პარკი თბილისში

თბილისის გენგეგმის ავტორი: არ არის საჭირო ახალი ცენტრალური პარკის თემის პოლიტიზება

65
(განახლებულია 19:10 08.10.2020)
არჩევნები ჩაივლის, ქალაქს კი გამწვანებული და სარეკრეაციო ზონები სჭირდება, სწორედ ამას ემსახურება პარკის პროექტი, რომელიც ყოფილი იპოდრომის ტერიტორიაზე ორი წლის შემდეგ გაჩნდება

თბილისი, 8 ოქტომბერი — Sputnik. თბილისის მიწათსარგებლობის გენერალური გეგმის ერთ-ერთმა ავტორმა, კომპანია „სითი ინსტიტუტის“ დირექტორმა მამუკა სალუქვაძემ ყოფილი იპოდრომის ტერიტორიაზე ცენტრალური პარკის მშენებლობას მისასალმებელი ფაქტი უწოდა და ყველას მოუწოდა, ამ თემის პოლიტიზირებისგან თავი შეიკავონ.

ეს იქნება თანამედროვე პარკი, რომლის მსგავსიც საქართველოში ჯერ არ გაშენებულა - ეკოლოგი >>

ახალი ცენტრალური პარკი თბილისში ყოფილი იპოდრომის ტერიტორიაზე 36 ჰექტარ ფართობზე განთავსდება. ეს ტერიტორია დედაქალაქს მმართველი პარტია „ქართული ოცნება – დემოკრატიული საქართველოს“ თავმჯდომარემ, მილიარდერმა ბიძინა ივანიშვილმა და მისმა ფონდმა „ქართუმ“ უსასყიდლოდ გადასცეს.

„როგორც „ქართული ოცნებისთვის“ არის არჩევნები, ასევეა ოპოზიციისთვის. კარგი ფაქტი მოხდა და ვაღიაროთ, რადგან ამით მომავალში ისარგებლებს როგორც ოპოზიციის, ასევე – მმართველი პარტიის წარმომადგენელიც. აბსოლუტურად არ არის საჭირო ამ თემის პოლიტიზება“, - განუცხადა ჟურნალისტებს სალუქვაძემ.

მისი თქმით, კარგი იქნებოდა, სხვებმაც რომ მიბაძონ ბიძინა ივანიშვილს და გადასცენ დედაქალაქს ის ტერიტორიები, რომლებიც მათ საკუთრებაშია.

Проект нового центрального парка в Тбилиси
ახალი ცენტრალური პარკის პროექტი

„ძალიან მნიშვნელოვანია, ამგვარ გამოვლინებებს მივესალმოთ, მოვიწონოთ. ძალიან ბევრია ისეთი ტერიტორია თბილისში, რომელიც კერძო საკუთრებაშია და ქალაქისთვის ძალიან მნიშვნელოვანია. თუ სხვა კერძო მესაკუთრეებიც დაფიქრდებიან, ამგვარ ტერიტორიებს ქალაქს დაუბრუნებენ, ეს ძალიან კარგი და მისასალმებელი იქნება. ქალაქს ნამდვილად სჭირდება გამწვანებული და რეკრეაციული ტერიტორიები განაშენიანებულ ნაწილში“, - განაცხადა სალუქვაძემ და აღნიშნა, რომ ქალაქის განაშენიანებულ ნაწილში  გამწვანებისა და რეკრეაციის წილი კატასტროფულად მცირეა - საშუალოდ სამი კვადრატული მეტრი ერთ სულ მოსახლეზე.

სალუქვაძის თქმით, თბილისს ძალიან სჭირდება გამწვანებული და სარეკრეაციო ტერიტორიები.

„მოდით, ყველა საკითხის პოლიტიზირებას შევეშვათ... ახლა მთავარზე ვისაუბროთ, რამდენად მნიშვნელოვანია ეს პროექტი ქალაქისთვის. „მწვანე ქალაქი“ ქალაქის გენგეგმის ერთ-ერთი კონცეპტუალური მიმართულებაა. პარკების მშენებლობა, გამწვანებული ტერიტორიების განახლება თუ სხვა, ეს ყველაფერი ჯდება ამ კონცეპტუალურ მიმართულებაში. ამის გარეშე, ფაქტობრივად, წარმოუდგენელიც იქნებოდა ქალაქში სრულფასოვნად ცხოვრება“, – განაცხადა მამუკა სალუქვაძემ.

