მხატვარი ხატავს

თბილისის სახელოვნებო სკოლები დროებით დაიხურება

50
(განახლებულია 18:37 04.11.2020)
სახელოვნებო სკოლებში მუშაობა განახლდება მაშინ, როცა საკოორდინაციო საბჭო და ეპიდემიოლოგები შესაბამის რეკომენდაციას გასცემენ

თბილისი, 4 ნოემბერი – Sputnik. თბილისის სახელოვნებო სკოლები 5 ნოემბრიდან დროებით დაიხურება, იუწყება თბილისის მერია.

აღნიშნული გადაწყვეტილება ეპიდვითარების გაუარესების გამო და ჯანდაცვის სფეროს სპეციალისტების რეკომენდაციის საფუძველზეა მიღებული.

თბილისის მერის მოადგილის, ანდრია ბასილაიას განცხადებით, ქვეყანაში არსებული ეპიდემიოლოგიური მდგომარეობიდან გამომდინარე, დანიშნულ პერიოდში გარკვეულ სახელოვნებო დარგებში სასწავლო პროცესი ონლაინრეჟიმში გაგრძელდება. იმ დარგებში კი, სადაც დისტანციური სწავლება პრობლემას წარმოადგენს, საგანმანათლებლო პროცესი დროებით შეჩერდება. 

დაინტერესებულმა პირებმა სწავლების ფორმის შესახებ დეტალური ინფორმაციისთვის სახელოვნებო სკოლების ადმინისტრაციას უნდა მიმართონ. სახელოვნებო სკოლებში მუშაობა განახლდება მაშინ, როცა საკოორდინაციო საბჭო და ეპიდემიოლოგები შესაბამის რეკომენდაციას გასცემენ.

საქართველოს მთავრობის გადაწყვეტილებით 4 ნოემბრიდან ასევე სავალდებულო ხდება პირბადის გამოყენება ღია სივრცეებში, რესტორნები მთელი ქვეყნის მასშტაბით 22:00 საათამდე იმუშავებენ, ხოლო სკოლები დიდ ქალაქებში დისტანციურ სწავლებაზე გადადიან. ხვალიდან თბილისში საბავშვო ბაღებიც დროებით იხურება. გარდა ამისა, მოქმედებს მთელი რიგი სხვა შეზღუდვები.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2 295-ით გაიზარდა და ინფიცირებულთა საერთო რიცხვმა 46817-ს მიაღწია.

ამ დროისათვის სულ გამოჯანმრთელდა 31 170 ადამიანი (ბოლო დღე-ღამეში – 2 537), გარდაიცვალა – 381.

საქართველოში კორონავირუსის პირველი შემთხვევა 26 თებერვალს დაფიქსირდა.

50
თემები:
თბილისის მერია (275)
აღმაშენებლის ხეივანი

აღმაშენებლის ხეივანში მოძრაობა შეიზღუდება

23
(განახლებულია 22:23 24.11.2020)
აღმაშენებლის ხეივანში მოძრაობის შეზღუდვის მიზეზი სოფელ დიღომში წყალარინების ცენტრალური ქსელის მოწყობის სამუშაოებია.

თბილისი, 24 ნოემბერი – Sputnik. სოფელ დიღომში წყალარინების ქსელის მოწყობის გამო, აღმაშენებლის ხეივანში მოძრაობა დროებით შეიზღუდება, იუწყება თბილისის მერია.

სოფელ დიღომში წყალარინების ცენტრალური ქსელის მოწყობის სამუშაოებ გრძელდება. ამ ეტაპზე პროექტით გათვალისწინებული სამუშაოები აღმაშენებლის ძეგლის მიმდებარე ტერიტორიაზე, წრიულ სამანქანო ზოლში ჩატარდება.

25 ნოემბრიდან ერთი დღე-ღამის განმავლობაში აღნიშნულ საგზაო მონაკვეთში სამუშაოების მიმდინარეობისას ტრანსპორტის მოძრაობა დროებით შეიზღუდება. მძღოლები ავტომობილების მობრუნება მომდევნო წრიულ ზოლში შეძლებენ.

თბილისის მერია მოქალაქეებს შექმნილი დისკომფორტის გამო ბოდის უხდის.

23
თემები:
თბილისის მერია (275)
თბილისში მოქმედი შადრევნები გაითიშება

თბილისში მოქმედი შადრევნები გაითიშება

46
(განახლებულია 20:30 24.11.2020)
დედაქალაქში შადრევნები ახლა გაითიშება და უკვე გაზაფხულზე, ტემპერატურის მომატების შემდეგ კვლავ ჩაირთვება.

