თბილისის ტელეანძა

თბილისის ანძაზე სარემონტო სამუშაოები ჩატარდება

39
(განახლებულია 20:44 06.11.2020)
სამუშაოები, რომლის ფარგლებში ძველი და ექსპლუატაციიდან გამოსული პროჟექტორები შეიცვლება, ორი კვირა გაგრძელდება

თბილისი, 6 ნოემბერი - Sputnik. თბილისის ანძაზე სარემონტო-პროფილაქტიკური სამუშაოები განახორციელდება, იუწყება პირველი არხი.

დედაქალაქის მერიის ინფორმაციით, სამუშაოების ფარგლებში  ძველი და ექსპლუატაციიდან გამოსული პროჟექტორები შეიცვლება. კერძოდ, 40-მდე დაზიანებული სანათი მაღალი ხარისხის პროჟექტორებით ჩანაცვლდება.

თბილისის ანძაზე სარემონტო-პროფილაქტიკური სამუშაოები ორი კვირის განმავლობაში გაგრძელდება.  მას „თბილსერვის ჯგუფის“ გარე განათების საექსპლუატაციო დეპარტამენტი შეასრულებს.

თბილისის ტელეანძა 1972 წელს აშენდა. მისი სიმაღლე 274,5 მეტრია.

39
თემები:
თბილისი დღეს (1824)
ასაკოვანი ადამიანები

თბილისის მერია სოციალურად დაუცველ მოხუცებს საკვები პროდუქტებით მოამარაგებს

45
(განახლებულია 19:58 27.11.2020)
მერის განცხადებით, ყველა დაინტერესებულ პირს ექნება შესაძლებლობა, ჩაერთოს წამოწყებაში და დაეხმაროს იმ ადამიანებს, რომლებსაც არა აქვთ შესაძლებლობა, გამოვიდნენ და შეიძინონ საკვები პროდუქტები

თბილისი, 27 ნოემბერი  - Sputnik. ჩვენ გამოვნახეთ საშუალება, გამოიყოფა ნახევარი მილიონი ლარი, რათა დავეხმაროთ და ხელი შევუწყოთ საკვები პროდუქტებით სოციალურად დაუცველ მარტოხელა მოხუცებს, განაცხადა დედაქალაქის მერმა კახა კალაძემ დღე გამართულ  ბრიფინგზე.

როგორც თბილისის მერმა აღნიშნა, ეპიდემიოლოგიური მდგომარეობიდან გამომდინარე, ხვალიდან დიდ ქალაქებში შეზღუდვები ამოქმედდება და ამ დროს მნიშვნელოვანია, ადამიანები ერთმანეთის ჯანმრთელობასა და სიცოცხლეს  გაუფრთხილდნენ.

კალაძის განცხადებით, პანდემიის პირველი ტალღის დროს, ზუსტად ასეთი მიდგომებით ბევრ ოჯახს დაეხმარნენ. კერძოდ, შეიქმნება სპეციალურ პლატფორმა, სადაც ყველა ადამიანს,  ბიზნეს-სექტორის წარმომადგენელებს ექნებათ შესაძლებლობა, ჩაერთონ  წამოწყებაში.

„ანალოგიურად იქნება ეს პლატფორმა და მომდევნო დღეების განმავლობაში წინასაახალწლოდ ჩვენ უზრუნველვყოფთ საკვები პროდუქტების მიტანას კონკრეტულად ამ მოხუცებისათვის, რომლებიც შედიან რისკ–ჯგუფებში და მათ არა აქვთ შესაძლებლობა, გამოვიდნენ და შეიძინონ საკვები პროდუქტები“, - აღნიშნა მერმა.

ახალი შეზღუდვების სრული სია: რისი გაკეთება შეიძლება და რისი – არა>>

მისი თქმით, ბიზნეს-სექტორი უკვე გამოთქვამს მზადყოფნას ამ პროცესში ჩასართავად და დასახმარებლად.

„მინდა, მოვუწოდო გამგეობებსა და გამგეობის ყველა თანამშრომელს, ვისაც ჯანმრთელობის არანაირი პრობლემა არა აქვთ, წესების სრული დაცვით, დავიწყოთ ამ პროგრამის განხორციელება და მოვახდინოთ საკვები პროდუქტებით უზრუნველყოფა იმ ოჯახებისთვის და იმ ადამიანებისთვის, ვისაც ყველაზე მეტად გაუჭირდა“, – განაცხადა კახა კალაძემ.

მერის ინფორმაციით, ნახევარი მილიონი ლარი  მერიის სარეზერვო ფონდიდან გამოიყოფა.

სექტემბრის დასაწყისიდან ქვეყანაში ინფიცირების ბუმი დაიწყო – კორონავირუსის ახალი შემთხვევების დღიურმა ზრდამ ბოლო დღეებში 4 ათასს მიაღწია, დღეს კი რეკორდული მაჩვენებელი - 4780 ახალი დადასტურებული შემთხვევა გამოვლინდა, მათ შორის თბილისში – 1863. ბოლო მონაცემებით,  ინფიცირებულთა საერთო რიცხვმა 123 470-ს მიაღწია. სულ გამოჯანმრთელდა 102 270ადამიანი, გარდაიცვალა – 1 161.

ხუთშაბათს საქართველოს მთავრობამ დაამტკიცა კორონავირუსთან ბრძოლის ორთვიანი გეგმა, რომლის თანახმად ამ პერიოდში ქვეყანაში რიგი შეზღუდვები იმოქმედებს.

45
თემები:
თბილისის მერია

მოვასწროთ ყველაფერი: შეზღუდვების დაწესებამდე თბილისი „დიდ საცობად“ გადაიქცა ვიდეო

70
(განახლებულია 19:54 27.11.2020)
დღეს შეზღუდვების დაწესებამდე ბოლო თავისუფალი დღეა. ხვალიდან იკეტება რესტორნები და სავაჭრო ცენტრები, რასაც დღეს „შავი პარასკევიც“ დაერთო.

ამის გამო ქალაქში წარმოუდგენელი ხალხმრავლობაა, გზები კი გადატვირთულია. მტკვრის ორივე სანაპიროზე უზარმაზარი „საცობები“ წარმოიქმნა, რადგან ქალაქის გასასვლელებში დიდი სავაჭრო ცენტრებია განთავსებული.

70

საბავშვო ევროვიზია 2020: ფინალამდე რჩება ორი დღე - ვიდეო

0
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

0