განახლებული ჭავჭავაძის გამზირი

თბილისში ავტობუსის სატრანზიტო დერეფნები ამუშავდება

1129
თბილისში სულ 185 საქალაქო ხაზი და მთავარი დერეფნის ლოკალური უბანი იქნება, რომლებიც ძირითადად მიკროავტობუსებს მოემსახურება

თბილისი, 27 აგვისტო - Sputnik. სატრანსპორტო რეფორმის ფარგლებში თბილისში ათი სატრანზიტო დერეფანი გაჩნდება, განაცხადა მერის მოადგილემ მაია ბითაძემ თბილისის ავტობუსის სატრანზიტო დერეფნის პრეზენტაციაზე.

მისი თქმით, აღნიშნული დერეფნები თბილისის ძირითად ქუჩებზე მოეწყობა.

კერძოდ, პირველი დერეფანი მოიცავს შემდეგ ქუჩებს: ანა პოლიტკოვსკაიას ქუჩა, ვაჟა-ფშაველას გამზირი, ჭავჭავაძის გამზირი, რუსთაველის გამზირი, გორგასლის ქუჩა, ბერი გაბრიელ სალოსის გამზირი;

მეორე დერეფანი: უნივერსიტეტის ქუჩა, ვაჟა-ფშაველას გამზირი, პეკინის გამზირი, რუსთაველის გამზირი, გორგასალის ქუჩა, მოსკოვის გამზირი;

მესამე დერეფანი: თამარაშვილის ქუჩა, ჭავჭავაძის გამზირი, რუსთაველის გამზირი, ქეთევან დედოფლის გამზირი, მოსკოვის გამზირი;

მეოთხე დერეფანი: ჭავჭავაძის გამზირი, თამარ მეფის გამზირი, დადიანის ქუჩა, ხიზანიშვილის ქუჩა;

მეხუთე დერეფანი: ვაჟა-ფშაველას გამზირი, პეკინის გამზირი, რუსთაველის გამზირი, ქეთევან დედოფლის გამზირი, ბერი გაბრიელ სალოსის გამზირი;

მეექვსე დერეფანი: უნივერსიტეტის ქუჩა, რუსთაველის გამზირი, ქეთევან დედოფლის გამზირი, ჯავახეთის ქუჩა, კუპრაძის ქუჩა;

მეშვიდე დერეფანი: ხიზანიშვილის ქუჩა, გურამიშვილის გამზირი, წერეთლის გამზირი, რუსთაველის გამზირი, გორგასალის ქუჩა, ჯავახეთის ქუჩა, კუპრაძის ქუჩა;

მერვე დერეფანი: დემეტრე თავდადებულის ქუჩა, მირიან მეფის ქუჩა, ლუბლიანას ქუჩა, წერეთლის გამზირი, სადგურის მოედანი;

მეცხრე დერეფანი: დემეტრე თავდადებულის ქუჩა, მირიან მეფის ქუჩა, ლუბლიანას ქუჩა, მარშალ გელოვანის გამზირი, ვაჟა-ფშაველას გამზირი, უნივერსიტეტის ქუჩა;

მეათე დერეფანი: ხიზანიშვილის ქუჩა, ლუბლიანას ქუჩა, მარშალ გელოვანის გამზირი, ვაჟა-ფშაველას გამზირი, ქავთარაძის ქუჩა, უნივერსიტეტის ქუჩა.

ბითაძის თქმით, მთავარია, ძირითად ქუჩებზე, რომლებზეც მოსახლეობა ყოველდღიურად გადაადგილდება, 10-15 წუთში ერთხელ, 18-მეტრიანმა ავტობუსებმა იარონ და ერთდროულად, 150 მგზავრი გადაიყვანონ.

ძირითად სატრანზიტო დერეფნებზე ძირითადად, 12 და 18-მეტრიანი ავტობუსები ივლიან. 44 მარშრუტზე, სადაც მოქალაქეებს გადასხდომა მოუწევთ, 8, 10 12-მეტრიანი ავტობუსები და  სამარშუტო ტაქსები იმოძრავებენ.

„იქნება 185 საქალაქო ხაზი და მთავარი დერეფნის მკვებავი ლოკალური მონაკვეთები, რომლებიც მეტწილად მიკროავტობუსებს მოემსახურება. ეს არის ის დათვლები, რომლებიც გაკეთდა და რომლის მიხედვითაც შევიმუშავეთ ის გეგმა, რომელმაც ქალაქში გადაადგილება უნდა გააუმჯობესოს“, - განაცხადა მაია ბითაძემ.

მისი თქმით, არსებული ავტოპარკის განახლების შემდეგ მუნიციპალური ტრანსპორტი შეძლებს ერთდროულად 84 ათასი მგზავრის გადაყვანას, ხოლო სატრანზიტო დერეფნის შემთხვევაში მოძრაობა გაცილებით უსაფრთხო გახდება.

