თბილისობა

გაიმართება თუ არა „თბილისობა 2020": მერია განმარტებას აკეთებს

159
(განახლებულია 18:55 04.09.2020)
როგორც დედაქალაქის მერიაში აცხადებენ, „თბილისობასთან" დაკავშირებით საბოლოო გადაწყვეტილება მიღებული არაა – ყველაფერი ეპიდვითარებაზეა დამოკიდებული.

თბილისი, 4 სექტემბერი — Sputnik. კორონავირუსის პანდემიის გამო წელს „თბილისობის" დღესასწაულს მოკრძალებულად აღვნიშნავთ, განუცხადეს „Sputnik–საქართველოს" თბილისის მერიის პრეს-სამსახურში.

„თბილისობა" ერთ-ერთი ყველაზე საყვარელი ტრადიციული დღესასწაულია საქართველოში. ეს დღე ყოველთვის გაჯერებულია სხვადასხვა გასართობი ღონისძიებებითა და სანახაობითი ფესტივალებით, რომლებიც სხვადასხვა ლოკაციებზე იმართება. ამ დღეს ქალაქს საქართველოს თითქმის ყველა რეგიონიდან სტუმრობენ ფერმერები. სახალხო დღესასწაული გვიან ღამემდე გრძელდება, რომელიც გალა-კონცერტითა და ფეიერვერკით სრულდება.

„თბილისობა" მოკრძალებულად გაიმართება, არ იქნება ღონისძიებებით დატვირთული, საღამოს გალა-კონცერტი ჩატარდება. ზეიმის დროს უსაფრთხოების ყველა ზომა იქნება დაცული. ყველა თვალს ვადევნებთ, თუ როგორ განვითარდება ეპიდვითარება, ჯერჯერობით ღონისძიების ყველა დეტალი ზუსტდება. „თბილისობასთან" დაკავშირებით დეტალურად სექტემბრის შუა რიცხვებში თავად თბილისის მერი ისაუბრებს", – განუცხადა სააგენტოს პრეს-სამსახურის წარმომადგენელმა.

პირველად „თბილისობის" დღესასწაული 1979 წლის ოქტომბერში აღნიშნეს. რთული სოციალურ-ეკონომიკური ვითარების გამო 1989 წლიდან 1994 წლამდე ეს დღესასწაული არ იმართებოდა.

2018 წლიდან „თბილისობა" ყოველწლიურად იმართება ოქტომბრის პირველ შაბათ-კვირას და არა თვის ბოლოს, როგორც ეს ადრე იყო მიღებული.

159
თემები:
თბილისის მერია (260)
თბილისი

როგორი ამინდი იქნება თბილისში ოთხშაბათს, 23 სექტემბერს

36
(განახლებულია 16:17 21.09.2020)
საქართველოს დედაქალაქში ოთხშაბათს ცვალებადი ამინდია მოსალოდნელი, ტემპერატურა აიწევს და 29 გრადუსს მიაღწევს.

თბილისი, 21 სექტემბერი – Sputnik. თბილისში 23 სექტემბერს, ოთხშაბათს უპირატესად ღრუბლიანი ამინდია მოსალოდნელი. შესაძლებელია ხანმოკლე წვიმა ელჭექით.

მინიმალური ტემპერატურა დაფიქსირდება ღამით – პლუს 18 გრადუსი, ხოლო დღისით 29 გრადუსამდე დათბება.

ქარი წამში 10–15 მეტრი სიჩქარით დაუბერავს.

მზე 06:49 საათზე ამოვა და 18:55 საათზე ჩავა.

36
თემები:
ამინდის ზუსტი პროგნოზი თბილისში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 21 სექტემბერს

60
(განახლებულია 13:59 21.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 21 სექტემბერი — Sputnik. სააქციო საზოგადოება „თელასი" იუწყება, რომ 21 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ნაძალადევის რაიონი

10:30 საათიდან 18:00 საათამდე შეზღუდვა შეეხება: ზღვისუბნის დასახლების X კვარტლის, ანაპის 414-ე დივიზიის და შატილის ქუჩების მოსახლეობას.

