თბილისის ტელეანძა

თბილისის ტელეანძა ტურისტული ობიექტი გახდება

75
(განახლებულია 17:09 02.09.2020)
დაახლოებით 70 მეტრის სიმაღლეზე იგეგმება გადმოსახედი ტერასის განთავსება, საიდანაც პანორამული ხედები გადაიშლება.

თბილისი, 2 სექტემბერი — Sputnik. დედაქალაქის მერია თბილისის ტელეანძაზე ტურისტული ინფრასტრუქტურის მოწყობის მიზნით ტენდერს აცხადებს.

როგორც კალაძემ ქალაქის მთავრობის სხდომაზე განაცხადა, აღნიშნული პროექტის რეალიზების შედეგად ტელეანძა ტურისტებისთვის უფრო მიმზიდველი და საინტერესო ობიექტი გახდება.

დაახლოებით 70 მეტრის სიმაღლეზე იგეგმება გადმოსახედი ტერასის განთავსება, საიდანაც პანორამული ხედები გადაიშლება. აღნიშნულ ტერიტორიაზე ასევე იქნება რესტორანიც.

Проект преобразования телевышки в туристический объект
photo: courtesy of Tbilisi City Hall
თბილისის ტელეანძა ტურისტულ ცენტრად გარდაიქმნება

„ეს ადგილი მიმზიდველი გახდება არამარტო ჩვენი ქალაქისთვის, არამედ ტურისტებისთვისაც. ჩვენ გვინდა ამ პროექტზე ტენდერის გამოცხადება, რათა დავაინტერესოთ ბიზნეს-სექტორი. ჩვენი გათვლებით, პროექტის რეალიზაციისთვის 10-15 მილიონი ლარი იქნება საჭირო", - განაცხადა კალაძემ.

კალაძემ მის მოადგილე ირაკლი ხმალაძეს ბიზნეს-სექტორთან აქტიური კომუნიკაცია დაავალა, რათა მოხდეს მათი მხრიდან ანძის მოდერნიზაციის პროექტით დაინტერესება.

Проект преобразования телевышки в туристический объект
photo: courtesy of Tbilisi City Hall
ტელეანძა ტურისტულ ობიექტად გარდაიქმნება

„დარწმუნებული ვარ, უახლოეს წლებში თბილისის ანძა ჩენს ქალაქში ერთ-ერთი საუკეთესო ადგილი იქნება", - განაცხადა კალაძემ.

თბილისის ტელეანძა 1972 წელს აშენდა. მისი სიმაღლე 274,5 მეტრია.

75
თემები:
თბილისის მერია (260)
თბილისი

როგორი ამინდი იქნება თბილისში ოთხშაბათს, 24 სექტემბერს

31
(განახლებულია 15:52 22.09.2020)
საქართველოს დედაქალაქში ხუთშაბათს ცვალებადი ამინდია მოსალოდნელი, ჰაერის ტემპერატურა 27 გრადუსს მიაღწევს.

თბილისი, 22 სექტემბერი – Sputnik. სინოპტიკოსების პროგნოზით თბილისში 24 სექტემბერს, ხუთშაბათს მოსალოდნელია ხანმოკლე წვიმა ელჭექით.

ჰაერის მინიმალური ტემპერატურა ღამით პლუს 18 გრადუსი, ხოლო დღისით მაქსიმალური პლუს 27 გრადუსია ნავარაუდევი.

ქარი წამში 10–15 მეტრი სიჩქარით დაუბერავს.

მზე 06:50 საათზე ამოვა და 18:53 საათზე ჩავა.

31
თემები:
ამინდის ზუსტი პროგნოზი თბილისში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 22 სექტემბერს

54
(განახლებულია 14:40 22.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 22 სექტემბერი — Sputnik. სააქციო საზოგადოება „თელასი" იუწყება, რომ 22 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

საბურთალოს რაიონი

10:00 საათიდან 18:00 საათამდე შეზღუდვა შეეხება: დემეტრე თავდადებულის, პეტრე იბერის და პეტრიწის ქუჩების მოსახლეობას.

12:00 საათიდან 14:00 საათამდე შეზღუდვა შეეხება: პოლიტკოვსკაიას ქუჩის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

54
თემები:
თბილისი დღეს
მოსამართლის ჩაქუჩი

წნორში მამაკაცმა დეიდა მოკლა: ნაფიცი მსაჯულების ვერდიქტი

0
(განახლებულია 20:19 22.09.2020)
მკვლელობა წნორში მიმდინარე წლის 2 იანვარს მოხდა. ბოროტმოქმედი მომდევნო 16 წელს ციხის საკანში გაატარებს.

თბილისი, 22 სექტემბერი - Sputnik. თელავის ნაფიც მსაჯულთა სასამართლომ დამამძიმებელ გარემოებებში საკუთარი დეიდის განზრახ მკვლელობისთვის და მისი ქუთვნილი ძვირფასეულობისა და ფულის ქურდობისთვის ბრალდებული 26 წლის ილია გურაშვილი დამნაშავედ ცნო, ნათქვამია საქართველოს პროკურატურის მიერ გავრცელებულ განცხადებაში.

ლაგოდეხის ნაკრძალში უცხო ქვეყნის მოქალაქე გააუპატიურეს >>

პროკურატურის ცნობით, მამაკაცს სასჯელის სახედ და ზომად 16 წლით თავისუფლების აღკვეთა განესაზღვრა.

წნორში მკვლელობა 2 იანვარს მოხდა. ილიკო გურაშვილმა საკუთარი დეიდა თავში შეშის ნაჭრის ჩარტყმით მოკლა. ნასვამმა დისშვილმა დეიდას ფული სთხოვა და უარის მიღების შემდეგ მოკლა.

გამოძიების მიხედვით, სიღნაღის რაიონის ქალაქ წნორში მკვლელობა მიმდინარე წლის 2 იანვარს მოხდა. ილია გურაშვილმა საკუთარ დეიდას, მისსავე საცხოვრებელ სახლში, ბლაგვი საგნით თავის არეში დაზიანება მიაყენა, რის შემდეგაც ქალი ადგილზე გარდაიცვალა. 

„ი.გ. გარდაცვლილის კუთვნილ 800 ლარს, 1100 ლარის ღირებულების ოქროს ნივთებს დაეუფლა და შემთხვევის ადგილიდან მიიმალა“, - აღნიშნულია განცხადებაში.   

სამართალდამცველებმა გურაშვილი ცხელ კვალზე, 3 იანვარს დააკავეს. დაკავების შემდეგ მან ბრალი აღიარა. ჩხრეკისას მას მოპარული ოქროს ნივთები და ფულადი თანხა აღმოაჩნდა.

გამოძიება მიმდინარეობდა სსკ-ის 109-ე (განზრახ მკვლელობა დამამძიმებელ გარემოებაში, ანგარებით) და 177-ე (ქურდობა, რამაც მნიშვნელოვანი ზიანი გამოიწვია) მუხლებით.

0
თემები:
კრიმინალი საქართველოში