სტუდენტები

თბილისის მერია სოციალურად დაუცველ სტუდენტებს სწავლას დაუფინანსებს

97
(განახლებულია 15:47 03.02.2021)
თბილისის მერიის მიერ შემუშავებული პროგრამის ფარგლებში სოციალურად დაუცველი 1000-მდე სტუდენტი მიიღებს დაფინანსებას. სტუდენტებს სწავლის დაფინანსებისთვის განკუთვნილი თანხა პირად ანგარიშებზე ჩაერიცხებათ.

თბილისი, 3 თებერვალი – Sputnik. თბილისში რეგისტრირებულ სოციალურად დაუცველ სტუდენტებს, რომელთა ოჯახებსაც სოციალურად დაუცველების ერთიან ბაზაში 150 ათასი ან ნაკლები სარეიტინგო ქულა აქვთ, თბილისის მერია სწავლას დაუფინანსებს, განაცხადა დედაქალაქის მთავრობის სხდომაზე თბილისის მერმა კახა კალაძემ.

კალაძემ აღნიშნა, რომ თბილისის მერია 2015 წლიდან იმ სტუდენტების სწავლას აფინანსებდა, რომელთა ოჯახების სარეიტინგო ქულა 70 ათასს არ აღემატებოდა, პანდემიიდან შექმნილი ვითარების გამო კი ბენეფიციართა რაოდენობა გაიზარდა. პროგრამის ფარგლებში დაფინანსდებიან ბაკალავრიატის, მაგისტრატურისა და დოქტორანტურის სტუდენტები. 

თბილისის მერის თქმით, აღნიშნული ინიციატივის შედეგად დამატებით 1000-მდე სტუდენტს ექნება შესაძლებლობა მერიისგან სწავლის დაფინანსება მიიღოს, რომლის მაქსიმალური ოდენობა 2250 ლარია, ანუ სემესტრულად – 1125 ლარი.

„დაფინანსების რამდენ პროცენტს მიიღებს სტუდენტი, დამოკიდებული იქნება როგორც მის აკადემიურ მოსწრებაზე, ასევე სოციალურად დაუცველთა ერთიან ბაზაში სარეიტინგო ქულაზე“, – განაცხადა თბილისის მერმა.

კალაძემ ასევე აღნიშნა, რომ სამომავლოდ პროგრამა კიდევ უფრო გაფართოვდება. ამასთან გაუქმდება უნივერსიტეტებისთვის კვოტირების სისტემა. შესაბამისად, დაფინანსებული მაგისტრანტების რაოდენობა გაიზრდება და მათი რაოდენობა 600-ზე მეტი იქნება.

მერის განცხადებით, სტუდენტებს, რომლებსაც 100%-ით აქვთ დაფინანსებული სწავლა, დაუბეგრავი თანხა პირად ანგარიშზე ჩაერიცხებათ. ასევე პროგრამაში შემავალი უნივერსიტეტების ჩამონათვალს კიდევ ერთი სასწავლებელი დაემატება – ფიზიკური აღზრდისა და სპორტის სახელმწიფო სასწავლო უნივერსიტეტი და მისი მაგისტრატურის საფეხური.

პანდემიის გამო შექმნილმა ეკონომიკურმა მდგომარეობამ მთელი საქართველოს მასშტაბით ბევრი სტუდენტი დატოვა სასწავლებლის გარეთ. მათ სწავლის საფასურის დავალიანების გამო შეჩერებული აქვთ სტატუსი. ისინი პერმანენტულ აქციებს მართავენ. სტუდენტების მთავარი მოთხოვნა სტატუსის აღდგენა და სწავლის საფასურის განახევრებაა.

97
თემები:
თბილისის მერია (350)
თბილისი

ამინდის ზუსტი პროგნოზი თბილისში 16 აპრილს

18
(განახლებულია 11:47 14.04.2021)
თბილისელებსა და დედაქალაქის სტუმრებს პარასკევს გაზაფხულის თბილი ამინდი ელოდებათ, ჰაერი 20 გრადუსამდე გათბება.

თბილისი, 14 აპრილი – Sputnik. სინოპტიკოსები საქართველოს დედაქალაქში პარასკევს, 16 აპრილს თბილ და ნაწილობრივ ღრუბლიან ამინდს ვარაუდობენ. 

მზე 06:20 საათზე ამოვა და 19:42 საათზე ჩავა.

ჰაერის მინიმალური ტემპერატურა ღამით პლუს 8–9 გრადუსი, დღისით კი პლუს 19–20 გრადუსია ნავარაუდები.

 



18
თემები:
ამინდის ზუსტი პროგნოზი თბილისში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 14 აპრილს

81
(განახლებულია 16:32 14.04.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 14 აპრილი – Sputnik. სააქციო საზოგადოება „თელასი" იუწყება, რომ 14 აპრილს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

10:30 საათიდან 17:00 საათამდე შეზღუდვა შეეხება: გურამიშვილის გამზირის, გუდამაყრის და სანზონის ქუჩების მოსახლეობას.

11:00 საათიდან 13:00 საათამდე შეზღუდვა შეეხება: ზღვისუბნის დასახლების IX, X კვარტლების, ზღვისუბნის დასახლების III მიკრორაიონის III კვარტლის, ანაპის 414-ე დივიზიის და ურეკის ქუჩების მოსახლეობას.