„მოქალაქეებს წლების განმავლობაში არ ჰქონდათ წვდომა საზოგადოებრივ ტრანსპორტზე. შესაბამისად, ყიდულობდნენ ხელმისაწვდომ, იაფ ავტომობილებს. ჩვენი მუშაობის შედეგად, ვფიქრობ, ორ წელიწადში ის შედეგები გვექნება, რაზეც წლებია ვოცნებობთ. თბილისის ავტობუსის სატრანზიტო დერეფანი არის მთელი ჩვენი ქალაქი“, - ხაზგასმით აღნიშნა ბითაძემ.

მისი თქმით, ავტობუსები საკუთარ ზოლში ივლიან და მათი სიჩქარე პრაქტიკულად, გაორმაგდება. ბუნებრივია, ეს ყველაფერი დადებითად აისახება ეკოლოგიაზე, აღნიშნა ბითაძემ. ქალაქში ასევე გაჩნდება „ჭკვიანი“ შუქნიშნების სისტემა. შუქნიშნები ერთმანეთს დაინახავენ და ნაკადებს ავტომატურად გაატარებენ. ასევე, „ჭკვიანი“ შუქნიშნები ავტომობილებს გაატარებენ იმ შემთხვევაში, თუ CO-ს გამონაბოლქვი თითოეულ სატრანსპორტო კვანძზე ნორმაზე მაღალი იქნება.

ბითაძემ ასევე აღნიშნა, რომ რეფორმის ფარგლებში მნიშვნელოვანია ქუჩების დაზიანების გათვალისწინება. მისი თქმით, თბილისში საზოგადოებრივი ტრანსპორტი ქაოტურად გადაადგილდება, რომლის გამომწვევი მიზეზია ის, რომ ხაზები არის დუბლირებული.

1129
თემები:
ტრანსპორტი საქართველოში (330)
საბავშვო ბაღი

თბილისის საბავშვო ბაღებში ბავშვებს ინდივიდუალური ჩანთები გადაეცემა

107
(განახლებულია 20:17 23.09.2020)
ბაღებში სასწავლო–აღმზრდელობითი პროცესის განახლებასთან დაკავშირებით რეკომენდაციები უკვე შემუშავებულია, რაც რიგ შეზღუდვებს ითვალისწინებს.

თბილისი, 23 სექტემბერი – Sputnik. საბავშვო ბაღებში საერთო საგნების მოხმარების მაქსიმალურად შეზღუდვის მიზნით აღსაზრდელებს ინდივიდუალური ჩანთები დაურიგდება, განაცხადა თბილისის საბავშვო ბაგა-ბაღების მართვის სააგენტოს ხელმძღვანელმა კახა გვანცელაძემ.

გვანცელაძის თქმით, ჩანთებში მოთავსებული იქნება მეთოდური მასალა – ფანქრები, მაკრატლები, პასტელები და ა.შ.

საბავშვო ბაგა–ბაღებში სასწავლო–აღმზრდელობითი პროცესი 14 სექტემბერს უნდა დაწყებულიყო, თუმცა კორონავირუსის პანდემიის გამო ორი კვირით – 1 ოქტომბრამდე გადაიდო. ბაღებში სასწავლო პროცესის განახლებასთან დაკავშირებით რეკომენდაციები უკვე შემუშავებულია, რაც რიგ შეზღუდვებს ითვალისწინებს. 

კატეგორიულად იკრძალება სახლიდან წაღებული ნივთების ბაღში შეტანა, ბაღის კუთვნილი სათამაშოების დეზინფექცია კი დღის განმავლობაში რამდენჯერმე უნდა განხორციელდეს.

ამასთან, უსაფრთხოების ზომების გაძლიერების მიზნით ბაღის შენობაში იკრძალებს მშობლების შესვლა. კერძოდ, ბავშვს შენობის შესასვლელთან დახვდება თანამშრომელი, რომელიც აღსაზრდელს მის ჯგუფამდე მიაცილებს, სადაც მას აღმზრდელი გადაიბარებს. მშობლები ბავშვების გაყვანასაც მხოლოდ მათთვის განსაზღვრულ დროის მონაკვეთში შეძლებენ.

ბაღების მართვის სააგენტოს ხელმძღვანელის ინფორმაციით, ბავშვები ჯგუფის შიგნით დაიყოფიან ქვეჯგუფებად, რომლებსაც ერთმანეთთან მინიმალური შეხება ექნებათ. ასეთივე პრინციპით წარიმართება კვების პროცესი.

ასევე აიკრძალა მაშტაბური ღონისძიებები, ზეიმების, ფესტივალების ჩატარება. აკრძალულია სხვადასხვა ჯგუფის ბავშვების შერევა საგანმანათლებლო აქტივობების ან/და კვების დროს. 

