კახა კალაძე სამშენებლო ობიექტზე

კალაძე: გლდანში საფეხბურთო ცენტრით სარგებლობა უფასო იქნება

64
(განახლებულია 17:50 12.06.2020)
თბილისის მერის განცხადებით, მსგავსი პროექტი სამგორის რაიონში უკვე განხორციელდა, რომლითაც ძალიან ბევრი მოქალაქე სარგებლობს.

თბილისი, 12 ივნისი — Sputnik. გლდანის რაიონში საფეხბურთო ცენტრის მშენებლობა მიმდინარე წლის შემოდგომაზე დასრულდება.

სპორტულ კომპლექსს, ქალთა და მოყვარულ გუნდებთან ერთად, ადგილობრივი საფეხბურთო სკოლები უსასყიდლოდ გამოიყენებენ, იუწყება თბილისის მერია.

დედაქალაქის მერი კახა კალაძე მიმდინარე სამშენებლო პროცესს საქართველოს ფეხბურთის ფედერაციის თავმჯდომარესთან ლევან კობიაშვილთან ერთად გაეცნო. ამ ეტაპზე დასრულებულია ტერიტორიის შემოღობვა, დამონტაჟებულია განათების ბოძები და მიმდინარეობს ფეხბურთელებისთვის გასახდელი შენობის მშენებლობა.

კალაძის თქმით, დედაქალაქის მერიისა და საქართველოს ფეხბურთის ფედერაციის ერთობლივი პროექტი ჯანსაღი ცხოვრების ხელშეწყობის კუთხით ძალზე მნიშვნელოვანია. როგორც მერმა აღნიშნა, მსგავსი პროექტი სამგორის რაიონში უკვე განხორციელდა, რომლითაც ძალიან ბევრი მოქალაქე სარგებლობს.

„აღნიშნულ ტერიტორიაზე ორი მოედანი მოეწყობა – ერთი დიდი და მეორე პატარა, მინი-ფეხბურთისთვის. ასევე მოეწყობა განათების ქსელი, რათა ბავშვებმა თამაში ღამის საათებშიც შეძლონ. ძალიან მნიშვნელოვანია, რომ საფეხბურთო კომპლექსით სარგებლობა უფასო იქნება", – განაცხადა კალაძემ.

მერმა იმედი გამოთქვა, რომ ამ ცენტრით ბევრი ახალგაზრდა და ბავშვი ისარგებლებს.

„ჩვენი მთავარი მიზანი და ამოცანაა მსგავსი პროექტების განხორციელება ყველა რაიონში, რათა ჯანსაღი ცხოვრების წესის დანერგვას შევუწყოთ ხელი. დიდი მადლობა ფეხბურთის ფედერაციას იმისთვის, რომ ჩვენთან თანამშრობლობით ასეთი კარგი პროექტები ხორციელდება", – განაცხადა კახა კალაძემ.

ახალი სპორტული ცენტრი გლდანის მეხუთე და მეშვიდე მიკრორაიონებს შორის შენდება. პროექტი საქართველოს ფეხბურთის ფედერაციისა და ფიფას პროგრამა „ფორვარდის" დაფინანსებით მიმდინარეობს.

64
თემები:
თბილისის მერია (220)
კიკვიძის პარკი

თბილისში კიკვიძის განახლებული პარკი გაიხსნა

39
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

39
თემები:
თბილისის მერია (220)
ბასტილიის აღების დღეს საფრანგეთის საელჩო საქართველოში განსხვავებულად აღნიშნავს

ბასტილიის აღების დღეს საფრანგეთის საელჩო საქართველოში განსხვავებულად აღნიშნავს

56
(განახლებულია 19:32 14.07.2020)
საფრანგეთმა თავისი ეროვნული დღესასწაულის პატივსაცემად თბილისს საჰაერო ბურთი აჩუქა, საიდანაც ქალაქის მშვენიერი ხედი იშლება.

თბილისი, 14 ივლისი – Sputnik. საფრანგეთის საელჩომ საქართველოში ქვეყნის უმთავრესი დღესასწაულის – ბასტილიის აღების დღეს ტრადიციული მიღების გამართვაზე უარი განაცხადა და ის ღია სივრცეში ღონისძიების გახსნით ჩაანაცვლა.

რიყის პარკში საღამოს ახალი ტურისტული ატრაქციონის გახსნა გაიმართება, რომლის ინვესტორია ფრანგული კომპანია Aerophile – ქალაქის თავზე გიგანტური საჰაერო ბურთი აღიმართება.

„ელჩი დაესწრება რიყის პარკში განთავსებული ახალი ტურისტული ატრაქციონის გახსნას, რათა ხაზი გაუსვას ტურიზმის მიმართ საფრანგეთის მხარდაჭერას როგორც საფრანგეთში, ასევე საქართველოში“, – აღნიშნულია დიპლომატიური მისიის განცხადებაში.

საფრანგეთის საელჩო დღესასწაულს თბილისის ე.წ. „ალექსანდროვის ბაღში“ ღამის ფეიერვერკით დაასრულებს.

საფრანგეთი იმ ხუთი ქვეყნის ჩამონათვალშია, რომლებისთვისაც საქართველომ კორონავირუსის პანდემიის ფონზე თავისი საზღვრები გახსნა.

„ეს ორი ქვეყანა ერთ-ერთი პირველები იყვნენ, რომლებმაც ხელახლა გაუხსნეს ერთმანეთს საზღვრები და ამით პოსტ-covid-19-ის სამყაროში ადამიანების დამაკავშირებელი პირველი ხიდები შექმნეს“, – ნათქვამია განცხადებაში.

პანდემიის გამო საფრანგეთი ეროვნულ დღესასწაულს მოკრძალებულად აღნიშნავს. ჯარის დანაყოფების დათვალიერება მაყურებლის გარეშე არა ელისეს მინდვრებზე, არამედ თანხმობის მოედანზე გაიმართა. ხელისუფლებამ უარი თქვა ჯავშანტექნიკის აღლუმზე და მხოლოდ ავიაცია გამოიყვანა. ბევრ რეგიონში დღესასწაულზე ფეიერვერკი გააუქმეს, ხოლო ყოველწლიური კლასიკური მუსიკის კონცერტის მოსმენა მხოლოდ ტელევიზიით ან ონლაინ არის შესაძლებელი.

„იმოგზაურე საქართველოში“ - საფრანგეთის ელჩი აჭარაშია>>

საფრანგეთის რამდენიმე ქალაქმა, ეპიდემიის უეცრად განახლების შიშით, საერთოდ უარი თქვა ბასტილიის აღების დღესასწაულის გამართვაზე.

56