თბილისის მერია

თბილისის მერიაში საკადრო გადაადგილებებია

101
(განახლებულია 17:56 20.05.2020)
კახა კალაძეს ახალი მოადგილე ჰყავს. გარდა ამისა, ახალი ხელმძღვანელი ჰყავს თბილისის ურბანული განვითარების საქალაქო სამსახურსაც.

თბილისი, 20 მაისი – Sputnik. თბილისის მერის ერთ-ერთი მოადგილის თანამდებობაზე, რომელიც ადრე სოფიო ხუნწარიას ეკავა, ანდრია ბასილაია დაინიშნა.

როგორც კალაძემ დედაქალაქის მთავრობის სხდომაზე განაცხადა, მისი ახალი მოადგილე პროფესიით ეკონომისტი და პოლიტოლოგია, დამთავრებული აქვს ნიუ-იორკის წმინდა ლაურენსის უნივერსიტეტი (St. Lawrence University). 

„მინდა წარმოგიდგინოთ ჩემი ახალი მოადგილის ანდრია ბასილაიას კანდიდატურა, რომელიც 2017 წლიდან ჩვენი გუნდის წევრია. მას ამ დრომდე სხვადასხვა მნიშვნელოვანი თანამდებობა ეკავა და მის ანგარიშზე მრავალი წარმატებული პროექტია. ანდრია ნამდვილი პროფესიონალი, წარმატებული ადამიანია და მინდა ამ თანამდებობაზე წარმატებები ვუსურვო მას“, – განაცხადა კალაძემ.

ვიდრე სოფიო ხუნწარიას ადგილს დაიკავებდა, ორი წლის მანძილზე ბასილაია ეკონომიკური განვითარების საქალაქო სამსახურს ხელმძღვანელობდა.

რაც შეეხება სოფიო ხუნწარიას, მას მერის მოადგილის თანამდებობა 2018 წლიდან ეკავა და თავიდანვე გუნდის წევრი იყო. მან ამ დღეებში საკუთარი სურვილით მიიღო საჯარო სამსახურიდან კერძო სექტორში გადასვლის გადაწყვეტილება.

მერის სიტყვებით, მისი ყოფილი მოადგილის ყველა პროექტი წარმატებული იყო. მათ შორის კალაძემ „თბილისობა“, საახალწლო დღესასწაულები და პროექტი „ღია ცის ქვეშ“ დაასახელა. 

გარდა ამისა, ახალი ხელმძღვანელი ჰყავს თბილისის ურბანული განვითარების საქალაქო სამსახურს. ვიქტორ წილოსანს მანამდე თბილისის ტრანსპორტის განვითარების სააგენტოს უფროსის პოსტი ეკავა.

როგორც კალაძემ აღნიშნა, სწორი საქალაქო პოლიტიკა მთავრობის პრიორიტეტს წარმოადგენს.

„მინდა მას წარმატებები ვუსურვო, ეს ძალზე მნიშვნელოვანი სამსახურია. ამ მიმართულებით პრობლემები არსებობს. იცით ჩემი დამოკიდებულება, რამდენად მნიშვნელოვანია ურბანული თვალსაზრისით ქალაქის სწორი განვითარება. არ უნდა დავივიწყოთ, რომ ჩვენ ვართ მთავრობა, რომელმაც თბილისის გენგეგმა მიიღო. ჩვენ ვართ ადამიანები, რომლებიც არ დავუშვებთ სკვერებსა და პარკებში მშენებლობების განხორციელებას. და მე შემიძლია ამასთან დაკავშირებით უამრავი მაგალითი მოვიყვანო, როგორიცაა, მაგალითად, კუს ტბაზე ან ვაკის პარკში სასტუმროების მშენებლობა“, – განაცხადა კალაძემ.

რაც შეეხება წილოსანის წინამორბედს გიორგი ებანოიძეს, იგი საქმიანობას „თბილისის განვითარების ფონდის“ დირექტორის მოადგილის თანამდებობაზე გააგრძელებს.

101
თემები:
თბილისის მერია (201)
თბილისი

როგორი ამინდი იქნება თბილისში ხუთშაბათს, 4 ივნისს

6
(განახლებულია 11:51 02.06.2020)
სინოპტიკოსები დედაქალაქში ხუთშაბათს 31 გრადუსამდე სიცხეს პროგნოზირებენ, ამ ჯერად წვიმისა და ელჭექის გარეშე

თბილისი, 2 ივნისი — Sputnik. სინოპტიკოსების პროგნოზით, თბილისში ხუთშაბათს, 4 ივნისს მზიანი და ცხელი ამინდი იქნება.

