მგზავრები პირბადეებით

კალაძე: საზოგადოებრივ ტრანსპორტში პირბადის ტარების მკაცრი კონტროლი გრძელდება

73
(განახლებულია 18:47 04.11.2020)
საქართველოში შექმნილი რთული ეპიდემიოლოგიური ვითარებიდან გამომდინარე, დღეიდან პირბადის ტარება სავალდებულო გახდა როგორც დახურულ, ასევე ღია სივრცეში.

თბილისი, 4 ნოემბერი – Sputnik. გუშინ ავტობუსში პირბადის გარეშე ასვლა 1489 მგზავრმა სცადა, ხოლო პირბადის ტარების წესთან დაკავშირებით 1567 მგზავრს მიეცა გაფრთხილება, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.

პირბადის ტარება ღია სივრცეში სავალდებულო ხდება>>

როგორც დედაქალაქის მერმა აღნიშნა, საზოგადოებრივ ტრანსპორტში პირბადის ტარების კუთხით მკაცრი კონტროლი მიმდინარეობს.

„ვიცავთ საკუთარ თავს და ირგვლივ მყოფ ადამიანებს. კონტროლი გრძელდება როგორც ავტობუსებში, მიკროავტობუსებში, ასევე მეტროში. ხშირია შემთხვევები, რომ მხოლოდ პირზე აქვთ პირბადე და მთლიანად არ უფარავთ ცხვირსა და პირს. ორ შემთხვევაში მოხდა საპატრულო პოლიციის გამოძახება“, – განაცხადა კალაძემ.

რაც შეეხება მიკროავტობუსებს, კალაძის ინფორმაციით, გუშინ 63 მოქალაქეს ჰქონდა მცდელობა, პირბადის გარეშე ემგზავრა, თუმცა მონიტორინგის სამსახურის თანამშრომლებს დაემორჩილნენ და გაიკეთეს პირბადე. ასევე გამოვლინდა ფეხზე დგომით მგზავრობის სამი შემთხვევა, რის გამოც მგზავრებს რეკომენდაცია მიეცათ, მიკროავტობუსის მძღოლებს კი ორი დღით აეკრძალათ მუშაობა.

კორონავირუსის გავრცელების პრევენციის მიზნით აკრძალულია საზოგადოებრივი ტრანსპორტით მგზავრობა პირბადის გარეშე, აკრძალულია ასევე მიკროავტობუსებში მგზავრობის დროს ფეხზე დგომა.

საქართველოში შექმნილი რთული ეპიდემიოლოგიური ვითარებიდან გამომდინარე, დღეიდან პირბადის ტარება სავალდებულო გახდა ღია სივრცეშიც. როგორც დახურულ, ისე ღია სივრცეში პირბადის გარეშე ყოფნისა და გადაადგილების გამო მოქალაქე დაისჯება 20 ლარის ოდენობის ჯარიმით, ხოლო შენობის მფლობელი, სადაც დარღვევა მოხდება, 500 ლარით დაჯარიმდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 2295-ით გაიზარდა და ინფიცირებულთა საერთო რიცხვმა 46817-ს მიაღწია.

ამ დროისათვის სულ გამოჯანმრთელდა 31 170 ადამიანი (ბოლო დღე-ღამეში – 2 537), გარდაიცვალა 381 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

73
თემები:
COVID-19 საქართველოში (2581)
თბილისი

როგორი ამინდი იქნება თბილისში ოთხშაბათს, 2 დეკემბერს

18
(განახლებულია 14:14 30.11.2020)
ოთხშაბათს საქართველოს დედაქალაქში მზიანი და უნალექო ამინდია მოსალოდნელი, ტემპერატურა 10 გრადუსს მიაღწევს.

თბილისი, 30 ნოემბერი – Sputnik. სინოპტიკოსები ოთხშაბათს, 2 დეკემბერს თბილისში უნალექო და მზიან ამინდს პროგნოზირებენ.

ჰაერის მინიმალური ტემპერატურა დაფიქსირდება ღამით – პლუს 2–3 გრადუსი, ხოლო დღისით ჰაერი 9–10 გრადუსამდე გათბება.

მზე 08:09 საათზე ამოვა და 17:30 საათზე ჩავა.

18
თემები:
ამინდის ზუსტი პროგნოზი თბილისში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 30 ნოემბერს

38
(განახლებულია 13:57 30.11.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 30 ნოემბერი – Sputnik. სააქციო საზოგადოება „თელასი" იუწყება, რომ 30 ნოემბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

მთაწმინდის რაიონი

10:00 საათიდან 18:00 საათამდე შეზღუდვა შეეხება: სოფელი თელეთის, ზემო ფონიჭალის, ფონიჭალის III მიკრორაიონის და ვირსალაძის ქუჩის მოსახლეობას.