ის ასევე გამოეხმაურა ოპოზიციის განცხადებებს იმასთან დაკავშირებით, რომ ივანიშვილმა იპოდრომის ტერიტორია სრულად არ გადასცა ქალაქს, არამედ რვა ჰექტარი თავისთვის დაიტოვა. სალუქვაძემ განმარტა, რომ ტერიტორიას სარეკრეაციო ზონა №1-ის სტატუსი აქვს მინიჭებული, რაც ნიშნავს, რომ იქ კერძო მშენებლობა აკრძალულია.

Проект нового центрального парка в Тбилиси
ახალი ცენტრალური პარკის პროექტი

„რაც შეეხება თავად პარკს, იმ ფუნქციას, რომელიც აქვს  – ჩვენ, ჯერჯერობით, ვნახეთ რენდერი. ნათქვამი იყო, რომ ამ ყველაფრის დეტალური პროექტირება მომავალში მოხდება. გენგეგმას თავისი მიდგომა ჰქონდა ამ ტერიტორიასთან დაკავშირებით, რა ფუნქციით უნდა ყოფილიყო ეს პარკი, ამაზე ბევრი ვიმსჯელეთ. ძალიან სპეციფიკური ტერიტორიაა. ეს არ არის კლასიკური გაგებით პარკი. სანამ დეტალურ გეგმარებაზე გადასულა თბილისის მერია და ის ჯგუფი, რომელიც ამას აპროექტებს, ჩვენი რჩევაა, მოხდეს უკვე არსებული ესკიზის საჯარო განხილვები“, – განაცხადა მამუკა სალუქვაძემ.

მსგავსი მნიშვნელოვანი პროექტის დაგეგმარებისას ყველას აზრი მნიშვნელოვანია, რათა გათვალისწინებული იყოს იმ ჯგუფების ინტერესებიც, რომლებიც ამ ტერიტორიაზე ცხოვრების ჯანსაღ წესს მისდევენ ან ისვენებენ, აღნიშნა მან.

ბიძინა ივანიშვილის მიერ ყოფილი იპოდრომის ქალაქისთვის გადაცემის ფაქტი ოპოზიციაში მმართველი პარტია „ქართული ოცნების“ წინასაარჩევნო კამპანიის ნაწილად აღიქვეს.

როგორი იქნება ცენტრალური პარკი

ახალი ცენტრალური პარკის პრეზენტაცია, რომელიც ყოფილი იპოდრომის ტერიტორიაზე 36 ჰექტარ ფართობზე განთავსდება და დაიყოფა 26 გასართობ და დასვენების ზონად, სამშაბათს გაიმართა. http://tbilisi.gov.ge/news/10688

წარმოდგენილი პროექტის თანახმად, ეს იქნება მულტიფუნქციური სივრცე, სადაც გათვალისწინებულია ბოტანიკური ბაღი, იაპონური ბაღი, ფრანგული ბაღი, ამფითეატრი, შადრევანი, სკეიტ-პარკი, სასაზღვრო-სატყეო ზონა, შიდა სატყეო სექტორი, საგანმანათლებლო ცენტრი, ზიპლაინი, სპორტის და კვების ზონა.

Проект нового центрального парка в Тбилиси
ახალი ცენტრალური პარკის პროექტი

პარკის ტერიტორიაზე ასევე მოეწყობა ცხოველების სასეირნო სივრცე, პანორამული პლატფორმა, თოკების პარკი, საფეხმავლო ხიდი, სამთო ველოსიპედების ბილიკები, სტრიტბოლის სივრცე, არეალები ლაშქრობისა და კლდეზე ცოცვისთვის, ხოლო პარკის გარშემო მოეწყობა სამი ავტოსადგომი. პარკში დაიდგმება ცხენოსნის ქანდაკება, როგორც ამ ტერიტორიის სიმბოლო.

ახალი პარკის პროექტზე ჰოლანდიურმა კომპანიამ იმუშავა. პროექტი ბოლომდე დასრულებული არ არის, თუმცა ძირითადი პრინციპები და მიმართულებები დასახულია. პროექტის განხორციელება უახლოეს დროს დაიწყება. ფონდი „ქართუ“ პარკის მოსაწყობად რამდენიმე ათეულ მილიონ ლარს გამოყოფს.

