რუსთაველის გამზირი

20 ივნისის მოვლენები: რა მოთხოვნა დააკმაყოფილა თბილისის მერიამ

362
(განახლებულია 09:22 20.06.2020)
რუსთაველის გამზირზე შაბათს, 14:00 საათიდან ტრანსპორტის მოძრაობა შეიზღუდება. აქციის დასრულებამდე საზოგადოებრივი და კერძო ტრანსპორტი ალტერნატიული ქუჩებით იმოძრავებს.

თბილისი, 19 ივნისი – Sputnik. რუსთაველის გამზირზე დაგეგმილი მანიფესტაციის გამო 20 ივნისს ტრანსპორტის მოძრაობა დროებით შეიზღუდება, ნათქვამია თბილისის მერიის პრეს-სამსახურის მიერ გავრცელებულ განცხადებაში. 

სამოქალაქო ახალგაზრდულმა მოძრაობამ „სირცხვილია“ მერიას საპროტესტო აქციის გამართვის და რუსთველის გამზირის გადაკეტვის თხოვნით 10 ივნისს მიმართა, რათა მაქსიმალურად იქნას უზრუნველყოფილი ჯანდაცვის მსოფლიო ორგანიზაციისა და საქართველოს ჯანდაცვის სამინისტროს რეკომენდაციების დაცვა.

საპროტესტო აქცია პარლამენტის შენობის წინ ანტისამთავრობო გამოსვლების წლისთავს ეძღვნება, რომელშიც ოპოზიციის ლიდერებიც მონაწილეობდნენ. მანიფესტანტები პარლამენტში შესვლას შეეცადნენ. პოლიციამ ცრემლსადენი გაზი, წყლის ჭავლი და რეზინის ტყვიები გამოიყენა. იმ ღამით თბილისში 240 ადამიანი დაშავდა.

მერიის ცნობით, რუსთაველის გამზირზე ტრანსპორტის მოძრაობა 20 ივნისს 14:00 საათიდან შეიზღუდება. აქციის დასრულებამდე საზოგადოებრივი და კერძო ტრანსპორტი ალტერნატიული ქუჩებით იმოძრავებს.

ოპოზიციისა და საზოგადოებრივი ორგანიზაციების აქცია შაბათს, 19:00 საათზეა დაგეგმილი.

362
თემები:
თბილისი დღეს (1752)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 29 სექტემბერს

57
(განახლებულია 14:18 29.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 29 სექტემბერი — Sputnik. სააქციო საზოგადოება „თელასი" იუწყება, რომ 29 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

გლდანის რაიონი

11:00 საათიდან 18:00 საათამდე შეზღუდვა შეეხება: ლაზოს, ბაღნარის, მონასტრის, ჭედიას, წყალსადენის, შუშის და წერეთლის ქუჩების მოსახლეობას.

საბურთალოს რაიონი

12:00 საათიდან 16:00 საათამდე შეზღუდვა შეეხება: მინდელის ქუჩის მოსახლეობას.

კრწანისის რაიონი

10:00 საათიდან 16:00 საათამდე შეზღუდვა შეეხება: რუსთავის გზატკეცილის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

57
თემები:
თბილისი დღეს (1752)
სახანძრო

ხანძარი ელიავას ბაზრობაზე ცეცხლი ხის საამქროში გაჩნდა

98
(განახლებულია 13:21 29.09.2020)
მეხანძრეებმა ხანძრის ლოკალიზება დილის ოთხი საათისთვის შეძლეს. ადგილზე 16 სახანძრო–სამაშველო ბრიგადა იყო მობილიზებული.

თბილისი, 29 სექტემბერი – Sputnik. თბილისში, აგლაძის ქუჩაზე მდებარე ე.წ. ელიავას ბაზრობის ტერიტორიაზე გვიან ღამით გაჩენილ ხანძარს მეხანძრეები მთელი ღამის განმავლობაში ებრძოდნენ.

საზოგადოებრივი მაუწყებლის „პირველი არხის“ ინფორმაციით, ხანძარი ხის გადამამუშავებელ საამქროში გაჩნდა და რამდენიმე მაღაზიაზე გავრცელდა. ხანძრის შედეგად არავინ დაშავებულა. 

მეხანძრეებმა ხანძრის ლოკალიზება დილის ოთხი საათისთვის შეძლეს. ადგილზე 16 სახანძრო–სამაშველო ბრიგადა იყო მობილიზებული.

