საახალწლო ილუმინაციები

კალაძე: საახალწლო ილუმინაციები ღამის საათებში არ გამოირთვება

70
(განახლებულია 16:57 19.12.2020)
თბილისის მერის განმარტებით, კომენდანტის საათის და პანდემიის მიუხედავად, საახალწლო განწყობა აუცილებელია, რადგან საახალწლო ილუმინაციებს ნახულობენ ის ადამიანები, ვინც ბრძოლის წინა ხაზზე არიან

თბილისი, 19 დეკემბერი – Sputnik. თბილისში საახალწლო განათებები კომენდანტის საათის მოქმედების პერიოდში არ გამოირთვება. ამის შესახებ თბილისის მერმა კახა კალაძემ თავის Facebook-გვერდზე ვიდეოჩართვისას განაცხადა.

თბილისის მერმა კახა კალაძემ შეცვალა გუშინდელი გადაწყვეტილება იმის შესახებ, რომ კორონავირუსის ეპიდემიის გამო დაწესებული კომენდანტის საათის პერიოდში დედაქალაქის ძირითად უბნებსა და ქუჩებზე დამონტაჟებული საახალწლო განათებები გამოირთოს.

მისი თქმით, ეს გადაწყვეტილება მოქალაქეთა თხოვნით შეცვალა.

„მას შემდეგ, რაც მე გამოვთქვი სურვილი, რომ შეზღუდვების დრო გამოირთოს საახალწლო ილუმინაციები, ძალიან ბევრმა ადამიანმა მოგვმართა თხოვნით, რომ შეზღუდვის მიუხედავად, მაინც დაგვეტოვებინა ღამის საათებში ღამის განათებები. განათებებს ნახულობს ის ადამიანები, ვინც ბრძოლის წინა ხაზზე არიან და ყველაზე სტრესულ მდგომარეობაშია - ექიმები, პოლიციელები, ჟურნალისტები, თბილსერვისის თანამშრომლები, მეხანძრე მაშველები. თითქოს თბილი და მყუდრო ქუჩები ამ ადამიანების დაღლილობას სტრესს და მძიმე სამუშაოს მალამოდ დაედება“, – განაცხადა კახა კალაძემ.

კორონავირუსის პანდემიის გამო ახალი წელი გაცილებით მოკრძალებულად აღინიშნება, ვიდრე ეს გასულ წლებში ხდებოდა.

თბილისში საახალწლო ილუმინაციების მონტაჟი დაიწყო,დედაქალაქის მთავარი ნაძვის ხე პარლამენტის შენობის წინ რუსთაველის გამზირზე 17 დეკემბერს საზეიმოდ აინთო, თუმცა მაშინ კახა კალაძემ მოუბოდიშა მოქალაქეებს, განსაკუთრებით კი ბავშვებს, რომ პანდემიის გამო ისინი საშობაო ნაძვის ხის ანთების ღონისძიებას ვერ დაესწრნენ.

ქვეყანაში ეპიდვითარების გაუარესების გამო 28 ნოემბრიდან მკაცრი შეზღუდვები მოქმედებს: სავალდებულოა პირბადეების ტარება, 21:00 საათის შემდეგ გარეთ გასვლა იკრძალება, არ მუშაობს საზოგადოებრივი ტრანსპორტი, დაკეტილია სავაჭრო ცენტრები, სპორტდარბაზები.

24 დეკემბრიდან - 2 იანვრამდე პერიოდში საქართველოში იმუშავებენ სავაჭრო ცენტრები, ღია და დახურული ტიპის ბაზრობები, აღდგება საზოგადოებრივი და საქალაქთაშორისო ტრანსპორტის მუშაობა.

3-15 იანვარს მთელი ქვეყნის მასშტაბით ცხადდება უქმეები, იმუშავებენ მხოლოდ ბანკები, სტრატეგიული დანიშნულების ობიექტები და სერვისები. ყველა შეზღუდვა იმოქმედებს.

16-31 იანვარს აღდგება საზოგადოებრივი და საქალაქთაშორისო ტრანსპორტის მუშაობა, გაიხსნება სავაჭრო ცენტრები, ღია და დახურული ტიპის ბაზრობები (უქმე დღეების გარდა).

 

 

70
თემები:
თბილისის მერია (312)

სიღარიბე ვირუსზე საშიშია: თბილისი პროტესტების ტალღამ მოიცვა

33
თბილისში კოვიდ-შეზღუდვების გამო პროტესტის ტალღამ იფეთქა. განსაკუთრებით მკაცრი აკრძალვები მოქმედებს დიდ ქალაქებში. იხილეთ Sputnik-საქართველოს ვიდეოშ, თუ რას მოითხოვენ მომიტინგეები

საპროტესტო ტალღა 22 იანვარს დაიწყო, როდესაც ქვეყნის ვიცე-პრემიერმა მაია ცქიტიშვილმა განაცხადა, რომ 1 თებერვლიდან ქვეყანაში შეზღუდვების ნაწილი გაუქმდება, თუმცა თბილისში, რუსთავსა და ქუთაისში აკრძალვები 1 მარტამდე შენარჩუნდება. ამან დიდი უკმაყოფილება გამოიწვია საზოგადოებაში, რადგან დიდი ქალაქების მკვიდრების მთავარი პრობლემა საზოგადოებრივი ტრანსპორტის უმუშევრობაა. 

