მეტრო ახმეტელის თეატრი

რატომ არის რიგები მეტროს შესასვლელებთან თბილისის მერია განმარტებას აკეთებს

97
ქვეყნის მასშტაბით დღეისთვის ყველაზე მეტად გაუარესებული ეპიდვითარება თბილისშია – დედაქალაქში დღეს კორონავირუსის 1493 ახალი შემთხვევა დაფიქსირდა

თბილისი, 13 ნოემბერი – Sputnik. თბილისის მერიამ  პიკის საათებში მეტროსადგურ „ახმეტელის თეატრის“ შესასვლელთან წარმოქმნილ მგზავრთა რიგებთან დაკავშირებით განცხადება გაავრცელა.

როგორც განცხადებაშია აღნიშნული, იმ დროს, როცა ქვეყანაში მძიმე ეპიდემიოლოგიური სიტუაციაა და ცენტრალური ხელისუფლების მხრიდან ყოველდღიურად ხდება ვირუსის გავრცელების წინააღმდეგ განსაკუთრებული ღონისძიებების გატარება, თბილისის მერია საკოორდინაციო საბჭოსთან შეთანხმებით შესაბამის ზომებს მიმართავს. 

„ერთ-ერთი ასეთი ღონისძიებაა მეტროპოლიტენში მგზავრთა ნაკადების მართვა. შედეგად ხდება მეტროსადგურების შიგნით მგზავრთა ნაკადის განტვირთვა და რიგის მართვა გარეთ, ღია სივრცეში. შედეგად, ქვედა ვესტიბიულებში ნაკადი იკლებს და მცირდება ვირუსის გავრცელების რისკი“, – აღნიშნულია განცხადებაში.

ანალოგიურად იმართებოდა დღეს რიგი დილით, პიკის საათის პერიოდში - მეტროსადგურ „ახმეტელის თეატრის“ შესასვლელში რიგი ღია სივრცეში შეკავდა, ხოლო მეტროს ვესტიბიულში იყო სიხალვათე.

„მოვუწოდებთ მოსახლეობას, დაიცვან სოციალური დისტანცია როგორც დახურულ, ისე ღია სივრცეში, მეტროსადგურების შესასვლელებთან არსებულ ბარიერებში, რათა მაქსიმალურად ავირიდოთ თავიდან ვირუსის გავრცელების რისკი“, – ნათქვამია განცხადებაში.

ცენტრალური ხელისუფლება კორონავირუსის გავრცელების პრევენციის მიზნით, სხვადასხვა ღონისძიებებს ახორციელებს. ქვეყნის მასშტაბით დღეისთვის ყველაზე მეტად გაუარესებული ეპიდვითარება თბილისშია.

13 ნოემბრის მონაცემებით, ქვეყანაში კორონავირუსი 73 ათასზე მეტ ადამიანს დაუდგინდა. გარდაიცვალა 636.

ეპიდვითარების გაუარესების გამო, ქვეყანაში ახალი წერტილოვანი შეზღუდვები ამოქმედდა. 9 ნოემბრიდან საქართველოს შვიდ დიდ ქალაქში 22:00 საათიდან 05:00 საათამდე პერიოდში იკრძალება როგორც ქვეითების, ისე ტრანსპორტის გადააადგილება.

97
თემები:
თბილისის მერია (275)
აღმაშენებლის ხეივანი

აღმაშენებლის ხეივანში მოძრაობა შეიზღუდება

6
(განახლებულია 22:23 24.11.2020)
აღმაშენებლის ხეივანში მოძრაობის შეზღუდვის მიზეზი სოფელ დიღომში წყალარინების ცენტრალური ქსელის მოწყობის სამუშაოებია.

თბილისი, 24 ნოემბერი – Sputnik. სოფელ დიღომში წყალარინების ქსელის მოწყობის გამო, აღმაშენებლის ხეივანში მოძრაობა დროებით შეიზღუდება, იუწყება თბილისის მერია.

სოფელ დიღომში წყალარინების ცენტრალური ქსელის მოწყობის სამუშაოებ გრძელდება. ამ ეტაპზე პროექტით გათვალისწინებული სამუშაოები აღმაშენებლის ძეგლის მიმდებარე ტერიტორიაზე, წრიულ სამანქანო ზოლში ჩატარდება.

25 ნოემბრიდან ერთი დღე-ღამის განმავლობაში აღნიშნულ საგზაო მონაკვეთში სამუშაოების მიმდინარეობისას ტრანსპორტის მოძრაობა დროებით შეიზღუდება. მძღოლები ავტომობილების მობრუნება მომდევნო წრიულ ზოლში შეძლებენ.

თბილისის მერია მოქალაქეებს შექმნილი დისკომფორტის გამო ბოდის უხდის.

6
თემები:
თბილისის მერია (275)
თბილისში მოქმედი შადრევნები გაითიშება

თბილისში მოქმედი შადრევნები გაითიშება

42
(განახლებულია 20:30 24.11.2020)
დედაქალაქში შადრევნები ახლა გაითიშება და უკვე გაზაფხულზე, ტემპერატურის მომატების შემდეგ კვლავ ჩაირთვება.

თბილისი, 24 ნოემბერი – Sputnik. ტემპერატურის ცვლილების გამო 25 ნოემბრიდან დედაქალაქში მოქმედი ყველა შადრევანი გაითიშება. ინფორმაციას ქალაქ თბილისის მერია ავრცელებს.

მერიის მიერ გავრცელებულ ინფორმაციაში ნათქვამია, რომ ზამთრის დადგომისას შადრევნები ყოველ წელს ითიშება, მათ მომავალი წლისთვის ამზადებენ და გაზაფხულზე, ტემპერატურის მომატების შემდეგ კვლავ ჩართავენ.

თბილისში არსებული 50-მდე შადრევნის მოვლა-პატრონობას შპს „ეკოსერვის ჯგუფი“ უზრუნველყოფს. შადრევნების ნაწილი რაიონული გამგეობების დაქვემდებარებაშია.

42
თემები:
თბილისი დღეს
პოლიციის ლენტი

დიღომში შუახნის ქალის ცხედარი იპოვეს

0
შუა ხნის ქალის ცხედარი ბელიაშვილის სკვერში იპოვეს. ტელეკომპანიის ინფორმაციით, გარდაცვლილი სოციალურად დაუცველი და უსახლკარო იყო.

თბილისი, 24 ნოემბერი – Sputnik. თბილისში, ბელიაშვილის ქუჩაზე მდებარე სკვერში სოციალურად დაუცველი უსახლკარო ქალის ცხედარი იპოვეს, იუწყება ტელეკომპანია „მთავარი არხი“.

გავრცელებული ინფორმაციით, უსახლკარო სიცივისგან გაიყინა. გარდაცვლილი სკვერში რამდენიმე საათის განმავლობაში ესვენა, სანამ ადგილზე მისული პოლიცია მის ვინაობას დაადგენდა.

გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს.

0
თემები:
შემთხვევები საქართველოში