კორონავირუსის ეპიდემია თბილისში

თბილისის მერიის დახმარების პროგრამები 2021 წელს - რა უნდა იცოდეთ

1801
(განახლებულია 11:00 27.12.2020)
თბილისელებმა სოციალურ პროგრამაში ჩასართავად უნდა მიმართონ ქალაქის მერიას ან რაიონულ ადმინისტრაციებს

თბილისი, 27 დეკემბერი – Sputnik. თბილისის მერიამ სოციალური დახმარების პროგრამებზე 134,1 მილიონი ლარი გამოყო, ნათქვამია დედაქალაქის 2021 წლის ბიუჯეტის პროექტში, რომელიც საკრებულომ დაამტკიცა.

დედაქალაქის მერია ქალაქის მცხოვრებთათვის უამრავ სოციალურ პროგრამას აფინანსებს, მათ შორის პირდაპირ ფინანსურ დახმარებას უწევს. ასეთი პროგრამების ძირითადი აქცენტი გაკეთებულია ქალაქის ყველაზე შეჭირვებულ ფენაზე - სოციალურად დაუცველ მოქალაქეებზე.

თბილისში „სოციალურად დაუცველი ოჯახების მონაცემთა ერთიან ბაზაში“  200 000 და ნაკლები სარეიტინგო ქულით რეგისტრირებული ოჯახები მერიისგან კომუნალურ სუბსიდიას მიიღებენ. ხოლო 70 000 და ნაკლები სარეიტინგო ქულით რეგისტრირებულ მრავალშვილიან ოჯახებს (3 და მეტი 18 წლამდე ასაკის ბავშვი), 18 წლამდე ასაკის თითოეულ ბავშვზე მერია ყოველთვიურად 50 ლარს გადაუხდის.

მონაცემთა ერთიან ბაზაში 70 000 და დაბალი სარეიტინგო ქულის მქონე სოციალურად დაუცველი ოჯახების 18 წლამდე ასაკის შვილებისთვის მერია დააფინანსებს სწავლების ღირებულებას მოსწავლე-ახალგაზრდობის სახლებში და მოსწავლე-ახალგაზრდობის ეროვნულ სასახლეში, ხელოვნების სკოლებში, სპორტულ სკოლებში და საცურაო აუზებში. გარდა ამისა, ერთჯერადი დახმარება გაიცემა ახალდაბადებულ ბავშვზე (პირველ და მეორე ახალშობილზე - 500 ლარი, მე-3 ახალშობილზე - 800 ლარი, მე-4 ახალშობილზე - 1000 ლარი, მე-5 და ყოველ შემდეგ ახალშობილზე - 1500 ლარი).

ყველაზე შეჭირვებულ ოჯახებს მერია უზრუნველყოფს უფასო სასადილოებით და შეღავათებით ტრანსპორტზე.

თბილისის მერია ასევე იზრუნებს შშმ ბავშვებსა და მოზარდებზე. მათ დაუფინანსებენ სხვადასხვა კურორტებზე დასვენებას. პროგრამა ხორციელდება ვაუჩერული პრინციპით, რომლის ფარგლებშიც მოსარგებლეები თავად აირჩევენ მომსახურების მიმწოდებელს.

მერია ასევე ზრუნავს ხანდაზმულებზე. 100 წელს მიღწეულ მოქალაქეთათვის გათვალისწინებულია ერთჯერადი დახმარება.

გარდა ამისა, რაიონული ადმინისტრაციები ადგილებზე ეხმარებიან მოქალაქეებს სამედიცინო და ყოფითი პრობლემებიც გადაჭრაში, ცხოვრების დონის გაუმჯობესებაში - დახმარება გულისხმობს ფულად თანხებს, პროდუქტებს და ტანსაცმელს. ასევე რაიონული ადმინისტრაციები დაკრძალვის ხარჯების აფინანსებენ.

თბილისის საკრებულო მრავალშვილიან ოჯახებს დაეხმარება >>

სათანადო განაცხადის შემთხვევაში მერია ეხმარება შშმ პირებს და უძლურ ხანდაზმულებს. აქ იგულისხმება შინმოვლის თანადაფინანსება, რაც ითვალისწინებს ჯანმრთელობაზე ზრუნვას (პრევენცია, დიაგნოსტიკა, მკურნალობა, მონიტორინგი), მათი დამოუკიდებლობის და დაკარგული უნარ–ჩვევების შენარჩუნება/აღდგენას, რესურსებისა და უნარების გამოვლენას და ფსიქო–სოციალური დახმარებას, ასევე ბენეფიციართა პერსონალურ მოვლას, საექიმო და საექთნო მომსახურებას, დახმარებას ყოველდღიურ საქმიანობაში (საყიდლები, ბინის დალაგება, ჭურჭლის და სარეცხის გარეცხვა, საკვების მომზადება), სოციალურ-ტექნიკურ დახმარებას, მოვლისათვის საჭირო მასალებით უზრუნველყოფას.

1801

პრეზიდენტმა მოსახლეობას სახელმწიფო დროშის დღე მიულოცა ვიდეო

56
(განახლებულია 21:19 14.01.2021)
საქართველოს პრეზიდენტმა სალომე ზურაბიშვილმა ქვეყნის მოსახლეობას სახელმწიფო დროშის დღე მიულოცა, რომელიც 2004 წლის 14 იანვარს დამტკიცდა.

