თბილისის საბავშვო ბაღებში თავისუფალი ადგილების უპრეცედენტო რაოდენობა რჩება

© Tbilisi City Hallსაბავშვო ბაღი
საბავშვო ბაღი - Sputnik საქართველო
გამოწერა
საბავშვო ბაღებისთვის ბრძოლა წელს არც ისე მონდომებულია – რეგისტრაცია უკვე მეხუთე დღეა დაიწყო, ვაკანტური კი 4 ათასზე მეტი ადგილი რჩება.

თბილისი, 23 ივნისი — Sputnik. თბილისის საბავშვო ბაღებში 2020-2021 წლისთვის რეგისტრაციის დაწყების შემდეგ თავისუფალი ადგილების უპრეცედენტოდ დიდი რაოდენობაა – თითქმის 4,4 ათასი.

საბავშვო ბაღში - Sputnik საქართველო
მშობლების საყურადღებოდ: ბაგა-ბაღებში საყოველთაო რეგისტრაცია იწყება

თბილისის საბავშვო ბაღების სააგენტოს ხელმძღვანელის კახა გვანცელაძის ინფორმაციით, რეგისტრაცია 12 ივნისს დაიწყო. პირველ ეტაპზე 3 044 აღსაზრდელი დარეგისტრირდა – ესენი გარკვეული სოციალური კატეგორიის ბავშვები არიან. საყოველთაო რეგისტრაციის დაწყების შემდეგ კი, 19 ივნისიდან დღემდე ბაღებში ჩაირიცხა 7 508 აღსაზრდელი.

„ბაღებში რეგისტრაცია გრძელდება. 23 ივნისის მდგომარეობით, დარჩენილია 4 386 თავისუფალი ადგილი, სადაც მშობლებს ჯერ კიდევ შეუძლიათ ელექტრონულად რეგისტრაციის გავლა“, – განაცხადა გვანცელაძემ.

მან აღნიშნა, რომ თბილისში არის ისეთი რაიონები, სადაც ბაღებზე მოთხოვნა მაღალია, ბაღების რაოდენობა კი მცირეა.

გვანცელაძემ ასევე განაცხადა, რომ შემოდგომაზე დედაქალაქში იგეგმება ოთხი ახალი საბავშვო ბაღის გახსნა – გლდანში, ვარკეთილში და დიდუბეში, სადაც ამჟამად ასევე მიმდინარეობს რეგისტრაცია.

შესაბამისად, შემოდგომაზე დედაქალაქში სულ 185 ბაღი იქნება.

 

ყველა ახალი ამბავი
0