დაჯარიმება არასწორი პარკირებისთვის

რამდენიმე დღეში ვაკის რაიონში ზონალურ-საათობრივი პარკირების სისტემა ამოქმედდება

71
(განახლებულია 21:17 18.11.2020)
თბილისში ზონალურ-საათობრივი პარკირების სისტემა პირველად 2019 წლის 1 აგვისტოდან ამოქმედდა. პარკირების ახალი მოდელი თბილისის სატრანსპორტო პოლიტიკის ფორმირების ფარგლებში შემუშავდა.

თბილისი, 18 ნოემბერი – Sputnik. ვაკის რაიონში ზონალურ-საათობრივი პარკირების სისტემა 20 ნოემბრიდან ამოქმედდება, ნათქვამია თბილისის მერიის ადმინისტრაციის მიერ გავრცელებულ განცხადებაში.

თბილისში ზონალურ-საათობრივი პარკირების სისტემა პირველად 2019 წლის 1 აგვისტოდან ამოქმედდა. პარკირების ახალი მოდელი თბილისის სატრანსპორტო პოლიტიკის ფორმირების ფარგლებში შემუშავდა. როგორც დედაქალაქის მერმა კახა კალაძემ განაცხადა, კოტე აფხაზის ქუჩასა და ორბელიანის მოედანზე საპილოტო ვერსიამ გაამართლა, ამიტომაც გადაწყდა სისტემის გაფართოება და დანერგვა თბილისის მასშტაბით.

მერიის ინფორმაციით, ზონალური პარკირებისთვის ვაკის რაიონში 1 629 ადგილია განსაზღვრული. მათგან მსუბუქი ავტომობილების პარკირებისთვის – 1 577, შშმ პირთათვის – 47, ხოლო ელექტრომობილების დამუხტვისთვის ხუთი ადგილია განსაზღვრული.

ზონალურ-საათობრივი პარკირების სისტემა ვაკის რაიონში შემდეგნაირად გადანაწილდა:

ილია ჭავჭავაძის გამზირი – 41 ადგილი; ატენის ქუჩა – 12 ადგილი; ნინო რამიშვილის ქუჩა – რვა ადგილი; ნუგზარ საჯაიას ქუჩა – 56 ადგილი; ლევან მიქელაძის ქუჩა – 62 ადგილი; თენგიზ აბულაძის ქუჩა – 27 ადგილი; ნიკოლოზ ყიფშიძის ქუჩა – 53 ადგილი; მიხეილ თამარაშვილის ქუჩა – 29 ადგილი; ქაქუცა ჩოლოყაშვილის გამზირი – 31 ადგილი; არჩილ მიშველაძის ქუჩა – 81 ადგილი; ირაკლი აბაშიძის ქუჩა – 316 ადგილი;

მცხეთის ქუჩა – 79 ადგილი; შროშის ქუჩა – 22 ადგილი; იოველ ქუთათელაძის ქუჩა – რვა ადგილი; ვასილ ბარნოვის ქუჩა – 50 ადგილი; ტარას შევჩენკოს სკვერის მიმდებარედ – 39 ადგილი; კორნელი კეკელიძის ქუჩა – 101 ადგილი; ზაქარია ფალიაშვილის ქუჩა – 299 ადგილი; ექვთიმე თაყაიშვილის ქუჩა – 15 ადგილი; ნაფარეულის ქუჩა – 21 ადგილი; რაფიელ ერისთავის ქუჩა – 11 ადგილი; ბაზალეთის ქუჩა – 10 ადგილი; დიდიმ მირცხულავას ქუჩა – 26 ადგილი; დიმიტრი არაყიშვილის ქუჩა – 42 ადგილი; ოთარ თაქთაქიშვილის ქუჩა – 21 ადგილი; ლადო კავსაძის ქუჩა – 17 ადგილი; ნიკოლოზ ბერძენიშვილის ქუჩა – 28 ადგილი; ილო მოსაშვილის ქუჩა – 111 ადგილი.