სახელმწიფო დროშის დღე 2012 წლიდან აღინიშნება. საქართველოს ამჟამინდელი სახელმწიფო ხუთჯვრიანი დროშა „ვარდების რევოლუციის" შემდეგ, 2004 წლის 14 იანვარს დამტკიცდა. იმავე დღეს აღმართეს ის პარლამენტის შენობის თავზე და ჩამოხსნეს პირველი ქართული რესპუბლიკის შინდისფერი დროშა თეთრი და შავი ზოლებით, ხოლო 14 იანვარი სახელმწიფო დროშის დღედ გამოცხადდა.

„მინდა ეს დღე მივულოცო ახალგაზრდებს, ბავშვებს, ყველას, ვინც უკვე 30 წელია, ჩვენი ქვეყნის სახელმწიფო დროშის ქვეშ ცხოვრობს. ვისაც არ ახსოვს ის დრო, როცა ამ ქვეყანაში სხვა ქვეყნის დროშა ფრიალებდა — ეს უდიდესი ბედნიერებაა“, — განაცხადა ზურაბიშვილმა.

სხვადასხვა ისტორიულ წყაროში ქართული დროშა მე-12 საუკუნიდან ძირითადად თეთრ-წითელ ფერებში არის მოხსენებული. ქართული თეთრი დროშა წითელი ჯვრებით შეტანილია მე-14 საუკუნის „მსოფლიო ატლასში", რომელიც ფრანცისკანელმა ბერმა (მისი სახელი უცნობია) შეადგინა. ასეთივე დროშა იყო გამოსახული იმ წლების იტალიურ და ესპანურ რუკებზე.

უწინდელი დროშა, რომელსაც პირველი ქართული რესპუბლიკის დროშას უწოდებენ, სახელმწიფო სიმბოლოდ 1990 წლის 14 ნოემბერს დამტკიცდა.

56
თბილისის ხედი ზამთარში

ამინდის ზუსტი პროგნოზი თბილისში: შაბათი, 16 იანვარი

87
(განახლებულია 19:39 14.01.2021)
შაბათს საქართველოს დედაქალაქში სინოპტიკოსები სუსტ წვიმასა და დროდადრო სველ თოვლსაც ელოდებიან. ტემპერატურა მაქსიმუმ 5 გრადუსი იქნება.

თბილისი, 14 იანვარი — Sputnik. მოღრუბლული ამინდი და სუსტი წვიმა, დროდადრო სველი თოვლი — ასეთ ამინდ ჰპირდებიან სინოპტიკოსები თბილისელებს შაბათს, 16 იანვარს.

შაბათს მზე დადაქალაში 08:25 საათზე ამოვა.

დღისით ჰაერის ტემპერატურა მაქსიმუმ პლუს 5 გრადუსამდე გათბება, ღამით კი პლუს 3–4 გრადუსია მოსალოდნელი.

მზე თბილისში 17:56 საათზე ჩავა.

 

87
თემები:
ამინდის ზუსტი პროგნოზი თბილისში
ვაქცინაცია კორონავირუსზე მოსკოვში

კორონავირუსის საწინააღმდეგო რუსული ვაქცინა პარაგვაიში დაარეგისტრირეს

0
სამხრეთ ამერიკაში კორონავირუსის საწინააღმდეგო პრეოპარატით უკვე იცრება არგენტინის, ბოლივიის, ვენესუელისა და ბრაზილიის მოსახლეობა

თბილისი, 15 იანვარი — Sputnik. პარაგვაის ჯანდაცვის სამინისტრომ COVID-19-ის საწინააღმდეგო ვაქცინა „სპუტნიკV" დაარეგისტრირა, იუწყება რუსეთის პირდაპირი ინვესტიციების ფონდი.

ვაქცინა დაარეგისტრირეს დაჩქარებული წესით, სახელმწიფოს ტერიტორიაზე დამატებითი კლინიკური კვლევების ჩატარების გარეშე. ანალოგიურად დაარეგისტრირეს პრეპარატი არგენტინაში, ბოლივიაში, ვენესუელაში, სერბეთში, ალჟირსა და პალესტინაში.

პარაგვაიში პრეპარატის მიწოდებას უზრუნველყოფენ ფონდის საერთაშორისო პარტნიორები ინდოეთში, ჩინეთში, სამხრეთ კორეაში და სხვა ქვეყნებში.

ფონდის გენერალური დირექტორის, კირილ დმიტრიევის თქმით, ლათინური ამერიკის მრავალი ქვეყანა დაინტერესებულია რუსული ვაქცინით. მას იმედი აქვს, რომ უახლოეს დროს „სპუტნიკV" რეგიონის სხვა ქვეყნებშიც გაივლის რეგისტრაციას.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი COVID-19-ის საწინააღმდეგო ვაქცინა, რომელიც გამალეის ცენტრშია შექმნილი. ცენტრის დირექტორმა ალექსანდრ გინცბურგმა განაცხადა, რომ ვაქცინის უსაფრთხოება სრულად არის დამტკიცებული, ხოლო მისმა ეფექტურობამ 91,4% შეადგინა.

0