როგორც საგანგებო სიტუაციების მართვის სამსახურის თბილისის მთავარი სამმართველოს უფროსმა ოთარ კერესელიძემ ჟურნალისტებს განუცხადა, ხანძარმა დაახლოებით 800 კვადრატული მეტრი ფართობი მოიცვა. ცეცხლის ლოკალიზება 40 წუთში გახდა შესაძლებელი, თუმცა მის სრულ ლიკვიდაციას რამდენიმე საათი დასჭირდა.

მთელი ღამის განმავლობაში ბაზრობაზე ძლიერი დაკვამლიანება იყო. ჯერჯერობით უცნობია რა გახდა ხანძრის გაჩენის მიზეზი.

 

98
თემები:
შემთხვევები საქართველოში
ევა ბარბაქაძე

ევა ბარბაქაძე ყაზბეგის მთებში საცურაო კოსტიუმში პოზირებს - პიკანტური ფოტო

0
(განახლებულია 15:26 29.09.2020)
მსახიობის ერთადერთმა ქალიშვილმა უნივერსიტეტის დაწყებამდე მდიდრული დასვენება მოიწყო. ევა ყაზბეგში ცეცხლოვანი საცურაო კოსტიუმით გამოჩნდა. როგორ გამოიყურება წონაში მომატებული გოგონა?

მსახიობის ქალიშვილმა დასვენება მთებში გადაწყვიტა. მანამდე კი, ზღვისპირა ქალაქში შეყვარებულთან ერთად ეწვია. ულამაზესმა გოგონამ მთიდან გადაღებული რამდენიმე ფოტოკადრი გამოაქვეყნა. ევა ერთ-ერთ ლამაზ სასტუმროში საურაო კოსტიუმში პოზირებს. აღსანიშნავია, რომ გოგონამ წონაში საგრძნობლად მოიმატა, თუმცა კილოგრამები მისთვის არაფერს აღნიშნავს. ევა კვლავ შეუდარებლად და უფრო მომხიბლავად გამოიყურება. უახლესი ფოტოები გოგონას ოფიციალური გვერდიდანაა. 

View this post on Instagram

A post shared by ევა🧚🏽‍♀️ (@_evvabarbaqadze_) on

პოპულარული დედა-შვილის გარშემო სკანდალური ჭორები არ წყდება. შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა.

View this post on Instagram

😜

A post shared by ევა🧚🏽‍♀️ (@_evvabarbaqadze_) on

ახლა მთელი ქვეყანა ევას და შორენას სილამაზეზე საუბრობს. მტკივნეული ცხოვრებისეული გამოცდილების გამო, შორენამ ახალი გადაცემა წამოიწყო. „შორენას ეფექტი“- ასე ჰქვია მის თოქ-შოუს, რომელიც ამ კვირაში გავა ეთერში. მსახიობი და ტელეწამყვანი სხვადასხვა პრობლემის მქონე გოგონებს საკუთარი თავის ახლბურად აღმოჩენაში დაეხმარება.

View this post on Instagram

💙

A post shared by ევა🧚🏽‍♀️ (@_evvabarbaqadze_) on

ბოლო პერიოდის მანძილზე დედა-შვილს  სულ უფრო და უფრო ხშირად ადარებენ. ფაქტი სახეზეა – სილამაზით ევა დედას არ ჩამოუვარდება. მიუხედავად იმისა, რომ ევა ბარბაქაძე ფოტოსესიებში მონაწილეობს და ხშირად მაკიაჟით ჩანს, მისი ბუნებრივი სილამაზის ნახვა ევას ოფიციალურ გვერდზეა შესაძლებელი. მსახიობის ქალიშვილმა Instagram-ის გვერდი სულ ახლახან შექმნა. მას უკვე 82 ათასზე მეტი „ფოლოვერი“ ჰყავს.

View this post on Instagram

A post shared by ევა🧚🏽‍♀️ (@_evvabarbaqadze_) on

დედასთან შედარებით თამამი ფოტოებით არ გამოირჩევა. ფაქტია, ევა დღითი დღე მეტად მშვენიერი ხდება. თაყვანისმცემლები ამბობენ, რომ ეშხითა და მომხიბლავი გარეგნობით სექსუალური დედაც კი დაჩრდილა.

0
თემები:
სელებრითების ცხოვრება