაგიდო თამაშების ზონა, ტრენაჟორები და საბავშვო ატრაქციონები.

მერია ასევე გეგმავს პარკის ბილიკების საფარის განახლებას (მას წითელ ფერს შეუნარჩუნებენ) და ველობილიკების გაკეთებას.

პარკის ცენტრალურ ნაწილში ისტორიულ მოტივებზე დამზადებული სკამები და სანათები დამონტაჟდება, აღდგება და გარემონტდება შადრევნები, კუს ტბისკენ მიმავალი ბილიკებიც მოეწყობა.

მერია აცხადებს, რომ რემონტის შემდეგ პარკის ვიზუალური მხარე შენარჩუნდება.

პარკის სარემონტო სამუშაოები 2021 წლის განმავლობაში განხორციელდება და ბიუჯეტს 19,9 მილიონი ლარი დაუჯდება.

ვაკის პარკს კულტურული მემკვიდრეობის ძეგლის სტატუსი აქვს მინიჭებული. ის 1946 წელს გაშენდა, ხოლო 2017 წელს გაფართოვდა.

49
2015 წლის 13 ივნისის მომხდარი ძლიერი წყალდიდობის შედეგები თბილისში

თბილისში 13 ივნისს მომხდარი ტრაგედიიდან ექვსი წელი გავიდა

26
(განახლებულია 10:45 13.06.2021)
იმ ტრაგედიის შედეგების აღმოსაფხვრელად უამრავი ახალგაზრდა გაერთიანდა და სოლიდარობის ძლიერი მაგალითი მისცა ყველას.

თბილისი, 13 ივნისი - Sputnik. თბილისში ვერეს ხეობაში დატრიალებული ტრაგედიიდან 6 წელი გავიდა.

2015 წლის 13 ივნისს ადიდებულმა მდინარე ვერემ დატბორა საცხოვრებელი სახლები, ზოოპარკი, „მზიურის" პარკი, თამაზ ელიზბარაშვილის ძაღლების კერძო თავშესაფარი და ასევე მოშალა ქალაქის ინფრასტრუქტურა. სტიქიამ 21 ადამიანის სიცოცხლე იმსხვერპლა, ორი ადამიანი კი ამ დრომდე დაკარგულად ითვლება. სტიქიამ 200-მდე ოჯახი დააზარალა.

Следы лап хищников на фоне затопленного тбилисского зоопарка. З Наводнение в столице Грузии с 13 на 14 июня 2015 года, архивное фото
© AP Photo / Pavel Golovkin
2015 წლის 13 ივნისის მომხდარი ძლიერი წყალდიდობის შედეგები თბილისში

 

სტიქიის შედეგად დაზიანდა საცხოვრებელი სახლები, გზები, ქალაქის ინფრასტრუქტურა. დედაქალაქის ზოოპარკის ტერიტორია თითქმის მთლიანად განადგურდა. მისი 600 ბინადრიდან ნახევარზე მეტი სტიქიამ იმსხვერპლა. ზოგიერთი ცხოველი, მათ შორის მტაცებლები, ქუჩაში აღმოჩნდნენ. მტაცებლების ნაწილის დაძინება და მუნიციპალურ თავშესაფარში დაბრუნება შეძლეს, ნაწილის კი ლიკვიდაცია გახდა საჭირო.

Разрушенные частные постройки в районе Ваке в ущелье, по которому текла река Вере. Из серии Тбилисское наводнение 13 июня
© Sputnik / Alexander Imedashvili
2015 წლის 13 ივნისის მომხდარი ძლიერი წყალდიდობის შედეგები თბილისში

 

ოფიციალური ვერსიით, ტრაგედიის მიზეზი წყნეთი-ბეთანიის დამაკავშირებელ გზაზე ჩამოწოლილი მეწყერი გახდა. დაახლოებით ერთი მილიონი კუბური მეტრი მიწის მასის ჩამოსვლამ ვერეს ხეობაში წყალდიდობა და გამანადგურებელი პროცესები გამოიწვია. მოვარდნილმა ღვარცოფმა გაანადგურა საცხოვრებელი სახლები, გზები, ხიდები, გვირაბები, საყრდენი კედლები, საკომუნიკაციო სისტემები. თითქმის მთლიანად დაიტბორა „მზიურისა" და ზოოპარკის ტერიტორია.

