თბილისი

ქეთევან დედოფლის გამზირისა და ბარათაშვილის ქუჩის რეაბილიტაცია იწყება

73
(განახლებულია 09:02 21.05.2020)
ჭავჭავაძის გამზირის შემდეგ ეს იქნება თბილისის კიდევ ორი ცენტრალური ქუჩა, რომელიც ახალ იერსახეს შეიძენს.

თბილისი, 21 მაისი – Sputnik.  თბილისის მერია დედაქალაქის ცენტრალური ქუჩების განახლებასა და კეთიმოწყობას აგრძელებს.

ამჯერად მასშტაბური სამუშაოები ქეთევან დედოფლის გამზირსა და ბარათაშვილის ქუჩაზე იგეგმება. აღნიშნული პროექტების განხორციელებისთვის 4,7 მლნ ლარი გამოიყოფა, განაცხადა კახა კალაძემ 20 მაისს გამართულ მთავრობის სხდომაზე.

კალაძე: თბილისის სატრანსპორტო პოლიტიკის გენგეგმა წლის ბოლოსთვის მზად იქნება>>>

მერის სიტყვებით, ქალაქში მიმდინარე და დაგეგმილი ინფრასტრუქტურული პროექტები, მიუხედავად გლობალური პანდემიისა, ერთი წუთითაც არ შეჩერებულა.

„თბილისის მერიამ ქეთევან დედოფლის გამზირის რეაბილიტაციისთვის ტენდერი გამოაცხადა. გამოვლენილია გამარჯვებული კომპანია –  NCC (Nordic Construction Company), რომელთანაც ხელშეკრულება  უახლოეს მომავალში გაფორმდება, რის შემდეგაც კონკრეტული სამუშაოებიი დაიწყება. საპროექტო დოკუმენტაციის თანახმად, სარეაბილიტაციო არეალი მეტროსადგურ „ავლაბრის“ მიმდებარე ტერიტორიიდან  იწყება და ლეხ კაჩინსკის ქუჩასთან სრულდება“, – განაცხადა კახა კალაძემ.

კალაძის განცხადებით, აღნიშნული რაიონი მძიმე ვითარებაშია, განსაკუთრებით მიწისქვეშა კომუნიკაციები და ასფალტ–ბეტონის საფარი.

პროექტის ფარგლებში, რეაბილიტაცია ჩაუტარდება სანიაღვრე სისტემას და მიწისქვეშა კომუნიკაციებს, მოეწყობა ახალი ბორდიურები და ტროტუარები. მიწის ქვეშ მოექცევა ელექტროგადამცემი ხაზები, სრული რეაბილიტაცია ჩაუტარდება გარე განათების ქსელს და დამონტაჟდება თანამედროვე სტანდარტების შესაბამისი LED განათების სისტემა. 

პროექტის ფარგლებში ასევე მოეწყობა საზოგადოებრივი ტრანსპორტისთვის სპეციალურად გამოყოფილი ზოლები (ე.წ. ბასლეინები) და ველობილიკები. სარეაბილიტაციო სამუშაოები უახლოეს მომავალში დაიწყება და ექვს თვეში დასრულდება.

რაც შეეხება ბარათაშვილის ქუჩას, კალაძის თქმით, სამუშაოები ბარათაშვილის ხიდიდან ორბელიანის მოედნამდე არსებულ საგზაო მონაკვეთზე ჩატარდება და რამდენიმე დღეში დაიწყება.

 „პროექტის ფარგლებში შეიცვლება ასფალტის საფარი, ტროტუარები მოპირკეთდება ბუნებრივი ქვის ფილებით, ელექტროსადენები მიწის ქვეშ განთავსდება და თანამდეროვე, LED განათების სისტემა დამონტაჟდება. სამუშაოებს თბილისის მერიის ინფრასტრუქტურის განვითარების საქალაქო სამსახური განახორციელებს“, – განაცხადა კალაძემ.

აღნიშნული პროექტების გარდა, დასრულების ეტაპზეა ორი მნიშვნელოვანი ინფრასტრუქტურული პროექტი – ჭავჭავაძის გამზირისს და ვეკუა–ხიზანიშვილის ქუჩის კაპიტალური რეკონსტრუქცია.

მერის სიტყვებით, ჭავჭავაძის გამზირზე კვირის ბოლოს სამუშაოების ბოლო ეტაპი დასრულდება.

73
თემები:
თბილისის მერია (238)
თბილისი

როგორი ამინდი იქნება თბილისში 10 აგვისტოს

42
(განახლებულია 12:18 08.08.2020)
საქართველოს დედაქალაქში ორშაბათს მოღრუბლული ამინდი იქნება, მაგრამ სიცხე შენარჩუნდება – დღისით ჰაერი 34 გრადუსამდე მოიმატებს

თბილისი, 8 აგვისტო - Sputnik. სინოპტიკოსების პროგნოზით თბილისში ორშაბათს, 10 აგვისტოს მოღრუბლული ამინდია მოსალოდნელი.

ჰაერის ტემპერატურა ღამით იქნება +22, ხოლო დღისით +34 გრადუსი.