ზონალურ-საათობრივი პარკირება უფასო იქნება შშმ პირებისა და ელექტრომობილების მფლობელებისთვის, ასევე A კატეგორიის ტაქსის ლიცენზიის მფლობელებისთვის. იმ მოქალაქეებისთვის კი, ვინც რაიონში დროებით, გავლით იმყოფება, პირველი 15 წუთი უფასოა, ხოლო შემდეგ პარკირების ღირებულება საათში 1 ლარი იქნება.

ფიზიკურ პირს, რომელიც ზონალური პარკირების არეალში უძრავ ქონებას ფლობს, შეუძლია მის მიერ წინასწარ მითითებული სატრანსპორტო საშუალება საცხოვრებელი სახლიდან 100 მეტრის რადიუსში უფასოდ გააჩეროს. უძრავი ქონების მესაკუთრე ინტერნეტით შეძლებს საკუთრებაში არსებული უძრავი ქონების მისამართზე ორი სატრანსპორტო საშუალება დაარეგისტრიროს.

ადგილობრივმა მცხოვრებლებმა ან უძრავი ქონების მფლობელებმა უფასო პარკირებისთვის რეგისტრაცია უნდა გაიარონ ვებ-გვერდზე – www.tp.ge, სადაც ID ბარათით რეგისტრაციის შემდეგ მის საკუთრებაში არსებული უძრავი ქონება და საკადასტრო კოდი აღინიშნება.

უწყების ცნობით, ზონალური პარკირებით სარგებლობისთვის მოქალაქეებმა Play Store ან Apple Store-ის დახმარებით მობილური აპლიკაცია – Tbilisi Parking უნდა ჩამოტვირთონ, გაიარონ რეგისტრაცია/ავტორიზაცია და ელექტრონული გადახდის მეთოდით ფასიანი ავტოსადგომით ისარგებლონ. აპლიკაციაში ასევე მოცემულია რუკა, სადაც ნომრების მიხედვით ზონალური პარკირების ყველა არეალია აღნიშნული.

 

71
თემები:
ტრანსპორტი საქართველოში (353)
მიუსაფარი ძაღლი

თბილისში მიუსაფარ ცხოველთა მონიტორინგის სამსახურის ბიუჯეტი მცირდება

27
(განახლებულია 22:34 26.11.2020)
ამჟამად ბიუჯეტი დაუბრუნდა მერიას, რომელმაც შესაძლო შესწორებები ორი კვირის განმავლობაში უნდა შეიტანოს.

თბილისი, 26 ნოემბერი – Sputnik თბილისში 2021 წელს მიუსაფარ ცხოველთა მონიტორინგის სამსახურის დაფინანსება, შესაძლოა, მნიშვნელოვნად შემცირდეს.

მომავალი წლის დედაქალაქის ბიუჯეტში აღნიშნულია, რომ ცხოველთა მონიტორინგზე 235,5 ათასი ლარი გამოიყოფა. 2020 წელს კი გამოყოფილი იყო სამჯერ მეტი – 704 ათასი ლარი. ამგვარად, ბიუჯეტი შემცირდა თითქმის 67%-ით.

მერიის პრეს-სამსახურში „Sputnik-საქართველოს“ განუცხადეს, რომ 2021 წლის ბიუჯეტის პროექტი ჯერ კიდევ განიხილება და მუშავდება, ამიტომ რიცხვები შეიძლება შეიცვალოს.

ამჟამად დოკუმენტი დაუბრუნდა მერიას, რომელმაც შესაძლო შესწორებები უნდა შეიტანოს და ის საკრებულოს 10 დეკემბრამდე დაუბრუნოს. ბიუჯეტის პროექტი საბოლოოდ 20 დეკემბრამდე უნდა დამტკიცდეს.

დოკუმენტის მიხედვით, 2021 წელს ყველაზე მეტი ოდენობის თანხები დაიხარჯება ავარიული კორპუსების გამაგრებაზე, ტრანსპორტზე, გზებსა და ქალაქში ეკოლოგიური მდგომარეობის გაუმჯობესებაზე (212,3 მილიონ ლარზე მეტი).