თბილისი, 24 ნოემბერი – Sputnik. ტემპერატურის ცვლილების გამო 25 ნოემბრიდან დედაქალაქში მოქმედი ყველა შადრევანი გაითიშება. ინფორმაციას ქალაქ თბილისის მერია ავრცელებს.

მერიის მიერ გავრცელებულ ინფორმაციაში ნათქვამია, რომ ზამთრის დადგომისას შადრევნები ყოველ წელს ითიშება, მათ მომავალი წლისთვის ამზადებენ და გაზაფხულზე, ტემპერატურის მომატების შემდეგ კვლავ ჩართავენ.

თბილისში არსებული 50-მდე შადრევნის მოვლა-პატრონობას შპს „ეკოსერვის ჯგუფი“ უზრუნველყოფს. შადრევნების ნაწილი რაიონული გამგეობების დაქვემდებარებაშია.

46
თემები:
თბილისი დღეს
მთავრობის ადმინისტრაცია

რაზე ისაუბრა პრემიერ-მინისტრმა ბიზნესისა და საფინანსო სექტორის წარმომადგენლებთან

0
პრემიერ-მინისტრმა ბიზნესისა და საფინანსო სექტორის წარმომადგენლებთან მომავალი წლის მაკროეკონომიკური პარამეტრები და პოსტპანდემიური ეკონომიკური აღდგენის გზები განიხილა

თბილისი, 24 ნოემბერი – Sputnik. პანდემიით გამოწვეული მსოფლიო ეკონომიკური კრიზისის გავლენა საქართველოზე, მთავრობის ეკონომიკური გეგმა და ნაბიჯები, რომელთა გადადგმა ბიზნესისა და მოქალაქეების სოციალური მხარდაჭერის მიმართულებით იგეგმება - ეს და სხვა საკითხები განიხილებოდა დღეს საქართველოს პრემიერ-მინისტრ გიორგი გახარიასა და ბიზნესისა და საფინანსო სექტორის წარმომადგენლების შეხვედრაზე მთავრობის ადმინისტრაციაში.

საუბარი შეეხო ასევე მთავრობის ეკონომიკურ გეგმას მომდევნო წლების განმავლობაში, მათ შორის მომდევნო წლის სახელმწიფო ბიუჯეტის მაჩვენებლებს.

ბიზნესისა და საფინანსო სექტორის წარმომადგენლებმა თავის მხრივ ის ეკონომიკური გამოწვევები დაასახელეს, რომელთა ასახვა ეკონომიკური განვითარების საშუალოვადიან გეგმაში მათი თვალსაზრისით მნიშვნელოვანია.

აღინიშნა, რომ კრიტიკულად მნიშვნელოვანია, ქვეყანა სწრაფად გამოვიდეს კრიზისიდან, მაქსიმალურად შენარჩუნდეს და აღდგეს სამუშაო ადგილები და გაუმჯობესდეს მოსახლეობის შემოსავლების დონე.

შეხვედრაზე აღინიშნა, რომ პოსტპანდემიურ პერიოდში განსაკუთრებით მნიშვნელოვანი იქნება, კიდევ უფრო გაძლიერდეს კოორდინაცია და თანამშრომლობა საქართველოს მთავრობას, ბიზნესსა და ეროვნულ ბანკს შორის.

შეხვედრას ასევე ესწრებოდა ეროვნული ბანკის პრეზიდენტი კობა გვენეტაძე, რომელმაც პოსტპანდემიურ პერიოდში ფულად-საკრედიტო და მონეტარულ პოლიტიკაზე ისაუბრა.

ჰოსპიტალურ სექტორში 279 თავისუფალი საწოლია – ჯანდაცვის მინისტრი >>

შეხვედრაში მთავრობის ეკონომიკური გუნდიდან მონაწილეობდნენ - ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, ფინანსთა მინისტრი ივანე მაჭავარიანი, ეკონომიკისა და მდგრადი განვითარების მინისტრი ნათია თურნავა.

ხოლო ბიზნესის მხრიდან შეხვედრას ბიზნესასოციაციის პრეზიდენტი სოსო ფხაკაძე, „საქართველოს ბანკის" გენერალური დირექტორი არჩილ გაჩეჩილაძე და „თიბისი ბანკის" გენერალური დირექტორი ვახტანგ ბუცხრიკიძე ესწრებოდნენ.

0
თემები:
საქართველოს მთავრობა