პოლონეთის ექს-პრეზიდენტმა ლეხ ვალენსამ თავი გაკოტრებულად გამოაცხადა

დედაქალაქის მერიამ ჯანდაცვაზე 20 მილიონი ლარი გამოყო - რას დაუფინანსებენ თბილისელებს

636
(განახლებულია 09:02 27.12.2020)
თბილისელებმა დაფინანსების პროგრამებში მონაწილეობის მისაღებად უნდა მიმართონ მერიას ან რაიონულ ადმინისტრაციებს

თბილისი, 26 დეკემბერი – Sputnik. თბილისის მერიამ 2021 წელს დედაქალაქის მცხოვრებთათვის ჯანდაცვის პროგრამების დაფინანსებაზე 20 მილიონი ლარი გამოყო, ნათქვამია საკრებულოს მიერ დამტკიცებულ მომავლი წლის ბიუჯეტის პროექტში.

მომავალ წლელს დედაქალაქის მერიის ერთ-ერთ პრიორიტეტს ჯანდაცვა წარმოადგენს.

თბილისის ხელისუფლება უცვლელად ტოვებს სიმსივნურ დაავადებათა პროფილაქტიკის ყველა პროგრამას, რომელიც თბილისელებისთვის არის ხელმისაწვდომი.

ამ პროგრამებს შორისაა: ძუძუს კიბოს სკრინინგი - 2 წელიწადში ერთხელ, საშვილოსნოს ყელის კიბოს სკრინინგი - 3 წელიწადში ერთხელ, პროსტატის კიბოს მართვა -  წელიწადში ერთხელ, კოლორექტული კიბოს სკრინინგი - 2 წელიწადში ერთხელ და ფარისებრი ჯირკვლის კიბოს მართვა - 5 წელიწადში ერთხელ. თბილისში რეგისტრირებულთათვის ყველა აღნიშნული მომსახურება უფასოა.

თბილისის მერია ასევე ეპიდემიოლოგებს კორონავირუსთან ბრძოლაში დაეხმარება. ამისათვის ბიუჯეტში 523,4 ათასი ლარია გამოყოფილი. ამ თანხის დიდი ნაწილი დეზინფექციაზე, ასევე ცხოვრების ჯანსაღი წესის პოპულარიზაციაზე დაიხარჯება.

ქალაქის მერია ასევე დააფინანსებს მედიკამენტებს გაფანტული სკლეროზის სამკურნალოდ. ამ დახმარების მისაღებად საკმარისია ადამიანმა იქონიოს დადასტურებული დიაგნოზი და რეგისტრაცია დედაქალაქში.

დედაქალაქის ხელისუფლება აუტიზმის კორექციის ცენტრების დაფინანსებას გააგრძელებს. ეს მომსახურებაც დედაქალაქში მცხოვრებთათვის უფასოა.

ქალაქის ბიუჯეტში აგრეთვე გათვალისწინებულია ძუძუს კიბოს სამკურნალო პრეპარატების დაფინანსება. პროგრამაში მონაწილეობის მისაღებად საკმარისია დადასტურებული დიაგნოზი და ექიმის დანიშნულება.

მერია ასევე დააფინანსებს ღვიძლისა და ძვლის ტვინის ტრანსპლანტაციის პროგრამას ონკოჰემატოლოგიური დიაგნოზის არსებობის შემთხვევაში.

დედაქალაქის მერიის პროგრამებში მონაწილეობის მისაღებად თბილისელებმა უნდა მიმართონ მერიას ან რაიონულ ადმინისტრაციას. გარდა ამისა, რაიონული ადმინისტრაციები სამედიცინო მანიპულაციების თანადაფინანსების პროგრამას გააგრძელებენ.

 

636
 Georgian Water and Power-ის (GWP) თანამშრომელი

GWP: თანამშრომლების გაფიცვა წყალმომარაგებაზე არ აისახება

34
სამუშაო პირობებით უკმაყოფილო კომპანიის თანამშრომლებმა კომპანიის ადმინისტრაციას საკუთარი მოთხოვნები წაუყენეს

თბილისი,  26 იანვარი – Sputnik. წყალგამანაწილებელი კომპანია Georgian water and power–ის (GWP) განცხადებით, თბილისის სტაბილურ წყალმომარაგებას საფრთხე არ შეექმნება, იუწყება პირველი არხი.

წყალგამანაწილებელი კომპანიის კონტრაქტორების ერთმა ნაწილმა, რომელიც კომპანიას დაქირავებული ჰყავს გარკვეული ვადით და პირობებით, ორი დღეა, უარი განაცხადა სამუშაოს შესრულებაზე.

GWP–ის დაახლოებით ოცამდე თანამშრომელმა კომპანიის სასარგებლოდ შედგენილი ხელშეკრულების პირობების გადახედვა, კუთვნილ შვებულებაზე ნებართვის მიღება და ხელფასის გაზრდა მოითხოვა.

„ერთი მხრივ, ისინი არ ასრულებენ ხელშეკრულებით გათვალისწინებულ მოვალეობებს, მეორე მხრივ კი, სხვებსაც ხელს უშლიან სამუშაოს შესრულებაში, რითაც აფერხებენ კომპანიის მიმდინარე საქმიანობას. მიუხედავად შექმნილი მდგომარეობისა, თბილისის სტაბილურ წყალმომარაგებას არანაირი საფრთხე არ შეექმნება“, – განაცხადეს კომპანიაში.

