კახა კალაძე

კალაძე: ეს ქალაქი არის ყველასთვის

326
(განახლებულია 20:49 27.08.2020)
მერი დარწმუნებულია, რომ ახალი პროექტი დედაქალაქში გადაადგილებას კომფორტულს გახდის არა მარტო ავტომფლობელებისთვის, არამედ ქვეითებისთვისაც.

თბილისი, 27 აგვისტო — Sputnik. თბილისში ავტობუსების სატრანზიტო დერეფნები გაჩნდება – ახალი სატრანსპორტო პროექტი დღეს დედაქალაქის მერმა კახა კალაძემ წარმოადგინა.

კალაძის განცხადებით, პროექტის არსი იმაში მდგომარეობს, რომ ქალაქში რაც შეიძლება მეტი სპეციალური სატრანზიტო დერეფნები შეიქმნას, რათა ავტობუსებმა სწრაფად და თავისუფლად გადაადგილება შეძლონ. 

„სატრანსპორტო პოლიტიკა საკმაოდ აქტუალური თემაა. რეფორმა, რომელიც ჩვენ წამოვიწყეთ, მნიშვნელოვანია ჩვენი ქალაქის, მასში მცხოვრები ადამიანების, ჩვენი შვილების, მომავალი თაობისთვის და თითოეული ჩვენგანის ჯანმრთელობის უსაფრთხოებისთვის. ჩვენი პოლიტიკა მიმართულია იმისკენ, რომ გავზარდოთ საზოგადოებრივი ტრანსპორტის მოხმარება, მიმზიდველი გავხადოთ ტრანსპორტი“, – განაცხადა კალაძემ.

სტატისტიკა აჩვენებს, რომ საზოგადოებრივი ტრანსპორტის მოხმარება მნიშვნელოვნად შემცირდა, რადგანაც ქალაქს მოძველებული საავტობუსე პარკი ჰქონდა, რომელიც სერიოზულ დისკომფორტს ქმნიდა, აღნიშნა კალაძემ. მისი თქმით, ე.წ. ყვითელმა ავტობუსებმა ყველანაირი რესურსი ამოწურეს და მათი შეცვლა ახლით ეტაპობრივად ხორციელდება, თუმცა სატრანსპორტო პრობლემა კვლავ რჩება.

„ხშირად ამბობენ, რომ ამ პრობლემის მოსაგვარებლად ავტობუსების დამატებაა საჭირო. არავინ ფიქრობს, რომ ავტობუსების დამატებით ჩვენ კიდევ უფრო მეტ პრობლემას შევქმნით. პირობითად, დღეს თუ ორი ავტობუსი და 30 მანქანა დგას „საცობში“, ავტობუსების დამატებით „საცობიც“ გაიზრდება“, – განაცხადა კალაძემ.

მერი დარწმუნებულია, რომ არსებული ვითარებიდან ერთადერთ გამოსავალს სპეციალური საავტობუსე ზოლები – სატრანზიტო დერეფნები წარმოადგენს, რათა მოქალაქეებმა თავისუფლად გადაადგილება შეძლონ. 

„ეს ქალაქი არის ყველასი. მე მესმის კერძო ავტომობილების მძღოლების, თავად ვზივარ საჭესთან, თუმცა არ უნდა დაგვავიწყდეს ის ადამიანები, რომლებიც ქვეითად მოძრაობენ, გადაადგილდებიან საზოგადოებრივი ტრანსპორტით, ელექტროსკუტერით თუ ველოსიპედით. ამიტომ საგზაო სივრცეები თანაბარად უნდა გადანაწილდეს“, – აღნიშნა კალაძემ.

მისი განმარტებით, ჭავჭავაძის გამზირი, სადაც საზოგადოებრივი ტრანსპორტი სპეციალურ ზოლში, მოძრაობის საწინააღმდეგო მიმართულებით მოძრაობს, არის უალტერნატივო და მოძრაობის ასეთი სქემა გამოიყენება ევროპის ბევრ ქვეყანაში. მერის თქმით, 2012 წლამდე თბილისში დაახლოებით 180 ათასამდე კერძო ავტომობილი გადაადგილდებოდა, დღეს კი ეს რიცხვი 600 ათასს აჭარბებს.