შესაბამისი რეკომენდაცია გაიცა ჭურჭლის რეცხვასთან დაკავშირებითაც. ასევე მკაცრდება თეთრეულის რეცხვის წესი – საბავშვო ბაღებს, რეგულაციით გაწერილი წესების ზედმიწევნით დაცვით, კომპანია მოემსახურება.

ბაღში მომუშავე ყველა პირი სამუშაო დღის განმავლობაში აღჭურვილი იქნება ინდივიდუალური დაცვის საშუალებებით. ინდივიდუალური დაცვის საშუალებების გამოყენება მოუწევთ დისტრიბუტორებსაც.

გვანცელაძის ინფორმაციით, რეგულაციების შესრულება თბილისის საბავშვო ბაგა-ბაღების მართვის სააგენტოს 5 მლნ ლარზე მეტი დაუჯდება.

ამჟამად დედაქალაქის 183 საბავშვო ბაღში 58 005 ბავშვია რეგისტრირებული.

107
თემები:
COVID-19 საქართველოში
თბილისი

თბილისის გარეუბანში ახალი რეკრეაციული სივრცე გაჩნდება

89
(განახლებულია 19:45 23.09.2020)
კახა კალაძის განცხადებით, ახალი რეკრეაციული სივრცეების შექმნა დღეს არსებულ ეკოლოგიურ პირობებში განსაკუთრებით აქტუალურია.

თბილისი, 23 სექტემბერი — Sputnik. ავჭალის რაიონში ორ ჰექტარ ფართობ ტერიტორიაზე რეკრეაციული სივრცის მოწყობა იგეგმება, განაცხადა თბილისის მერმა კახა კალაძემ დედაქალაქის მთავრობის სხდომაზე. 

მისი განცხადებით, პარკის კეთილმოწყობისთვის ავჭალის სადგურის მიმდებარე ტერიტორია შეირჩა. სკვერის დაპროექტება თბილისის მერიისა და აზიის განვითარების ბანკის თანამშრომლობის ფარგლებში იგეგმება.

„ყველასთვის ცნობილია, რომ იმ პარკებსა და სკვერებში, სადაც სარესტავრაციო სამუშაოები ჩატარდა, განსაკუთრებით ზაფხულში ყველა ასაკის ადამიანების სიმრავლე იყო. ამიტომაც ჩვენ ამ მიდგომას გავაგრძელებთ, რათა ქალაქში რაც შეიძლება მეტი მწვანე სივრცე შევქმნათ. მწვანე ფერი უხდება თბილისს“, – განაცხადა კალაძემ.

გარდა ამისა, მერის სიტყვებით, მსგავსი ღონისძიებების ჩატარება დღეს არსებულ ეკოლოგიურ პირობებში განსაკუთრებით აქტუალურია, როდესაც ქალაქში ავტომობილების რაოდენობა კატასტროფულად იზრდება, გამონაბოლქვი კი გარემოსა და ადამიანის ჯანმრთელობისთვის დიდ პრობლემას წარმოადგენს.

89
თემები:
თბილისის მერია
ბარაკ ობამა

„დრო და დრო გიპასუხებთ“ - ბარაკ ობამამ Twitter-ზე თავისი ტელეფონის ნომერი გამოაქვეყნა

0
(განახლებულია 09:18 24.09.2020)
ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით

თბილისი, 24 სექტემბერი — Sputnik. აშშ–ის ექს–პრეზიდენტმა ბარაკ ობამამ Twitter–ზე საკუთარი ტელეფონის ნომერი გამოაქვეყნა და ამერიკელებს სთხოვა, გაუგზავნონ მას შეტყობინებები მომავალ  არჩევნებში მონაწილეობასთან დაკავშირებით.

​„მოსინჯეთ რაღაც ახალი. თუ შეერთებულ შტატებში იმყოფებით, გამომიგზავნეთ შეტყობინება ნომერზე 773-365-9687. მინდა გავიგო, როგორ მიდის თქვენი საქმეები, რაზე ფიქრობთ და როგორ გეგმავთ ხმის მიცემას წელს“, — წერს ობამა.

ყოფილი პრეზიდენტის თქმით, ის დრო და დრო იქნება კავშირზე და გაუზიარებს ამერიკელებს თავის გეგმებს არჩევნებთან დაკავშირებით.

აშშ–ში საპრეზიდენტო არჩევნები 3 ნოემბერსაა დაგეგმილი. ვადამდელი ხმის მიცემა ზოგ შტატში უკვე დაიწყო. მოქმედი პრეზიდენტის, დონალდ ტრამპის კონკურენტი არჩევნებში დემოკრატების კანდიდატი ჯო ბაიდენია.

0
თემები:
მსოფლიო დღეს