ვაკის რაიონი

10:00 საათიდან 18:00 საათამდე შეზღუდვა შეეხება: სოფელი კოჯრის, ბეთანიის, კიკეთის, სამადლოს და დიდების მოსახლეობას.

11:00 საათიდან 16:00 საათამდე შეზღუდვა შეეხება: ილია ჭავჭავაძის გამზირის მოსახლეობას.

ისნის რაიონი

10:00 საათიდან 15:00 საათამდე შეზღუდვა შეეხება: ვაზისუბნის III მიკრორაიონის და ჯუმბერ ლეჟავას ქუჩის მოსახლეობას.

გლდანის რაიონი

10:00 საათიდან 18:00 საათამდე შეზღუდვა შეეხება: გლდანის მასივის VII მიკრორაიონის მოსახლეობას.

საბურთალოს რაიონი

10:00 საათიდან 17:00 საათამდე შეზღუდვა შეეხება: ოთარ ლორთქიფანიძის ქუჩის მოსახლეობას.

11:00 საათიდან 17:00 საათამდე შეზღუდვა შეეხება: ავთო ვარაზის ქუჩის მოსახლეობას.

სამგორის რაიონი

11:00 საათიდან 17:00 საათამდე შეზღუდვა შეეხება: სოფელი დიდი ლილოს, ვარკეთილის მეურნეობის, ზემო ალექსეევკის დასახლების, კახეთის გზატკეცილის, თვალჭრელიძის, მშვიდობის და ქართველიშვილის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

38
თემები:
თბილისი დღეს
ეკატერინე ტიკარაძე

ტიკარაძე: რა თქმა უნდა, პრობლემები და ხარვეზები არის

0
(განახლებულია 14:39 30.11.2020)
ქვეყანაში კორონავირუსის მეორე ტალღაა – ახალი შემთხვევების დღიურმა ზრდამ ბოლო დღეებში 4 ათასს გადააჭარბა, Covid-19-ით დაავადებულთა რაოდენობამ კი 135 584-ს მიაღწია

თბილისი, 30 ნოემბერი - Sputnik. კორონავირუსით ინფიცირებული პაციენტების მართვის კუთხით პრობლემები და ხარვეზები არის, რომლის აღმოფხვრასაც ჯანდაცვის სისტემა ცდილობს, განაცხადა საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ მთავრობის ადმინისტრაციაში გამართულ ბრიფინგზე.

როგორც მინისტრმა განაცხადა, პრობლემა ძირითადად თავისუფალი საწოლების რაოდენობაშია და ამ საკითხის მოგვარებაში ის პირადად არის ჩართული.

„ყოველდღიურ რეჟიმში „112“-დან დაწყებული ბოლო წერტილამდე, პაციენტის განთავსებამდე, გავდივართ ამ ჯაჭვს თავიდან ბოლომდე, ვაკვირდებით, რა არის პრობლემა და ვცდილობთ, ეს პრობლემები მოვაგვაროთ. პირადად ვარ ჩართული ამაში, ასევე ჩართულია ორივე მოადგილე და ყველა სსიპ-ის ხელმძღვანელი. მუდმივ რეჟიმში ვაკვირდებით ამ ხარვეზებს და შესაბამისად, ვცდილობთ მათ აღმოფხვრას“, - განაცხადა ტიკარაძემ.

ტიკარაძის განმარტებით, ქვეყანაში საწოლფონდი 6 ათასიდან 7 100-მდე გაიზარდა. მისი თქმით, არც ერთი ქვეყნის მიზანი არ არის საწოლფონდების მაქსიმალური რაოდენობის გამოყენება. სწორედ აქედან გამომდინარე, როგორც მინისტრმა აღნიშნა, მნიშვნელოვანია, ჩატარდეს პრევენციული ღონისძიებები და დაწესდეს შეზღუდვები საწოლფონდის განტვირთვის მიზნით.

სექტემბრის დასაწყისიდან ქვეყანაში ინფიცირების ბუმი დაიწყო – კორონავირუსის ახალი შემთხვევების დღიურმა ზრდამ ბოლო დღეებში 4 ათასს გადააჭარბა. კორონავირუსით დაავადებულთა რაოდენობა ბოლო დღე-ღამეში კი 3 216-ით გაიზარდა და ინფიცირებულთა საერთო რიცხვმა 135 584-ს მიაღწია. სულ გარდაცვლილია 1267 ადამიანი.

საქართველოში 28 ნოემბრიდან რთული ეპიდვითარების გამო ხელისუფლებამ ახალი შეზღუდვები აამოქმედა, რომლებიც 2021 წლის 31 იანვრამდე იქნება ძალაში.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში (2581)