გლდანის რაიონი

11:00 საათიდან 16:00 საათამდე შეზღუდვა შეეხება: მუხიანის IVბ მიკრორაიონის მოსახლეობას.

საბურთალოს რაიონი

12:00 საათიდან 14:00 საათამდე შეზღუდვა შეეხება: პეკინის გამზირის (ნაწილობრივ) მოსახლეობას.

ვაკის რაიონი

10:00 საათიდან 12:00 საათამდე შეზღუდვა შეეხება: არაყიშვილის ქუჩის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

60
თემები:
თბილისი დღეს
ლაბორატორია

სოფელ შრომაში საჯარო სკოლა დაიხურა კორონავირუსი დაწყებითი კლასის მოსწავლეს დაუდგინდა

0
(განახლებულია 16:38 21.09.2020)
საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 193-ით გაიზარდა.

თბილისი, 21  სექტემბერი – Sputnik.  გურიის რეგიონის სოფელ შრომაში საჯარო სკოლა დაიხურა  - მიზეზი კორონავირუსის დადასტურებული შემთხვევაა, იუწყება ტელეკომპანია Rustavi 2. 

გავრცელებული ინფოცრმაციით, კორონავირუსის ინფექცია  სკოლის დაწყებითი კლასის მოსწავლეს დაუდასტურდა, რის გამოც 35 პირი, მათ შორის, 27 ბავშვი თვითიზოლაციაშია გადაყვანილი.

 „სკოლის 27 მოსწავლეს და 14 მასწავლებელს ტესტი უკვე ჩაუტარდა, რომლის პასუხიც 72 საათში გახდება ცნობილი. იმ შემთხვევაში თუ რომელიმე მათგანს კორონავირუსი დაუდასტურდება, დაიწყება წყაროების მოკვლევა, რათა გავრცელების რისკი მინიმუმამდე იყოს დაყვანილი“, – განაცხადა ოზურგეთის მუნიციპალიტეტის მერის წარმომადგენელმა კონსტანტინე ხომერიკმა.

დღეს, სასწავლო პროცესის დისტანციურ რეჟიმზე გადავიდა სენაკის საჯარო სკოლაც, სადაც პედაგოგსა და ორ მოსწავლეს კორონავირუსი დაუდგინდა –  ეპიდემიოლოგების ვარაუდით, მასწავლებელს ვირუსი სენაკელი ქალისგან გადაედო, რომელიც დადასტურებულ შემთხვევას წარმოადგენს, მოსწავლეები კი მისი კონტაქტები არიან. სკოლის ყველა მოსწავლეს და პედაგოგს PCR-ტესტი უკვე ჩაუტარდა – პასუხები დღეს გახდება ცნობილი. 

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა, მეცადინეობები დისტანციურად წარიმართა. სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ქვეყნის რიგი ქალაქების – თბილისის, ბათუმის, ქუთაისის, ქობულეთის, ფოთის, რუსთავის, ზუგდიდის, გორის, ასევე კახეთის, გურიისა და შიდა ქართლის ზოგიერთი სოფლის სკოლებში სწავლა ორი კვირის განმავლობაში, 1 ოქტომბრამდე დისტანციურად წარიმართება. ქვეყნის მასშტაბით არსებულ დანარჩენ სასწავლო დაწესებულებაში სწავლა ჩვეულებრივ რეჟიმში დაიწყო.

საქართველოში ბოლო პერიოდში კორონავირუსის დადასტურებული შემთხვევების რაოდენობამ მკვეთრად იმატა. ბოლო დღე-ღამეში საქართველოში კორონავირუსით ინფიცირებულთა რაოდენობა 193-ით გაიზარდა.

ბოლო მონაცემებით, ქვეყანაში კორონავირუსის 3695 დადასტურებული შემთხვევა დაფიქსირდა. სულ გამოჯანმრთელდა 1534 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში