საბავშვო ბაღი

კორონავირუსი თბილისში: ერთი ინფიცირებული და საბავშვო ბაღი იკეტება

119
(განახლებულია 21:45 15.10.2020)
კორონავირუსი საბავშვო ბაღის თუნდაც ერთ თანამშრომელს ან აღსაზრდელს რომ აღმოაჩნდეს, დაწესებულება იხურება

თბილისი, 15 ოქტომბერი - Sputnik. თბილისის 14 საბავშვო ბაღში კორონავირუსით ინფიცირების შემთხვევები დაფიქსირდა, განაცხადა საბავშვო ბაღების მართვის სააგენტოს ხელმძღვანელმა კახაბერ გვანცელაძემ.

მისი ინფორმაციით, 14 ინფიცირებულიდან 12 მათგანი თანამშრომელია, ორი კი - საბავშვო ბაღების აღსაზრდელი. იმ შემთხვევაში, თუ საბავშვო ბაღში ინფიცირების თუნდაც ერთი შემთხვევა დაფიქსირდება, დაწესებულება იხურება.

„უსაფრთხოების ზომები მაქსიმალურად დაცულია ყველა საბავშვო ბაღში. ჩვენ ვასრულებთ ჯანდაცვის სამინისტროს ყველა რეკომენდაციას. დასწრება მცირეა, მაგრამ მშობლებს ბავშვები ბაღებში დაჰყავთ ჩვეულებრივად. ორშაბათს ოთხი საბავშვო ბაღი არ გავხსენით, ხოლო მას შემდეგ 10 დავხურეთ. როდესაც თანამშრომელს ან აღსაზრდელს კოვიდინფექცია უფიქსირდება, ჩვენ 112-ს ვუკავშირდებით და ბაღი იხურება“, - განუცხადა გვანცელაძემ ჟურნალისტებს.

სააგენტოს ხელმძღვანელმა ჩამოთვალა ის ბაღები, სადაც კორონავირუსი დაფიქსირდა. ესენია: №36, №99, №89, №53, №4, №29, №153, №35, №16, №21, №72, №93, №190 საბავშვო ბაღები და ბაღი „ხუთკუნჭულა“.

თბილისის საბავშვო ბაღებში სასწავლო-სააღმზრდელო პროცესი 12 ოქტომბერს დაიწყო.

ახალი წესების თანახმად, მშობლები საბავშვო ბაღში მისვლისას დაინახავენ სტიკერებს, რომლებიც მიუთითებენ, სად უნდა იდგნენ ისინი შვილებთან ერთად. სტიკერებზე მითითებული ციფრებით შეიძლება ასაკობრივი კატეგორიის ჯგუფების განსაზღვრა: ორიდან სამ წლამდე, სამიდან ოთხ წლამდე, ოთხიდან ხუთ და ხუთიდან ექვს წლამდე.

მშობლები უნდა იდგნენ სწორედ იმ ადგილზე, რომელზეც ბავშვის ასაკია მითითებული. ამის შემდეგ ხალათით, ნიღბითა და ხელთათმანებით აღჭურვილი აღმზრდელი შენობიდან გამოვა და ბავშვს წაიყვანს. შემდეგ აღსაზრდელს გაუზომავენ სიცხეს და შეიყვანენ შენობაში.

თუ ბავშვს ტემპერატურა აღმოაჩნდება, მშობელს 112-ში დარეკვას ურჩევენ. ხოლო თუ ტემპერატურა დღის განმავლობაში მოიმატებს, აღმზრდელი მას ე.წ. საიზოლაციო ოთახში მედდასთან გადაიყვანს, რომელიც სპეციალურად არის ეკიპირებული. იქ ბავშვი მშობლებს დაელოდება. მათი დაგვიანების შემთხვევაში 112-ს საბავშვო ბაღი დაუკავშირდება. ყველა ინდივიდუალური შემთხვევა ცალ-ცალკე განიხილება.

თბილისის საბავშვო ბაღებში ყოველ ორ საათში ერთხელ განიავდება ოთახები, აღმზრდელები კი მთელი დღის განმავლობაში ნიღბებით იმუშავებენ. წესების ახალ ჩამონათვალში შეიცვალა საბავშვო ბაღებში სათამაშოების გამოყენების პირობებიც. კერძოდ, დაუშვებელია ისეთი სათამაშოების გამოყენება, რომელთა დეზინფექცია ან გარეცხვა შეუძლებელია.

119
თემები:
COVID-19 საქართველოში (2236)
თბილისი

ამინდის ზუსტი პროგნოზი თბილისში 31 ოქტომბერს

16
(განახლებულია 14:57 29.10.2020)
თბილისელებსა და დედაქალაქის სტუმრებს შაბათს თბილი ამინდი ელოდებათ – სინოპტიკოსები პლუს 23 გრადუსს პროგნოზირებენ.

თბილისი, 29 ოქტომბერი – Sputnik. თბილისში შაბათს, 31 ოქტომბერს ღრუბლიანი, თუმცა უნალექო ამინდია მოსალოდნელი.

მზე 07:32 საათზე ამოვა და 17:56 საათზე ჩავა.