„ეს რიცხვი მზარდია. თუ ეს ტენდენცია შენარჩუნდება, ეს იქნება ძალიან დიდი პრობლემა. მინდა, რომ ეს რეფორმა დავიწყოთ და ბოლომდე მივიყვანოთ. ანალოგიურ პროექტებს სხვა ქუჩებზეც განვახორციელებთ. შეიძლება ყველა ქუჩა ისე ვერ გავაკეთოთ, როგორც ჭავჭავაძის გამზირი, მაგრამ ეტაპობრივად ყველა პროექტში მსგავსი დამოკიდებულება გვექნება. გავაჩენთ საავტობუსო ზოლებს, რომ ეს წრე შეიკრას“, – აღნიშნა დედაქალაქის მერმა.

მერის ჩანაფიქრით, თბილისში ყველას – კერძო ავტომობილებს, საზოგადოებრივ ტრანსპორტსა და ქვეითებს თავისი სივრცე ექნებათ.

„მეც ყოველდღიურად კერძო მანქანით ვმოძრაობ, მეც „საცობში“ მიწევს დგომა, მაგრამ მხოლოდ კერძო ავტომობილების მფლობელების მერი ვერ ვიქნები. მე ვარ მერი ბებიებისა და ბაბუებისა, რომლებიც გადასაადგილებლად ტროტუარს იყენებენ. მე ვარ მერი იმ ახალგაზრდებისა, რომლებიც ყოველდღიურად ელექტროსკუტერით, ველოსიპედით მოძრაობენ. მე იმ მშობლების მერი ვარ, სამსახურიდან დაბრუნებულებს სურვილი რომ აქვთ, შვილები ეტლით გაასეირნონ“, – განაცხადა კახა კალაძემ. 

მისი თქმით, ყველაფერი, რაც კეთდება – თბილისისთვის სასიცოცხლოდ მნიშვნელოვანია, რამდენადაც არსებული ეკოლოგიური ვითარება, გამონაბოლქვისგან დაბინძურებული ჰაერი ყველას აღელვებს. სატრანზიტო დერეფნების პროექტის განხორციელება კი შესაძლებელს გახდის, რომ პრობლემა ეტაპობრივად გადაიჭრას და ჯანსაღ გარემოში ვიცხოვროთ, დარწმუნებულია მერი.

„ამ დღეებში ისმის შეკითხვები – სექტემბერი მოვა და მერე რა იქნება? პირდაპირ გეტყვით – იქნება ის, რაც წლების წინ სწავლის დაწყების დროს ხდებოდა, მაგრამ ერთი განსხვავებით – საზოგადოებრივი ტრანსპორტი იმოძრავებს უპრობლემოდ, შეფერხების გარეშე და მოქალაქეები ტროტუარებზე გადაადგილდებიან“, – განაცხადა კალაძემ.

მერი დარწმუნებულია, რომ არჩეულია სწორი მიმართულება, რომელიც თბილისს დიდი ხანია სჭირდებოდა. კალაძემ იმედი გამოთქვა, რომ ერთიანი ძალისხმევით ეს ქალაქი ყველას ქალაქი გახდება.

326
თემები:
თბილისის მერია (282)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 4 დეკემბერს

51
(განახლებულია 22:24 03.12.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 4 დეკემბერი – Sputnik. სააქციო საზოგადოება „თელასი" იუწყება, რომ 4 დეკემბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

11:00 საათიდან 15:00 საათამდე შეზღუდვა შეეხება: გურამიშვილის გამზირის მოსახლეობას.

დიდუბის რაიონი

10:00 საათიდან 15:00 საათამდე შეზღუდვა შეეხება: რაფიელ აგლაძის და ხიშარაულის ქუჩის მოსახლეობას.

საბურთალოს რაიონი

10:00 საათიდან 17:00 საათამდე შეზღუდვა შეეხება: მისის დასახლების, დიღმის სასწავლო მეურნეობის და ფარნავაზის გამზირის მოსახლეობას.

 12:00 საათიდან 17:00 საათამდე შეზღუდვა შეეხება: გაზაფხულის ქუჩის მოსახლეობას.

12:00 საათიდან 16:00 საათამდე შეზღუდვა შეეხება: სოფელი დიღმის, დიდი დიღმის III მიკრორაიონის და მარკო პოლოს ქუჩის მოსახლეობას.

13:00 საათიდან 15:00 საათამდე შეზღუდვა შეეხება: ნაფეტვრების და ფხაკაძის ქუჩების მოსახლეობას.

სამგორის რაიონი

11:00 საათიდან 17:00 საათამდე შეზღუდვა შეეხება: ვარკეთილის მასივის ზემო პლატოს II მიკრორაიონის და ვარკეთილის III მასივის “დ” ქუჩის მოსახლეობას.