ჰაერის ტემპერატურა ღამით იქნება +18, ხოლო დღისით – 31 გრადუსი.

ქარი ღამით 10–15 მეტრი წამში სიჩქარით დაუბერავს, დღისით კი დროგამოშვებით კი 20–25 მეტრამდე გაძლიერდება.

მზე 05:27 საათზე ამოვა და 20:31 საათზე ჩავა.

6
თემები:
ამინდის ზუსტი პროგნოზი თბილისში
საგანგებო მდგომარეობა გაუქმდა, შეზღუდვები დარჩა

საგანგებო მდგომარეობა გაუქმდა, შეზღუდვები დარჩა

29
საქართველოში მოქმედება შეწყვიტა საგანგებო მდგომარეობამ, რომელიც კორონავირუსის გავრცელების საწინააღმდეგოდ დაწესდა. თუმცა, გარკვეული შეზღუდვები კვლავ ძალაშია
საგანგებო მდგომარეობა გაუქმდა, შეზღუდვები დარჩა

 

მიუხედავად იმისა, რომ საკომენდანტო საათი და საგანგებო მდგომარეობა გაუქდა და მუშაობა განაახლა საზოგადოებრივმა ტრანსპორტმა, სავაჭრო ობიექტებმა და სხვადასხვა კვების ობიექტებმა, ახალი კორონავირუსი COVID-19 არსად გამქრალა. დაინფიცირების ახალი შემთხვევები საქართველოში ყოველდღიურად ფიქსირდება მცირე რაოდენობით.

ამასთან დაკავშირებით, კვლავ მოქმედებს სოციალური დისტანციისა და მაღაზიებსა და შენობებში ნიღბის ტარების წესები. ეპიდემიოლოგები არ გამორიცხაავენ, რომ, თუ სიტუაცია გაუარესდება, შეზღუდვები კვლავ გამკაცრდება.

29
რუსეთის სამხედრო პოლიცია სირიაში

მოსაზრება: რაში სჭირდება რუსეთს სამხედრო ბაზების გაფართოება სირიაში

0
(განახლებულია 12:48 02.06.2020)
სირიაში სამხედრო ბაზების გაზრდით რუსეთი საკუთარ საერთაშორისო პოზიციებს იმყარებს და ხმელთაშუა ზღვისპირეთსა და ახლო აღმოსავლეთზე კონსტრუქციულ გავლენას იფართოვებს  

ალექსანდრ ხროლენკო

რუსეთის პრეზიდენტმა ვლადიმირ პუტინმა 29 მაისს რუსეთის თავდაცვისა და საგარეო საქმეთა სამინისტროებს დაავალა, მოელაპარაკონ სირიის წარმომადგენლებს რუსული ბაზებისთვის დამატებითი უძრავი ქონებისა და აკვატორიების გადაცემის თაობაზე. შეთანხმების მიღწევის შემდეგ უწყებებმა სირიის მხარესთან ხელი უნდა მოაწერონ მას რუსეთის ფედერაციის სახელით.  ეს არის არა იმპულსური გადაწყვეტილება, არამედ გამოცდილი სტრატეგიისა და ტაქტიკის განვითარების გაგრძელება – ვითარებისა და საერთაშორისო სამართლის ნორმების შესაბამისად. 

პასუხობს რა დროის გამოწვევებს, რუსეთს აუცილებლად ესაჭიროება სამხედრო–პოლიტიკური გავლენის გაძლიერება ხმელთაშუა ზღვისპირეთსა და ახლო აღმოსავლეთში და ასევე სამხედრო კონტინგენტის ათობით წლის განმავლობაში შენარჩუნება სირიაში. უპირველესად, საერთაშორისო სტაბილურობის მხარდასაჭერად. დღეს, ირანის ჯარების უდიდესი ნაწილის გაყვანისა და ლიბანური ჰესბოლას შინ დაბრუნების შემდეგ, რუსული დაჯგუფება ერთადერთ უცხურ ძალად რჩება, რომელიც წარმატებით და ლეგიტიმურად ებრძ ვის სირიაში ტერორისტულ ორგანიზაციებს. ტაქტიკური კუთხით, რუსული სამხედრო ობიექტების ტერიტორიული გაფართოება აუცილებელია უსაფრთხოების პერიმეტრის საიმედო დაცვისთვის ტარტუსში, ჰმეიმსა და შესაძლოა სხვა წერტილებშიც.