კომპანიაში ამავე დროს ხაზი გაუსვეს იმასაც, რომ „ჯორჯიან უოთერ ენდ ფაუერმა“, მიუხედავად პანდემიით გამოწვეული რთული ვითარებისა და მკვეთრად შემცირებული შემოსავლებისა, გამოიჩინა მაღალი სოციალური პასუხისმგებლობა და კომპანიაში დასაქმებულ ყველა თანამშრომელს შეუნარჩუნა სამუშაო ადგილი და ანაზღაურება, მაშინ როდესაც კომპანიების დიდი ნაწილი გაჩერებულია და ადამიანები სამუშაოს გარეშე დარჩნენ.

კომპანიის განცხადებით, „ჯორჯიან უოთერ ენდ ფაუერმა“ მაქსიმალური ძალისხმევა გამოიჩინა კონტრაქტორებთან შექმნილი სიტუაციის განსამუხტად.

თბილისში ათასობით ოჯახი 24 საათის განმავლობაში უწყლოდ დარჩება >>

დამსაქმებელსა და დასაქმებულებს შორის სადავო საკითხების გადაწყვეტის პროცესში ჩართული იყო პროფკავშირის წარმომადგენელიც, რომელიც GWP–ის ხელმძღვანელობასთან კონსულტაციებს მართავდა.

აღსანიშნავია, რომ „ჯორჯიან უოთერ ენდ ფაუერმა“ 26-27 იანვარს ღრმაღელე-სამგორის წყალგამტარ გვირაბზე, წყალმომარაგების სტაბილურობის მიზნით, ტექნიკური სამუშაოები დაიწყო, რის გამოც ჩუღურეთისა და ნაძალადევის რაიონებში ათასობით აბონენტს წყალმომარაგება შეუწყდა.

 

34

საპროტესტო აქცია პანდემიის გამო დაწესებული შეზღუდვების წინააღმდეგ თბილისში

46
(განახლებულია 21:15 26.01.2021)
სახელმწიფო კანცელარიის შენობასთან კორონავირუსის პანდემიის გამო დაწესებული შეზღუდვების წინააღმდეგ ახალი საპროტესტო აქცია გაიმართა, რომელშიც ასობით ადამიანი მონაწილეობდა.

კვირის შემდეგ თბილისსა და სხვა ქალაქებში სამოქალაქო აქტივისტები და ოპოზიციის მომხრეები აკრძალვებსა და შეზღუდვებს აპროტესტებენ, რომლებიც ხელისუფლებამ კორონავირუსის პანდემიის გამო დააწესა.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

46
აქცია კომენდანტის საათის დროს

თბილისში კომენდანტის საათის მოხსნის მოთხოვნით მორიგი აქცია გაიმართა

22
შეზღუდვების მოხსნის მოთხოვნით დედაქალაქში საპროტესტო აქცია იმართება. მოქალაქეები საზოგადოებრივი ტრანსპორტის მუშაობის აღდგენას, ღამით გადაადგილებაზე შეზღუდვის მოხსნას, ზამთრის კურორტებისა და ბაზრობების გახსნას ითხოვენ

თბილისი, 26 იანვარი – Sputnik. თბილისში პარლამენტის შენობასთან კოვიდ-შეზღუდვების მოხსნის მოთხოვნით მორიგი აქცია გაიმართა.

აქციის ორგანიზატორია „მოძრაობა საქართველოსთვის“. მოძრაობის წევრებმა საღამოს საათებში გადაადგილებაზე დაწესებული შეზღუდვა გააპროტესტეს.

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ. შეზღუდვების შემსუბუქება ეტაპობრივად 1 თებერვლიდან დაიწყება.

აქციის მონაწილეები თავისუფლების მოედნიდან პარლამენტის შენობამდე მსვლელობით მივიდნენ.

„მოძრაობა საქართველოსთვის“ წარმომადგენლებმა კიდევ ერთი აქცია დაანონსეს. მათი განცხადებით, ოთხშაბათს შეზღუდვების მოხსნის მოთხოვნით აქცია ქუთაისში გაიმართება.

დღეს ცნობილი გახდა, რომ კოვიდ-შეზღუდვების წინააღმდეგ გამოსული აქციის მონაწილეები ხელისუფლების წინააღმდეგ სარჩელის შეტანას საკონსტიტუციო სასამართლოში აპირებენ.

მიუხედავად იმისა, რომ რამდენიმე კვირაში შეზღუდვების ნაწილი მოიხსნება, ხოლო სხვა აკრძალვები შემსუბუქდა, პროტესტის მონაწილეები არ აპირებენ დათმობას და დემონსტრაციების შეწყვეტას. ბევრი მათგანი შეზღუდვების დაუყოვნებლივ მოხსნას მოითხოვს. ეპიდემიოლოგები მათ ეწინააღმდეგებიან – სპეციალისტების აზრით, ყველა შეზღუდვის ერთდროულად მოხსნა ქვეყანაში მდგომარეობას დაამძიმებს.

22