თბილისში ყოველდღიურად იმართება საპროტესტო აქციე მოქმედი შეზღუდვების მოხსნის მოთხოვნით. თუმცა, როგორც მთავრობაშ აცხადებენ, საკოორდინაციო საბჭო საკუთარ გადაწყვეტილებას მხოლოდ იმ შემთხვევაში განიხილავს, თუ ეპიდემიოლოგიური მაჩვენებელი 4%-მდე დაეცემა და 7 დღის განმავლობაში შენარჩუნდება. ამ მომენტისათვის ეს მაჩვენებელი 6%-ს შეადგენს.

ამავდროულად მეპროტესტეები აცხადებენ, რომ საქართველოს მთავრობას ქვეყნის საკონსტიტუციო სასამართლოში უჩივლებენ.

33
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 27 იანვარს

46
(განახლებულია 19:22 26.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 27 იანვარი – Sputnik. სააქციო საზოგადოება „თელასი" იუწყება, რომ 27 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

მთაწმინდის რაიონი

10:00 საათიდან 16:00 საათამდე შეზღუდვა შეეხება: რუსთაველის გამზირის და ბესიკის ქუჩის მოსახლეობას.

ჩუღურეთის რაიონი

10:00 საათიდან 18:00 საათამდე შეზღუდვა შეეხება: გოგი დოლიძის, გოგოლის, ჩუბინაშვილის და კონსტიტუციის ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: დიდი დიღმის IV მიკრორაიონის, დემეტრე თავდადებულის და სანდრო მირიანაშვილის ქუჩების მოსახლეობას.

12:00 საათიდან 15:00 საათამდე შეზღუდვა შეეხება: ვაჟა-ფშაველას II კვარტლის და შალვა ნუცუბიძის ქუჩის მოსახლეობას.

სამგორის რაიონი

11:00 საათიდან 17:00 საათამდე შეზღუდვა შეეხება: ვარკეთილის III დასახლების I მიკრორაიონის, ილია სუხიშვილის, მოსტკოვის, ცისკარიშვილის და გუმათჰესის ქუჩების მოსახლეობას.

გლდანის რაიონი

11:00 საათიდან 13:00 საათამდე შეზღუდვა შეეხება: მუხიანის I მიკრორაიონის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

46
თემები:
თბილისი დღეს
ნაზალური სპრეი

სპრეი Genoxyn-ი: თურქმა მეცნიერებმა COVID-19-ის ერთ წუთში მკვლელი პრეპარატი შექმნეს

0
(განახლებულია 13:07 27.01.2021)
მანამდე ცნობილი გახდა, რომ თურქმა მკვლევარებმა კორონავირუსზე ტესტირების უსწრაფეს მეთოდს მიაგნეს, რომელიც ნანოტექნოლოგიებს ეფუძნება და ვირუსს 10 წამში იცნობს

თბილისი, 27 იანვარი — Sputnik. თურქმა მეცნიერებმა შექმნეს ნაზალური სპრეი, რომელიც, მათი მტკიცებით, ერთ წუთში ანადგურებს კორონავირუსს, წერს გაზეთი Daily Sabah–ი.

​სპრეი Genoxyn–ი ულუდაგის უნივერსიტეტის მიკრობიოლოგიის კათედრის მეცნიერებმა — პროფესორმა შეჰიმე გულსუნ თემელმა, დოქტორებმა — აჰმეთ იუმით სანაბჯიმ და გიუნეით ოზაკინმა შეიმუშავეს.

სანაბჯის თქმით, კვლევები ჯერ კიდევ პანდემიამდე დაიწყო.

„მანამდე ჩვენ დავადგინეთ, რომ პრეპარატს ანტიბაქტერიული თვისება ახასიათებს, ხოლო პანდემიის დაწყების შემდეგ დავფიქრდით, შეგვეძლო თუ არა COVID-19–ის წინააღმდეგ ბრძოლას წავდგომოდით. ჩვენმა კვლევებმა აჩვენა, რომ სპრეი ვირუსს კლავს პირისა და ცხვირის ქსოვილებზე, რაც მის გავრცელებასა და გამრავლებას უშლის ხელს“, — განმარტა დოქტორმა.

პროფესორ გულსუნ თემელის თქმით, სპრეი ვურისს ერთ წუთში ანადგურებს და ამასთან არ აზიანებს ლორწოვანა გარსებზე ეპითელურ უჯრედებს.

„უფრო მეტიც, ჩვენ დავადგინეთ, რომ ის სამკურნალო მოქმედებას ახდენს ამ უჯრედებზე. შესაბამისად, მისი გამოყენება უსაფრთხოა“, — თქვა მეცნიერმა.

თურქი მიკრობილოგების განმარტებით, მას შემდეგ, რაც პრეპარატი ნანოტექნოლოგიების მეშვეობით დახვეწეს და სრულყოფილი გახადეს, მისი ეფექტურობაც უფრო სტაბილური გახდა და მან გარკვეულ მოლეკულებზე ხანგრძლივი ზემოქმედება გამოავლინა.

მეცნიერები ირწმუნებიან, რომ  სპრეი Genoxyn–ი მაღალეფექტურია არა მხოლოდ СОVID-19–ის, არამედ სხვადასხვა ბაქტერიებისა და სოკოების წინააღმდეგაც.

 

0
თემები:
მსოფლიო და მეცნიერება