11:00 საათიდან 13:00 საათამდე შეზღუდვა შეეხება: ალექსეევკის დასახლების, ზემო ალექსეევკის დასახლების, ალექსანდრე ქართველიშვილის და ახვლედიანის ქუჩების მოსახლეობას.

მთაწმინდის რაიონი

11:00 საათიდან 16:00 საათამდე შეზღუდვა შეეხება: კოსტავას ქუჩის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

51
თემები:
თბილისი დღეს
თბილისი

გორგასლის მოედნიდან 300 არაგველის ხიდამდე ავტოტრანსპორტის მოძრაობა იზღუდება

24
(განახლებულია 19:35 03.12.2020)
საავტომობილო მოძრაობის ნაწილობრივი შეზღუდვა გზის აღნიშნულ მონაკვეთზე 5 დეკემბრიდან 13 დეკემბრის ჩათვლით მერიის მიერ დაგეგმილ სარეაბილიტაციო სამუშაოებს უკავშირდება.

თბილისი, 3 დეკემბერი – Sputnik. გორგასლის მოედნიდან 300 არაგველის ხიდამდე მოძრაობა 5 დეკემბრიდან 13 დეკემბრის ჩათვლით ნაწილობრივ შეიზღუდება, იუწყება თბილისის მერია.

მოძრაობის შეზღუდვის მიზეზი ინფრასტრუქტურულ სამუშაოებია, რომლებსაც თბილისის მერია კრწანისის რაიონში, გორგასალის მოედნის მიმდებარე ტერიტორიაზე ახორციელებს.

უწყების ცნობით, პროექტის ფარგლებში პეტრე ბაგრატიონის ძეგლიდან გულიას ქუჩის მიმართულებით, 300 არაგველის ხიდამდე გზის რეაბილიტაცია ჩატარდება და ასფალტის საფარი დაიგება.

24
თემები:
თბილისი დღეს
ზურაბ ჯაფარიძე

„ჩვენი გზები გაიყო“ ჯაფარიძე განხეთქილებაზე „გირჩში“

0
(განახლებულია 12:16 04.12.2020)
პარტიის ლიდერმა ზურაბ ჯაფარიძემ განაცხადა, რომ თანამშრომლობას სამ თანამებრძოლთან ერთად ვეღარ გააგრძელებს

თბილისი, 4 დეკემბერი – Sputnik. თანამებრძოლებთან განხეთქილების შესახებ პარტიის დახურულ ჯგუფში საქართველოში ყველაზე არაორდინარული პარტია „გირჩის“ ერთ–ერთმა დამფუძნებელმა და ლიდერმა ზურაბ ჯაფარიძემ სტატუსი გამოაქვეყნა.

ჯაფარიძე: „გირჩის“ მესამე ადგილი აჩვენებს, რომ ჩვენ ვართ მომავლის პარტია, ეშინოდეთ!>>

ჯაფარიძის თქმით, უთანხმოებაა პარტიის წევრებთან სანდრო რაქვიაშვილთან, ვახტანგ მეგრელიშვილთან და იაგო ხვიჩიასთან. კონკრეტული მიზეზების შესახებ ჯაფარიძეს საჯაროდ არაფერი უთქვამს.

„სამწუხაროდ, ერთი მხრივ ჩემი, ხოლო მეორე მხრივ იაგოს, ვახოს და სანდროს გზები გაიყო. მე აღარ ვაპირებ მათთან ერთად „გირჩის“ კეთებას ბევრი მიზეზის გამო, მაგრამ არა იაგოს განცხადების შინაარსის გამო. არც მიზეზებზე ვაპირებ საჯაროდ საუბარს. სამწუხაროდ, ხდება ასეთი რაღაცები ცხოვრებაში. წარმატებას ვუსურვებ სამივეს“, დაწერა ჯაფარიძემ.

ამასთან, პოლიტიკოსმა აღნიშნა, რომ ყოფილ თანამებრძოლებს ბევრი კარგი საქმის გაკეთება შეუძლიათ.

სახელმწიფო დაფინანსებაზე უარს ორი ქართული პარტია აცხადებს>>

„გაჩერებას არ ვაპირებ. „გირჩის“ მთავარი ბრძოლები წინაა“, – განაცხადა პოლიტიკოსმა.

„გირჩი“ საქართველოს პოლიტიკურ არენაზე 2015 წელს გამოჩნდა. პარტია „ერთიანი ნაციონალური მოძრაობის სამმა ყოფილმა წარმომადგენელმა შექმნა. პარტია ლიბერალური მიმართულებისაა და არაორდინარული ქმედებებით გამოირჩევა.

0
თემები:
საქართველოს პოლიტიკური ცხოვრება