Множество автомобилей, находившихся на дороге в момент наводнения, были уничтожены. Из серии Тбилисское наводнение 13 июня
2015 წლის 13 ივნისის მომხდარი ძლიერი წყალდიდობის შედეგები თბილისში

 

ზარალმა დაახლოებით 90 მილიონი დოლარი შეადგინა.

 

26
საბავშვო ბაღი

მშობლების საყურადღებოდ: ხვალ თბილისის ბაგა-ბაღებში აღსაზრდელთა რეგისტრაცია იწყება

48
(განახლებულია 19:26 10.06.2021)
რეგისტრაცია ელექტრონული ფორმატით თბილისის საბავშვო ბაგა-ბაღების მართვის სააგენტოს ვებ-გვერდზე განხორციელდება.

თბილისი, 10 ივნისი – Sputnik. ხვალიდან თბილისის საჯარო საბავშვო ბაგა-ბაღებში 2021-2022 სააღმზრდელო წლისთვის აღსაზრდელთა ელექტრონული რეგისტრაცია იწყება, აღნიშნულია თბილისის საბავშვო ბაგა-ბაღების მართვის სააგენტოს მიერ გავრცელებულ განცხადებაში.

რეგისტრაცია თბილისის საბავშვო ბაგა-ბაღების მართვის სააგენტოს ვებ-გვერდზე (kids.org.ge) განხორციელდება.

სააგენტოს ინფორმაციით, რეგისტრაცია საბავშვო ბაღებში ორ ეტაპად ჩატარდება.

პირველი ეტაპი, რომელიც პრიორიტეტული კატეგორიების აღსაზრდელთა ჩარიცხვას გულისხმობს, 11 ივნისის 10:00 საათზე დაიწყება და 18 ივნისამდე გაგრძელდება.

პრიორიტეტული კატეგორიების ჩამონათვალში არიან: ჩვილ ბავშვთა სახლის ბენეფიციარები; სოციალურად დაუცველი ოჯახების შვილები (100.000-მდე ქულა); სპეციალური საგანმანათლებლო საჭიროების მქონე (სსსმ) ბავშვები; დედმამიშვილები (როცა აპლიკანტის დედმამიშვილი უკვე არის ამავე ბაღის აღსაზრდელი); მარტოხელა მშობლის სტატუსის მქონე მოქალაქეთა შვილები; მრავალშვილიანი ოჯახების სტატუსის მქონე მოქალაქეთა შვილები (ოთხი და მეტი შვილი); სამხედრო მოსამსახურეთა შვილები (საქართველოს ტერიტორიული მთლიანობისთვის წარმოებულ ბრძოლებში; საერთაშორისო სამშვიდობო მისიებსა და სამსახურებრივი მოვალეობის შესრულების დროს საქართველოს თავდაცვის სამინისტროს დაჭრილი, დაშავებული, დაღუპული და უგზო-უკვლოდ დაკარგული სამხედრო მოსამსახურეთა შვილები, ასევე რეგისტრაციის პერიოდში საერთაშორისო სამშვიდობო ოპერაციებში მყოფი სამხედრო მოსამსახურეების შვილები).

აღსანიშნავია, რომ სამხედრო მოსამსახურეების შვილები და გსმ (განსაკუთრებული საჭიროების მქონე) სტატუსის მქონე ბენეფიციარები არ გაივლიან რეგისტრაციას ვებ-გვერდზე. ამ სტატუსის დამადასტურებელი დოკუმენტები უნდა გაგზავნონ ელექტრონული ფოსტით მისამართზე: 2021registracia@gmail.com

რეგისტრაციის გადამოწმება ბავშვის პირადი ნომრით იმავე გვერდზე იქნება შესაძლებელი, სადაც მონაცემების შევსება მოხდება.