65
თემები:
გარემოს დაცვა და ეკოლოგია (139)
თბილისი

ამინდის ზუსტი პროგნოზი თბილისში 21 ოქტომბერს

28
(განახლებულია 16:40 19.10.2020)
თბილისელებსა და დედაქალაქის სტუმრებს ოთხშაბათს წვიმიანი და გრილი ამინდი ელოდებათ – ჰაერის ტემპერატურა დღისით პლუს 20 გრადუსი იქნება.

თბილისი, 19 ოქტომბერი – Sputnik. სინოპტიკოსები თბილისში ოთხშაბათს, 21 ოქტომბერს წვიმიან ამინდს პროგნოზირებენ.

მზე 07:20 საათზე ამოვა და 18:09 საათზე ჩავა.

ღამით ჰაერის მინიმალური ტემპერატურა +13  გრადუსი, დღისით კი + 20 გრადუსია მოსალოდნელი. ქარის სიძლიერე ღამით წამში 17–22, დღისით კი 10–15 მეტრი იქნება.

28
თემები:
ამინდის ზუსტი პროგნოზი თბილისში
თბილისის ახალი ცენტრალური პარკის მშენებლობის პროექტის პრეზენტაცია

თბილისის ცენტრალური პარკის მშენებლობა იწყება

28
(განახლებულია 15:35 19.10.2020)
ახალი ცენტრალური პარკის პრეზენტაცია ყოფილი იპოდრომის ტერიტორიაზე 6 ოქტომბერს გაიმართა. პროექტის მიხედვით, აღნიშნული სივრცე დაიყოფა 26 გასართობ და დასვენების ზონად.

თბილისი, 19 ოქტომბერი – Sputnik. ყოფილი იპოდრომის ტერიტორიაზე დღეიდან თბილისის ცენტრალური პარკის მშენებლობა იწყება, იუწყება ტელეკომპანია Imedi. 

ახალი ცენტრალური პარკი, რომელიც ქალაქის ერთ-ერთი მთავარი სარეკრეაციო ზონა გახდება, 36 ჰექტარ ფართობზე განთავსდება. აღნიშნული ტერიტორია დედაქალაქს მმართველი პარტია „ქართული ოცნება – დემოკრატიული საქართველოს“ თავმჯდომარემ, მილიარდერმა ბიძინა ივანიშვილმა და მისმა ფონდმა „ქართუმ“ უსასყიდლოდ გადასცეს. შესაბამის ხელშეკრულებას ხელი 2020 წლის 5 ოქტომბერს მოეწერა.

როგორი იქნება ცენტრალური პარკი
ახალი ცენტრალური პარკის პრეზენტაცია ყოფილი იპოდრომის ტერიტორიაზე 6 ოქტომბერს გაიმართა. პროექტის მიხედვით, აღნიშნული სივრცე დაიყოფა 26 გასართობ და დასვენების ზონად. 

წარმოდგენილი პროექტის თანახმად, ეს იქნება მულტიფუნქციური სივრცე, სადაც გათვალისწინებულია ბოტანიკური ბაღი, იაპონური ბაღი, ფრანგული ბაღი, ამფითეატრი, შადრევანი, სკეიტ-პარკი, სასაზღვრო-სატყეო ზონა, შიდა სატყეო სექტორი, საგანმანათლებლო ცენტრი, ზიპლაინი, სპორტის და კვების ზონა.

პარკის ტერიტორიაზე ასევე მოეწყობა ცხოველების სასეირნო სივრცე, პანორამული პლატფორმა, თოკების პარკი, საფეხმავლო ხიდი, სამთო ველოსიპედების ბილიკები, სტრიტბოლის სივრცე, არეალები ლაშქრობისა და კლდეზე ცოცვისთვის, ხოლო პარკის გარშემო მოეწყობა სამი ავტოსადგომი. პარკში დაიდგმება ცხენოსნის ქანდაკება, როგორც ამ ტერიტორიის სიმბოლო.

ახალი პარკის პროექტზე ჰოლანდიურმა კომპანიამ იმუშავა. პროექტი ბოლომდე დასრულებული არ არის, თუმცა ძირითადი პრინციპები და მიმართულებები დასახულია. ფონდი „ქართუ“ პარკის მოსაწყობად რამდენიმე ათეულ მილიონ ლარს გამოყოფს.

 

28
თემები:
თბილისი დღეს
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0