ღამით ჰაერის მინიმალური ტემპერატურა პლუს 12, დღისით მაქსიმალური კი პლუს 23 გრადუსია ნავარაუდევი. ქარი წამში 8–13 მეტრი სიჩქარით დაუბერავს.

16
თემები:
ამინდის ზუსტი პროგნოზი თბილისში
 თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 29 ოქტომბერს

35
(განახლებულია 13:54 29.10.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 29 ოქტომბერი – Sputnik. სააქციო საზოგადოება „თელასი" იუწყება, რომ 29 ოქტომბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ვაკის რაიონი

10:00 საათიდან 18:00 საათამდე შეზღუდვა შეეხება: წყნეთის გზატკეცილის მოსახლეობას.

12:00 საათიდან 14:00 საათამდე შეზღუდვა შეეხება: ჭავჭავაძის გამზირის მოსახლეობას.

საბურთალოს რაიონი

11:00 საათიდან 17:00 საათამდე შეზღუდვა შეეხება: სოფელი დიღმის, დიდი დიღმის III მიკრორაიონის და მეფე მირიანის ქუჩის მოსახლეობას.

11:00 საათიდან 16:00 საათამდე შეზღუდვა შეეხება: ვაჟა-ფშაველას გამზირის, ვაჟა-ფშაველას VII კვარტლის და ქავთარაძის ქუჩის მოსახლეობას.

11:00 საათიდან 16:00 საათამდე შეზღუდვა შეეხება: ლისის ტბის მიმდებარე ტერიტორიის, ყაზბეგის გამზირის და მიცკევიჩის ქუჩის მოსახლეობას.

13:00 საათიდან 15:00 საათამდე შეზღუდვა შეეხება: მინდელის ქუჩის მოსახლეობას.

გლდანის რაიონი

11:00 საათიდან 17:00 საათამდე შეზღუდვა შეეხება: მუხიანის III მიკრორაიონის მოსახლეობას.

ნაძალადევის რაიონი

11:00 საათიდან 13:00 საათამდე შეზღუდვა შეეხება: წერონისის, ჟღენტის, ზედამზის, ლაითურის და მაჩხაანის ქუჩების მოსახლეობას.

12:00 საათიდან 14:00 საათამდე შეზღუდვა შეეხება: თემქის დასახლების XI მიკრორაიონის II კვარტლის მოსახლეობას.

სამგორის რაიონი

10:00 საათიდან 14:00 საათამდე შეზღუდვა შეეხება: მოსკოვის გამზირის, კახეთის გზატკეცილის, გრიგოლ ლორთქიფანიძის, ქინძმარაულის და ჯავახეთის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

35
თემები:
თბილისი დღეს
შვეიცარიის დროშა

შვეიცარიამ საქართველო „წითელი ზონიდან“ ამოიღო

0
(განახლებულია 16:29 29.10.2020)
ე.წ. „წითელი ზონის“ სიიდან ამიღეს ის ქვეყნები, სადაც 100 ათას მოსახლეზე ინფიცირების შემთხვევები უფრო ნაკლებია, ვიდრე შვეიცარიაში

თბილისი, 29 ოქტომბერი — Sputnik. შვეიცარიამ ქვეყნების უმეტესობა, მათ შორის, საქართველო  ე.წ. „წითელი ზონის“  ჩამონათვალიდან ამოიღო, ნათქვამია შვეიცარიის საზოგადოებრივი ჯანმრთელობის ფედერალური ოფისის ვებ–გვერდზე გავრცელებულ განცხადებაში

 „წითელ ზონაში“ ის ქვეყნები და რეგიონები რჩებიან, სადაც 100 ათას მოსახლეზე ინფიცირების ის რაოდენობა მოდის, რაც შვეიცარიის მაჩვენებელს აღემატება.

ვებ–გვერდზე გავრცელებული ინფორმაციის თანახმად, „წითელ სიაში“ შედიან ანდორა, ბელგია, ჩეხეთი და სომხეთი. გარდა ამისა, „წითელ ზონადაა“ გამოცხადებული საფრანგეთის ზოგიერთი რეგიონი. ამ ქვეყნებისა თუ რეგიონების მოქალაქეებს, შვეიცარიის საზღვრის გადაკვეთის შემთხვევაში, კარანტინის გავლა მოუწევთ.

28 ოქტომბრის მონაცემებით, შვეიცარიაში კორონავირუსის ახალი შემთხვევების რეკორდული მაჩვენებელი 8 616 დაფიქსირდა. შექმნილი ეპიდვითარებიდან გამომდინარე, ხელისუფლებამ უსაფრთხოების ზომები გაამკაცრა. კერძოდ, აკრძალულია ბარსა და რესტორანში ერთ მაგიდასთან ოთხი ადამიანის ყოფნა. აღნიშნულ დაწესებულებებს მუშაობის უფლება 23:00 საათამდე აქვთ.

 რაც შეეხება საქართველოს, ბოლო დღე–ღამეში  კორონავირუსით ინფიცირების 1709 ახალი შემთხვევა გამოვლინდა და საერთო რაოდენობამ 35 567–ს მიაღწია, გარდაიცვალა 20 პაციენტი.

0