27
თემები:
თბილისის მერია
დენდროლოგიური პარკი შეკვეთილში

მერია თბილისის ზღვის მიმდებარედ დენდროლოგიური პარკის გაშენებას გეგმავს

44
(განახლებულია 19:23 26.11.2020)
პროექტი ევროპის საბჭოს მხარდაჭერით ხორციელდება. მასზე მუშაობა მიმდინარე წლის სექტემბერში დაიწყო და 2021 წლის მარტში დასრულდება.

თბილისი, 26 ნოემბერი – Sputnik. თბილისის ზღვის მიმდებარედ დენდროლოგიური პარკის გაშენებასა და პროექტირებასთან დაკავშირებით დედაქალაქის მერიამ მოქალაქეებთან საჯარო შეხვედრა გამართა, იუწყება „პირველი არხი“.

შეხვედრა ევროპის საბჭოს მხარდაჭერით მიმდინარე „თბილისის მუნიციპალიტეტში მონაწილეობითი დემოკრატიის გაძლიერების“ პროექტის ფარგლებში გაიმართა.

თბილისის მერია ზღვის მიმდებარე ტერიტორიაზე 162 ათას ჰექტარზე დენდროლოგიური პარკის გაშენებას გეგმავს.

მერიის წარმომადგენლებმა დისკუსიის ფორმატში, სამოქალაქო საზოგადოებასთან და მოსახლეობასთან თანამშრომლობით, თბილისის დენდროლოგიური პარკის პროექტირებისა და რეაბილიტაციის ინიციატივები განიხილეს.

„თბილისის მუნიციპალიტეტი იწყებს ახალ პროგრამას, რომლის მიზანია მოქალაქეების მეტი ჩართულობა პარკების დაგეგმარებაში და მწვანე სივრცეების შექმნაში. იქნება სხვადასხვა ზონირება, განსხვავებული ტიპის აქტივობები და საბოლოო პროექტი გვაჩვენებს, რა ფუნქციონალი ექნება პარკს”, – განაცხადა თბილისის მერის მოადგილემ ანდრია ბასილაიამ.

პროექტი ევროპის საბჭოს მხარდაჭერით ხორციელდება და აღნიშნული პროექტისთვის თბილისის მერიის ბიუჯეტიდან 980 მლნ ლარია გამოყოფილი. პროექტზე მუშაობა მიმდინარე წლის სექტემბერში დაიწყო და 2021 წლის მარტში დასრულდება, შემდეგ კი ტენდერი გამოცხადდება პროექტის განხორციელებაზე.

44
თემები:
თბილისი დღეს
ქალი ყაყაჩოებში

2021 წლის ჰოროსკოპი: ქალწული ფინანსები, სიყვარული, ჯანმრთელობა

0
(განახლებულია 10:07 25.11.2020)
როგორი იქნება 2021 წელი ქალწულებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

2021 – თეთრი ხარის წელიწადი მარტივი არ იქნება, მაგრამ რამდენადაც ქალწულები ზოდიაქოს ბრძენ ნიშანთა რიცხვს განეკუთვნებიან, ისინი ნებისმიერი პრობლემიდან გარკვეული გაკვეთილის გამოტანას ცდილობენ, რათა ერთი და იგივე შეცდომა არ გაიმეორონ. 2021 წელს ეს პრობლემები, ძირითადად, უმნიშვნელო იქნება და ხშირად თავად ქალწულების გადაწყვეტილებაზე არ იქნება დამოკიდებული.

ქალწული: ანალიტიკოსი, ორგანიზებული, მოწესრიგებული - ზოგადი დახასიათება>>

ქალწული მამაკაცი

მამაკაც ქალწულებს, შესაძლოა, რაღაც გეგმები ჩაუვარდეთ, ჰქონდეთ გარკვეული გაუგებრობები და თავდაჯერებულობის მოულოდნელი შერყევები. ბევრი სირთულე არაპროგნოზირებადი იქნება, რაც გადაწყვეტილების მოძებნის მცდელობაზე უარყოფითად აისახება. ასტროლოგები გირჩევენ, ყოველგვარ მოვლენას რაც შეიძლება მარტივად შეხედოთ.