სირიაში ორი მსხვილი რუსული სამხედრო  ობიექტი მოქმედებს — ჰმეიმის ავიაბაზა და მატერიალურ–ტექნიკური უზრუნველყოფის პუნქტი ტარტუსში. შეგახსენებთ: დამასკის ოფიციალური თხოვნით, 2015 წლის სექტემბერში ჰმეიმში შეიქმნა რუსეთის სამხედრო კოსმოსური ძალების საავიაციო ჯგუფი და „ისლამური სახელმწიფოს“ წინააღმდეგ ოპერაცია დაიწყო. მოგვიანებით, 2017 წელს მოსკოვმა და დამასკმა ხელი მოაწერეს კიდევ ერთ დოკუმენტს, რომლის თანახმადაც ტარტუსში 11 რუსულ ხომალდ შეეძლო ბაზირება. გარდა ამისა, მოიაზრება პორტის ხომალდსარემონტო შესაძლებლობების გაფართოებაც.

რეგიონული სტაბილურობა

თქმა არ უნდა, სირია იწონებს რუსეთის სამხედრო გაფართოებას საკუთარ ტერიტორიაზე — ხმელეთსა და ზღვაზე. თანაც იმდენად ღიად და მტკიცედ, რომ დასავლეთის ცალკეული მცდელობები, გაუფუჭოს რუსეთს რეპუტაცია დეზინფორმაციით, თითქოს დამასკსა და მოსკოვს შორის რაღაც განხეთქილება არსებობს სამხედრო და სახმედრო–ტექნიკური თანამშრომლობის სფეროში, აშკარად საცოდავად გამოიყურება. 

რუსეთისა და სირიის ურთიერთქმედება — ეს არის გზა მშვიდობისა და სტაბილურობისკენ ცხოვრების ყველა სფეროში. ეს კარგად ესმით რეგიონულ მოთამაშეებს. მეორე მხრივ, ხმელთაშუა ზღვისპირეთში აშშ–ის სამხედრო–საზღვაო ძალების მე–6 ფლოტის ყოფნა და სირიის ნავთობმომპოვებელი ზოგი რაიონის ოკუპაცია (გაეროსა და არაბული რესპუბლიკის რაიმე სანქციის გარეშე) ,  არის მრავალწლიანი სამხედრო–პოლიტიკური ტურბულენტობისა და მშვიდობიანი მოსახლეობისთვის საფრთხის წყარო. 

რუსეთის შეიარაღებული ძალების გენერეალურმა შტაბმა 1 ივნისს აშშ–ის საჰააერო დაზვერვას რუსული სამხედრო ობიექტების სიახლოვეს აგრესიული და რუსეთთან მოლაპარაკებების საწინააღმდეგო უწოდა. და მაინც, ამერიკელებსა და სხვა „პარტნიორებს“ რაღაც დროის წინ გაუჩნდათ დაუსჯელობის შეგრძნება ახლო აღმოსავლეთსა და ხმელთაშუა ზღვაში — იშვითად თუ ჩაივლის კვირა ისე, რომ რუსულმა გამანადგურებლებმა აშშ–ის სამხედრო–საზღვაო ძალების მე–6 ფლოტის მზვერავი თვითმფრინავები არ ჩაიჭირონ. რუსეთის შეიარაღებული ძალების გენერალური შტაბის მონაცემებით, მაისში ასეთი 17 ეპიზოდი მოხდა. ყველა შემთხვევაში რუსული ავიაციის გაფრენები საჰაერო სივრცის გამოყენების შესახებ საერთაშორისო წესების შესაბამისად ხორციელდება — გამანადგურებელ Су-35–ს მანევრები მხოლოდ მიანიშნებენ ამერიკულ მზვერავ თვითმფრინავებს, საით არ უნდა გაფრინდნენ.