იმ აღსაზრდელების მშობლებს, რომლებიც ვერ შეძლებენ ბავშვის დარეგისტრირებას კონკრეტულ ბაღში, შესაძლებლობა ექნებათ, 21 ივნისიდან ამავე ბაღში წარადგინონ განცხადება რეზერვში მოხვედრის თაობაზე.

თბილისში 185 სახელმწიფო საბავშვო ბაღი ფუნქციონირებს, სადაც გასულ წელს 60 ათასზე მეტი ბავშვი იყო რეგისტრირებული. წელს თბილისში საბავშვო ბაღების ჩამონათვალს N101 საბავშვო ბაგა-ბაღი შეემატა, რომელიც მიმდინარე წლის მარტში გაიხსნა.

48
თემები:
განათლება საქართველოში
ნინო სამხარაძე

როცა შვილს ექიმის სახელს არქმევენ - მადლიანი ხელების სიკეთე

0
(განახლებულია 05:42 12.06.2021)
„წარმოუდგენელია, მოვეფერო ჩემს პაწაწინას და არ გამახსენდეს, რომ ღვთის წყალობასთან ერთად შენი პროფესიონალიზმის დამსახურებაა ის, რომ დედის სტატუსს ვატარებ.“

„მაკვირვებს, თითქოს ასაკისთვის შეუფერებელი შენი პროფესიული ცოდნა, ადამიანური სიბრძნე, თავშეკავება და თავმდაბლობა, რომელიც მთავარი შტრიხია შენი ხასიათის.“

„ვიცი, ყველას უყვარხარ შენი უშუალობის, სიკეთის, მშვენიერებისა და ჰუმანურობისთვის. ეს ის თვისებებია, რაც აუცილებლად უნდა გააჩნდეს მოწოდებით და მით უფრო, შენი სპეციალობის ექიმს. უფალმა დალოცოს შენი მადლიანი ხელები და ბუნების სიხალასე.“

ამ წერილების ადრესატის სადღეგრძელო დღეს ბევრ ოჯახში ტრადიციად დამკვიდრდა, მისი სახელი ნანატს შვილს, უკვე ბევრმა დაარქვა. საუბარია „იმედის კლინიკის“ მეან-გინეკოლოგ ნინო სამხარაძეზე, რომელიც საქართველოს ჯანმრთელობის ფედერაციის წევრია. ამ მასალის დაწერა პირველ რიგში, მისი პაციენტების ინიციატივა და ექიმის მიმართ გულწრფელი მადლიერების გამოხატულებაა.

ნინო სამხარაძე
ნინო სამხარაძე

- ქალბატონო ნინო, თავად ჯერ არ ხართ დედა, მაგრამ კარგად იცით როგორ ცვლის ქალს დედობა...

- მე დაოჯახებული არ ვარ, შვილი არ მყავს, მაგრამ იმდენჯერ ვარ დედა-შვილის პირველი შეხვედრის მომსწრე, რომ ზუსტად ვიცი, ეს რა გრძნობაა. დედობა სრულიად ცვლის ქალს, როგორც შინაგანად, ისე გარეგნულად.  იცვლება ადამიანის მიზნები და მისწაფებებიც. დედობის მერე ქალი გრძნობს, რომ შვილისთვის შეუძლებელსაც შეძლებს.

ნინო სამხარაძე იმედის კლინიკის კოლეგებთან ერთად
ნინო სამხარაძე "იმედის კლინიკის" კოლეგებთან ერთად

- ექიმობაზე ოცნება თქვენი იდეა-ფიქსიც იყო?