ფინანსები და სამუშაო: ქალწულებისთვის ყველაზე პროდუქტიული დრო გაზაფხულის პირველი ნახევარი და შემოდგომის მიწურული იქნება. იღბალი ყველა პროფესიის წარმომადგენლების გვერდით დადგება. თქვენ მხოლოდ მოტივაცია და ენთუზიაზმი დაგჭირდებათ. ექსპერტები გირჩევენ, ფულთან დაკავშირებით იფრთხილოთ, ნებისმიერი ნივთი დაფიქრებით იყიდოთ და თანხა ქარს არ გაატანოთ.

სიყვარული და ურთიერთობები: სიყვარულში ქალწულ მამაკაცებს ძალიან გაგიმართლებთ. ეს განსაკუთრებით მათ ეხება, ვისაც თავისი მეორე ნახევარი ჯერ არ უპოვია. ვარსკვლავები და პლანეტები გააძლიერებენ თქვენს მომხიბვლელობას, რაც საწინააღმდეგო სქესის წარმომადგენლებზე განსაკუთრებული შთაბეჭდილების მოხდენაში დაგეხმარებათ.

განწყობა და ჯანმრთელობა: 2021 წელს ქალწულმა მამაკაცებმა ჯანმრთელობას ყურადღება უნდა მიაქციოთ, თუ ასე არ მოიქცევით, შესაძლოა, პრობლემები გაჩნდეს. არ შეიძლება, ყურადღება არ მიაქციოთ ორგანიზმის სიგნალებს იმის თაობაზე, რომ რაღაც წესრიგში არაა.

ზოდიაქოს ყველაზე ქარიზმატული ნიშნები>>

ქალწული ქალი

2021 წელი ქალწულებს ბევრ სასიამოვნო სიახლეს გპირდებათ. იანვრის დასაწყისში შესაძლებელი იქნება ადრე გაწეული სამუშაოს პირველი ნაყოფის მიღება. საუკეთესო იქნება თქვენთვის დროის მუშაობაში ინვესტირება, მაგრამ, ამავდროულად, არ უნდა დაივიწყოთ დროული დასვენებაც. ასტროლოგები ასევე გირჩევენ, რომ სასურველი რეალობად არ მიიღოთ.

ფინანსები და სამუშაო: ფინანსურ სფეროში ქალმა ქალწულებმა აუცილებლად უნდა მოუსმინოთ და ენდოთ საკუთარ ინტუიციას, რომელიც ზოდიაქოს ყველა სხვა ნიშანს შორის თქვენთვის ყველაზე მძლავრი იარაღი გახდება. მეექვსე გრძნობა განსაკუთრებით დაეხმარება შემოქმედებით სფეროებში მოღვაწე ქალწულებს. ძვირადღირებული ნივთების შეძენა უპრიანი ზაფხულში იქნება, სხვა დროს, სჯობს, ამისგან თავი შეიკავოთ.

სიყვარული და ურთიერთობები: ამ ნიშნის ქალებს, მამაკაცების მსგავსად, ვარსკვლავები მომხიბვლელობისა და ქარიზმის განსაკუთრებულ აურას გიბოძებენ. გრძნობებთან დაკავშირებულ საკითხებში ქალწულები წარმატებებს უკვე 2021 წლის პირველივე დღეებიდან მიაღწევთ. შეგიძლიათ პაემანზე წასვლა, ინიციატივის გამოჩენა, მაგრამ მოვლენების დაჩქარება არ ივარგებს.

ყველაზე, ყველაზე... ზოდიაქოს ნიშნების ძლიერი მხარეები>>

განწყობა და ჯანმრთელობა: ამ სფეროში ქალ ქალწულებს უფრო მშვიდი წელი გელოდებათ, ვიდრე მამაკაცებს. განწყობის მკვეთრი ცვლილებები, რომლებიც თქვენს გეგმებს დაარღვევს და იღბალს დაგაშორებთ, მოსალოდნელი არ არის. ზამთარსა და გაზაფხულზე კარგი იქნება, თუ ნეგატიური ჩვევებისგან გათავისუფლდებით.

გაეცანით ასევე 2021 წლის ჰოროსკოპს ვერძებისკუროებისტყუპების, კირჩხიბებისა და ლომებისთვის.

0