მსოფლიოში ფართოდ გახმაურდა ეპიზოდი, როდესაც ბრიტანულმა წყალქვეშა ნავმა სირიის ტერიტორიაზე ფრთოსანი რაკეტებით შეტევა სცადა, თუმცა ამის გაკეთება ვერ შეძლო, ვინაიდან რუსულმა სუბმარინებმა აიძულეს მას მანევრირება, ბოლოს კი საერთოდაც აიძულეს, გასულიყო პოზიციური რაიონიდან. 

შეეხო რა სირიის პრობლემატიკას, აშშ–ის სპეცწარმომადგენელმა სირიის საკითხებში ჯეიმს ჯეფრიმ ამ დღეებში განაცხადა: „ჩემი ამოცანაა, ვაქციო ის ჭაობად რუსეთისთვის“.

რუსეთის მრავალმხრივი მონაწილეობით სირიის დარეგულირების ოთხწლიანი პოზიტიური დინამიკის გათვალისწინებით,  „დაჭაობების“ ამოცანა ნამდვილად ვერ შესრულდება ხილულ პერსპექტივაში. მოსკოვის სამომა ვლო გეგმე ბი უკიდურესად ნათელია. პრეზიდენტმა პუტინმა მანამდე განაცხადა:

„ჩვენ იქ ვართ იმისთვის, რომ და ვიცვათ საკუთარი ინტერესები ამ რეგიონში. სამხედროები იქ დარჩებიან მანამ, სანამ ეს ჩვენს ინტერესებში იქნება“.

ლოგიკურია ვივარაუდოთ, რომ უახლოეს 50 წელში რუსული ჯარების გამოყვანა არ იგეგმება, ხოლო სირიის საოპერაციო სივრცის გაფართოება რუსეთს საშუალებას მისცემს, უფრო ეფექტურად ირეაგიროს რეგიონში ვითარების ცვლილებაზე.

ახალი იარაღი

რა თქმა უნდა, სირია რუსული იარაღის გამოსაცდელი პოლიგონი არ არის, მაგრამ ისე გამოვიდა, რომ სწორედ სირიული ოპერაციების დროს მოხერხდა მოწინავე ნიმუშების გამოცდა.

სირიის სამხედრო მოქმედებების თეატრში პირველად გამოიყენეს რუსეთის სამხედრო–საზღვაო ფლოტის ფრთოსანი რაკეტები „კალიბრი“, წყალზედა ხომალდები და სუბმარინები. 

რუსეთის შორეულმა ავიაციამ ასევე პირველად გამოიყენა ტერორისტების წინააღმდეგ უახლესი ზეზუსტი სტრატეგიული ფრთოსანი რაკეტები Х-101, რომელთა ფრენის სიშორე 5000 კილომეტრია. სამხედრო ძლიერების ეს დემონსტრაცია არის მკაფიო სიგნალი არაკეთილისმსურველებისთვის.

სირიის არაბულ რესპუბლიკაში დამტკიცდა ბომდამშენ Су-34–ის მაღალი ეფექტურობა. წარმატებით გაიარეს გამოცდა საბრძოლო პირობებში მეხუტე თაობის მძემე მრავალსამიზნიანმა გამანადგურებელმა Су-57–მა, უახლესმა ტანკმა Т-14 „არმატამ“, რადიო–ელექტრონული ბრძოლის სისტემებმა და კიდევ ბევრმა სხვამ.

უახლესი რუსული შეიარაღები სირიაში პრაქტიკული გამოყენება კანონზომიერად იწვევს პოტენციური უცხოელი მყიდველების ინტერესს: სულ უფრო იზრდება რიგი  ბომბდამშენ Су-34–ის შეძენაზე. ეგვიპტესთან, ინდოეთთან, ჩინეთთან და სხვა ქვეყნებთან  მოლაპარაკებების შემდეგ, მოსკოვმა წინასწარი განაცხადები მიიღო Т-14 „არმატას“ შესყიდვაზე. შესაძლოა სირიის ოპერაცია საბოლო ჯამში არა მარტო ურთიერთსასარგებლო გამოდგეს მოსკოვისა და დამასკისთვის, არამედ მოგებიანიც.

და კიდევ ერთი ფასდაუდებელი შენაძენი რუსეთისთვის: საბრძოლო მოქმედებებში რუსულმა ჯარებმა უნიკალური გამოცდილება მიიღეს, რასაც ისინი ვერანაირი სწავლების დროს ვერ მიიღებდნენ.

P.S. რედაქცია შესაძლოა არ ეთანხმებოდეს ავტორის მოსაზრებებს!

0