დიდუბის რაიონი

10:00 საათიდან 18:00 საათამდე შეზღუდვა შეეხება: დიღმის მასივის III, IV კვარტლების, აკაკი ბელიაშვილის და მიქელაძის ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: ვაშლიჯვრის დასახლების IIა ზონის, ვაშლიჯვრის დასახლების, გოძიაშვილის, პეტრიწის, მუხრან მაჭავარიანის, ემხვარის, მიცკევიჩის, საბურთალოს, საირმის, ცაგარელის, შმიდტის და სულხან ცინცაძის ქუჩების მოსახლეობას.

11:00 საათიდან 17:00 საათამდე შეზღუდვა შეეხება: ნუცუბიძის პლატოს IV მიკრორაიონის (ნაწილობრივ), სოფელი ლისის, ფერმწერთა, ავთო ვარაზის, ლეო კვაჭაძის და ბიწაძის ქუჩების მოსახლეობას.

გლდანის რაიონი

10:00 საათიდან 18:00 საათამდე შეზღუდვა შეეხება: თიანეთის გზატკეცილის, გლდანის ხევის დასახლების, შეშელიძის, ფეიქართა, წყალსადენის, ტაბიძის, ქერჩის, გმირ კურსანტთა, მამკოდის, მორეტის და ვართაგავას ქუჩების მოსახლეობას.

11:00 საათიდან 17:00 საათამდე შეზღუდვა შეეხება: ულიანოვის, უწერის, ხეჩუაშვილის, ვარდევანის, ბარისახოს, ყუშიტაშვილის, ჭრებალოს, სხვიტორის, ხანძთელის და ანდრონიკაშვილის ქუჩების მოსახლეობას.

მთაწმინდის და კრწანისის რაიონები

11:00 საათიდან 17:00 საათამდე შეზღუდვა შეეხება: კოტე მესხის ქუჩის (ნაწილობრივ) მოსახლეობას.

11:00 საათიდან 13:00 საათამდე შეზღუდვა შეეხება: დაბა ოქროყანის, ბეთლემის აღმართის, გუდიაშვილის მოედნის, ლერმონტოვის, ასათიანის, გუდიაშვილის, აბო-თბილელის, ალავერდოვის, ახოსპირელის, ბესაძის, შოთა ნიშნიანიძის, ჩიხლაძის და ჯიბლაძის ქუჩების მოსახლეობას.

ჩუღურეთის რაიონი

10:00 საათიდან 18:00 საათამდე შეზღუდვა შეეხება: ანთელავას, ბუხაიძის, შალვა მჭედლიშვილის, კუმისის და თოიძის ქუჩების მოსახლეობას.

14:00 საათიდან 16:00 საათამდე შეზღუდვა შეეხება: ხუდადოვის, ცოტნე დადიანის, ზაქრაძის, ლალიონის, არჩილ ქურდიანის, ვახტანგ მახალდიანის, ეროსი მანჯგალაძის, რკინიგზის და თოფურიძის ქუჩების მოსახლეობას.

სამგორის რაიონი

11:00 საათიდან 14:00 საათამდე შეზღუდვა შეეხება: ვარკეთილი-3 ზედა პლატოს და ირინა შტენბერგის ქუჩის მოსახლეობას.

ისნის რაიონი

11:00 საათიდან 17:00 საათამდე შეზღუდვა შეეხება: წმინდა ქეთევან დედოფლის გამზირის, გარეკახეთის, კოშკოვანის, ცუცხვათის, ლეხ კაჩინსკის, შირაქის და შორაპნის ქუჩების მოსახლეობას.

ვაკის რაიონი

10:00 საათიდან 14:00 საათამდე შეზღუდვა შეეხება: წყნეთის გზატკეცილის, იმედაძის და ირაკლი უჩანეიშვილის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

81
თემები:
თბილისი დღეს
სახლი ხობის მუნიციპალიტეტის სოფელ პირველ მაისში, სადაც ბაბუამ 24 წლის შვილიშვილი დაჭრა

ხობში 80 წლის ბაბუამ შვილიშვილი დაჭრა

0
(განახლებულია 16:09 14.04.2021)
ამ დროისთვის დაჭრილი 24 წლის ახალგაზრდა ხობის საავადმყოფოშია გადაყვანილი, სადაც ქირურგიული ოპერაცია უტარდება.

თბილისი, 14 აპრილი - Sputnik. ხობის მუნიციპალიტეტის სოფელ პირველ მაისში ბაბუამ  შვილიშვილი დაჭრა, იუწყება „Sputnik-საქართველოს“ კორესპონდენტი.

შემთხვევა ჯახუთის დასახლებაში დღეს, დაახლოებით 1,5 საათის წინ მოხდა.

გავრცელებული ინფორმაციით, დანაშაულის მოტივად ოჯახური კონფლიქტი სახელდება – 80 წლის მამაკაცსა და  24 წლის შვილიშვილს შორის სიტყვიერი დაპირისპირება მოხდა, რა დროსაც მამაკაცმა შვილიშვილი დანით დაჭრა.

პოლიციამ  დანაშაულში ეჭვმიტანილი უკვე დააკავა, გარდა ამისა, ნივთმტკიცებად ამოღებულია დანაშაულის ჩადენის იარაღი – დანა.

მომხდარ ფაქტზე გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის მცდელობის ფაქტზე სსკ-ის 11 პრიმა-109-ე მუხლის მეორე ნაწილის „ვ“ ქვეპუნქტით მიმდინარეობს.

ნიკა ლატარია

0
თემები:
შემთხვევები საქართველოში