- ექიმობა ბავშვობის ოცნება იყო, სხვა პროფესიაზე არც მიფიქრია. ჩემს ცხოვრებაში იყო პოსტდიპლომური, ხუთ წლიანი პრაქტიკული სწავლების პერიოდი, რასაც რეზიდენტურა ჰქვია. ექიმობა სიცოცხლის სამსახურია, მეან-გინეკოლოგობა კი ერთდროულად ორ ან მეტ სიცოცხლეს ემსახურება. ამაზე მადლიანი პროფესია არ არსებობს. დღეს მეან-გინეკოლოგი ვარ, ვამშობიარებ, საკეისრო და გინეკოლიგიურ ოპერაციებს ვაკეთებ. ასევე ამბულატორიულად მყავს ორსულები და გინეკოლიგიური პაციენტები.

ნინო სამხარაძე  კოლეგებთან ერთად
ნინო სამხარაძე კოლეგებთან ერთად

- თქვენ კარგად იცნობთ მედიცინის ამ სფეროს, თუ შეგიძლიათ იმის თქმა, ხშირ შემთხვევაში რა ხდება საქართველოში უნაყოფობის მიზეზი?

- მსოფლიოში, მათ შორის საქართველოში, უნაყოფობის წილი 10-15% -ია. მცდარია შეხედულება, როდესაც უშვილობას მხოლოდ ქალის პრობლემად განიხილავენ, ეს წყვილის პრობლემაა. უნაყოფობა შეიძლება იყოს ორგანული, ფუნქციური, იმუნური, გენეტიკური ან უცნობი გენეზისის. დედობას ყველა ქალი იმსახურებს და დამხმარე რეპროდუქტიულმა საშუალებებმა შვილის ყოლის ბედნიერება ბევრ წყვილს მიანიჭა.

ნინო სამხარაძე
ნინო სამხარაძე

- ფსიქოლოგიურ განწყობას თუ აქვს მნიშვნელობა?

- არც თუ იშვიათია ფსიქოგენური უნაყოფობა. როდესაც ქალის ფიქრები მხოლოდ ორსულობაზე კონცენტრირდება და არ დგება ის ეტაპი, რომელიც ყველაზე სასურველია. ამ შემთხვევაში, ფსიქოთერაპევრის როლი უმნიშვნელოვანესია.

ნინო სამხარაძე ახალშობილთან ერთად
ნინო სამხარაძე ახალშობილთან ერთად

- ვიცი, რომ ბევრი პაციენტი გემადლიერებათ...

- ექიმისთვის მადლიერების გამოხატველი სიტყვები ძალიან დიდი სტიმულია, გავიწყებს დაღლას და გაძლევს იმის ენერგიას, რომ მუშაობა შემართებით გავაგრძელოთ. როცა ქალი მისთვის ძვირფასს არსებას ექიმის სახელს არქმევს, ეს პატივისცემის ყველაზე დიდი გამოვლენაა. ჩემს შემთხვევაში, ასეთი ფაქტი რამდენჯერმე იყო და იმის გარანტია, რომ ყოველთვის ემახსოვრება ექიმის წვლილი მის ბედნიერებაში.

ნინო სამხარაძე
ნინო სამხარაძე

- საქართველოში დღესაც ბიჭს უფრო თვლიან სასურველ შვილად თუ შეიცვალა ამ თემისადმი დამოკიდებულება?

- ჩვენში მართლა იყო პერიოდი, როდესაც ვაჟის დაბადებას მეტი სიხარულით ხვდებოდა ოჯახი, განსაკუთრებით თუ ის პირველი შვილი იყო. საბედნიეროდ ეს დამოკიდებულება დღეისთვის შეცვლილია. წყვილების უმრავლესობა ამბობს, რომ მათთვის შვილის სქესს მნიშვნელობა არ აქვს. ასეც უნდა იყოს... დედობა უმთავრესი სტატუსია, რასაც ქალი ატარებს, დედობრივი სიყვარული ყველაზე ძლიერი გრძნობაა. როდესაც ქალისთვის ამ სტატუსის მინიჭებაში წვლილი შეგაქვს, ეს სიამაყის და სახარულის საოცარი განცდაა. ამ დროს მისი ბედნიერების თანაზიარი ხდები და სურვილი გიჩნდება, რაც შეიძლება მეტი ქალი გააბედნიერო...

 

 

0