ქარი 10–15 მეტრი წამში სიჩქარით დაუბერავს.

მზე 06:04 საათზე ამოვა და 20:07 საათზე ჩავა.

42
თემები:
ამინდის ზუსტი პროგნოზი თბილისში
ავტომობილისტები მზად არიან ვაკიდან საცხოვრებლად სხვაგან გადავიდნენ

ავტომობილისტები მზად არიან ვაკიდან საცხოვრებლად სხვაგან გადავიდნენ

97
ვაკეში, ილია ჭავჭავაძის გამზირზე თბილისის მერიამ მასშტაბური სარეაბილიტაციო სამუშაოები ჩაატარა და რადიკალურად შეცვალა საზოგადოებრივი ტრანსპორტის მოძრაობის სქემა. ამან საავტომობილო საცობები და ავტომობილისტების უკმაყოფილება გამოიწვია
ავტომობილისტები მზად არიან ვაკიდან საცხოვრებლად სხვაგან გადავიდნენ

 

რეაბილიტაციის მსვლელობისას ჭავჭავაძის გამზირზე გაფართოვდა ტროტუარები, გაჩნდა ორბორბლიანი ტრანსპორტის ბილიკები.

მსუბუქი ავტომობილებისათვის გამზირის ორივე მხარეს ხოლოდ ერთი სამოძრაო ზოლი დარჩა - გზის ცენტრში განთავსებულია ავტობუსის გაჩერებები და რევერსული ზოლები საზოგადოებრივი ტრანსპორტისათვის.

გახსნის დღიდან გამზირზე და მიმდებარე ქუჩებზე წარმოიქმნა საცობები, რამაც ავტომობილისტების უკმაყოფილება გამოიწვია. ზოგიერთმა მათგანმა სოციალურ ქსელებში ხუმრობითაც დაწერა, რომ მზად არიან საცხოვრებელი ადგილი შეიცვალონ.

97
მობილური ტელეფონი

თამარ ბაჩალიაშვილის მობილურ ტელეფონს ექსპერტიზა უტარდება

0
(განახლებულია 14:33 08.08.2020)
რამდენიმე დღის წინ  შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა

 

თბილისი, 8 აგვისტო - Sputnik. ლევან სამხარაულის სახელობის ექსპერტიზის ეროვნულ ბიუროში გარდაცვლილი თამარ ბაჩალიაშვილის მობილური ტელეფონის ექსპერტიზა მიმდინარეობს, იუწყებს ტელეკომპანია Rustavi2.

23 წლის თამარ ბაჩალიაშვილი ხუთი დღის ძებნის შემდეგ თეთრიწყაროს რაიონში, საკუთარ ავტომობილში გარდაცვლილი იპოვეს. ის სახლიდან 18 ივლისს გავიდა და უკან აღარ დაბრუნებულა.  

ექსპერტებმა უნდა ნახონ, რა ინფორმაცია ინახება ტელეფონში და ვისთან ჰქონდა თამარ ბაჩალიაშვილს ბოლოს კომუნიკაცია.

როგორც ბაჩალიაშვილის ოჯახის ადვოკატმა მიხეილ რამიშვილმა განაცხადა,  გარდაცვლილის კუთვნილი მობილური ტელეფონი მის თვალწინ დაილუქა.

„დავაკვირდებით, თუ როგორ იქნება ეს პროცედურები ჩატარებული. მეც ახლა უნდა ვნახო, რა მდგომარეობაშია მობილური ტელეფონი, რადგან ის ჩემს თვალწინ დაილუქა იმ დროს, როდესაც ავტომობილიდან ამოიღეს. შესაბამისად, ლუქზე ჩემი ხელმოწერა იყო დაფიქსირებული. მსგავსი რამ ლეპტოპზე არ ყოფილა, რადგან ის საქმეში ჩემს ჩართულობამდე ამოიღეს,"- განაცხადა  რამიშვილმა. 

რამდენიმე დღის წინ  შსს-მ გოგონას კუთვნილი ნოუთბუქის ექსპერტიზის შედეგები გაასაჯაროვა, რომლის თანახმადაც გოგონა სუიციდზე ფიქრობდა და თვითმკვლელობის მეთოდების შესახებ ინფორმაციას ეძებდა.

თავდაპირველად ბაჩალიაშვილის გაუჩინარებაზე საქმე აღძრული იყო თავისუფლების უკანონო აღკვეთის მუხლით, თუმცა შემდეგ კიდევ ერთი მუხლი – თვითმკვლელობამდე მიყვანა დაემატა.

 შესაძლო თვითმკვლელობის ვერსიას გამოძიება იმ ფაქტის გათვალისწინებით განიხილავს, რომ სხეულის წინასწარმა დათვალიერებამ ტრავმები და ჭრილობები არ გამოავლინა. ასევე ეჭვს იწვევს ის, რომ ავტომობილში ცხედრის ნივთებში ნაპოვნ წამლებს 20 აბი აკლია. მანქანაში იპოვეს ჩანაწერიც „თანხა ანგარიშზეა, გამოიყენეთ“.

0
თემები:
შემთხვევები საქართველოში